الحلقــــــة التاسعـــــــة عشــــــــر
الظابط:عرفنا مفاجأة
باهر:ايه هي؟!
الظابط:اسلام اسمه اسلام شكري كمال الدين!
باهر بصدمة واستهزاء:هه يا ابن اللعيبة!!
الظابط :نجيبه يا باشا؟
باهر:لا ده انا هطلعله بنفسي ‘ الاول اتأكدت من موت شكري
ده
الظابط:اتأكدنا يا باشا وطلع فعلا مات
باهر:اممم يعني انتقام لابو اللي مات !
الظابط:بالظبط كده
باهر:هتطلع على الست اللي اسمها فهيمة وتجيبها هنا
وتستجوبها رسمي لحد ما اروح
اجيب الدكتور الهمام ونستجوبه هنا ‘ واسألي البصمات اللي
اترفعت من على السكينة
او الشنطة طلعت لمين؟!
الظابط:تمام يا باشا
****************************************
باهر بيروح لعيادة اسلام وبيطلع ..
باهر للسكرتيرة:دكتور اسلام جوة
السكرتيرة:اه بس معاه مريضة
باهر وهو بيقعد :نستناه ‘ ورانا ايه
وبعد نص ساعة تخرج المريضة من عند اسلام فيروح باهر ليه
ويدخل..
اسلام:اهلا يا حضرة الظابط ‘ اتفضل .. فيه جديد
باهر:لا انت اللي عندك الجديد كله
اسلام بارتباك وشك:انا؟!
باهر:اه
اسلام:ازاي؟
باهر بنرفزة:بص اسمع ‘ انا محترم معاك لحد دلوقتي!! لكن
وحياة امي لو متظبطتش
لهوريك الوش اللي بتعامل بيه مع الحرامية وولاد الشوارع
!
اسلام بيتصنع البرود: انا مش فاهم
باهر :افففف ‘ طب خليني معاك للاخر .. وخليني اسألك :
تعرف ايه عن شكري
اسلام بارتباك:مم مم انا قلت لحضرتك ‘ انه كان طليق
ريانة!
باهر بزعيق:هتستعبطططططط يا رووووح امك!!!
ويهجم على اسلام ويمسكه ويقوله:اوعى تكون فاكر اننا
مختومين على قفانا!! ولا عمرنا
ما كنا هنعرف ان ابوك هو شكري!!
اسلام يبرق من الصدمة
باهر:قلي بقى كده وبراحة قتلت ليه ريانة! انتقام ها؟
اسلام بخضة:لااا والله ابداااا ‘ اقسم بالله انا
مقتلتهااااش
باهر:امااال ايه؟!! خبيت انك ابن شكري لييييييه!! خديجة
تعررررف؟!
اسلام:لا خديجة متعرفش ‘ محدش يعرررف ! ده السر اللي
مخبيه عليهم
باهر:قلي بس كده قتلتها لييييه
اسلام بدموع في عينه:اقسم بالله مقتلتهاااااش ‘ والله
العظيم ما قتلتهااااا
باهر:امااال مين اللي قتلها؟
اسلام:معررررفش معررررفش ‘ بس اناااا مقدررررش اقتلها
باهر:ليه ؟
اسلام بحزن وألم:عشان حبيتها بجد
باهر:حبيت مرات ابوك!!
اسلام:شكري مش ابويا!
باهر يتنرفز ويهجم على اسلام ويقول بعصبية:ولاااااا ‘
استعباط تاني مش عاوز
اسلام:انا هقلك على كل حاجة
باهر:ايووووة قلي بقى على كل حاجه ‘ بس هتشرفني في القسم
مش هنا
*****************************************
في القسم باهر يكون قاعد على مكتبه وقدامه اسلام وشه
مصفر وعيونه كلها حزن..
باهر:ها قول
اسلام:شكري يبقى جوز امي ‘ انا ابن مارجريت بس بابايا
الاصلي رماني ومرضاش
يتكفل بيا ‘ في الوقت اللي امي كانت حامل فيه فيا ‘
اتعرفت على شكري..
باهر:بعدين
اسلام:حبها واتجوزها وانا جيت وسماني على اسمه ورباني
على اني ابنه هو مش ابن اي
حد تاني ..
باهر:اممم
اسلام:في الفترة اللي بابا كان بيسافر مصر فيها كتير ‘
ماما كانت بتشك فيه كتير بس
عمرها ما تخيلت انه ممكن يكون متجوز ‘ لحد ما في مرة رجع
بابا من مصر حزين
باهر:ليه؟
اسلام:اللي عرفته بعدين ان في الوقت ده لما ريانة اكتشفت
موضوع جوازه وهددته
وخدت نص املاكه ‘ بس اللي مكنتوش تعرفوه ان ريانة مكتفتش
بده وقررت
تنتقم اكتر من شكري وبعتت لماما انه متجوز !
باهر:وبعدين؟
اسلام:وقتها البيت اللي كنت عايش فيه طول حياتي على اساس
انه بيت مليان حب وهدوء وسلام
اتقلب لحريقة وماما قررت تنفصل عن شكري..
باهر:وبعدين؟
اسلام:وقتها شكري تعب اوي ودخل المستشفى ‘ وانا فضلت طول
الوقت جمبه.. باعتبار
انه والدي مش جوز امي .. ماما اتخنقت كتير معايا بسبب
الحوار ده ‘ بس انا كنت بحب
الراجل ده..
باهر:كنت؟!
اسلام:قبل ما اعرف انه كان حيوان وميستهلش اي حاجه!
باهر:بعدين؟
اسلام:وفي يوم طلب مني ان انتقم من ريانة بأي شكل وارجع
فلوسنا ‘ وفهمني انها ضحكت
عليه ‘ وانها لعبت عليه وانها خاينة ..
باهر:اممم؟
اسلام:ومات شكري وقصدت ان موضوع موت شكري يوصل بأي طريقة
لريانة
باهر باستغراب:اشمعنا؟
اسلام:عشان اما اجي انتقم منها ‘ عمر ما يجي في بالها ان
شكري ورا الموضوع وحد يدور
عليه ويوصلنا..
باهر:لا دكتور عبقري!
اسلام:...
باهر:كمل يا دكتور
اسلام:وفعلا بدأت ادور على ريانة واجمع اكبر معلومات
عنها وقررت اني انزل مصر
والصدفة جمعتني خديجة وحسيت ان الحظ لعب لعبته معايا ‘ وسلمتني
خديجة من
غير ما تحس ريانة على طبق من دهب..
باهر:وبعدين ايه اللي حصل؟
اسلام:بدأت اتعرف اكتر على ريانة ولقيتها غير ما شكري
كان بيحكيلي عنها ‘ ولقيت
انها انسانة اضعف من انها تهش دبانة حتى! وبدأت استغرب
ليه انتقمت من شكري
اوي كده!
باهر:وعملت يه عشان تستدرجها وتجيلك
اسلام:عانيت اوي عقبال ما خليتها تثق فيا لانها بتخاف
اوي من خيالها ‘ وبدأت تحكيلي
عن اللي عمله فيها شكري واتصدمت!
باهر:وبعدين؟
اسلام:مبقتش عارف اعمل ايه ولا اتصرف ازاي واكتشفت ان
شكري ده اوطى مخلوق
باهر:واتقربت لريانة
اسلام:بالظبط ‘ لقيت انه السبب في ان حياتها تتلبخط وفي
ان هي تكون ....
باهر بتركيز اكتر:في انها ايه؟
اسلام بتوتر:رر ريانة مريضة بمرض الذعر او الخوف النفسي
باهر:وليه لما سألتك قبل كده هل بتعاني من حاجة كدبت
وقلتلي انه اكتئاب!!
اسلام بعصبية:عشان كنت عايز أيوب يتحبس ولو لايام !
يدوووق طعم الحبس!
زي ما حبس ريانة في الحزن بقية عمرهااااا!!
باهر:انت بتستهبل!!! انت اللي عملته ده ممكن يدخلك
السجن!!
اسلام:معدتش فارقة
باهر:كمل وبعد ما قربت لريانة؟!
اسلام:لقيت نفسي بتشد ليه وغصبن عني بحبها ‘ رغم اني
عارف انها متجوزة من
الزفت ‘ بس مقدرتش محبهاش!
باهر:كنت بتديها ادوية لايه؟
اسلام:للخوف اللي عندها والذعر
باهر:اممم وبعدين؟
اسلام:بس ...
باهر:بس ايه؟
اسلام:كان فيه دوا كنت بديه ليها وبعدين بطلته
باهر:ايه الدوا ده وليه بطلته
اسلام:الدوا دا بردو من ادوية للخوف او الرهبة اللي
عندها وبطلته عشان اكتشفت ان ريانة
عندها تهيؤات بسبب الذعر اللي بيجلها في شكل نوبات ..
باهر باستفهام:بمعنى؟ اشرح اكتر يا دكتوور!!
اسلام:ريانة بيتهيألها حجات مبتحصلش ‘ زي انها ممكن تقول
انها اتخانقت مع ايوب
وهي لا!!
باهر:وانت ايه اللي عرفك؟
اسلام:انا في الاول كنت شاكك بس مع المراقبة ‘ اتاكدت
باهر:ازاي بردو؟
اسلام:كانت بتحكيلي ان ايوب بيخونها وانا من خلال سؤالي
عنه عرفت انه ملهوش
في جو الخيانة ده ‘ وفي يوم تعمدت اديها دوا بينيمها ‘
عشان اراقب حركتها اثناء النوم
والدوا ده مش بس بينيم لا وبيحفز ان النوبة تجيلها وفعلا
لقيتها بدأت تتحرك وتتكلم
مع اشخاص على اساس انهم موجودين ولما صحيت طبعا مكنتش
فاكرة اي حاجه!
وبقيت اعرف افرق امتى ريانة بتتكلم عن واقع وامتى بتتكلم
عن وهم!
باهر:ازاي؟
اسلام:في حالتها لما النوبة بتجيلها بيظهر عليها حركات
معينة زي اتساع في حدقة العين
والشعر يكون واقف وجسمها يترعش بعدين بتشوف حاجات مش
حقيقية وبتتعامل
معاها على انها حقيقة!
باهر:والزرنيخ؟
اسلام بارتباك:مم ماله؟
باهر:حطيته ازاي ليها؟!!
اسلام:انت ليه مصمم ان انا اللي قتلتها!!
باهر:وليه كنت بتحاول ترسم خيوط الشك حوالين أيوب؟!
اسلام بغضب:قلتلك عشاااان ميستهلهاااااش ‘ محدش فيهم
عرررف يحبها صح زي انا!
بس انا يا خسارة شفتها في الوقت الضااااايع!!
فجأة حد يخبط الباب ويدخل الظابط ويقول:
فيه معلومة لازم تعرفها
باهر:اشجيني
الظابط:الدادا فهيمة قالت ان اخر مرة شافت فيها ريانة
خديجة ‘ اتخانقوا خناقة جامدة اوي!
مع ان في المحضر خديجة مجبتش اي سيرة للخلاف ده!
بعدها يخبط الباب تاني ويدخل الشاويش ومعاه ظرف من الطب
الشرعي ويقول:
الظرف ده مستعجل يا باشا
باهر يروح بسرعة ويفتحه ويقرأ اللي فيه ويكون مكتوب:
.................
استنوني الحلقة اللي جاية
