الحلقــــــــــة الخامســـــــة عشـــــر
باهر يخرج الشنطة ويفتحها يلاقي جواها سكينة سودة متوسطة الحجم في كيس بلاستيك!!
باهر لأيوب:ايه ده؟!
أيوب بيقرب ولسه هيمسك الشنطة والسكينة فباهر
بعده وقاله:لا متمسكش حاجه ‘مش شفتني
مسكتها بالمنديل ازاي وبطريقة معينة عشان
البصمات اللي عليها متختفيش..
باهر يمسك التلفون ويتصل ويقول:ايوة ‘ ابعتلي حد
من فريق عمل الطب الشرعي على فيلا
في العنوان ........ اه بسرعة ...
باهر يقفل التلفون ويبص لأيوب اللي متوتر ومصدوم
ويسأله:ها يا أيوب تقدر تقولي الشنطة دي
بتعمل ايه عندك؟
أيوب بارتباك:اا ال الشنطة دي زي ما قلت لحضرتك
اختفت من فترة
باهر:والسكينة اللي جوة الشنطة؟
أيوب:دد دي سكينة المطبخ
باهر:ايه اللي جاب سكينة المطبخ هنا في الشنطة
ومحطوطة في كيس يلاستيك كمان؟!
أيوب:مم ممعرفش!!
أيوب فجأة يفتكر لما من فترة جتله ريانة تشتكي
من اختفاء السكينة بتاعت المطبخ!!
********************************************
أيوب قاعد في مكتبه اللي في الفيلا بيخلص ورقه
والمفروض ريانة كانت تعمل الاكل ليه..
فجأة دخلت ريانة وبتسأل أيوب:شفت سكينة المطبخ؟!
أيوب:هتلاقيها عندك اكيد حبيبتي!!
ريانة:لا مفيش غير الصغيرة والكبيرة انما
السكينة المتوسطة يا أيوب اللي بحب اقطع بيها دايما
مش لاقياها؟!
أيوب باستغراب:ازاي يعني؟
ريانة بضيق شديد:مش عارفة!! قلبت عليها المطبخ
ومش لاقياها
أيوب:طب اسألي الدادة؟!
ريانة:سألتها وقالتلي انها مشفتهاش
أيوب:خلاص حبيبتي اعملي باي واحدة دلوقتي وابقي
هاتي غيرها
ريانة بضيق شديد:لا انا دي كنت بحبها عشان بتقطع
حلو اففففففف
*************************************
يفوق أيوب من سرد الواقعة فباهر يقوله:احنا
محتاجين نستجوب كمان الدادة
أيوب:بب بس هي مجتش من ساعة ما انا رجعت ‘ هه هي
فاكرة اا اانا لسة مسافرين
باهر:الدادة دي بتيجي لفترة معينة وتمشي ولا
مقيمة؟
أيوب:لا بتيجي تنضف وتعمل الاكل وتمشي
باهر:تمام ابقى اديني اسمها ورقمها وعنوانها
أيوب:تمام
باهر:تفتكر شكري ليه يد في الموضوع
أيوب:انا سبق وقلت للظابط اللي عمل التحقيق
معايا في الغردقة ان شكري مات !
باهر بيزمت شفايفه ويقول:شكري مات ‘ شككككري مات
أيوب بارتباك:اا ااه
باهر:هنتأكد بردو من موضوع موته
أيوب باستغراب:اشمعنا يعني؟
باهر:مخبيش عليك انت موقفك في القضية لحد دلوقتي
زي الزفت ! ويمكن الشكوك بتلف حواليك
اكتر واحد! انا بحاول اشوف على اد ما اقدر في
الدايرة الصغيرة اللي كانت حوالين المجني عليها
مين له يد في قتلها.. و اقوالك واقوال صحبتها
وحبيبتك سابقا واخوها مبتعملش حاجة غير انها
تدينك اكتر واحد! وجود سكينة كانت مختفية في
شنطة زي دي تثير الشك جدااا كمان!
ادينا مستنين الطب الشرعي يجي ويشوف البصمات !!
ليه بقى شكري لان التهديد اللي
ذكرته في التحقيقات للمدام مينفعش نعديه بسهولة!
لازم نتأكد فعلا انه مات ‘ عشان لو طلع
مماتش احنا لازم نجيبه..
وفجأة يرن جرس الفيلا يقوم باهر ويفتح الباب
لفريق الطب الشرعي ويقولهم:
ارفعوا البصمات اللي على الشنطة واللي على
السكينة ورحوا عاينوا الباب اللي فوق الطعنات اللي
عليه جاية من نفس السكينة دي ولا سكينة تانية!
وجزء يفتش في كل حتة في البيت ..
****************************************
رودينا وإلياس في الطيارة راجعين القاهرة..
رودينا بقرف:دي اسوأ رحلة في حياتي!!
إلياس:...
رودينا:يارتني ما سمعت كلامها ووافقتها على
السفر
إلياس:...
رودينا بتبص باستغراب لإلياس وتقول:مالك؟
إلياس:مفيش
رودينا:امال ساكت ليه؟
إلياس:ايه اللي هيخليني اتكلم؟!
رودينا:معقولة تكون لسه بتحبها
إلياس:زي ما انتي لسه بتحبيه!
رودينا:بس انا وهو كان بينا قصة حب وايام تخليني
مش قادرة انساه؟! لكن انت وهي؟!!
إلياس:ايه عايزة تقولي انها عمرها ما حبتني
وانها دايما كانت زلاني!!
رودينا بارتباك:مم مقصدش والله انا قصدي.....
إلياس:ولا قصدك ما دي فعلا الحقيقة!!
رودينا تسكت وتبص قدامها وإلياس يبص من شباك
الطيارة ويرجع بذكرياته لورا...
***********************************************
إلياس قاعد في بيته وعمال رايح جاي في اوضته
وكان جمبه أيوب بيذاكر..
إلياس كل شوية يبص من شباك اوضته ويرجع يمشي
رايح جاي..
أيوب:اييييييييييه يا عم!!! رايح جاي رايح جاي
خيلتني!! مش عارف ازاكر يا ياسو!!
إلياس:اتأخرت
أيوب:هي مين دي؟!
إلياس:تؤ ريانة
أيوب:اه صاحبة اختك دي؟! والله هموت واشوفها ..
بقلك ايه زاكر عشان احنا في ثانوية !
إلياس:زاكر انت ملكش دعوة بس
أيوب:ماشي وانا مالي
إلياس يرجع يبص تاني من الشباك ‘ أيوب يحاول
يزاكر بعدين يرجع يبص لإلياس ويقول:
انت عارف اوقات بستغربك اوي يا ياسو
إلياس:ليه؟
أيوب:انا اعرفك من تالتة اعدادي وانت من ساعتها
معجب بيها؟!! مش شايف ان احنا لسه
صغيرين يعني على الكلام ده؟
إلياس:بس احنا دلوقتي تانية ثانوي!
أيوب:طيب ما يمكن البنت مش في بالها اصلااا
إلياس:ما هي فعلا كده ‘ بس هي على طول حزينة
وبحس انها مكسورة ‘ حتى لما بسلم عليها
بحسها خايفة ومرتبكة
أيوب:ياه للدرجادي هي شغلاك!!
إلياس:اوووووي
أيوب:طب رودينا متعرفش هي ليه حزينة؟
إلياس:رودينا ياما سئلتها ليه دايما بنحسك حزينة
وليه دايما منطوية في المدرسة بس كل اللي بتقوله
انها كبرت على انها تبقى وحيدة وان ملهاش حاجة
تخليها مبسوطة وانها محرومة يعني من حنان
الام..
أيوب:ربنا معاها يارب.. طيب انا هنزل ازاكر في
بيتي بقى لحسن القعدة معاك هتجبني لورا
إلياس:مش هتستنى لما تشوفها
أيوب:الايام جاية كتير ‘ انا ورايا دلوقتي
مستقبل..سلام يا صاحبي
وبعد ما نزل أيوب بساعة جت ريانة وفتحت ليها
رودينا..
رودينا:ادخلي الاوضة جوة عقبال ما اجبلنا اكل من
المطبخ نتسلى بيه
إلياس لما شاف رودينا دخلت المطبخ راح لاوضتها
وخبط على الباب..
ريانة:ايوة؟
إلياس بيفتح الباب ويدخل ويقول:
ازيك؟
ريانة بتوتر شديد:الحمد الله
إلياس:اا اانا سمعت صوتك فقلت اجي ا اسلم عليكي
ريانة وعينها في الارض وايدها بتترعش:شش ششكرا
.. هي فين رودينا
إلياس:في المطبخ وجاية
بتقوم ريانة بسرعة وتقول:اا اانا عاوزة اروحلها
إلياس:انتي خايفة مني ولا ايه؟
ريانة:ها للا لا ب بس انا مش عايزة افضل هنا
ولسه جاية تمشي فإلياس مسك ايدها عشان يمنعها من
انها تعديه..
ريانة بتتوتر اوووي وبخوف:لل للو سمحت ‘ اا اايه
ااايه
إلياس:متخافيش يا ريانة انا بس كنت عاوز اقلك
اني ....
ريانة بتترعش:اا اانا لازم امشي لازم
إلياس:اا انا بحبك
ريانة تزق إلياس وتجري بسرعة من الاوضة وتروح
المطبخ وتفضل تعيط ...
إلياس يروح وراها فيلاقي رودينا حاضنة ريانة
وبتقولها:
مالك يا ريانة؟ في ايه؟
ريانة وهي بتعيط:مم ممفيش ‘ انا اناا انننا همشي
رودينا:ليه؟حصل ايه ؟؟
ريانة:اا انا لازم امشي
***************************************************
يرجع تاني إلياس للواقع ويبص على رودينا يلاقيها
نايمة وبعدين يرجع يسرح في ذكرياته
تاني لما كبر ودخل الجامعة ..
كان مع أيوب وكانوا ماشيين وفجأة وقف
أيوب:وقفت ليه؟
إلياس:ريانة هناك واقفة بتنقل الجدول
أيوب:والمطلوب؟
إلياس:اسبقني انت وهروح اكلمها
أيوب:يابني بلاااش ! انت كل مرة تكلمها البنت
تخاف وتفضل تترعش زي ما بتحكيلي!؟
إلياس:بس اسبقني انت بس دلوقتي
أيوب:ماشي
إلياس بيجري على ريانة ويناديها:رياااانة
ريانة بتلف تلاقيه ‘ تبتسم ابتسامة هادية:ازيك
يا إلياس
إلياس:وحشتيني
ريانة بتبص على الارض...
إلياس:ريانة انا محتاج اتكلم في موضوع كنت اتكلم
فيه معاكي زمان
ريانة بتوتر:مم معتقدش هينفع يا إلياس
إلياس بخيبة أمل:ليه؟
ريانة:عشان ببساطة انت زي اخويا وانا مش بحبك
غير حب اخوي
إلياس:بب بس انتي مدتنيش فرصة تخليني احبك صح؟!
انا كل ما احاول اقرب منك الاقيكي
بتبعدي؟؟
ريانة بتوتر اكتررر:عع ععشان مش عايزة
إلياس:ليه؟ فيه حد تاني في حياتك؟
ريانة بذعر:لالالالالالا مفيش لا مفيش لا لا
إلياس:طب براحة انا بسأل عادي
ريانة:لو سمحت يا إلياس متفتحش معايا الموضوع ده
تاني
إلياس:هسيب االايام تثبتلك اني بحبك وعايزك
تشاركيني حياتي
ريانة:يبقى مصمم انك توجع نفسك.. عن اذنك..
*********************************************
يسرح إلياس في ذكرياته اكتر ويرجع لما كان هو
وأيوب في سنة تالتة كلية وكانوا في البيت
ورودينا معاها ريانة..
رودينا:يلا الغدا جهز ‘ كله يسيب اللي بيعمله
وناكل
إلياس:ياااه اخيرا لحسن انا جعان
ريانة بهزار :انت على طول جعان
أيوب بيغمز لإلياس:اصل لما بيشوفك نفسه بتتفتح
اوي
ريانة حست بإحراج ومن كتر الإحراج وقعت منها
المعلقة اللي كانت بتحاول تحطها..
إلياس بيبرق لأيوب انه يسكت
كلوا كلهم وبعد الاكل قالت رودينا:
ما تيجوا يا جماعة نلعب كوتشينة شوية
أيوب:يلااا
رودينا:نلعب كنت كوبر؟
أيوب:اوك انا معاكي طبعا
رودينا:هههههه خلاص وإلياس مع ريانة
إلياس بفرحة:حلووو
ريانة بضيق:مينفعش انا ورودينا نبقى فريق
أيوب بضيق:لا انا حجزتها خلاص ‘ يلا روحوا انتوا
اتفقوا على اشارة هناك في المطبخ واحنا
هنتفق هنا..
إلياس:يلا بينا جوة يا ريانة
ريانة بتوتر:اوك
اول ما يدخلوا المطبخ فيقولها إلياس:مالك؟ حاسك
مضايقة؟ هو انتي للدرجادي مش طايقاني
ريانة بنرفزة:يوووووه هو انت ليه كل ما تشوفني
تبقى عاوز تعرف انا مالي!! ما تسبني في حالي
بقى؟!!!
إلياس:عشان بحبك وبخاف عليكي وببقى مش عارف
اعملك حاجة وانا شايفك حزينة دايما ودبلانة؟
انا حاسس انك محتاجة ايد تطبطب عليكي وكل ما
احاول اعمل كده مبتدنيش فرصة!!
صوت أيوب من برة:هاا خلاص اتفقتوا؟
إلياس:لا استنى
ريانة:مم ....
إلياس:انا متأكد ان فيه حزن جواكي ومستعد اعوضك
عنه بس بجد مش قادر ‘ لانك منعاني
ريانة:ارجوك كفاية كده ومتتدخلش في حياتي
إلياس بعصبية:ليييييييه!!!
ريانة بصوت عالي:عشااااان انا مبحكبششششششششش
ومش عايزااااااااك في حياااااااااتي ‘ افهمها
بقى اناااااا مش شايفاك تنفع اصلا في يوم من
الايام تكون جوووووووزي!!
رودينا وأيوب بيجوا جري على المطبخ على صوت
الزعيق..
رودينا بخضة:في ايه؟
ريانة بنرفزة ودموع:خلييييييه يبعد عن حيااااااتي
‘ انا مبحبش حد ولا عااااايزة حد يحبني!!!
انا عايزة افضل لوحدددددي وبس..
أيوب:إلياس تعالى معايا
وشد أيوب إلياس من ايده لانه كان واقف مصدوم ..
رودينا:اهدي يا ريانة ‘ خلاص مشي
ريانة بتبعد ايد رودينا وتترعش جامد وتزعق
وتقول:محدش ليه دعوة بياااااا محدش ليه دعوة بيا
محدش يحبني اصلاااااااا ‘ انا مش عايزة حب من
حد..
وتخرج جررري ‘ بعد ما تخرج تكون مامة رودينا
وإلياس رجعت من الشغل:في ايه؟ مالها ريانة
نازلة تجري تعيط؟
رودينا:مفيش يا ماما!
في اوضة إلياس ‘ أيوب قاعد معاه بيقول:يا عم دي
شكلها مش طبيعي خالص؟! انت مشفتش ايدها
بتترعش ازاي؟
إلياس:انا موجوع اوي يا أيوب
أيوب:انساها بقى يا إلياس وكفاية توّجع نفسك
كده؟!
إلياس:كنت نسيتها طول السنين اللي فاتت دي!! بس
انا بجد بحبها
أيوب بعصبية:ياعم فوووق بقى !! هي قلتهالك هي مش
عايزاااااك!!!
*********************************
يفوق إلياس على صوت كابتن الطيارة وهو بيقول
انهم وصلوا القاهرة خلاص ‘ يمسح دمعة نزلت
من عينه ويصحي رودينا..
**********************************
في مكتب الظابط باهر قاعد وحاطط ورقة فاضيه
قدامه وقلم .. الباب بيخبط ويدخل عليه واحد
ماسك ظرف من الطب الشرعي..
يفتحه باهر ويلاقي ورقة مكتوب فيها ان الطعنات
اللي لاقوها على الباب هي من نفس السكينة اللي
لاقوها في كيس بلاستيك ومعلهاش اي اثر لاي بصمة!
والتي شيرت اللي لاقوه واقع ورى السرير
لزوج المجني عليها وعليه قطرات دم لما تم فحصها
كانت لدم المجني عليها..
باهر بيرجع بذكرياته لما كان في الفيلا عند أيوب
وامرهم بالتفتيش جاله واحد ماسك تي شيرت
رجالي وقاله:لقينا التي شيرت ده واقع ورى السرير
في الاوضة وعليه قطرات دم..
باهر بيبص لأيوب:تعرف التي شيرت ده؟
أيوب بصدمة ورعب:اا ايوة دد دده بتاعي
باهر:تفسيرك لوجوده مستخبي ورا السرير؟ وايه
الدم اللي عليه ده
أيوب:اا اانا معرفش معرفش !!!
باهر:خد يا بني التي شيرت ده وابعته يتفحص مع
السكينة
وبعدين يبص لأيوب:الانكار كتير مش هيفيدك بالعكس
ده هيضعف موقفك!! دي جريمة قتل!!
أيوب:انا بجد مش عارف اي حاجه عن التي شيرت ده!!
باهر:مش بتاعك؟!
أيوب:ايوة بتاعي بس معرفش ايه اللي وداه ورا
السرير وايه الدم ده اصلااا!!!
يصحى باهر من افكاره على صوت خبط باب ويدخل ظابط
ويقوله:
لقينا الرقم ده يا فندم بيتصل كتير بالمجني
عليها وفيه مسجات مريبة نوعا ما بينهم
باهر:مريبة ازاي؟
الظابط التاني:زي انتي فين يا ريانة؟ انا قلقان
؟ طمنيني عليكي؟ عاوز اشوفك ؟ ضروري
اطمن عليكي؟
باهر:عرفتلي ده رقم مين؟
الظابط:كان متسجل باسم اسلام ولما دورنا على
معلومات عنه يا باشا لقينا انه دكتور نفساني
باهر:اوبااا ! اديني العنوان ونروحله فورا..
شوفتلي خديجة دي كمان رجعت ولا لسه؟
الظابط التاني:لسه
...........
استنوني الحلقة اللي جاية
