الحلقـــــــــة العاشـــــــــرة
بعد اسبوع كانت رودينا في المطبخ بتعمل الغدا ‘
دخل تامر عليها..
تامر:جعان خلصي بسرعة
رودينا:حاضر ‘ بعمله اهو
تامر:وانتي لسه جاية تفتكري انك تعمليه دلوقتي!!
انتي مش عارفة اني برجع واقع من الجوع
رودينا:جاضر حاضر
تامر:انتي بتكلمي عيل!! ايه حاضر حاضر!! مبدأتييييش
من بدري ليه
رودينا:الصبح دوخت جامد وعقبال ما فطرت ‘ قمت
على طول اعمل الغدا
تامر:طب اخلصي يلاااا
رودينا فضلت تعمل بسرعة الاكل وتامر دخل يغير
هدومه وبعدين رجع المطبخ ‘ كانت رودينا
بتقطع السلطة ..
دخل جاب معلقة وفتح الحلة اللي على النار وقام
داق وبعدين تف الاكل في الحوض وقال:
يييييييييع! ايه القرررررف ده ! زووودي ملح!!
رودينا سابت السلطة وراحت تدوق اللي كان في
الحلة وبعدين قالت: لا يا تامر الملح كويس!
تامر:يعني ايه الملح كووويس!! بقلك يقررررف
الكلب الحزين!!
رودينا خدت ملح شوية وزودت ورجعت تكمل تقطيع
السلطة..
راح وراها تامر وكل ما تقطع حاجة ‘ ياخدها
وياكلها..
رودينا بنرفزة:تامر ممكن تستنى الاكل بررررة
وهبقى اجبلك الاكل انا بنفسي
تامر بعصبية:ايه ده ايه ده!! انتي بتطرديني من
المطبخ!!
رودينا بخوف:مش قصدي والله ببب ببس انت عمال
تلبخني و ووانا مش عارفة اعمل
تامر رمى المعلقة في وشها وهي اتجنبتها وقال:في
ظرف خمس دقايق لو الاكل مخلصش مش
هيحصل طيب ‘ اما اشوف اخرتها معاكي ايه!!
**********************************
بعد خمس دقايق تكون رودينا وضبت الاكل كله على
الصفرا ونادت تامر..
جه وهو مكشر وقعد..
رودينا:اغرفلك شوربة الاول؟
تامر:مش محتاجة رغي يعني
رودينا:حاضر
بعد ما غرفت شوية شوربة ليه وبدأ يدوق تف بسرعة
الاكل في وشها وقال:
انتي اتعلمتي الطبخ فين!! بزمتك مش مكسووووفة من
نفسك!! انتي تقرفي واكلك يقرف وشكلك
وكل حاجه بتعمليها مقرفة كتك القررررف!!
رودينا بخوف:ليه بس ؟ في ايه؟؟
تامر:ملح زيادة
رودينا:منا قلتلك الاكل طعمه مزبوط وانت اللي
صممت
تامر بنرفزة :ايوة عشان مكنش مزبوووط وانتي اللي
زودتيه عشان يبقى مالح!!
رودينا: وهعمل كده ليه!!
تامر قام ودلق الشوربة على لبسها وقال
بقرف:اديني حميتك بيها عشان تشوفي طعمها حلو ولا لا
رودينا قامت مفزوعة من سخونة الشوربة وصرخت جامد
وفضلت تعيط وقالت:
حسبي الله ونعم الوكيل فيك
تامر قام شاطها برجليه وقال بنرفزة:بتدعي عليا
يا بنت ..........
رودينا قامت تجري على الاوضة وقفلت على نفسها الباب ودخلت الحمام اللي جوة الاوضة
وفضلت تعيط جامد وتقول:حسبي الله ونعم الوكيل ‘
حسبي الله ونعم الوكيل
*********************************
فاقت رودينا من ذكرياتها وكانت بتعيط كل ما
تفتكر ‘ مسحت دموعها وخرجت تاكل لقت
إلياس قاعد سرحان..
رودينا:ياسو
إلياس:ايوة يا رودي
رودينا:هو انا وحشة اوي؟!
إلياس:ليه ؟
رودينا:جايز مؤخرا بقيت انانية اووي ! جاير اكون
مبقتش احس بأوجاع غيري! بس اللي شفته
بردو يا إلياس مكنش قليل!! مش انا بني ادمة
بردو؟! مش انا من حقي احارب عشان حبي؟!
إلياس:بس حبك اللي عايزة تحاربي عليه دلوقتي يا
رودينا ‘ مبقاش من حقك
رودينا:جايز زي ما انت بتقول كده بالنسبالك
وبالنسبالها وبالنسباله حتى! بس انا اتحرمت
كتير وشفت كتير!
إلياس: أيوب بيقولي ان ريانة كمان اتضلمت كتير!!
رودينا:واضح كده اني مكنتش عايشة معاها ولا هي
كانت عايشة معايا!!
إلياس:بس ده نصيب يا رودينا ولازم نرضى بيه
رودينا:ونعم بالله! ومين عارف الدنيا هتروح على
فين!
إلياس:يا ترى ممكن تروح على فين؟ّ!
رودينا: الدنيا دي علمتني انها بتروح لاماكن
عمرنا ما نتخيلها ولا كنا نتوقع انها هتروحلها!!
وانا اهو قاعدة بتفرج ‘ بشوفها رايحة بينا على
فين..
إلياس:اممم
***************************************
بعد يومين صحيت رودينا من النوم قامت غسلت وشها
وفطرت على السريع وراحت تلبس
إلياس:ايه ده انتي نازلة؟
رودينا:اه
إلياس:رايحة فين؟
رودينا:هزور ريانة
إلياس باندهاش:ايه ده! بجد!!
رودينا:اها
إلياس:تحبي اجي معاكي
رودينا:براحتك لو عايز تعالى
إلياس:لا خلاص روحي انتي وانا هحصلك..
رودينا:اوك
وبعد نص ساعة وصلت رودينا المستشفى ‘ طلعت لحد
الاوضة اللي فيها ريانة ولسه هتدخل
سمعت ريانة بتقول لأيوب:
أيوب مش عايزة حد يعرف حتى لو مت اني شكري اعتدى
عليا وانا صغيرة
رودينا صعقت للي سمعته وفضلت مبرقة..
أيوب:حاضر حبيبتي
ريانة:ده سر خبيته عن اقرب الناس ليا ومحدش
يعرفه غيرك! معرفش ايه اللي خلاني احكيلك
وقتها حاجة زي دي!! بس يمكن كسرتك وقت ما رودينا
سابتك شجعتني اني ابينلك اضعف
حاجه فيا!!
رودينا كانت بتسمع وحاطة ايدها على بقها من
الصاعقة اللي كانت فيها والصدمة ‘ وحست
الدنيا بتلف بيها بس مسكت نفسها..
أيوب:ولو اني مش معاكي في النقطة دي ‘ بس اللي
تعوزيه
ريانة:عارف! انا عارفة طول الوقت اللي كنا فيه
مع بعض ان قلبك مكنش ليا وانه كان ملك رودي
وبس ‘ بس انا غصبن عني حبيتك ! جايز اول ما
اتجوزنا كنت بالنسبالي مش اكتر من امان
وحضن دافي يعوضني عن اللي شفته من شكري!! بس
لقتني بحب طيبتك! بحب قلبك اللي رغم
جرحه الا انه مبخلش عليا باي حاجة..
أيوب:ريانة انتي بتقولي ليه الكلام ده دلوقتي
بس!!!
ريانة بدموع في عينها:متعرفش يا أيوب عمر الواحد
ممكن يخلص امتى!
أيوب:بعد الشرررر عليكي
رودينا تحاول تستجمع قواها وتمسح دموعها بسرعة
وتخبط على الباب..
ريانة تتفزع فيمسك ايدها ايوب ويطمنها انه
جمبها..
تدخل رودينا بابتسامة..
ريانة تبتسم وفي نفس الوقت مستغربة جدااا من
زيارة رودينا ليها..
رودينا:صباح الخير
ريانة وأيوب:صباح النور
رودينا:عاملة ايه النهاردة؟
ريانة:الحمد الله
رودينا بتوتر وتردد: اا انا اا يع يعني قلت
نبتدي صفحة جديدة زي ما انتي كنتي حابة
أيوب ابتسم لرودينا وشكرها بعينه انها تفهمت
الازمة النفسية اللي عند ريانة..
*************************************
بعد اسبوع كانت رودينا وريانة بيحاولوا يصلحوا
العلاقة اللي بينهم والتوتر اللي كان سايد ما بينهم..
وفي يوم إلياس ورودينا كانوا بيتغدوا عند ريانة
وأيوب فقال أيوب:
ايه رأيكم يا جماعة نسافر بكرة الغردقة نقضلنا
اسبوع هناك؟
رودينا بصت لإلياس واللي هز راسه ليها عشان
توافق..
ريانة:ياريت! لحسن انا محتاجة اغير جو اوووي
إلياس:ومين سمعك وانا والله
رودينا:اممم اوك ‘ ليه لا!!
أيوب:خديجة صحبتك يا ريانة مجتش مصر لسه ؟
ناخدها معانا؟؟
ريانة بتوتر فظيع:لا
أيوب بص على رعشة ايد ريانة لما جاب سيرة خديجة
واستغرب اوي بس سكت!
**************************************
بعد يومين كانوا وصلوا الغردقة وهناك أيوب
وريانة كان ليهم اوضة واحدة وإلياس اوضة ورودينا
أوضة..
الكل خد مفاتيح اوضه واتفقوا انهم يروحوا ياخدوا
شاور ويتقابلوا على الغدا..
أيوب وريانة اول ما دخلوا الاوضة ‘ ريانة اترمت
على السرير وقالت:
حبيبي ادخل انت خد شاور وانا هنام شوية..
أيوب:خلاص ماشي
اول ما غمضت عينها ‘ اشتغل عقلها الباطن ورجعت
بذكرياتها تاني لما كانت مع شكري
في الفندق..
وفي يوم بليل مكنش جايلها نوم نزلت تتمشى على
البحر وفجأة سمعت ........
...................
استنوني الحلقة اللي جاية
