الحلقـــــة
الثامنــــــــة عشـــر
باهر:الطب الشرعي اكتشف
كمان ان ريانة ماتت مسمومة بسم الزرنيخ!!!!!
فهيمة:يعني ايه يا باشا؟!
باهر:ده سم كده مش بسهولة
بيبان الا بعد فحص طويل من الطب الشرعي ! سم ملهوش
لا لون ولا طعم ولا
ريحة!! اللي بيبقى عايز يقتل بيستخدمه عشان اللي هيموته ميحسش
بطعمه ولا ريحته ولا حتى
لونه! وبيقتل بالبطيء !!
فهيمة وهي فاتحة بقها:يا
ساتر يارررب! ده ايه ده؟! مين اللي شايل في قلبه كل ده لستي
باهر يسرح شوية وبعدين
يقول:على العموم هبقى ابعتلك استدعاء بكرة عشان ناخد اقوالك
في محضر رسمي..
فهيمة:وماله يا بيه ..
حاضر
********************************************
باهر بيروح على المعمل
بتاع الطب الشرعي ويقابل الدكتور اللي بيفحص الجثة ..
باهر:عامل ايه يا دكتور
الدكتور:اهلا باهر باشا
باهر:ايه موضوع السم ده
بقى؟
الدكتور:من خلال فحص دقيق
لمعدة المجني عليها لقينا فيه الزرنيخ بشكل كبير وده يمكن
اللي سهل عملية موتها
بسرعة ‘ وده اللي نتج عنه النزيف اللي كان موجود حواليها والدم
اللي كانت متغرقة بيه ..
باهر:واثار العنف اللي
كانت على رقبتها؟
الدكتور:اثار العنف اللي
كانت على رقبتها يخلينا نقول ان ده اللي سبب الاختناق اللي جالها
واللي عملها ضغط نفسي ‘
واضح انها كانت في حالة رعب شديدة جدا وكانت بتحاول
تقاوم بشدة اللي بيحاول
يقتلها .. بس لاحظنا حاجه غريبة!
باهر بانتباه شديد:ايه؟
الدكتور:المريضة كانت
بتاخد ادوية للهلع او الخوف المرضي او زي ما بيتقال في علم
النفس "الذعر"
باهر بتركيز:معلش اشرحلي
اكتر؟!
الدكتور:واضح جدا ان
المريضة كانت بتعاني من الهلع ‘ الهلع ده خوف زيادة عن اللزوم
بيجي للمريض على شكل
اضطرابات بتتكر او نوبات بيصاحبه حركة عيون سريعة
وبيعمل اتساع في حدقة
العين وسرعة التنفس وسرعة النبض..
باهر:وبيتاخدله ادوية
طبعا؟!
الدكتور:بالظبط وده اللي
خلانا نعرف ان المجني عليها كانت بتعاني من المرض ده لان
لما حللنا معدتها لقينا فيه
اثار لدوا بيتاخد للحالات اللي زي دي ..
باهر:تمام ‘ كمل في
التشريح اكتر واي معلومة جديدة بلغني بيها يا دكتور فورا
الدكتور:تمام ..
****************************************
اسلام في العيادة لوحده قاعد
سرحان في ذكرياته..
افتكر اما كان قاعد بردو
في يوم من الايام في العيادة وفجأة اتصلت بيه ريانة
اسلام بلهفة:الوو ايوة يا
ريانة ‘ ازيك
ريانة بتعب:الحمد الله ..
انت؟
اسلام:مال صوتك؟
ريانة:تعبانة شوية
اسلام:تحبي اجيلك ؟
ريانة:مش هينفع ‘ أيوب
عايزني اروح معاه حفلة
اسلام بضيق:حفلة ايه
وانتي تعبانة كده!! هو ليه مش بيراعيكي خالص
ريانة:ميعرفش ان عندي
صداع
اسلام بضيق:بس اكيد باين
عليكي!! انا حسيت بتعبك من صوتك؟!!! ما بالك
انتي قدامه..
ريانة بدون مبالاة:عادي
بقى
اسلام باصرار:لااا مش
عادي ‘ هتيجي هنا دلوقتي والا هجيلك انا
ريانة:اسلام مش ناقصة
جنون
اسلام باصرار اكتر:بتكلم
جددد يا ريانة! مش هسيبك تعبانة كده واتفرج عليكي
ريانة بتعب:طط طيب خلاص
هاجي بس همشي بسرعة عشان الحق ارجع
مع اني مش شايفة ليها
لازمة..
اسلام بفرحة:تعالي انتي
بس
وبعد ساعة بتكون ريانة
وصلت وتدخل لاسلام..
اسلام اول ما يشوفها
يقولها بلهفة:وحشتيني اوووي
ريانة:اسلام من فضلك انت
عارف اني مبحبش كده ‘ فمتخلنيش اندم على اني وافقت اني
اجي..
اسلام بضيق وغيرة:وشك
اصفر اوي يا ريانة وشكلك تعبان فعلااااا
يمد ايده ويسحبها ويخليها
ترتاح على الكنبة وبعدين يروح يدور على دوا ويقولها:
خدي ده ‘ هيخلي الصداع
يروح
ريانة:ايه ده؟
اسلام:دوا!
ريانة تاخده وتاخد كوباية
المية من ايد اسلام وتشربه
اسلام:مددي شوية على
الكنبة
ريانة:حاسة اني دايخة اوي
اسلام:طبيعي الدوا بيني
مشوية
ريانة:امممم
تغمض ريانة عينها ويقعد
اسلام جمبها يتأمل وشها ويحس انه شايف ملاك نايم ‘ يبدأ
يلمس خصلات شعرها ويقول
بهمهمة:
ازاي قدروا يظلموكي كده
!!
بعد ساعتين بتفوق ريانة
من النوم بتلاقي اسلام قاعد على مكتبه بيقرأ كتب
ريانة بتقوم مفزوعة:ايه
ده؟! انا فييين! الساعة كام!! انا ازاي محستش بنفسي
اسلام برقة:ششش اهددي
اهدددي متخافيش ‘ انتي هنا في العيادة ‘ الدوا بس خلاكي
تنامي شوية..
ريانة بنرفزة:انت عارف
اني المفروض كنت اروح مع أيوب الحفلة
اسلام بنرفزة
وعصبية:مينفعش كنتي تروحي وانتي تعباااااانة!! اذا كنتي مهملة صحتك
فانا بخاااااااف عليكي!!!
ريانة:هتتخاف عليا اكتر
مني لنفسي!!
اسلام:ايوووووة! هخاف
عليكي اكتر من اي حد تاني! لان كلهم مش عارفين يقدروكي
صح!!!
ريانة:انا لازم امشي
اسلام:لاااا انتي لازم
تهربي!! انتي طول حياتك بتهربي!! الحب بيبقى قدامك بس انتي
دايما بتهربي!!! بتروحي
دايما للناس الغلط ..
ريانة:اسلام ‘ الحب اللي
انا عايزاه هو اللي مع أيوب
اسلام بضيق:تؤ ‘ ده اللي
بتحاولي تضحكي بيه على نفسك
ريانة بغضب:انا
متجوووووزة!!!!
اسلام بنرفزة:ما انا
عاااااااااارف انك متزفتة!!!! وانا حاولت كتير بس مقدرتش!! خصوصا
اني شايف انك باقية على
انسان عمره ما حبك!!
ريانة:متخلنيش اقرر اني
مجيش هنا تاني
اسلام يسكت لدقايق وبعدين
يقول:هاجي على نفسي واسكت عشان مش هستحمل فكرة
انك تبعدي عني..
*******************************************
يفوق اسلام من ذكرياته
على صوت موبايله ‘ يبص لمين بيتصل فيلاقي اسم خديجة
اسلام يرد بسرعة:خديجة!
جيتي مصر
خديجة بعياط:صح اللي انت
كتبته في المسج؟!
اسلام بحزن:ايوة يا خديجة
! ريانة ضاعت مني للابد
خديجة تفضل تعيط وتقول:
مَابْغاتْشْ
تْدْخُلْ لِيا لْرَاسِي، مَاقادْراشْ نْتْخَيَّلْ صَاحْبْتي تْقْتْلْ وَعْلاشْ؟
شْكُونْ لِّي كَيْكْرْهّا لْهادْ الدَّرَجَة
اسلام:مش فاهمك يا خديجة
‘ مش وقت مغربي خالص دلوقتي!! اتكلمي مصري
خديجة:مش مصدقة انهم
قتلوها يا اسلام! مش قادرة اتخيل تتقتل وتتقتل ليه ومين بيكرهها اوي كده
اسلام:البوليس بيحقق
وبيدور عليكي كمان عشان يستجوبك
خديجة بارتباك:اا انا
ليه؟!
اسلام:عشان يسألوكي زي ما
بيسأل كل حد كان قريب من ريانة قبل ما تموت
خديجة بارتباك:بب بس انا
كنت مسافر
اسلام:بس صاحبتها ‘ عادي
يعني اسئلة عادية
خديجة:اممم ‘ ربنا يسهل
اسلام:جيتي امتى؟
خديجة:لسه واصلة حالا
واول ما فتحت موبايلك لقيت مسج منك ومن ريانة!
اسلام بانتباه:ايه
ريانة؟!
خديجة:اه بتقولي فيها ان
أيوب بيخونها
اسلام :المسج دي لازم
توريها للبوليس
خديجة:اكيد !! بس تفتكر
هو اللي قتلها؟!
اسلام بضيق:وليه لا!!
خديجة:بس معرفتي بأيوب
متقولش كده
اسلام:ليه ان شاء الله؟!
مش حبيبة القلب رجعت!!
خديجة:اسلام انت اكتر
واحد عارف اللي فيها؟! متخليش كرهك لأيوب يخليك تتهمه بالباطل؟!
اسلام بعصبية:وانتي
بتدافعي اوووي عنه كده ليه!! مش انتي اللي ياما جيتي وكنت بتحكيلي
انه مش عارف يحب صحبتك
وانه معذب نفسه ومعذبها معاه!! مش انتي اللي كنتي بتروحي
وتشوفي اد ايه هو
هاملهااااا!! مش انتي اللي كنتي بتحكيلي اد ايه هو لسه مش عارف
ينسى رودينا!!!!
خديجة بعصبية
اكتر:غيرتككككككككك هتعميك عن الحقيقة!!
اسلام:خديجة انا هقفل
دلووووقتي يلا سلااااام سلاااااااام!!
**************************************
تاني يوم الصبح ‘ بتصحى
خديجة تلبس وتروح القسم ..
باهر قاعد في مكتبه
‘بيدخل عليه الشاويش ويقوله:
فيه واحدة برة بتقول انها
جاية عشان جريمة قتل ريانة عادل
باهر :دخلها بسرررعة
تدخل خديجة وتقول:انا خديجة
الظابط:اهلااا ‘ لو مكنتيش
جيتي النهاردة كنت هجيلك انا بنفسي
خديجة:عرفت انكم بتدوروا
عليا فحبيت اقصر المسافات
باهر:بس بتتكلمي مصري كويس اوي
خديجة:من عاشر القوم بقى
باهر:امتى اخر مرة شفتي ريانة؟
خديجة:قبل ما اسافر ‘ كانت كلمتني في اليوم اللي شافت
فيه رودينا و إلياس بالصدفة
في المطعم لما كانت بتتغدى ..
باهر:وبعدين؟
خديجة:كانت مضايقة من اللي حصل واتصلت بيا لما رجعت من
البيت وانا هديتها وقلتلها
تبطل غيرة من الماضي وتحافظ على بيتها..
باهر:وهي قالتلك ايه؟
خديجة بارتباك:هديت وو وبعدها طلبنا ااكل وكلنا سوا وو
واتفرجنا على فيلم وبعدين انا
كان لازم امشي عشان ‘ عشان سفري..
باهر:هل لاحظتي اي خلافات ما بين أيوب وريانة في الفترة
الاخيرة
خديجة:لا الصراحة ‘ أيوب هادي اوي وصبور
باهر:اممم متأكده؟!
خديجة:اا اه بس هي بعتتلي مسج انه بيخونها
باهر:وانتي تفتكري ايه؟
خديجة:معرفش
باهر:تفتكري ايه مصلحتها انها تكدب
خديجة بخوف:اا انا مقلتش انها بتكدب
باهر:امال؟ مش انتي لسه قايلة ان أيوب كويس معاها! يبقى
منين كويس ومنين بيخونها؟!
خديجة:مم ممعرفش
باهر:ايه مدى معرفتك برودينا وإلياس؟
خديجة:رودينا كانت صاحبة ريانة اوي لحد ما ريانة اتجوزت
أيوب واللي كان خطيب رودينا
بعدين العلاقة اتوترت اوي بينهم..
باهر بشك:وإلياس؟
خديجة:كك كنا المفروض نتخطب
باهر باستغراب:تتخطبوا؟! وايه اللي حصل؟
خديجة بضيق:هو كان مش قادر ينسى ريانة وفي نفس الوقت
اهله كانوا رافضين انه يتجوز واحدة
مش مصرية! زي اي عيلة متخلفة بترفض جواز عشان اسباب
عقيمة زيهم !
باهر:بس هو لو كان بيحبك متهيألي كان هيحارب عشان
جوازكم؟!
خديجة باستهزاء:هه كان حارب عشان ريانة ! بس هو إلياس
جبان مبيقدرش يواجه اي حاجه
عشان كده ريانة مكنتش معترفة بحبه ..
باهر:تعرفي ايه عن شكري؟
خديجة:شكري كان جوز ريانة اللي مات
باهر:ايه اللي خلاهم يتطلقوا؟
خديجة:شكري كان بيعذب ريانة وو ومكنش بيعملها كبني ادمة
وبعدين ريانة ابتزته لما عرفت
انه متجوز امريكية عليها وخدت نص املاكه ..
باهر:شكري هددها؟
خديجة:اه
باهر:بعدين؟
خديجة:عرفنا انه مات وانا اللي جبت صورة من شهادة وفاته
لريانة
باهر بشك:ازاي جبتيها؟!
خديجة بارتباك:اا مم صاحب باباها لما قالها انه مات في
امريكا ‘ كك كنت انا مسافرة لهناك
وفضلت ادور وجبتها ‘ بس ريانة كمان كانت طلبتها من صاحب
باباها وهو كمان جبلها صورة
ع ععشان تتأكد..
باهر:تمام .. تقدري تتفضلي انتي ولما نحتاجك تاني هنسألك
خديجة بابتسامة مليانة خوف:اوك
*******************************************
بتخرج خديجة من عند باهر وبيدخل ظابط بسرعة ويقول:باهر
باهر:ايه؟
الظابط التاني:مش هتصدق
باهر:عرفتوا مين اللي قتل؟
الظابط:عرفنا مفاجأة
باهر:ايه هي؟!
الظابط:اسلام اسمه اسلام شكري كمال الدين!
باهر بصدمة واستهزاء:هه يا ابن اللعيبة!!
...........
استنوني الحلقة اللي جاية
