الحلقة السادســـة عشر
بيروح الظابط باهر لحد العيادة بتاعت اسلام
ويدخل .. يقابل الممرضة اللي كانت قاعدة برة ..
الممرضة:ايوة حضرتك؟
باهر:دكتور اسلام كمال جوة؟
الممرضة:حضرتك عندك ميعاد؟
باهر:قوليلوا الظابط باهر وبحقق في جريمة قتل
المجني عليها ريانة عادل
الممرضة اتخضت وقالت بخوف:حح ححاضر
وجريت جوة على الاوضة خبطت ودخلت وبعدها بثواني
خرج اسلام ووشه مصفر بسرعة وقال:
ايوة يا فندم
باهر:معاك الرائد باهر من مديرية امن القاهرة وكنت
جاي اسألك شوية حاجات كده عن واحدة
اتقتلت وعرفنا انها كانت ليها تواصل معاك فكنا
عايزين نسألك عنها..
اسلام بخوف :اا اسمها ايه حضرتك؟
باهر وهو بيترقب ملامح اسلام بشدة:ريانة عادل
اسلام يحس الدنيا بتلف بيه ويمسك في الكرسي اللي
كان جمب المكتب بتاع الممرضة السكرتيرة..
باهر يبص للممرضة ويقلها :هاتيله لو سمحتي
كوباية مية
الممرضة تجري تجيب كوباية مية وتديها لاسلام
اللي كانت ايده بتترعش وبيمسح عرقه..
باهر:ممكن ندخل جوة في مكتبك ندردش شوية..
اسلام :اا ااه
وبعدين يبص للمرضة ويقول:
الغي اي مواعيد النهاردة..
يدخل باهر ويتفحص المكتب ووراه اسلام..
يقعدوا الاتنين وبعدين باهر يقوله:
ايه علاقتك بالمجني عليها؟
اسلام:ريانة كانت بتتعالج عندي
باهر:
احكيلي كده ازاي جتلك اول مرة وكانت بتشتكي من
ايه؟
اسلام بارتباك:اا انا ع عرفتها من طريق صاحبتها
باهر باستغراب:رودينا؟
اسلام:لا
باهر:امال؟
اسلام:ع عن طريق خديجة
باهر:انت تعرف خديجة؟
اسلام:مم مش بالظبط .. من خمس سنين كنت انا راجع
من امريكا لمصر وكانت خديجة المضيفة
اللي في الطيارة..
باهر:بعدين؟
اسلام:في الاول اعجبت بيها وبعدين قعدت تحكيلي
عن صاحبتها المريضة نفسيا وطلبت مني
اني احاول اعالجها..
باهر:وبعدين؟
اسلام:وو واول مرة اشوف فيها ريانة كك كانت في
حفلة في مارينا
*****************************************
اسلام بيرجع بذكرياته لورا ..
اسلام في حفلة في مارينا واقف وكل شوية يبص
للموبايل بتاعه لحد ما رن..
اسلام بلهفة:فينك يا ديجا.. تمام هتلاقيني واقف
عند البسين..
بعد خمس دقايق تظهر خديجة من بعيد وكان شعرها
بني ناعم ولابسة فستان تركواز نازل على
واسع من تحت وبشرتها لونها خمري فاتح .. ومعاها
ريانة واللي كانت برونزية ولابسة فستان
بكم واحد طويل وواسع من تحت وفستان قصير ولونه
لنفسجي وشعرها كيرلي ..
اسلام اول ما يشوف ريانة عينه مبتنزلش من عليها
ويحس بدقات قلبه بتنبض بسرعة ..
خديجة:كيف الحال؟
اسلام:لا بقلك ايه والنبي يا ديجا مصري لحسن انا
بقعد ساعة اترجم كلمة
خديجة بدلع:هههه طب اسيك؟ مزيان؟
اسلام:ازز.. ازززيك مش بالززز مش بالسين .. وايه
مزيان دي
خديجة:هههههه يعني كويس؟ المهم اعرفك دي بقى صحبيتي اللي كنت ديال اتكلم عنها
اسلام:اهلا
ريانة:ازيك
خديجة:ده بقى احلى دكتور شاب شفته في حياتي
ريانة تبص باستغراب لخديجة ..
ريانة برقة:دد دكتور ايه؟
اسلام برقة اكتر:دكتور نفساني ‘ يعني لو في يوم
حسيتي انك مضايقة وعايزة تتكلمي هكون
سعيد جدا اني اسمعك..
ريانة تبتسم بتوتر:شش شكرا
خديجة:ايوب مش جاي؟
ريانة:لا انتي عارفة انه ملهوش في الحفلات
اسلام:ايوب مين؟
ريانة:جوزي
اسلام بصدمة:اا انتي متجوزة؟!
ريانة:اه!
اسلام:مش باين عليكي خالص
ريانة تبتسم بمبالاة..
اسلام:قولولي بقى انتم صحاب من زمان؟
خديجة:اه تقدر تقول من عشر سنين ‘ لما جيت مصر
اول مرة ‘ هي اللي علمتني اتكلم مصري
وعلمتها تفهمني مغربي عشان اتكلم براحتي..
اسلام:لا معلش معايا تنسي المغربي ده خالص
خديجة بدلع وتقرب لاسلام:عشان عيونك ههههههه
ريانة بتقرب على خديجة وتقولها:هو انتي معجبة
بيه ولا ايه؟
خديجة:يعني مش بزمتك احلى من إلياس اللي مش
معبرني ده خالص ولا حاسس بيا
ريانة:عادي
خديجة:حرام عليكي ده عسل اووووووي
*****************************************
بعد شهر من تعارف اسلام وريانة على بعض ‘ بدأت
تثق في اسلام ... وشوية شوية بدأت تروح
ليه العيادة..
في اول مرة راحت فيه العيادة نزلت ريانة من
عربيتها وهي متوتر اوووي ‘ جسمها كله كان
بيترعش.. دخلت العيادة وهي عمالة تتلفت يمين
وشمال زي ما تكون بتسرق..
الممرضة بابتسامة:
اهلا يا فندم
ريانة بتوتر:مم ممكن ادخل لدكتور اسلام
الممرضة:فيه ميعاد؟
ريانة:اممم لا
الممرضة: طب انا ممكن ادي لحضرتك ميعاد على
الاتنين اللي جاي ان شاء الله
ريانة:امممم طب ممكن تقوليلوا ان ريانة برة ‘ هو
يعرفني
الممرضة:حاضر ثواني يا فندم
تدخل الممرضة عند اسلام وبعد دقايق تخرج من برة
الاوضة وتقول:
اتفضلي حضرتك..
****************************************
تدخل ريانة لإسلام وهي مرتبكة جدا ومحرجة وحاسة
بتوتر فظيع..
اسلام يستقبلها بترحيب حار وبلهفة:
اهلاااا ازيك يا ريانة ‘ ايه المفاجئة الحلوة
دي! اخيرا قررتي تجيلي
ريانة بدهشة:ليه هو انت كنت مستنيني؟
اسلام بتوتر:هههه لا يعني قصدي ممم كنت حاسس انك
عاوزة تتكلمي من زمان بس خايفة
ريانة بتوتر:ا اانا مم انا اول مرة بصراحة اجي
لحد واقرر اتكلم معاه
اسلام بيهدي النور شوية ويبتسم ويقول:
ده في حد ذاته حلو ليكي
ريانة بخوف:ه ههو انا المفروض هقول ايه؟
اسلام:اللي انتي حابة تقوليه
ريانة:مممم
ريانة كان شعرها مرفوع وكانت لابسة فستان اسود
باكمام طويلة وبرقبة طويلة وقصير..
من التوتر رفعت شعرها كله لفوق ديل حصان..
اسلام:خليكي على راحتك ‘ خالص .. لو تحبي تمددي
على الكنبة اللي هناك
ريانة:ممكن؟
اسلام:اه طبعا
ريانة تروح تمدد على كنبة سودة في ركن من اركان
الاوضة..
اسلام يشغل موسيقى هادية ويوطي الصوت ويقول:انا
سامعك ‘ اتكلمي كانك بتكلمي
نفسك.. ايه اللي مضايقك في ريانة؟
ريانة:ريانة مضايقاني من زمان اوي
اسلام:....
ريانة:من ايام ما كانت صغيرة وسكتت على حاجات
كتير مكنش ينفع تسكت عليها
اسلام:زي؟
ريانة بدموع:زي انها تتعرض للاغتصاب وتسكت
اسلام يتصدم بس يمسك صدمته وميبينهاش ويقول:
وليه سكتت؟
ريانة:عشان جبااااانة! عاشت طول حياتها جبانة
وهتفضل جبانة
اسلام:وايه اللي حصلها لما اغتُصبت؟
ريانة:استسلمت للوحش المقر فده ‘ خلته يتحكم
فيها
اسلام:مين ده؟ كان زميلك؟
ريانة:لا كان صاحب بابا
اسلام يبلع ريقه بصعوبة ويقول:صاحب باباكي؟!!
ريانة:اه ككا كان اسمه شكري
اسلام وهو مصدوم بيقول:
وهو عمل ايه؟
ريانة:فضل مخليني تحت رحمته سنييين طووووويلة
اوووي لحد ما اتجوزني عشان يستر عليا!
وقال ايه كان مشيلني الجميل ده! انه ستر عليا
ومخلنيش اتفضح ‘ عشان هو بيحب بابا!!
ههه عمرك شفت سفالة كده؟!
اسلام بتكشيرة:كملي؟
ريانة:بس ربنا كشفه ليا في يوم وعرفني انه متجوز
وساعتها لقيتها فرصة ليا عشان استرد
حرية معشتهاش طول عمري..
اسلام بفضول شديد:عملتي ايه؟
ريانة:هددته لو مطلقنيش ودفع ليا نص املاكه هبلغ
مراته واللي ساعتها مش هتسكت الا لما
يتحبس..
اسلام:وبعدين؟
ريانة:اطلقت
اسلام:واتعرفتي على ايوب ازاي؟ مش اسمه ايوب
بردو؟
ريانة:اه ايوب اعرفه من عن طريق صحبتي الانتيم
..
اسلام:وبعدين؟
ريانة بتوتر شديد:كك ككانوا ...
اسلام باستغراب:كانوا ايه؟
ريانة:كانوا بيحبوا بعض
اسلام اتعدل في قعدته وبقى مركز اكتر مع ريانة
وقال:وبعدين؟
ريانة:كنت فاكرة لما اتجوز ايوب حياتي هتهدا ‘
بس اكتشفت اني زودت العذاب اكتر
اسلام:ليه؟
ريانة:لانه بيخوني؟
اسلام بشك:ازاي؟
ريانة:بسمعه بيتكلم في التلفون كتير وهو موطي
صوته !
اسلام:طب ليه بيخونك؟
ريانة:عشان محبنيش!
اسلام:مش شرط عشان مبيحبكيش يخونك؟!
ريانة:أيوب لسه على علاقة برودينا صحبتي اللي
كان بيحبها زمان
اسلام:ازاي؟
ريانة:كذا مرة اشوف موبايله والاقي مسجات ما
بينهم ! انا عمري ما تخيلت انها تكون خاينة!
دي متجوزة! تخيل؟!
اسلام:شفتيهم مع بعض؟
ريانة:لا اصل هي اصلا برة بس انا زي ما قلتلك
المسجات اللي بينهم هي اللي فضحتهم
اسلام:وهو عرف رقمها منين ؟ هل كان بيكلمها قبل
ما تسافر؟! هو اصلا ايه اللي خلاهم
يسيبوا بعض زمان لما هما لحد دلوقتي بيحبوا
بعض؟!!!
ريانة فجأة تتوتر اكتر وتبدأ نظرات عينها تروح
يمين وشمال وتكون زايغة ‘ وشها يصفر
اسلام يراقب الحركات الجديدة اللي ظهرت على
ريانة ويقول:
ريانة؟ سمعاني؟؟ معايا؟
وفجأة.......
................
استنوني الحلقة اللي جاية
