الحلقة السادسة
سيلينا:هربنا الى جدي لوديفكو ‘ هو مخترع اجهزة غريبة وهو الذي اخترع الة
نقل الزمن ولكنه لم
يكن واثقا بعد انها تعمل! وحين هجموا علينا حاشية ابي لم اجد مكانا اختبأ
فيه الا هذه الالة لانها لا تعمل
على حسب قول جدي!! ولم اشعر بشيء الا حين فتح جدك الجهاز ورأيتكم..
سيف:ده اكيد جدو.. بس غريبة يعني مفتحش بالمفتاح ليه؟ يمكن نسيه؟
ويقوم عشان يروح يفتح الباب فتصرخ سيلينا مذعورة:لا تذهب بالضوء
سيف:اه معلش نسيت
ويسيب التلفون على الترابيزة اللي قدامها ويروح يفتح الباب ويلاقي نرمين
واقفة قدامه
نرمين وهي داخلة:ايه ده الضلمة دي؟؟
سيف:النور قاطع
نرمين بخبث:وانت هنا لوحدك؟!
سيف:لا ..سيلينا جوة
نرمين بضيق:امممم وجدك فين؟
سيف:برة
نرمين بغضب:نعمممم!!!! انا مش قلتلك متقعدش مع الزفتة دي لوحدكم
سيف يزهقها لبرة الفيلا ويرد الباب عشان مكنش عايز يقفله لسيلينا تخاف وفي
نفس الوقت مش عايزها
تسمع كلام نرمين..
نرمين:انت كمان بتزقنيييي!!!!! انت اتجنتت
سيف بعصبية:البنت قاعدة في الصالة وهتسمع كلامك البايخ عليها!
نرمين:وهي بتفهم يعني!
سيف:اينعم مبتفهمش كل الكلام ‘ لكن بتفهم يانرمين!
نرمين:بص انا سبت العزومة وسبت شاااادي وجيت عشان اصالحك والاقيك مع الزفتة
دي ولوحدكم
والنووور قاطع! والمفرووووض اصدق؟!
سيف بعصبية:انت غبية ولا غبية؟ يعني ايه المفروض تصدقي ان النور قاطع؟ ايه
هقطع النور مثلا؟؟
نرمين:والله مش عارفة بقى!
وفجأة النوور يجي فيبص سيف ليها ويقلها:اهو رجع اهو وانتي هنا و وانا واقف
معاكي ..
نرمين:تؤ يا سيف انا بغير عليك
سيف:هتغيري عليا من ايه يا نرمين؟
نرمين بدلع: بغير عليك من كل حاجة.. انت بتاعي انا ومش هسمح لاي حد ياخدك
مني! ولا من زمنا
ولا من القرن الخامس عشر!
وتشاور بايدها على جوة على اساس قصدها سيلينا..
سيف: انا حبيتك يا نرمين رغم اختلاف شخصيتنا وخطبتك على الاساس ده .. بس
انتي اللي دايما
بتعملي حجات تبوظ العلاقة دي..
نرمين:طب خلينا نروح اي حتة نتعشى فيها ونتكلم على رواقة!
سيف:طب ممكن يا حبيبتي نخش نستنى بس جدو عقبال ما يجي ‘ عشان مقدرش اسيبها
لوحدها..
نرمين:اففففففففففف ليييه يعني!! العووو هياكلها ولا العو هياكلها؟!
سيف:اديكي شفتي النور قطع ازاي! تخيلي بقى لو كانت لوحدها؟! دي كانت ممكن
تموت من الرعب
نرمين:يوووووووه بقى يا سيف على دلعها وقرفهاااا!! يعني انا مش مجبورة انا
وخطيبي نقعدلها
زي الدادا؟!!
سيف:معلش يا حبيبتي انا هدخل اكلم جدو واقله يجي بسرعة ونخرج انا وانتي..
نرمين:افففف ماااشي..
ويدخل سيف يلاقي سيلينا لسه قاعدة زي ما هي في مكانها وتدخل نرمي نوراه بكل
غرور وكبرياء..
سيف:مالك يا سيلينا قاعدة كده ليه؟
سيلينا:اخشى ان اذهب الى اي مكان فيتنقطع الكهرباء مرة اخرى!
سيف:لا متخافيش.. طبعا انتوا عارفين بعض رغم انكم شفتوا بعض مرة واحدة بس..
سيلينا:نعم اتذكرها..
نرمين:اففففف.. روح يا سيف البس يلا عشان نخرج..
سيلينا بخوف:هل ستتركني وحدي؟؟
نرمين بعصبية:يعني كان من بقية اهلك وانا مش واخده بالي ولا كان حبيبك ولا
صحبك عشان يقعد
معاكي!!
سيلينا:اعتذر ولكني اخشى الظلام!
سيف وهو بيبرق لنرمين عشان تسكت:متخافيش يا سيلينا انا مجرد هروح البس
واستنى معاكي لحد
ما جدو يجي..
سيلينا:اشكرك..
نرمين:يااااااربي على الطريقة الغبية اللي بتتكلمي بيها دي انا مش مصدقة
لحد دلوقتي ان فيه ناس
بتتكلم كده! انت ايه يا سيف مبتجبوش ليها مدرس ولا ايه؟!
سيف:نرمين اتفرجي على التلفزيون شوية لحد ما البس واجي..
سيلينا:هل تودين ان تشربي شيئا؟
نرمين بسخرية:ههههههه ده على اساس انك صاحبة البيت وانا ضيفة مثلا ولا
ايه؟؟ لا اصحى وفووقي
انتي هنا اللي ضيفة وانااا صاحبة البيييت..
سيلينا:لم اقصد هذا المعنى! لقد اردت ان اضايفك ليس أكثر..
نرمين:لا ضايفي نفسك يا شاطرة..
وتفتح نرمين التلفزيون وتفضل تقلب في القنوات لحد ما تجيب قناة عليها فيلم
تايتنك وتقعد تتفرج
وبالتالي تتفرج معاها سيلينا ولما اندمجت سيلينا اوي في الاحداث قامت فجأة
نرمين غيرت القناة عند!
سيلينا:لماذا؟؟ لقد أحببت الفيلم..
نرمين:بااااايخ وواتفرجت عليه الف مرة وممل واحداثه مش واقعية ابدا!!
سيلينا:لكنني لم اشاهده من قبل.. هل يمكنك ان تأتي به مرة اخرى؟
نرمين بسخرية:لا يمكنني..
تكسف سيلينا لانها حست ان نرمين بتتريق عليها ففضلت تتفرج وهي ساكتة على
التلفزيون ونرمين
وهي كل شوية تغير القنوات ‘ لحد ما جابت قناة اغاني انجليزي وخلتها وقعدت
تتفرج عليها وهي
مبسوطة على اساس ان القناة مش هتعجب سيلينا..
لحد ما نزل سيف ليهم وقال:ايه بتعملوا ايه؟
نرمين بدلع مقصود:مفيش يا روحي..قاعدين بنتفرج على التلفزيون بس ممل اووي
مفهوش حاجة حلوة
سيف:طب هاتي الريموت كده نشوف في ايه؟
نرمين:كلمت جدك؟
سيف:اه كلمته وقالي نص ساعة وجاي
نرمين:اففففففففففففففففففففففففففففف نص ساعة كتيييير اوووي يا سيف..
سيف:طب اعمل ايه مقدرش اسيب سيلينا لوحدها وامشي ..
وبعدين بص لسيلينا ولقاها خايفة قام غمزلها عشان تتطمن انه مش هيسيبها
لوحدها فابتسمت ليه ابتسامة
رقيقة..
نرمين:اممممم طيب يا حبيبي ‘ عشان تعرف بس اني بستحمل اهو مش زي ما بتقلي
انانية..
ويبدأ سيف يقلب في القنوات فيرجع يجيب القناة اللي كانت عليها فيلم تاتينك
واول ما يشوف الفيلم
يقول:الله تاتينك انا بحب الفيلم ده اوووووي
سيلينا:نعم انا ايضا احببته ولكن نرمين لا تحبه وقررت ان تشاهد شيئا اخر!
سيف:ايييه حرام عليكي يا نرمين.. حد ميحبش تايتنك!!
نرمين:وايه يعني تاتينك اللي انتوا فرحانين بيه اووي ده! ده حتى فيلم قديم
وبايخ وقصتة غبية زي
اللي الفه؟؟
سيف:لا يابنتي .. ليه بتقولي كده؟؟
نرمين بعصبية:عشان كله مشاهد حب اووفر ومش واقعي ابدا وتحسه بيتكلم في خيال
سيف:بالعكس انا شايف ان قصة الحب اللي بينهم كانت روووعة!
نرمين:انت كده دايما بتحب المشاعر والاحاسيس اللي ملهاش اي تلاتين لازمة
دي؟!
سيف:وانتي دايما هتفضلي تحقري من مشاعر واحاسيس اللي قدامك!!
نرمين:لاا انا بعرف امتى ادي مشاعري وامتى اخليها عندي لان ملهاش لازمة
تخرج!
سيف بيبص لسيلينا اللي بتتفرج باهتمام على الفيلم ومش مركزة لنقاشهم
فسألها:
عجبك الفيلم يا سيلينا؟
سيلينا:مازلت لم انتهي منه ولكنه جذبني جدا واحببته..
ويدخل الجد من برة واول ما نرمين تشوفه تقول:يلااا يا سيف اهو جدك جه
سيف:ازيك يا جدو؟ ايه كل ده؟ كنت فين؟
الجد:مفيش روحت مشوار كده
سيف:ايوة فين يعني يا جدو؟؟
الجد:مشوار يا بني كده ‘ اما اخلص منه الاول هبقى اقلك..
سيف:طيب ‘ انا خارج بقى مع نرمين..
الجد:مش كنتوا من شوية مع بعض؟!
نرمين :وفيها ايه يعني اما نخرج تاني!!
الجد:خد خطيتك وامشي يا سيف عشان انا المرارة بتتفقع اما تتكلم كتير..
خرجت نرمين بعصبية من الفيلا ..
سيف:ايه يا جدو ما براحة عليها
الجد:خطيبتك قليلة الادب ومحتاجة تتعلم تكلم الكبار ازاي!
سيف:سلام يا جدو
الجد:سلام
بعد ما يخرج سيف ‘ يبص الجد على سيلينا يلاقيها لسه بتتفرج على الفيلم بكل
تركيز واهتمام فيقلها:
عاجبك الفيلم؟
سيلينا:نعم.. هل تريد شيئا مني يا جدي؟
الجد:لا يا حبيبتي انا طالع انام عشان تعبان ‘ لو حصل اي حاجة او احتجتي اي
حاجة ناديني..
سيلينا:باذن الله..
اما نرمين فكانت متعصبة جداااا وهي في العربية وبتقول لسيف:هو ازااااااي
يكلمني كده!!
سيف بغضب: احترمي نفسك يا نرمين وانتي بتتكلمي على جدي!! انتي ايه فاكراه
واحد صاحبك
بتتكلمي عنه كده؟؟
نرمين:وهو مبيحترمنيييييييييييش لييييييه!!!! هو فاكرني واحدة من الشارع
ولا اييييه؟؟
سيف:لا هو هيحترمك اما انتي تحترمي نفسك الاول!
نرمين:هو انت عمر ما بيعجبك حاجة ابدااااا!! كل حاجة فيا وحشة وحشة وحشة ..
ايييييييييه
ما بتتعبش من انتقادك ليا كل شوية؟؟
سيف بعصبية:انتي اللي مش عايزة تشوفي انتي بتتعاملي ازاي مع الناس بغرور
وكل حاجة بتاخديها
على انها تافه وبسيطة بتبقى عند الناس حاجة كبيرة!! استهتارك بمشاعر الناس
هو ده اللي بيخلي
الناس تكره تتعامل معاكي و اولهم جدي!!
نرمين وهي بتمثل انها بتعيط: انا بجد بحاول اتغير عشانك وبردو مش عاجبك
سيف بعد ماحن قلبه لما افتكر انها بتعيط بجد:طيب خلاص خلاص .. مش كل خروجة
نقلبها نكد..
تحبي نتعشى فين؟
نرمين:وديني اي مطعم كدا يكون الجو بتاعه رومانسي ‘ عشان تعرف بس اني
رومانسية بس مش بحب
اقول..
سيف:ههههههه يا رومانسي يا مستخبي انت
ويروحوا يتعشوا في مطعم فاخر على النيل وبعدها يرجعوا على الفيلا عشان
نرمين تاخد عربيتها
وتروح..
يدخل سيف الفيلا وهو فاكر انه اكيد كلهم ناموا لكن يلاقي سيلينا قاعدة لسه
بتتفرج على فيلم
فيروح عندها ويقلها:فيلم ايه ده؟
سيلينا:هذه القناة ممتعة حقا.. انهم يضعون فيلم تلو الاخر!
سيف:ههههه عارفة احلى حاجة فيكي ايه؟
سيلينا:ماذا؟
سيف:انك واخده الدنيا ببساطة اووي.. مش عارف هل ده لانك كنت في زمن غير
زمانا ولا انتي
بطبيعتك كده اصلا؟؟
سيلينا:ريناتا كانت دوما تقول لي هكذا.. انني اعيش ببساطة رغم انني ابنة
ملك!لكني كنت اقول لها
ليس معنى ان اكون ابنة ملك يعلي من شأني فقد تكون ابنة خادم افضل مني!
سيف:صح.. قوليلي بقى عجبك فيلم تايتنك؟
سيلينا:نعم احبتته حبا جما..
سيف:انتي بتحبي الافلام الرومانسية؟
سيلينا:نعم..
سيف:انا قايم انام عاوزة حاجة مني؟
سيلينا:اشكرك
يطلع سيف على الاوضة ويغير لبسه عشان ينام لكن بيفضل يتقلب على السرير لانه
مش عارف ينام.
ويبدأ يفتكر ازاي اتعرف على نرمين وحبها ازاي ..
يرجع بذكرياته لاول يوم جامعة ليه هو ونادر وهما داخلين الجامعة في اول
يوم..
نادر:اهلك جايين السنادي ولا انت اللي هتسافر؟
يبص نادر على سيف ويلاقي سرحان فيقوم يهزه من كتفه ويقوله:اييييييييه يا
عم!! سرحان في ايه؟؟
سيف:بص البنت اللي هناك دي؟؟
نادر:مين؟
سيف:اللي هنااااااك
نادر:ايوة وبعدين؟
سيف:عايز اروح اتعرف عليها؟
نادر:انت ليه محسسني انك اول مرة تشوف بنات!! ده انت تعرف بنات احلى منها
بمليون مرة!!
سيف:يا اخي د يعجباني.. الله!
نادر:اتزفت رووووح يا روميو وريني هتتعرف عليها ازاي..
ويروح سيف عند نرمين ......
استنوني الحلقة اللي جاية...
