الحلقـــــة السادســـــة
إلياس:اصل أيوب كلمني وو وقالي ان ريانة اتعرضت
للقتل
رودينا بتوتر وبتحاول تصطنع البرود:وبعدين؟
إلياس:بيقولوا عندهم ظابط وكده بيحقق معاهم
وبعدين ريانة تعبت اوي ونقلوها للمستشفى
رودينا باهتمام:حصلها حاجه؟
إلياس:بيقولوا اعصابها تعبانة اوووي
رودينا:امممم
إلياس بتردد:اا انا بفكر اروح ازورهم
رودينا:ماشي
إلياس:مش هتزعلي؟
رودينا بيأس:لا عادي
إلياس:تحبي تيجي معايا؟
رودينا:مش دلوقتي ‘ سيب النفوس تتصفى لوحدها
إلياس:خلاص زي ما تحبي
**************************************
ريانة نايمة على سرير في اوضة في مستشفى خاص
وجمبها أيوب ماسك ايدها ..
أيوب:حاسة دلوقتي بتحسن؟
ريانة:اه الحمد الله
أيوب بيوطي يبوس جبينها ويقول:الحمد الله
ريانة:هو الظابط جاي بعد شوية؟
أيوب:اه عشان يكمل معاكي التحقيق
ريانة:وصلوا لحاجة
أيوب:لا لسه
ريانة:أيوب انا عايزة بجد اسافر ‘ انا اعصابي
تعبت خلاص
أيوب:حاضر حبيبتي يخلص التحقيق ونسافر
فجأة يسمعوا خبط على الباب ويدخل بعدها إلياس
ماسك بوكية ورد جميل ورقيق عبارة عن ورد
البنفسج والياسمين.. يدخل بابتسامة وإحراج..
أيوب يقوم ياخد منه البوكيه وبابتسامة ويسلموا
على بعض بحرارة..
إلياس وهو مبتسم :حمد الله على سلامتك
ريانة بابتسامة ضعيفة:الله يسلمك
أيوب:متشكر اوي يا إلياس على الزيارة دي
إلياس:مفيش يا صاحبي شكرا ما بين الصحاب ولا ايه
ريانة بابتسامة وفي عينها دموع فيلاحظها إلياس ‘
قلبه يدق بس على طول يقول لنفسه:
فوق ومتنساش ان دي مراة صاحبك ..
إلياس لريانة:اهم حاجة صحة ريانة
أيوب:طبعا ‘ مستنيين بس التحقيق يخلص وهنسافر ..
المهم انت فكرت في العرض اللي عرضته
عليك ولا لسه؟
إلياس بإحراج:يعني ....
ريانة فهمت وقالت:اكيد رودي رافضة
إلياس:يعني ‘ وانا مش حابب اضغط عليها بس اكيد
في يوم النفوس هتتصالح
ريانة:انا اول ما هخرج من المستشفى هروح اقابلها
...
أيوب وإلياس بصوا لبعض بخوف وقالوا:ان شاء الله
************************************
بعد يومين رجعت ريانة مع أيوب البيت تاني..
ريانة طالعة لفوق فأيوب قالها:حبيبتي تحبي نتغدى
برة؟
ريانة:اااه ماشي حبيبي ‘ هطلع بس اريح شوية
وبعدين نتغدى
أيوب:خلاص وانا هنا قاعد اتفرج على التلفزيون
ريانة طلعت غيرت لبسها ولبست البيجاما وبعدين
نامت..
أيوب قاعد بيتفرج على التلفزيون وسرح بتفكيره
لليوم اللي جه فيه الظابط يستجوب ريانة
في المستشفى..
باهر (( الظابط)) : هل اتعرضتي لتهديد قبل ده
ريانة:لا
أيوب استغرب انها مقالتش على التهديد اللي جالها
من التلفون
فجأة فاق أيوب من سرحانه على صوت ريانة وكانت
لابسة بيجاما سودة وشعرها متبهدل ونازلة
من على السلالم ببطأ وعينها مبرقة اوي..
أيوب بفزع:مالك حبيبتي؟ حاسة بحاجة
ريانة بتهز راسها بمعنى لا وبعدين تسيبه وتروح
المطبخ تشرب مية وبعدين تطلع الجنينة
تقعد على المرجيحة.. كل ده وأيوب مستغرب فراح
وراها وقالها:
ريانة تحبي نطلب من برة؟
ريانة تهز راسها بردو بمعنى لا
أيوب:اصل لقيتك قعدتي فقلت يمكن تكوني مش عايزة
نخرج
ريانة تبص جوة عينه شوية وهي مفتحة عينها اوي
وبعدين تقوم تقوله :طالعة البس
***************************************
أيوب بعد ساعة من الانتظار وعمال يبص على الساعة
يقول بصوت عالي:هي اتأخرت كده ليه؟
يقوم يطلع يشوفها فيدخل الاوضة يلاقيها نايمة
فيروح جمبها:
حبيبتي؟
ريانة بتفتح عينها ببطىء:ايوة حبيبي
أيوب:انتي نمتي!
ريانة:ااه
أيوب:اصل انتي قلتي هتلبسي ونازلة ! فاستغربت
اما اتأخرتي
ريانة:هقوم اهو البس
وتقوم ريانة ويفضل أيوب قاعد في الاوضة يتفرج
عليها وهي بتغسل وشها وبعدين تسرح شعرها
وتقول:ماله منكوش كده ليه!
أيوب:هههه من النوم بقى
ريانة تخرج وتفتح دولابها وتبص على أيوب بدلع
وتقوله:البس ايه؟
أيوب بابتسامة:اي حاجه
ريانة بدلع اكتر:البس الفستان القصير الفوشيا؟
أيوب:ههههه ماشي
وفعلا تلبس ريانة فستان قصير ومفتوح على شكل
دايرة صغيرة من قدام تحت رقبتها ولونه فوشيا
وبعدين تقعد على التسريحة تلبس الحلق اللي بتحطه
في حواجبها وترش برفيوم "ديور" وبعدين
تسشور قُصتها وتسيب باقي شعرها كيرلي وتحط ميك
اب برونزي وتحط روج أحمر على
شفايفها..
كل ده وأيوب عمال يتفرج عليها وبعد ما تخلص
تقول:انا خلصت
أيوب:وأخيراااا هنتغدى
ريانة تبوس أيوب من خده وتقوله:بحبك
أيوب:وانا كمان
ويمسكوا ايد بعض وينزلوا يروحوا يتغدوا...
********************************
بعد اسبوع بتصحى ريانة تلبس وتنزل تروح لبيت
رودينا.. هناك بترن الجرس بيفتح ليها إلياس
اول ما يفتح يتصدم:ريانة!
ريانة بابتسامة:ازيك
إلياس بتوتر:الحمد الله .. انتي عاملة ايه
دلووقتي؟
ريانة:الحمد الله
إلياس:اتفضلي اتفضلي
ريانة:رودي نايمة ولا ايه؟
إلياس :لا رودي برة
ريانة:ايه ده! طب هترجع امتى
إلياس:لا متخافيش مش هتطول هي هي نزلت تجيب
حاجات للبيت وراجعة
ريانة:اووك تمااام
إلياس:تحبي تشربي ايه؟
ريانة:اممم عندك ايه؟
إلياس:عندي عصير جوافة اللي بتحبيه
ريانة:هههه لسه فاكر؟
إلياس:ودي حاجه تتنسي اا قصدي يعني اه .. ثانية
واجيبه
ويدخل إلياس وهو متوتر اوي ويحضر العصير ويروح
يوديه
ريانة:شكرااا
إلياس:العفو ‘ بس غريبة مم أيوب مقليش انك جاية
ريانة:اه أيوب ميعرفش ‘ هو في الشغل وانا خرجت
من غير ما اقوله اني جاية هنا
إلياس:اه منا استغربت فعلا
ريانة:اممم
إلياس:مش عارف انا قلقان
ريانة:انا جاية ومتقبلة اللي هسمعه فمتقلقش
إلياس:تمااام ربنا يستررر
تدخل رودينا فجأة وتلاقي ريانة قاعدة فتتصدم..
إلياس:اهي رودي جت اهي
رودينا وشها يتقلب وتتضايق شوية وتقول:اهلا
وسهلا
ريانة:ازيك يا رودي
رودينا:الحمد الله انتي عاملة ايه؟
ريانة:الحمد الله
رودينا تحط الحجات من ايدها على الارض وتروح
تقعد قدام ريانة فيقوم إلياس ويقول:
طب اسيبكم انا بقى ‘ انا نازل .. عايزة حاجه يا
رودي؟
رودينا:لا سلامتك
يخرج إلياس من هنا فتقول ريانة:جيت اسمعك
رودينا:هه انا لو هتكلم مش هنخلص يا ريانة
ريانة:اتكلمي .. ده احسن لينا كلنا
رودينا بعين مليانة دموع:هان عليكي صحبتك اوووي
كده يا ريانة فتقومي تتجوزي اكتررر واحد
انتي عارفة اني بحبه؟!!
ريانة:صدقيني انا مكنش في دماغي ولا خططت لكل
ده! الموضوع حصل اني بعد ما اطلقت من
الراجل القذر اللي كنت متجوزاه رجعت لقيتك
سافرتي وسبتي كل حاجه مبهمة وراكِ!
وانا كمان كنت مكسورة اوي ومدبوووحة ولقيت قدامي
أيوب هو كمان مدبوووح
رودينا:كدااااااااااابة!!!!!! انتي ممكن تكدبي
على ايوب وإلياس انما مش هتكدبي عليا ابداااااا
ريانة:انااا؟!
رودينا:ايوة انتي!! انتي فاكرة نفسك اني مش
عارفة؟!
ريانة:عارفة ايه!!!
.............
استنوني الحلقة اللي جاية
