الحلقة الثالثـــــــــة عشــــــــر
الظابط التاني للظابط الاولاني :لقينا فيه رسالة
مبعوتة من المجني عليها لرقم محفوظ في الموبايل
باسم خديجة مكتوب فيها:
النهاردة اكتشفت خيانة أيوب ليا يا خديجة
أيوب بفزع:خنتها!!! انا والله العظيم مخنتهاش
الظابط بيبص للظابط التاني: سألتلي على شكري ده
؟
أيوب بيحاول يستوعب الاسم:ثانية يا فندم انت قلت
ايه؟
الظابط:قلت شكري!!
أيوب بفزع اكتر: وبتسأل على شكري ليه او او عرفت
بشكري منين اصلااا!!
الظابط: استاذ أيوب انا ليه شايفك بتحاول تضلل
البوليس اكتر؟! انت مسمعتش بنفسك عاملة
النضافة وهي بتقول سمعت ايه؟!
أيوب بعدم تركيز:معلش اا اانا مكنتش مركز وقتها
‘ اا انا كنت في صدمة!
الظابط:تمام نرجع ونقولك الكلام اللي قالته
عاملة النظافة وياريت تركز معانا ولووو سمحت اي
معلومة ولو كانت تافهة تقولها ليا عشان اكيد
هتخدمنا في التحقيق!!
أيوب بخوف:ح ححاضر
الظابط:عاملة النظافة سمعت المجني عليها وهي
بتصرخ وتقول بتخوني ليه وانا عارفة انك لسه
بتحبها ومتنكرش وبعدين سمعتها بتقول لا متقتلنيش
وبتكلم شكري ده وتقوله انا بكرهك اوي وانت
السبب وانت جاي تاني هنا ليه؟! ردك ايه عن
الاقوال دي؟!
أيوب بيمسك راسهجامد ويضحك ضحك هستيري
ويقول:شكرررري ازاي اللي راح؟!
الظابط بعصبية: انا اللي عايز افهم مين شكري ده
اصلاااا!! انا خليت الظابط يشوف في موبايل
المجني عليها اي رقم باسم شكري ولقينا فعلا
الرقم وسألنا شركة الاتصالات عنه وجبنا معلومات
انه اسمه شكري محمد كمال الدين؟ وكنت هسألك عنه
او تعرف ايه عنه او يقرب ايه للمجني
عليها؟!!
أيوب:شكري كان جوز ريانة قبلي
الظابط:تمام ايه اللي خلاهم يتطلقوا؟
أيوب:شكري راجل كبير في السن اد بابا ريانة ‘وهو
اصلا كان صاحب بابا ريانة وو و .....
أيوب كان عايز يحكي موضوع الاعتداء بس افتكر
وصية ريانة انه ميحكيش مهما حصل فقرر انه
ميحكيش وقال:
وو واتجوز ريانة ‘ بس اللي حكته ليا ريانة انه
كان بيعذبها ويضربها ‘ لحد ما قدرت تهدده
انه يطلقها لما بالصدفة اكتشفت انه كان متجوز من
زمان وانه مخلف تقريبا عيال قدها واكبر
منها ومكنتش تعرف ..
الظابط:ازاي مكنتش تعرف؟!
أيوب: هو كان عايش في امريكا وكان كل سنة بينزل
ليها لما اتجوزها يعني ‘ اتاريه طلع متجوز
امريكية هناك وواخد الجنسية ‘ ولو اتعرف انه
متجوز على مراته ممكن مراته الامريكية تسجنه
والجنسية تسقط عنه وبالتالي فلوسه ومشاريعه كلها
اللي هناك هتنتهي..
الظابط:بعدين؟
أيوب:بب بعدين ريانة بالصدفة عرفت ولقت ان ده
طوق النجاة بتاعها بعد ما تعبت طبعا واعصابها
انهارت..
***********************************************
ايوب بيفتكر لما ريانة كانت بتحكي ليه ..
ريانة قاعدة في النادي مع ايوب وبترجع تفتكر ..
ريانة قاعدة في الشقة بتاعتها اللي جبها ليها
شكري بعد ما اتجوزوا ووصل لشكري جواب
من البنك بتحويل فلوس لامريكا .. ريانة شكت
هيحول فلوس ليه وهو المفروض هنا في مصر
وشكري مبيحولش فلوس للشغل بتاعه الا لو كان
موجود بنفسه.. خدت ريانة العنوان المكتوب
في الجواب وراحت البنك تسأل عنه .. الموظف في
الاول رفض انه يعلن اي حاجة لان دي بتبقى
اسرار العملاء بس ريانة ادته رشوة وساعتها قال..
موظف البنك لريانة:ده يا فندم عنوان واحدة باسم
مارجريت شانون ‘ العميل دايما بيحولها فلوس
ريانة رجعت البيت وقعدت تفتش في هدوم شكري وشنطه
لحد ما لقت صورة لواحدة ماسكة
عيلين قديمة!
فضلت ريانة تدور في حجات شكري لمدة يومين
والموبايل وتراقب الايميل بتاعه لحد ما اكتشفت
ان مارجريت شانون دي مراته واتجوزها من اكتر من
25 سنة!!
شكري راجع البيت بيقول لريانة :حضري الغدا يلا
ريانة:طب ما تقول لمارجريت احلى!
شكري بيبرق من الصدمة ويلف على ريانة
ويقول:ايه؟!
ريانة:ايه؟ اتفاجئت؟ فاجئتك انا بمراتك
الاولانية؟!
شكري بارتباك:اا انتي ازاي عرفتي؟
ريانة:حبل الكدب مهماا كان طويل بردو قصير ‘
جواب من البنك هو اللي خلى كل حاجة تنكشف
وتبان!!
شكري بارتباك اكتر:ج ججواب ايه وبنك ايه؟!
ريانة:هتطلقني عشان انا مبقتش طايقة شكلك والا
مراتك المصونة هتعرف وساعتها كل حاجة منك
هتروح! قال وانا اللي كنت مستغربة ايه اللي
مقعدك هناك طول السنين دي حتى بعد ما اتجوزتني
ولا كنت راضي تاخدني معاك! اتااااري فيه
مارجريت..
شكري بيحاول يمثل الحب: اا انا بحبك يا ريانة
واا اانتي تعرفي ده من زمان
ريانة بتف على الارض: انت مقزز ومقرف
ومررررررريض واستغلتني وخلتني مريضة زيك!!
شكري بيحاول يقرب من ريانة..
ريانة بتصرخ وتقول:اقسم بالله لو قربت مني
لاقتلك واخلص منك يا دوووون! هتطلقني وهتكتبلي
نص املاكك والا عليا وعلى اعدائي..
شكري بابتسامة:هه ده انتقام بقى
ريانة:سميه اللي تسميه!
شكري: هندمك تمن طلبك ده
ريانة:ورقة طلاقي وقبلها ورقة بتنازل منك بنص
املاكك!! واتفضل اطلع برة..
شكري بعصبية:انتي اتجننتي!! الشقة دي بتاعتي
ريانة بتوتر:اطلع
بررررررررررررررررررررررررررررررة
***************************************
ايوب بيفوق من ذكرياته على صوت الظابط اللي
بيسأله:
وبعدين ايه اللي حصل؟
أيوب:وفعلا طلقها وباعلها نص املاكه وسافر
امريكا ودي كانت اخر مرة تشوفه فيها ريانة
الظابط:اممم وجه دلوقتي وقتلها
أيوب:مينفعش يقتلها
الظابط باستغراب:ليه؟!
أيوب:عشان بعد سنة من طلاقها هي وشكري ‘ عرفت
انه شكري مات من صاحب باباها تالت
بالصدفة لما قبلته في عزا بابا صاحب واحدة من
صاحبتها!! فازاي بقى شكري كان معاها في
الاوضة!!
الظابط فضل متنح قدام أيوب لفترة كده وبعدين قال:
من حكايتك الاخيرة دي واضح كده ان المجني عليها
مكنتش بتحب شكري؟ طيب ليه اتجوزته؟
هل والدها ارغمها على الجواز؟؟
أيوب بعفوية:لا بالعكس
الظابط باستغراب:امال ليه اتجوزته؟!! مش قادر
افهم؟ فيه حلقة مفقودة؟
أيوب بارتباك:مم معررفش
الظابط:وايه اقوالك عن موضوع خيانتك ليها؟
أيوب:اا انا مش عارف ليه عاملة النضافة بتقول
انها سمعتها وهي بتكلمني مع اني كنت في المطعم؟!
الظابط:على العموم احنا هنسأل لو حد شافك وقت
الجريمة في المطعم فعلا ولا لا! اتفضل انت
دلوقتي والتحقيق هيتكمل معاك في القاهرة..
*****************************************************
سافر أيوب لوحده على القاهرة ‘ اما رودينا
وإلياس فضلوا في الغردقة لحد ما يخلص معاهم
التحقيق المبدئي..
دخل أيوب الفيلا وحس بوحشية المكان وبقبضة في
قلبه غريبة.. قعد على كنبة قدام التلفزيون
وسرح بأفكاره لليوم اللي طلبت فيه ريانة من انهم
يتجوزوا..
ريانة:تتجوزني؟
أيوب بيقف من الصدمة ويقول:ايه؟
ريانة:انت محتاجلي وانا محتجاك ‘ احنا الاتنين
دلوقتي هنكون فاهمين احتياجات كل واحد فينا اكتر
من التاني..
أيوب:ريانة متنسيش ان إلياس بيحبك؟ وو ووانا في
يوم من الايام كنت هخطب صاحبة عمرك؟!
وبحبها ومازلت بحبها!!
ريانة:إلياس عمره ما كان الشخص اللي يناسبني
وقلتلك ده ميت مرة قبل كده ..
أيوب:هنخلق فجوة كبيرة اوي لو اتجوزنا ما بينا
وما بينهم
ريانة بتقرب لأيوب وتحضنه بدلع وتعيط وتقول:
بس احتياجنا للحضن ده أقوى من اننا نخاف من
المغامرة؟
أيوب باندهاش:مغامرة؟!
ريانة:اه ‘ هنتجوز الاول ومحدش فيهم هيعرف بده
وهنشوف هنعرف نعوض بعضنا من نقص
بيطاردنا في كل حتة ولا لا؟ ولو عرفنا هنعلنها
قدامهم ولو معرفناش يبقى خلاص هنخلي بعض
من المسؤولية وهما يكونوا في نفس الوقت معرفوش؟!
وبكده هنكون مخسرناش حاجه؟!
اعتقد مغامرة تستحق اننا نعيشها؟
أيوب بتردد:اا اانا موجوع ومش هقدر ادي اي حد
مشاعر؟!
ريانة:هديك لحد ما تخف شوية من وجعك وتقدر تديني
كل مشاعرك
أيوب بخوف:اشمعنى انا؟
ريانة:عشان امان بدور عليه من زمان جواك انت وبس
أيوب:صدقيني خايف اظلمك
ريانة:بس انا محتاجة ليك اوي قد ما انت محتاج
ليا
أيوب:انا عاوز ابقى لوحدي
ريانة:وانا خايفة اوي من غيرك
************************************************
في الغردقة رودينا قاعدة قدام الظابط اللي كان
بيسألها:
علاقتك ايه بالمجني عليها ريانة عادل
رودينا بتوتر:كانت صاحبتي
الظابط:يقال انك كنتي على خلاف معاها قبل ما
تيجوا هنا الغردقة
رودينا:لا
الظابط:لا! امال جوز المجني عليها أيوب قال ليه
ان حصل بينكم مشادة خلت المجني عليها تتعب
وتروح المستشفى؟
رودينا:هو فعلا ريانة كانت عندي قبل ما تتعب اخر
مرة وتروح المستشفى وكانت بتتكلم معايا
عادي ‘ بعدين فضلت تزعق وتقولي انتي عايزة تاخدي
مني أيوب انا عارفة ‘ انتي عايزة
تسرقيه مني فانا قلتلها ان اللي سرق من البداية
هو انتي مش انا ..
الظابط:بعدين؟
رودينا:فضلت تقولي انا عارفة ان هو لسه بيحبك
وانك عمرك ما اختفيتي عن باله ‘ بس انا اللي
احق منك بيه ‘ انا محتاجاه اكتر منك ‘ انتي ممكن
تلاقي الف واحد يحبك بس انا مش هلاقي
واحد زي أيوب رغم انه محبنيش الا انه قدر يديني
امان كنت عايزاه!!
الظابط:وبعدين؟
رودينا:لقتها فجأة بتبص بنظرات مخيفة وبرقت اووي
وبدأت تنهار وقتها كلمت اخويا إلياس ونقلناها
المستشفى..
الظابط:وليه لما العلاقة ما بينكم متوترة كده ‘
سافرتوا سوا على الغردقة؟
رودينا:عشان هي طلبت مني ده!
....................
استنوني الحلقة اللي جاية
