الحلقـــــــــة الثانية والعشرون
الأخيــــــــــــــــــــرة
خديجة:بس استغلتني وضحكت عليا عشان توصلها يا اسلام !
وحاولت توقع ما بينها
وما بين ايوب لما قررت تخليها تسافر الرحلة ! انا عارفة
ان ريانة عمرها ما هتقترح
موضوع السفر ده منها لنفسها وانك اكيد انت ورا الموضوع
ده عشان ايوب ورودينا يتجمعوا
وحنينهم وحبهم يضعفهم ويخلوهم يخونوا ريانة!
اسلام بارتباك:اا اانتي بتقوولي ايه
خديجة:ايوة انت كنت فاكر ان ايوب هيضعف وهيخون ريانة بس
اللي متعرفهوش ان ايوب مهما
كان بيحب رودينا استحالة هيخون ريانة! لانه داق طعمها ! انت
كنت عايز ريانة تتطلق من
ايوب عشان انت تبقى معاها ..
اسلام بتوتر:لا مش مم مش صح!
خديجة:لاااا صح!! لان لما اتكلمت مع رودينا وايوب فهمت
ان موضوع السفر ده كان من عند
ريانة وانا كنت متخانقة معاها قبل السفر عشان هي مكنتش
قادرة تخلي ايوب يحبها! ومكنتش
طايقة تقعد في قعدة واحدة مع رودينا!! يبقى هتجيب فكرة
السفر دي ازاي!! هاااا؟؟!
اسلام بضيق:ايوووب عمره ما كان هيحبها
خديجة:لااا ايوب كان ممكن يحبها بس وجود رودينا وإلياس
وبعدها انت!! كل ده خلى ايوب
ميعرفش يحبها!!
اسلام بانهيار:واهي ضااااعت خلاااااص!!
خديجة بألم:هي فعلا ضاااعت بس احنا عشان كل واحد كان
بيفكر في نفسه وبس!!
اذا كانت ريانة ضيعت نفسها بالخوف فاحنا ضيعناها
بالانانية!!
اسلام بانهيار والم:ارحميني يا خديجة مش قاااااااادر ..
ارحميني بقى
خديجة:انا ماشية يا اسلام بس حبيت اقلك انك مش ملاك اوي
زي ما انت فاكر!
اسلام:عاااارف انا احقر واحد في الحياة .. ارحميني بقى!
ربنا عاقبني خلاص وخد
اغلى انسانة من حياتي والوحيدة اللي حبيتها.. سبيني
بقى.. وعلى فكرة حتى انتي مش
ملاك!!
خديجة:صح! حتى انا كنت بفكر في نفسي وبس!! بس عمري ما
كنت بأذي بتفكيري ريانة!
ولا حتى كنت اعرف انها عيانة!! بالعكس انا اكتررر واحدة
كنت بحاول اخليها تقرب
من ايوب ‘ في الوقت اللي كنت انت بتفكر فيه تبعدها عنه!!
اسلام دموعه بتنزل في صمت..
بصت خديجة بألم وحزن لاسلام وسبته ومشيت
****************************************************
أيوب قاعد في الفيلا ودقنه طالعة خفيفة ..
صوت الجرس بيرن..
أيوب:دادا افتحي
الدادة:حاضر
تفتح الدادة وتدخل رودينا تقول:ايوب جوة؟
الدادة:ايوة يا ستي
تدخل رودينا تلاقي ايوب قاعد على الكرسي وحالته حزينة
جدا..
تقف قدامه لكنه يفضل ساكت..
رودينا:كلمتك كتير! يمكن من ساعة ما التحقيقات خلصت
وجنازة ريانة خلصت وانا بقالي
اسبوعين بكلمك! مبتردش
ايوب:مبردش على اي حد
رودينا:ليه؟
ايوب:مش عايز ارد
رودينا:بس انا عايزة اتكلم معاك
ايوب بعصبية:تتكلمي معايا في ايه!! هاااا!! تتكلمي معايا
في انك بقيتي انانية وانك بقيتي
بشعة!! عايزاني بقى انسى كل حاجه وارجع عادي معاكي؟!!!
قووووووليلييييي
انتي عااااااايزة مني ايييييييييه!!
رودينا بعياط بتنزل لمستوى ايوب وتقول: عايزة نبتدي صفحة
جديدة
ايوب:مينفعش
رودينا:ليييييه!!
ايوب:لان رودينا اللي كنت اعرفها زمان خلاص انتهت!!
رودينا بتمسك وش ايوب بايدها الاتنين وتقوله بعصبية:
انا لسه موجودة!! انا حبك الحقيقي مش هي!!
ايوب:للاسف انتي فعلا اللي موجودة
رودينا بتبرق من الصدمة وتقول:ايه!!!
ايوب:ايوووة للاسف انتي اللي كنتي دايما موجودة هنا
ويشاور على قلبه!
يرجع يكمل ويقول:انتي اللي كنتي دايما ما بينا ‘ انتي اللي كنتي في النص !
وانتي اللي كنت بحبها
وضحت بيا !! انتي اللي فضلت متعذب بيها طول حياتي على الفاضي!! انتي اللي
مخلتنيش
اقدر اشوف ريانة كويس ولا احبها ولا حتى اعووووضها عن العذاب اللي شافته!!
رودينا:يااااه ده انا شريرة اووووي!!
ايوب:ايوووووة انتي فعلا كده ومبقتيش شايفة انك كده!! فوووووقي بقى وانسي
انك كنتي تعرفيني
فووووقي زي ما انا فقت متأخر اوووي وعرفت ان كان بين ايديا كنز عمري ما
هعرف اعوضه!
رودينا بتحاول تمسك ايد ايوب وتعيط:بس انا بحبك ولسه بحبك ‘ اا اانا عمري
ما كنت عايزة
ابعد عنك اا اانا مكنتش اقصد صدقني....
ايوب يقاطعها:الموضوع انتهى بالنسبالي يا رودينا! شفتي القدر!! كنت بدعي
طول السنين
اللي فاتت اني اقدر انساكي واحب ريانة!! كنت بعمل كل جهدي عشان اقدر اقول
لريانة
بحبك يا ريانة مش بحبك يا رودينا بس كنت اضعف بكتير من كده!!! كنت بحارب
الذكريات
والوقت عشان اقدر اكون معاها ايوب ! بس يوم ما هي ماتت يوم ما حبك برضو
جوايا
مات!
رودينا:لاااا هي اللي ماتتت لكن انا لسة عاااايشة انا لسه موجودة
ايوب:وانا حبي ليكي مات بس للاسف متأخر لاني مقدرتش اعوضها عن كل لحظة كانت
بتعيشها ليا !!
رودينا بهستيريا:لااا انت محتاج تهدى بس ‘ انت اهددى وكل حاجه هترجع لاااا
بس متقووولش
انك خلاص هه اصل مش بعد ده كله يبقى خلاص!! لاااا
***************************************
ايوب بيطلع فوق لاوضته ورودينا بتاخد نفسها وهي بتعيط بهستيريا وتخرج برة
الفيلا..
ايوب فوق في الاوضة نايم على السرير ماسك صورته هو وريانة ‘ بيبص بدقة فيها
بيشوف ملامح الحب جوة عين ريانة وابتسامة مالية الوش وبعدين يبص على نفسه
يلاقي
ابتسامة ذبلانة وعيون حزينة..
يعيط ويقول:
انا اسف لو مكنتش قادر احبك! بس شفتي ازاي يوم ما روحتي مني عرفت اني كنت
لازم
احبك انتي!! واني اصلا لما كنت بدور على الحب كنتي جمبي ومحستش بيكي!
فجأة يسمع خبط باب وصوت فهيمة من برة:
استاذ ايوب؟
ايوب:خشي يا دادا
فهيمة:كان فيه تي شيرت بتاعك عليه دم كانت ستي قالتلي اغسله ليك ‘ والبوليس
خده ..هو كده خلاص؟
ولا هيرجعوه تاني؟؟ ولا هما جابوه وانت غسلته؟ اصل بحط الغسيل وعاوزة اعرف
..
ايوب يفتكر ان التي شيرت بقى عند البوليس فيقولها:لا البوليس لما لقاه
فشكوا فيه والدم اللي عليه وخدوه
فهيمة:يالهوي! هما كانوا هيتهموك
انت فيه؟!ده ستي في يوم وانت مسافر اسكندرية في الشغل لبسته واتعورت ودمها بقى
عليه.. وانا الظابط اما سألني قلتله ..
ايوب بدهشة:وهي تلبس تي شيرتي انا ليه؟!
فهيمة:والله معرفش انا فجأة لقيتها لبسته وقالت انك واحشاها اوي وبعدين خدت
السكينة وكانت
بتاكل بيها تفاح وعورت ايدها والتي شيرت اتملى دم ‘ المفروض كنت هغسله في
وقتها بس
ستي قالتلي خلاص روحي انتي عشان معاد مرواحي جه وبعدين نغسله واختفى وانا
نسيت..
دلوقتي افتكرت لما جيت اغسلك تي شيرت شبهه..
ايوب:ستك الله يرحمها كانت بتعمل حاجات تخلي الواحد يشك في نفسه .. الله
يرحمها
فهيمة بحزن:والله ستي كانت طيبة اوي بس هي يعيني كانت تعبانة شوية ومتأزمة
ايوب:فعلا .. الله يرحمها كانت تعبانة ومحتاجاني جمبها وملقتنيش!
******************************************
خديجة بتنزل من العربية وتدخل المطار عشان تركب الطيارة بس بتروح الاول
مكتب مخصص
للمضيفين وبتقعد ..
بتطلع من شنطتها صورة قديمة بتجمعها بريانة وجمب ريانة إلياس وجمبه رودينا
وجمبها ايوب..
خديجة في الصورة تكون باصة على إلياس اللي يكون باصص على ريانة ‘ ريانة
تكون
باصة على ايوب ‘ وايوب ورودينا يكونوا باصين لبعض..
خديجة لنفسها:
قدرتي يا ريانة تنولي الحب اللي كان نفسك فيه بس مع ذلك مقدرتيش تفرحي بيه!
غريب الحب والدنيا دي!!
وفجأة بتدخل واحدة مضيفة وتقولها:
خديجة فيه واحد برة عايزك
تطلع خديجة فتلاقي إلياس واقف ومبتسم..
خديجة باستغراب ودهشة:إلياس!!
إلياس:حسيت اني محتاج اقلك حاجة قبل ما تسافري
خديجة:تفضل؟
إلياس:انا عارف اني ظلمتك معايا لما هربت زي الجبان من حبك عشان احنا
الاتنين مختلفين
الجنسية وان اهلي هيرفضوا وكنت مش عايز ادخل معاهم في مشاكل وقرف! ونسيت ان
الحب محتاج نحارب عشانه اصلا .. بس يمكن حبي لريانة كان منعني ! بس مؤخرا
بدات
افوق واستوعب ان عمر الشعور اللي كان جوايا لريانة ينفع انه يبقى حب!
خديجة بدهشة:ليه؟
إلياس:عشان الحب هو اني احب واتحب وانا عمر ما ريانة شافتني اصلا !
خديجة بتبسم وتقول:شكلنا يا إلياس حظنا في الحب مش اد كده..
إلياس:متعرفيش مش يمكن لما ترجعي مصر المرة الجاية تلاقي الحب ده فاق من
اللي كان فيه
ومستنيكي على لهفة؟!
خديجة تبتسم براحة وكل شوية ابتسامتها بتزيد لحد ما تضحك وتقول:تفتكر؟
إلياس وهو بيغمزلها:اكيد والا مكنش جه بنفسه هنا عشان يقولك ان لسه فيه امل
في بكرة
خديجة تضحك وتقول:
كنت فاكرة اني يئست
إلياس:فيه حاجات جوانا كانت لازم تموت عشان حاجات تانية تصحى! يمكن اكون
خدت وقت
بس الحمد الله لحقت نفسي..
خديجة:هرجع مصر ان شاء الله ‘ عشان الحب ده
إلياس بابتسامة واسعة:وهو هيكون مستنيكي على نار
************************************************
بعد سنة إلياس يكون واقف في المطار مستني ..
خديجة تطلع من جوة بابتسامة واسعة .. إلياس يجري عليها ويقولها:
وحشتيني
خديجة:انت اكتر
يركب إلياس وخديجة العربية ويمشوا بيها..
إلياس:خلاص اخر سفرية زي ما اتفقنا!
خديجة:اخر سفرية خلاص ‘ المهم الشقة جهزت؟
إلياس:اه اخيرااااا يا ستي بعد عناء مع الصنايعية وقرف ودوشة
خديجة:ايوب لسه قافل على نفسه؟
إلياس:لا الحمد الله بدأ ينزل الشغل اخيرا وعارفة قرر ايه؟
خديجة:ايه؟
إلياس:قرر يا ستي يفتح شركة باسم ريانة
أيوب:رودينا اكيد مدمرة؟
إلياس:رودينا قررت تسافر وتبعد ‘ بتقول انها محتاجة تلاقي الحب من تاني زي
ما انا لقيته
بس مع حد بعيد ‘ ابعد من ايوب وريانة..
خديجة:الحمد الله انها عملت الخطوة دي ! ده في حد ذاته انجاز
إلياس:بس عذاب الضمير واجعها اووي
خديجة:طبيعي لازم كانت تتوجع عشان هي كمان وجعت ‘ انا اسفةا انت عارفني
صريحة
إلياس:عارف يا حبيبتي وياما قلتلها بس انانيتها كانت عمياها
خديجة:مش انا اتصلت باسلام صحيح غادي نقوله يحضر عرسنا
إلياس:ديجا حبيبتي مصري يا ماما
خديجة:المفروض بقى تتعلم
إلياس:حاضر نتجوز بس وابقي علميني براحتك بعدين
خديجة:المهم انا قلتله يحضر فرحنا
إلياس:وافق؟
خديجة:اه وفرح كتير اوي وقالي مبروك وقالي كمان ان إلياس يستاهل كل خير
إلياس:عامل ايه هو دلوقتي؟
خديجة:لسه تعبان زي ماهو
إلياس:ربنا معاه
يوصل إلياس وخديجة لعمارة ويقولها:
تعالي بقى اوريكي شقتنا بقت عاملة ازاي دلوقتي
يطلعوا الدور التاني ويفتح إلياس الشقة واللي تكون استايلها مودرن رقيق
اول ما بتدخل من على الباب بتلاقي الصالة وفي الحيطة اللي في مدخل الباب
بيكونوا حاطين
صورة ريانة وعليها شريطة سودا..
بعدين مطبخ امريكاني ‘ وبعدين فيه
3 سلالم صغيرة بسيطة كده تطلعك على مستوى اعلى
شوية من الارض وبعدين يكون فيه اوضتين وحمامين ..
اوضة إلياس وخديجة تكون لونها بيج فاتح ‘ والسرير يكون لونه بني في النص
والتسريحة
تكون على جمب ويكون فيه مكتبة صغيرة في ركن الاوضة بردو .. والدولاب على
الناحية
التانية من السرير..
إلياس:ايه رأيك حبيبتي؟
خديجة بفرحة:حلووووة اوووي حبيبي .. ربي يخليك ليا
إلياس وهو بيبوسها من جبينها:ويخليكي ليا..
خديجة:بس حلوة صورة ريانة اللي برة .. أيوب هيفرح اووي لما يشوفنا حطينا
صورتها ..
إلياس:للاسف حبها متأخر اوي
خديجة:تؤ هو حبها بس مكنش حاسس لان الماضي كان بينهم
إلياس:لسه مش قادر اصدق انها ماتت!
خديجة:ولا انا قادرة استوعب ان اللي قتلها الخوف!
إلياس:هسهس! ممكن يعمل فينا كده واكتر لو سبناه يتحكم في عقلنا الباطن..
خديجة بتحضنه وتغمض عينها وتقول:الحمد الله حبيبي انك بقيت معايا
إلياس:الحمد الله اني فقت انا كمان من "هسهس ريانة" اللي كان
مسيطر عليا..
خديجة وإلياس يمسكوا ايد بعض ويكملوا فُرجة على بقيت شقتهم الجديدة..
..............
النهايــــــــــــــــة
