الحلقــــــة الرابعـــــة عشــــــر
الظابط:وليه لما العلاقة ما بينكم متوترة كده ‘
سافرتوا على الغردقة؟
رودينا:عشان هي طلبت مني ده!
الظابط باندهاش ازاي؟
رودينا بتحكي وفي نفس الوقت بتسترجع ذكرياتها..
رودينا بعد ما سمعت الكلام اللي كان ما بين أيوب
وريانة بتقف شوية وبعدين تخبط على الباب
وتدخل بابتسامة وتقول:صباح الخير
أيوب و ريانة:صباح النور
رودينا بابتسامة:انا جاية نبتدي صفحة جديدة
أيوب:طب انا تحت .. عن اذنكم
يمشي أيوب وتقعد رودينا وريانة في هدوء وبعدين
رودينا بتردد تقول:
صحتك عاملة ايه؟
ريانة:ماشي الحال
رودينا:الحمد الله
ريانة:انا بس محتاجة اغير جو شوية عشان التوتر
وكده
رودينا:تمام لما تخرجي بقى ‘ سافري يومين ولا
حاجة
ريانة:عايزاك تبقي معايا
رودينا بضيق : ليه؟
ريانة: عشان انتي صحبتي وعمري ما كنت عايزة
اخسرك
رودينا:بس انتي عارفة اني لسه مستصعبة الموضوع
ريانة:بس انا تعبانة ومحتاجة لمتكم كلكم حواليا
رودينا بتحس بتأنيب ضمير فتكمل ريانة
وتقولها:انا بجد محتاجة تكوني جمبي الفترة دي اوي
اكتر من اي وقت! وانتي عودتيني لما كنت بحتاجك
كنت بلاقيكي..
رودينا بضيقة وخنقة واحساس بتأنيب الضمير
تقول:حاضر
************************************************
تفوق من سردها لذكرياتها فيقولها الظابط
بدهشة:يعني ريانة كانت مغتصبة من شكري؟!
واستاذ أيوب مقلناش على المعلومة دي!!
رودينا بتوتر:انا قلت لازم حاجه زي دي تتعرف ‘
انا عارفة اني فشيت سر بس لازم يتقال
الظابط:لا سر ايه !! احنا يا جماعة بنحقق في
جريمة قتل!؟ مفيش وقت خالص لا للاسرار
ولا صحوبية ولا اي حاجه من دي!!
***************************************************
إلياس يكون قاعد برة مستني التحقيق يخلص مع
رودينا ويكون بيفتكر يوم ما اتقتلت ريانة..
كان قاعد في اوضته ولقى اتصال جاله..
إلياس:الو
ريانة من اوضتها:إلياس
إلياس :ايوة يا ريانة؟!
ريانة:انا تعبانة اوي وأيوب ناسي موبايله هنا ‘
ممكن تيجي شوية انا محتاجاك اوي
إلياس بخوف وخضة:حح ححاضر جاي
ويقفل إلياس بسرعة التلفون ويجري فورا على اوضة
ريانة ‘ يخبط الباب بقلق وتوتر
فتفتح ليه ريانة وتكون لابسة فستان اسود قصير
وتبتسم وتقوله:خش
إلياس باستغراب:مالك؟ حاسة بايه؟
ريانة:هههههههه اتخضيت عليا؟
إلياس مش فاهم حاجه وقال:اه مم مش انتي ق قولتي
انك تعبانة
ريانة:كنت عاوزة اتأكد انك لسه بتحبني
إلياس بعصبية:لو سمحتي خدي بالك بقى من
تصرفاتك!! انتي من ساعة ما جينا هنا وانتي
بتتصرفي تصرفات متصحش كزوجة!!
ريانة:انا قبل ما اكون زوجة كنت بتحبني؟!
إلياس:كنت
ريانة:ولسه؟
إلياس بتوتر:لا
موبايله يرن فيتفزع من زكرياته يرد على الشغل
وبعدين يرجع تاني لذكرياته وهو خارج
من الاوضة مرعوب ووشه مصفر وبيبص يمين وشمال
وبيجري بسرعة ووهو بيجري
يتكعبل يقوم يجري تاني ويفضل باصص يمين وشمال
ويتكعبل ويجري لحد ما يوصل
للاوضة..
اول ما يدخل الاوضة يقعد على الكرسي ‘ يمسح عرقه
ويكون بيترعش جامد..
يفوق تاني من ذكرياته على صوت رودينا وهي
بتناديه:
إلياس ‘ إلياس
إلياس يتخض جامد:ايه ايه ايه في ايه؟
رودينا:مالك حبيبي؟
إلياس بتوتر:ها لا مفيش كنت سرحان بس
رودينا:طب ادخل .. الظابط عايزك ..
إلياس:ح حاضر
*****************************************
أيوب قاعد في شغله يدخل عليه الظابط باهر اللي
اتحولت القضية ليه..
باهر:سلام عليكم
أيوب بيقوم بسرعة:وعليكم السلام ‘ اتفضل حضرتك
باهر:مكنتش احب اني لما اشوفك تاني ‘ اكون بحقق
معاك في قضية قتل المدام
أيوب:....
باهر:المهم انا جيت عشان ندردش شوية بخصوصك انت
والمدام
أيوب:تمام
باهر:قلي بقى متجوزين عن حب؟
أيوب:مش بالظبط
باهر:امال؟
أيوب:كانت محتاجة انها تتجوزني
باهر باستغراب:ازاي يعني؟
أيوب بتوتر:يعني عرضت عليا الجواز اكمنها كانت
خارجة من جوازة فاشلة و و وكانت
محتاجة تحس بالامان..
باهر:اممم ‘ انا اعرف اللي بيبقى خارج من جوازة
فاشلة بيبقى مش طايق حاجة اسمها جواز
مش تيجي هي بنفسها تقلك تعالى اتجوزني!!! مش
غريبة شوية؟ او انت مخبي حاجه بقى؟
أيوب بتوتر اكتر:لا زي ما بقول لحضرتك كده
باهر بيولع السجاير ويعزم على أيوب بس يقول:لا
شكرا مبدخنش
باهر:بص يا أيوب خلينا ندردش كصحاب ‘ انسى بقى
اني ظابط والكلام ده ‘ احنا بندردش
عشان نجيب حق المدام! ولا انت مش عايز تجيب
حقها؟
أيوب:بالعكس انا عاوز اوووي
باهر:طيب يبقى تعاون معايا كده وجاوبني ‘ انا
حتى جيت اعمل معاك دردشة ومرضتش افتح
معاك تحقيق رسمي ..
أيوب:تمام
باهر لسه جاي يتكلم يجيله اتصال يرد ويقول:اهلا
يا حسام باشا.. اتفضل.. اه ؟ هي قالت كده..
اممم وبعدين؟ اه.. تمام .. اه خلاص حولهم..
يقفل التلفون ويبص لأيوب ويقول:انا مش سبق
وقلتلك ندردش ونقول كل حاجة
أيوب:اه؟
باهر:ولما هو اه ‘ خبيت ليه علينا ان المدام
اتعرضت للاعتداء وهي صغيرة من قبل زوجها
السابق؟!!
أيوب بفزع وخضة:اا اانتوا ازاي عع عرفتوا
باهر:رودينا صاحبتها اعترفت بده في التحقيق
أيوب بشك:رودينا!!
باهر:اه؟ مستغرب ليه؟!!
أيوب:ع عشان محدش يعرف بالموضوع ده غيري انا
وريانة!
باهر:ليه محكتش حاجة زي دي؟! ليييه خبيتها!
أيوب:عشان ريانة حلفتني اني محكيش حاجه زي دي
باهر بعصبية:احنا هنستعبط!!! دي جريمة قتل!!
مفيش حاجه اسمها حلفتني ؟!
أيوب:....
باهر:اففف شفت ازاي خلتني اتعصب ‘ انا سبق
وقلتلك اني جيت من غير محضر رسمي عشان
ندردش واخليك تتكلم وعمال بسحب منك الكلام
بالعافية! زي ما تكون مش عايز تساعدنا!!
أيوب:اا انا مقصدش ‘ ا انا الموضوع كله .....
باهر يقوم ويفضل يتمشى في الفيلا ويشاور لأيوب
يكمل ويقول:كمل كمل سامعاك ‘ انا
بس ببص بصة كده..
أيوب:ا انا بس متوتر شوية ومش عارف اقول ايه
باهر بيلاقي شنطة سنسونايت محطوطة ورا الكنبة
قرب الباب اللي بيطلع على الجنينة زي ما يكون
حد مخبيها..
باهر:شنطة مين دي؟
أيوب :شش شنطتي
باهر:وحططها كده ليه؟
أيوب:اا اا الشنطة دي انا ك ك ككنت بدور عليها
من فترة لانها اختفت
باهر يخرج الشنطة ويفتحها يلاقي جواها سكينة سودة متوسطة الحجم في كيس بلاستيك!!
..............
استنوني الحلقة اللي جاية
