"هِسّهِسّ" الحلقــــــــة التاسعــــــــة

الحلقــــــــة التاسعــــــــة

رودينا بتقاطعه:انا لسه بحبك ومش قادرة انساك ‘ وعمررري ما خدعتك

أيوب وقلبه بيدق جامد:اا انا ....

رودينا:انا عارفة اني خذلتك واني فجأة مشيت واختفيت من حياتك من غير ما اقلك ! وعارفة ان ده

مش وقته وانك شايفني انانية اوووي.. بس انا مش قادرة افهم هو ايه اللي حصل لينا ‘ هو احنا

ازاي وصلنا لكده!

أيوب:رودينا انتي فيه حجات كتيرة اوي متعرفهاش عن صاحبتك ‘ يمكن لو عرفتيها هتتصدمي!

رودينا بدموع:انا فعلا طلعت معرفهاش!! انا كنت فاكرة اني اقرب واحدة لريانة بس شكلي طلعت

أبعد واحدة..

أيوب: فيه كلام دلوقتي لو اتقال هيكون فات اوانه ‘ وفي حجات لو رجعت من الماضي هنظلم ناس

شافوا ظلم كفاية في حياتهم!!

رودينا لسه هتتكلم شافت إلياس جاي من بعيد فسكتت..

أيوب:انا عارف اللي هطلبه منك ده صعب اوي ‘ بس لو حبتيني بجد في يوم من الايام ولسه

بتحبيني ‘ اصبري شووية .. وحاولي تقفي جمب ريانة الفترة دي .. الفترة دي بس على الاقل..

مش هطلب منك اكتر من كده..

إلياس جه ومعاه عصير ليهم: اتفضلوا

رودينا بدموع:انا عايزة اروّح يا إلياس

إلياس بيبص ليهم هما الاتنين ومش فاهم حاجه .. أيوب بيستأذن من الممرضة يدخل لريانة فتوافق..

الممرضة:بس لو سمحت متحاولش تفتح معاها اي موضوع يثير أعصابها..

أيوب:حاضر

يدخل أيوب بابتسامة فتستقبلة ريانة بابتسامة باهتة..

أيوب:سلامتك حبيبي

ريانة:الله يسلمك

أيوب بيمسك ايد ريانة ويضمها بايديه الاتنين ويفضل يمرر صوابعه على ايدها برقة ويقول:

ساعات بحس انك طفلة صغيرة وساعات بشوف في عنيكي ست كبيرة اوووي

ريانة بتبتسم: وانا كل يوم مبندمش ان حكتلك في يوم عن القرف اللي شفته

أيوب يحط ايده على شفايفها ويقولها:ششششش مش عايزين نفتكر حاجة تضايقنا .. غمضي عنيكي

ونامي..

تغمض ريانة عيونها وتحاول تنام..

أيوب يقعد يتأمل ملامحها .. شعرها القصير من جهة ومن جهة تانية طويل وكيرلي .. تحت عينها

سواد رهيب.. لون وشها الباهت الاصفر..

يمدد نفسه على الكنبة اللي قدام سريرها ويفتكر ايام لما كان موجوع من رودينا ...

*******************************

أيوب قاعد في شقته ومربي دقنه والشقة حواليه مقلوبة ‘ فجأة يرن جرس الباب.. يقوم يفتح يلاقي

ريانة واقفة قدامه ‘ لابسة فستان تركواز واصل لركبتها وشعرها كان لحد كتفها وفيه خصل لونها

فوشيا..

ريانة:اعمل ايه! ما انا بكلمك ومبتردش على اي حد! فقلت اجي اشوفك

أيوب يشاور في سكات ليها بمعنى انها تتفضل تدخل جوة..

ريانة تدخل وعينها تفضل تقلب في المكان كله وتشوف الفوضي والبهدلة اللي في المكان فتقول:

انت ازاي عايش في الزريبة دي! انا هبقى ابعتلك حد ينضف وحاليا هروق شوية المكان..

أيوب يقعد على الكرسي وهو لسه ساكت..

ريانة تبدأ تشيل الورق والحجات الواقعة على الارض وترميها في الزبالة ‘ وبعدها تفضل تزبط

في مخدات الكنبة وتعدلها .. تجيب قماشة وتمسح التراب اللي على الترابيزة اللي ما بين التلفزيون

والكنب..

ريانة تبص شوية للمكان وتقول:اممم يعني اهي اتروقت شوية .. المطبخ على فكرة مزبلة

انت ازاي بتاكل؟

أيوب نظراته شاردة وبعيدة وساكت..

ريانة:شكلك اصلا مبتاكلش! انا هطلبلنا غداا وهتاااكل

تبص ليه فتلاقيه لسه باصص لبعيد تكمل وتقول:تحب تاكل بيتزا؟ ولا اجيب مشويات!!

اقلك انا نفسي في بيتزا بالسي فووود يمممييييي..

تروح تطلب من التلفون وبعد ما تخلص تبص ليه وتقوله:

وبعدين يعني معاك يا أيوب!! انت بقالك شهر في الحالة دي؟!! حتى إلياس حاول يكلمك كتير وانت

لا بترد عليه ولا حتى بتفتحله الباب!!

أيوب:....

ريانة بتقرب من أيوب وتقوله:انا عارفة ان الموضوع صعب عليك! انك ترجع تلاقي فجأة اللي

اتغربت عشانه وتعبك ومجهودك راحوا على الفاضي.. بس خلاااص .. لازم تفوووق!!

أيوب الدموع بتيجي في عينه..

ريانة: عارف ؟! ولا لا انت مش عارف!!

عارف ان إلياس بدأ يقرب مني تاني خصوصا بعد ما اطلقت! بس انا وإلياس عمرنا ما هينفع

نكون مع بعض..

أيوب بيبص ليها بنظرة معناها انه مش فاهم السبب..

ريانة: إلياس اي بنت تتمناه اصلااا ‘ عارف خديجة صحبتي؟ اللي هي المغربية دي!! بتموووت فيه

وكل ما كانت تشوووفه كانت بتحاول تقرب منه بس هو عمرها ما اداها ووش!!

أيوب:....

ريانة:الدنيا دي غريبة اوووي!! بتلف بينا بطريقة غريبة!!

أيوب:....

ريانة:مسألتنيش يعني انا وإلياس ليه مينفعش نكون مع بعض؟!

أيوب بصوت مبحوح:لـ ــيــ ـه

ريانة بتبسم لتجاوب أيوب معاها وتقوله: إلياس انسان جميل اوي وعاقل ورومانسي وحنون بس

جبان اوووي!! وانا جباااانة اوووووي اوووووووي اووووووي ! محتاجه راجل شجاع

ياخدني في حضنه ويديني امان في عز خوووفي!! مش يخاف اكتر لو انا خفت!!

أيوب:ممكن

ريانة بتسند ضهرها على الكنبة وتمدد شوية وتسرح وتقول:

انا هقلك سر ‘ محدش يعرفه حتى روديناااا !!

انا مكنتش فيرجن !!!

أيوب صُعق من الصدمة واتنطر من الكرسي وبص جامد لريانة وقال:ايــــــــــه!!

ريانة بدموع: شكري! اللي اتجوزته والكل بما فيهم بابا الله يرحمه كان مستغرب اني وافقت على

طلب جوازه!! هو السبب!! ومن زمان بقى !!

أيوب بصدمة ودهشة:ازااااي!!

ريانة بعياط:حقييييييير وواطي ‘ ربنا يحرررررقه مطرح ما غااااار استغل وانا صغيرة ان بابا

مكنش فاضي ليا وتيتة الله يرحمها كانت يدوب بتاخد بالها بالعافية وقرررب مننا وفهمهم اني

زي بنته واداني حنان مزيف في وقت كنت محتاجة فيه اووووي كل حنان الدنيا!!

أيوب:وليييه مقلتيش لباباكي؟!!! ليه مقلتيش حتى لاقرب صحابك؟!!

ريانة:مش عارفة!! كنت مرعووووبة وهو كان رعبني اووووي!! كان مخوووفني من كل حاجة!!

هه انا حتى مش عارفة اتكلمت ازاي معاك كده بكل سهولة!!

أيوب:ر ررودينا متعرفش؟!

ريانة:تؤ

أيوب: بعدين كممملي؟!

ريانة:اعتدى عليااا كتيير وبقى كل ما ينزل اجازة ياخدنى لمكان بعيد قال يعني بيفسحني وهو كان

بياخدني ويعاملني على اني مراته ويستغلني..

قام أيوب فجأة وخد ريانة في حضنه .. الاتنين كانوا ضعاف جدا وقتها وكان كل واحد فيهم محتاج

الحضن ده..

أيوب استوعب انه حضن ريانة فيبعدها براحه ويقول بإحراج:اا اا اانا اسف انا اسف

ريانة: تتجوزني؟!

***************************************

يفوق أيوب من ذكرياته على صوت ريانة وهي بتناديه:أيوووب أيووووب

أيوب:ايوة ايوة يا ريانة!

ريانة:عطشانة

أيوب:حح ححاضر

*****************************************

رودينا في اوضتها قاعدة بتعيط وبتكتم بقها بايدها الاتنين عشان ميسمعهاش إلياس وتفتكر لما

سافرت وهي متجوزة واحد متعرفهوش ولا بتحبه..

داخلين الشقة مع بعض ‘ دخل جوزها الاول وكان عبارة عن شاب طويل ‘ شعره أشقر وعينه بني

ولون بشرته فاتحة..

زوج رودينا:ادخلي

رودينا بإحراج بتدخل وتفضل واقفة تبص على الشقة..

زوج رودينا: بصي جوة هتلاقي التلاجة مليانة بكل حاجة والشقة متوضبة ‘ انا خارج وراجع بليل

عايز اما ارجع بقى نقضي ليلة عرسان! ها ! وياريت لما ارجع الاقيكي قلعتي وش الخشب

ده وانتي بتقلعي هدومك!

رودينا:رايح فين يا تامر؟

تامر بيبص بكل قرف لرودينا ويقولها:لا بصي! شغل النسوان المصري ده مش في لندن! ولازم

تعرفي اني مبحبش حد يسألني انت فين وبتعمل ايه ولا يفكرررر بس انه يسأل !

ويبعت بوسة ليها في الهوا ويسيبها ويمشي..

تفضل رودينا واقفة في مكانها بتحاول تستوعب الوضع اللي هي بقت فيه وتلاقي نفسها بدأت تعيط

لحد ما بتقع على الارض وهي لسه عاملة تعيط وتقول:والله حراااام ‘ والله حرااااام

صوت جملة تهديد باباها بترن في ودانها: هتتجوزي تاااامر يعني هتتجوزييييه ولو فكرتي ترفضي

اعرفي ان بابا تامر مش سهل ولو شم ان رفضك لابنه ده عشان واحد زي أيوب ! هيدمرلك أيوب!!

لو بتخافي على أيوب فعلاااا وعلى باباكي العياااااان يبقى لازم تتجوزي تامر..

رودينا بتفضل ربع ساعة واقعة على الارض ودموعها مبتنشفش ‘ بعدين تقوم تدخل المطبخ ‘

تحاول تاكل اي حاجه وتدخل تنام بهدومها على السرير..

وبعد ساعات كتيرة فجأة بتصحى مفزززوعة على ايد بتزقها وتقول:انتتتتتي يا هاااااانم!!

رودينا بتستوعب ان اللي بيتكلم ده تامر فتقول:ايوة

تامر:انا مش قايلك ارجع الاقيكي موضبالي نفسك!! اقووووم رااااجع الاقيكي لسه بلبسك يا منتنة!!

رودينا تتعصب وتقول:ايه ده ! انت ازاااي تشتمني كده!!

تامر:ماهو انتي لو بني ادمة نضيفة وكويسة مكنتيش اتشتمتي!! انما انتي واضح انك غبية

ومبتفهميش!!

رودينا:انت اصلاااا ازاي تتكلم معايا باللهجة ده!!! انت مشترتنييييش بفلووووسك عشان تبيع

وتشتري فيا!!

تامر:هه لا يا حلوة انا دافع فيكي 2 مليون جنيه!!

ويمسك ايدها بقوة ويقول:وعارف القصة وما فيها! ان السنيورة كانت بتحب واحد صعلوووك!!

بس باباها الطمااااع اتزغللت عينه بفلوووسي وفسخ خطوبتك معاه وجوززززك ليا!!

يبقى اشتررريتك ولا لا!!

رودينا بعصبية:انت ازااااااااااي تتكلم كددددده عن بابا وعن أيوووب ‘ انت اتجنننت!!!

تامر يضرب رودينا بالقلم ويزقها جامد على السرير:لااااا اللي اتجنن هو انتي!!! واضح كده

اني هديكي اول درس بدري بدري..

يقلع تامر حزام بنطلونه ويبدأ يضرب رودينا جامد بيه ‘ رودينا تصرخ من الألم وتعيط جامد

وتكون مغمضة عينها ومع كل ضربة بتيجي على جسمها ‘ عقلها بيفتكر لحظة حلوة قضتها

مع أيوب..

رودينا بعياط وصريخ:انت حيوووووووووووان

تامر بيضرب اقوى :وانا عشااان حيوااان فبوريكي بقى مقااااامك

وفجأة يوقف ضرب ‘ تفتح رودينا عينها فتلاقيه بيقلع قميصه ويتهجم عليها بوحشية ويقول:

كنت عاوز اقضي معاكي ليلة بني ادمين بس واضح اللي زيك ميعرفش الواحد يتعامل معاه

الا بحيوانية..

................

استنوني الحلقة اللي جاية