الحلقـــــــة العشـــــــــرون
بعدها يخبط الباب تاني ويدخل الشاويش ومعاه ظرف من الطب
الشرعي ويقول:
الظرف ده مستعجل يا باشا
باهر يروح بسرعة ويفتحه ويقرأ اللي فيه ويكون مكتوب:
بعد معاينة الغرفة اللي تم فيها قتل المجني عليها في
فندق في الغردقة ‘ تبين وجود بصمات اخرى
على خشب السرير ‘ كما لوحظ وجود "قفاز" اسود
نسائي كان يقع تحت السرير الذي قُتلت
عليه المجني عليها . كما تم العثور أيضا على وجود الدم
في ظوافر المجني عليها وبعض من
بقايا الجلد..
باهر يطلب التلفون بسرعة:
ايوة يا دكتور معنى الكلام ده ايه؟
الدكتور:لازم يتعمل تحليل لكل المشكوك فيهم عشان نقدر
نعرف مين صاحب الدم اللي موجود
في أظافر المجني عليها..
باهر:اممم ‘ ابقى ابعتلي "الجوانتي" اللي
لقتوه تحت السرير عشان ابقى اسأل جوزها اذا كان
بتاعها ولا بتاع واحدة تانية!!
*****************************************
تاني يوم باهر استدعى أيوب وإلياس ورودينا واسلام وخديجة
وتم عمل عينات فحص ليهم..
إلياس:بيشمر دراعه عشان يتاخد منه عينة دم فلاحظ باهر
ارتباكه الشديد
باهر بيقرب من إلياس ويقول:ايه خايف؟
إلياس:يعني اا اصل بخاف من الابر
باهر:ههه متخافش شكة ابرة وتعدي
إلياس وهو متوتر جدا:اا ااه اه
باهر يلاحظ خربشة على كف إلياس ‘ فيمسك كف إلياس بسرعة
ويقوله:
ايه دي؟
إلياس:اا دد ددي تعويرة
باهر:من ايه؟
إلياس:ييعني مش فاكر كنت بعمل ايه فتخربشت جامد اوي
باهر بيبص فيها جامد ويقول:بس دي عميقة اوي! زي ما يكون
حد كان بيخربشك!
إلياس:ها .. لا .. لا
***************************************
بعد الفحص ‘ راح الدكتور لباهر في مكتبه واداله نتيجة
التحاليل..
باهر بعد ما قرا قال:
زي ما خمنت! الدم طلع لإلياس !
***************************************
أيوب وإلياس واسلام وخديجة ورودينا قاعدين في اوضة وكل
واحد في عالم تاني
رودينا وإلياس جمب بعض وإلياس بيكلم رودينا بصوت واطي
جدا..
رودينا برعب لإلياس:يعني ايه كنت عندها ليلة الحادثة؟!!
إلياس: بعد ما خلصنا كلنا عشا وانا طلعت اوضتي ‘ لقيتها
بتتصل بيا وبتقلي انها تعبانة اوي
وان أيوب مش عندها..
رودينا:ايوة لان أيوب كان معايا
إلياس: روحتلها ولقيتها غريبة اوووي
رودينا:غريبة ازاي؟
فجأة يجي باهر ويقاطعهم ويقول:
إلياس ‘ اتفضل معايا
الكل يبص لإلياس بشك وحيرة واستغراب ‘ اما رودينا فتكون
مرعوبة وقلقانة جدا..
************************************
في المكتب عند باهر ..
باهر:كنت بتعمل ايه عند ريانة ليلة الجريمة
إلياس:اا اانا مقتلتهاش
باهر:والدم اللي طلع تحت اضافرها ده ايه؟! والخرابيش
اللي على ايدك واللي كذبت عليا
فيها وقلتلي انك ناسي اتعورت ازاي وهي اللي عورتك وانتب
تحاول تخنقها!!
إلياس برعب:لا لا لا لا لا لا مش صح انا مخنقتهااااش انا
كنت بحاول احميها من نفسها
باهر باستغراب:ازاي؟!
إلياس بيرجع بذاكرته لورا
*************************************************
كان قاعد في اوضته في الفندق ولقى اتصال جاله..
إلياس:الو
ريانة من اوضتها:إلياس
إلياس :ايوة يا ريانة؟!
ريانة:انا تعبانة اوي وأيوب ناسي موبايله هنا ‘
ممكن تيجي شوية انا محتاجاك اوي
إلياس بخوف وخضة:حح ححاضر جاي
ويقفل إلياس بسرعة التلفون ويجري فورا على اوضة
ريانة ‘ يخبط الباب بقلق وتوتر
فتفتح ليه ريانة وتكون لابسة فستان اسود قصير
وتبتسم وتقوله:خش
إلياس باستغراب:مالك؟ حاسة بايه؟
ريانة:هههههههه اتخضيت عليا؟
إلياس مش فاهم حاجه وقال:اه مم مش انتي ق قولتي
انك تعبانة
ريانة:كنت عاوزة اتأكد انك لسه بتحبني
إلياس بعصبية:لو سمحتي خدي بالك بقى من
تصرفاتك!! انتي من ساعة ما جينا هنا وانتي
بتتصرفي تصرفات متصحش كزوجة!!
ريانة:انا قبل ما اكون زوجة كنت بتحبني؟!
إلياس:كنت
ريانة:ولسه؟
إلياس بتوتر:لا
ريانة بدلع اكتر:تؤ ليه بس؟
إلياس يقوم عشان يمشي ويقول:شش شكلك بقيتي كويسة ‘ انا
هقوم امشي
ريانة تمسكه من ايده وتقوله: أيوب بيخوني ‘ دي فرصتك !
إلياس برعب:أ ا أيوب عمره ما يقدر يخون ولا يعرف يخون
ريانة بتبريق:لااااااااااااا بيخوووووني!!! انت متعرفش
حاجه!!! زي ما شكري خاني؟!
إلياس:لا ح ححتى لو أيوب كك ككان عنده حبة مشاعر لرودينا
لل للكن عمره ما يخون
وو وبعدين ...
ريانة تقرب اكتر وتقول بهمس: خونوه !
إلياس يزق ريانة:ا ااانتي اكيد مجنونة ‘ اا اكيد مش
طبيعية
ريانة:انتم اللي مجانين ‘ انا اعقل واحدة فيكم !!
تبعد عنه ريانة وتبدأ نظرات عيونها تروح يمين وشمال
بطريقة تخوف وهستيرية وبعدين
تتشنج وتبدأ تخنق في نفسها وتقول : ابعد عني يا حيواااان
ابعد عننننني
إلياس بخوف وخضة يجري عليها ويحاول يخليها تفك ايدها عن
رقبتها ويقول:
بتعملي ايه يا مجنونة هتخنقي نفسك
ريانة:انا عارفة انك عايز تقتلني عاااااارفة ‘ بشوووف في
عنيك كده ‘ ابعد عني ابعد عني
إلياس يحاول يشيل ايدها بالعافية من على رقبتها لان وشها
بدأ يزرق وبدأت مش عارفة
تاخد نفسها والدم بدأ يطلع من ودانها ومن مناخيرها..
وفجأة إلياس يصرخ ويبص لايده يلاقيها متخربشة:
اااااخ يا مجنوووونة ‘ بتعملي ايه ‘ بتعملي ايه
ريانة وهي عمالة تتخانق مع إلياس وتخنق نفسها بايدها
وتقول:سبني سبني
إلياس يكون مرعوب فيقرر انه يجري برة الاوضة وبالفعل
يفتح الباب ويجري
بسرعة من الاوضة ويفضل يبص يمين وشمال ويتكبعل ويقوم
يكمل جري وهو باصص
وراه وباصص يمين وشمال
لحد ما يوصل اوضته...
*********************************************
باهر يفتح الدرج ويطلع قفاز اسود ويسأله:
تعرف القفاز ده؟
إلياس:اا اه
باهر:بتاع مين؟
إلياس: دد ده اللي كانت لابساه ريانة وقت ما روحتلها
باهر:كانت لابساه وقت ما روحتلها ! ‘ قلعته ولا فضلت بيه
لحد ما انت مشيت
إلياس:لا كانت بيه
باهر بتكشيرة:محكتش ليه على كل ده لما استجوبناك!
إلياس:عع عشان كنت خايف لالبس قضية القتل
باهر بعصبية:هتستهبل!! ما انت لابسها لابسها يا خويا!!
إلياس برعب:اقسم بالله انا مقتلتهااااش والله كانت عايشة
لما سبتها ‘ ااا انا خفت اوووي
وجريت لكن مقتلتهااااش والله ما قتلتهااا..
باهر:موقفك في القضية ضعيف ! الدم اللي موجود في اضافر
القتيلة هو انت وبقايا
اللحم اللي طلعت من ايدك وانتب تحاول تخنقها بتاعتك انت!
إلياس:صدقني انا كنت بنقذها من نفسها ‘ هي هي اللي كانت
بتحاول تقتل نفسها
باهر:حطتلها السم ازاي
إلياس بصدمة:سم! سم ايه!! انا معرفش انت بتتكلم عن ايه
باهر:السم اللي ماتت بيه ‘ الزرنيخ
إلياس:انا مم معرفش انا مقتلتش اناااا معررررفش والله ما
اعرفش
باهر:الانكار يا إلياس كتير مش هيفيدك!
فجأة الباب يخبط ويدخل ظابط تاني ويقول:
استجوبنا فهيمة والبواب بتاع الفيلا بس فيه حاجه قلوها
ممكن تهم القضية!
باهر:قووول ما احنا مش هنخلص من الجريمة دي!!
الظابط:فهيمة قالت ان في اخر مرة خديجة شافت فيها ريانة
‘ اتخنقوا خناقة كبيرة جدا
باهر:حلوو! اشجيني كمان
الظابط:والبواب قال لما سألناه عن الحديقة اللي كانت
متبهدلة ان مفيش حد دخل ولا خرج
من باب الفيلا في اليوم اللي حصل فيه ده وان بس ريانة
كانت جوة الفيلا!!
باهر :امممم يعني كلام اسلام صح!
إلياس قاعد مش فاهم ما بينهم وقال:اسلام!
******************************************
أيوب ورودينا واسلام وخديجة لسه قاعدين في الاوضة وبعدين
ايوب يقول لخديجة:
انتي ازاي متقوليليش ان ريانة كانت بتروح لدكتور نفساني
اسلام بضيق:وتقلك ليه ! هو انت كان في بالك حد اصلا!
أيوب بنرفزة:انت مااااالك!! انا بكلم صاحبة مراتي اللي خدت
مراتي لواحد زيك من غير
ما تعرف حقيقته!!
خديجة وهي بتبص لاسلام تقوله:انت استغلتني!!!
اسلام:انا مستغلتش حدددد ‘ انا اكترررر واحد كنت بعمل
لمصلحة ريانة!! ريانة اللي كلكم
معرفتوووش تحمووها وقتلتوها بغبائكم ده!
أيوب:احنا اللي قتلناها بردو؟!! ولا انت يا دكتوووور يا
عظيييم!!
خديجة:متعملش حالك يا أيوب برىء!! انت رغم انك حاولت
كتير تحبها لكن عمرك ما قدرت
تحبها
أيوب بنرفزة:قبل ما تحاسبوني ‘ حاسبوا نفسكم الاول!!
رودينا بزعيق وعياط:بسسسسسس بسسسسسس حرام عليكم !!
كفاااااية انا تعبت بقى انا تعبت
احنا هنا كلنا بسبب واحدة مجنونة ‘ هتجننا معاهااااا
اسلام بنرفزة يقوم ولسه هيهجم على رودينا
ويقولها:متقوووووليش مجنوووووونة
يدخل باهر ويزعق ويقول:اييييييييييه!!! في
اييييييييييه!! خلااااااص كلكم فجأة صحيّت
ضمايركم وبتحاكموا بعض!!!!
رودينا بعياط:إلياس فين؟
باهر:إلياس متهم بقتل ريانة
الكل بصدمة:ايه؟!!!!!!!
باهر:موقفه ضعيف جدااا ‘ الدم وباقي اللحم اللي لاقوه
تحت اضافر ريانة هو لإلياس!
خديجة بصدمة:معقول!!
رودينا بانهيار:معقول ايه انتي كماااان؟!! لالالالالا
اخويا عمره ما يقتل!! انتم اكيد بتستعبطوا
لالالالالالا مستحيييييييييل مستحييييييييل
أيوب:إلياس عمره ما يعملها
باهر:عندك تفسير تاني؟!
اسلام:والسم؟
باهر:ده بقى اللي لسه هنعرفه ‘ مش يمكن يطلع فيه قاتل
تاني يا دكتور؟! ولا انت ايه رأيك؟!!
اسلام:مم معرفش
باهر:معلش هتشرفونا شوية هنا لحد ما نشوف اخرتهاا ايه!!
يخرج باهر من برة الاوضة ورودينا يغمى عليها..
********************************************
باهر يروح للدكتور اللي بيحلل في جثة ريانة ..
باهر:ها يا دكتور لقيت حاجه جديدة؟
الدكتور:انا شاكك في حاجه ولو طلعت صح ‘ القضية كلها
هتتقلب!
باهر بفضول شديد:ايه؟
الدكتور:مستني تلفون وده اللي هيكون فيه الاجابة!!
وبعد ساعتين جاله تلفون وبعد ما قفل..
باهر:هااااا؟؟
الدكتور:انا كنت شاكك في حاجة وانا بفحص معدة المجني
عليها وهو وجود كميات كبيرة
من فيتامين سي وده خلاني اطلب من الفندق القتيلة كانت
بتاكل ايه وتشرب ايه وقت
وجودها هناك وهنا كانت المفاجأة!!
باهر:ايه؟؟
الدكتور:القتيلة كانت بتشرب عصير برتقال ولمون كتير
والعصاير دي فيها فيتامين سي!
باهر باستغراب:ايوة وبعدين ده هيفرق في ايه؟!
الدكتور:ليلة ما المجنى عليها ماتت كانت واكلة على العشا
جمبري وشربت عصير برتقال وبعده
لمون!
باهر بعدم فهم:ايوة وبعدين؟!!
الدكتور:الزرنيخ اللي متكون في معدة القتيلة واللي سممها
وكان سبب الوفاة مع الخنق جه عن
طريق الجمبري واللي بيتضمن تركيز عالي من من مركبات
الزرنيخ مع البوتاسيوم وده بيبقى
عادي وطبيعي جدااا وملوش اثار سامة على جسم الانسان..
باهر بفضول:اه وبعدين؟
الدكتور:بس بيبقى سام لو الشخص اتعاطى معاه فيتامين سي
وبيرجع السبب في ده لتفاعل
كيميائي بين بين اكسيد الزرنيخ والصيغة الكيميائية لــ As
205 فبيتغير الى زرنيخ
ثلاثي البوتاسيوم السام المعروف بردو بثالث أكسيد
الزرنيخ والمعروف عند الناس
باسم سم الزرنيخ!
باهر فاتح بقه ..
الدكتور بيكمل:والتسمم بالزرنيخ بيسبب شلل بالاوعية
الدموية ويحول نشاط الكبد ويعمل
نزيف وده اللي ظهر على المجني عليها النزيف من ودانها
وانفها..
باهر بيضحك ضحك هستيري ويقول:ههههههههههههه انت بتتكلم
بجد يا دكتور؟!
الدكتور:ايوة المجني عليها ماتت بسبب تناولها الجمبري مع
عصير البرتقال او اللمون!!
باهر:يعني هي ماتت مسموووومة عشان اكلت جمبري وكانت
بتشرب فيتامين سي كتير
زي ما بتقوول كده!!
الدكتور:بالظبط
باهر:يبقى اللي خنقها هو .....
.....................
استنوني الحلقة اللي جاية
