الحلقة الثامنة
يقفل معاها سيف وهو مضايق ويفضل يبص لدبلته وبعدين يقرر انه يروح الشركة
لنرمين
عشان يتكلموا ويحددوا مصير جوازهم..
يلبس ويجي يخرج من باب الفيلا فتلاقيه سيلينا خارج..
سيف:ايوة يا سيلينا
سيلينا:مالك؟
سيف:مفيش ليه؟
سيلينا:لا اعرف .. حساك مضايق؟
سيف:ههههه ضحكتيني يا سيلينا والله.. يابنتي اتكلمي كله مصري بقى ‘ انتي
النهاردة الناس هتشوفك
ولو حد سمعك بس بتتكلمي كده هيشك في امرك! واحنا مش عايزين حد ياخد باله..
سيلينا:حاضر.. بحاول
سيف:طيب انا نازل بسرعة وراجع
سيلينا:بردو مش هتقولي مالك؟
سيف:مش دلوقتي..بعدين ..سلام
خرج سيف وهو مضايق وفي نفس الوقت فرحان ‘ حس ان سيلينا حاسه بيه اكتر من
نرمين . بس كان
بيضايق من نفسه اوي لانه شايف ان دي خيانه لنرمين وانها حتى لو مقصرة معاه
في حجات فهو
مينفعش يبدأ يفكر في غيرها.
بس غصب عنه كان بيفكر دايما في سيلينا لان اول ما بيكون مضايق هي اول واحدة
بتحس بيه..هي
اول واحدة لما يكون مضايق بتخليه يضحك وهي اللي فاهماه كويس اوي‘ رغم انها
معشتش معاه
اد ما نرمين عاشت..
وصل للشركة ونزل من العربية وطلع فوق ‘راح لمكتب نرمين ملقهاش فافتكر انها
مشيت ولسه
هينزل قابل السكرتيرة..
السكرتيرة:استاذ سيف اكيد حضرتك بتدور على الاستاذة نرمين؟
سيف:اه.. هي مشيت صح؟
السكرتيرة:لا هي في مكتب الاستاذ شادي
سيف بضيق:مكتب شادي!! بتعمل ايه؟
السكرتيرة:مش عارفة .. اصل هما جوة المكتب ومولعين النور الاحمر وده معناته
انهم بيتفقوا على
شغل مهم ومش عايزين حد يزعجهم..
سيف:بقالهم اد ايه؟
السكرتيرة:لا مفيش دول بس نص ساعة
سيف:طيب هستناها
السكرتيرة:طيب اتفضل حضرتك في مكتبي مش معقول تستناها هنا وانا بس رايحة
اعمل شغل
وجاية..
راح سيف لمكتب السكرتيرة واللي هو قبل مكتب شادي وفضل سيف قاعد مستني وهو
متغاظ جدا
من نرمين واستهتارها بمشاعر سيف واحاسيسه.. وبعدين فضل يلعب على الحجات
اللي على المكتب
عشان يسلي نفسه بيها وينسى شوية انه متغاظ من نرمين..
وبعد ساعة الا من الانتظار كان سيف وصل لاخره وقال:لاااا بقى كده كتير ‘
انا داخل ليهم
السكرتيرة:يا استاذ سيف مينفعش
يدخل سيف المكتب وهو متعصب اوي ويلاقي نرمين قاعدة جمب شادي وحاطط ايده على
ايدها
وكانوا بيضحكوا واول ماشافت سيف اتخضت جامد وقالت:سيييييف!!
شادي بعصبية:فيييييييين الحماااااارة اللي مقعدها برررررة!!!!!! ازااااااي
تخليك تدخل كده!! انت مش
شايف اني مولع النور الاحمر!!
السكرتيرة بخوف:والله يا فندم انا قلتله بس هو مسمعش كلامي
شادي:مخصوم منك عشرة ايام
سيف بعصبية:بتخصم منهاااا ليه !!؟؟ اناااا اللي دخلت غصبن عنها..
يبص لنرمين ويقلها بعصبية:اتفضلي حصليني على مكتبك وبسررررررررررررررعة
ويمشي وتمشي وراه نرمين واول ما يدخلوا المكتب يلف عليها سيف ويمد ايده
عليها..
نرمين:انت حيوااااااااان .. انت بتستعبط؟؟؟
سيف:انا فعلا حيوان لاني خطبت واحدة زيك!! انا حيوان لاني استحملت انسانة
بشعة زيك.. انسانة كل
همها الفلوووس والمصالح وعندها اي استعدااااد اي استعداااااد انها تخسر
مبادئها عشان الفلوووس
دي..انسانة ممكن تبيع نفسها بالرخييييييص .. عارفة كل مررررة كنت ابقى عايز
اسيبك اقول
لا معلش اكيد مع الوقت هتحس ‘ اكيد مع الوقت هتاخد بالها ‘ اكيد مع الوقت
هتكبر وتعقل وتحترم
نفسها بقى. لكن الوقت بيعدي وانتي زي ما انتي حيوااااااانه وجبلة
مبتحسيييييش!!
نرمين:اطلع بررررررررة
سيف بيقلع دبلته وبيرميها في وشها وبيقلها:خلي شادي بقى ينفعك‘ وابقي تفي
على وشي لو فكر
اصلا يتجوزك.. عارفة ليه؟ لان اللي زيك يادوب مزاج مش بتوع جواز..
يخرج سيف ويكون ماشي على سرعة رهيبة من الغضب اللي كان جواه ويوصل البيت
واول مايوصل
ويدخل يلاقي نادر وسارة وسيلينا قاعدين..
نادر:ايه يا عم؟ مبتردش على تلفونك ليه؟؟
سارة:كنت فين يا سيف؟
سيف:كنت عند نرمين
نادر:اممم عشان كده بقى مبتردش!
سيف:انا فسخت خطوبتي معاها..
سارة بفرح:بجدددددددد؟؟؟؟
نادر:ياااااااااااه كفاااااارة يا جدع
سيف:ايوة والله بس ضربتها بالقلم وكنت عايز اشدها من شعرها بس مسكت نفسي
بالعافية عشان
ميصحش اضرب بنت اصلاااا..بس قلة ادبها وحقارتها خلتني مش قادر ولازم اضربها
قلم...
سيلينا:انت كويس؟؟
سيف:اه
نادر:طيب يلا نخرررج بقى
سيف:تيجوا نسافر؟؟
سارة:ايه؟ نسافر يا مجنون مرة واحدة؟
نادر:هنسافر فين؟
سيف:تعالى نشد على مارينا او شرم او حتى الغردقة.. اي مكان مش قادر مخنوووق
ومش عايز افضل
في مكان واحد موجود فيه الزفتة نرمين..
سارة:طب والله فكرة وبكرة اصلا الخميس وانت يا نادر اجازة لحد يوم الاحد ..
نادر:اممم مش عارف؟
سيف:ايه رايك يا سيلينا؟
سيلينا:ايه؟ انااا؟!
سيف:اه هتيجي معانا
سيلينا بفرح:بجد؟ هو انا ينفع
اسافر زيكم؟
سيف:اه وليه لا ‘ طالما اثبتنا وجودك في الحياة دي!!
سيلينا:انا معنديش مانع لو جدي وافق على سفري..
سارة:اه صحيح وجدوه يقعد لوحده؟؟
سيف:وايه الجديد يعني يا سارة؟ ماهو دايما لوحده؟!
سيلينا:وليه لا يأتي معانا؟؟
سيف:سيلينااااااا
سيف:اسفة وليه ميجيش معانا؟؟
نادر:هيرفض..
سيف:انا هطلع الاوضة واقله ولو وافق يبقى كلنا نشد على الغردقة احلى مكان..
استنوني الحلقة اللي جاية
