"هِسّهِسّ" الحلقـــــــــة الخامســـــــــــة

الحلقة الخامسة

إلياس بصدمة:وانتي مالك متأكده كده ليه انه ممكن يرجعلك؟!!

رودينا:كل حاجه فيه لسه بتحبني انااا مش هيا

إلياس:ممكن فعلا يكون أيوب مقدرش يحب من بعدك بس معقولة هيطلق ريانة؟!

رودينا:أيوب مكنش قادر يستحمل ريانة اصلا وظهوري في حياته برجله ‘ انا حاسة بيه زي زمان

إلياس:بس يا رودينا خلي بالك ان الكلام ده لو حصل بجد ‘ ريانة هتتوجع؟!

رودينا:هو انت اخو مييين!! اناااا ولا هي!!!

إلياس:لا معلش فيه فرق كبير اوي ما بين جرحك انتي وجرحها!!

رودينا بعصبية:برضووو جاي علياااا!!

إلياس:مش جاي عليكي اد ما خايف عليكي يا روووودي!! طريقتك بقت بتخوووفني اووووي!!

سرحانك طول الوقت ‘ اكلك اللي مبقاش متزبط !! ده انا امباح اكتشفت انك بتشربي سجاير كمان

بس عملت عبيط!! تفكيرك في ان ازاي أيوب يرجعلك بأي طريقة مخلياني اقلق عليكي اكترررر!!

رودينا بعصبية:عشااااان محدش حاسس بياااااا وانا تعبتتتت تعبتتتتتتتت بقى..

*********************************

ريانة بتفوق من الإغماءة اللي كانت فيها وبتلاقي نفسها في حضن أيوب اللي كان بيمسح بايده اللي

بتترعش من الخوف عليها بمية ساقعة عشان تفوق..

أيوب بقلق كبير:انتي كويسة حبيبتي؟؟ كووويسة؟؟

ريانة بانفعال شديد وخوف وهلع:شش ششفته؟؟ شششفته يا أيوب؟؟ مسكته ممم مستكه؟؟؟؟؟

أيوب:اهدي حبيبتي اهدددي.. احنااا لازم نبلغ البوووليس .. لااااازم

ريانة بفزع اكتر:ليييه هوو هو هو عمل حاجه؟؟ انا محستش بنفسي انا تعبت ودوخت ولقيت الدنيا

بتلف بيا ومش عارفة اخد نفسي ووقعت على الارض.. هو عمل حاجه؟؟؟ انت ضربته وجري

منك؟؟

أيوب:لا فلت مني

بيقوم يحط الكوباية اللي في ايده على التسريحة ويتصل بالتلفون..

ريانة بهلع:انت بتتصل بمين؟

أيوب:بالبوليس عشان نبلغ ‘ لاززززم نبلغ..

ريانة بتهز راسها بالموافقة بخووف شديد...

****************************************

أيوب وريانة بيكونوا قاعدين قدام بعض في الصالة كل واحد سرحان وفجأة يرن جرس الباب

فتتفزع ريانة وتجري في حضن أيوب ‘ واللي بياخدها بهدوء ويقولها:متخفيش حبيبتي متخفيش..

يروح يفتح الباب يلاقي ظابط قدامه يقول:انا الرائد باهر عثمان جاي بناء على المحضر اللي

عايزين تعملوه عشان واقعة الاعتداء على منزلكم؟

أيوب:ايوة يا فندم اتفضل

الرائد باهر:ممكن تحكولي ايه اللي حصل بالظبط؟

أيوب:انا جالي اتصال فجأة من ريانة مراتي ان فيه حد في البيت لمحته في الجنينة ‘ طلبت منها

تطلع فوق في الاوضة فورا..

الرائد باهر:اشمعنا فوق في الاوضة؟!

أيوب: عشان  حفاظا على صحتها لحد ما انا اوصل بما اني كنت قريب منها..

الرائد باهر:كمل؟ وبعدين؟؟

أيوب: بعدين جيت لقيت اصيص الورد مكسور والورد متداس عليه بطريقة همجية والتراب

متنطور في كل حتة في الجنينة ولما شفت كل الاماكن في البيت ملقتش حد فطلعت جري على

اوضة ريانة ولقيت الباب زي ما يكون مطعون بسكينة و...و ...كلام مكتوب على الباب كتهديد....

ريانة بفزع وصدمة:تهديد!!

بدأت ريانة تترعش جامد ووشها بدأ يزرق ‘ حركة عينها بتكون مضطربة اضطراب شديد..

بتتحرك بسرعة.. وقعدت تقول:مش قاااادرة اخد نفسي مش قاااادرة اخ

اخ اخددد نفسي..

أيوب بيحاول يفهم ايه اللي بيحصل لريانة

الرائد بيطلع تلفونه بسرعه ويتصل بالاسعاف ...

**************************************

اليوم  التاني بتصحى رودينا على صوت جرس متواصل..

بتفتح عينها ببطىء زي اللي تكون بتحاول تستوعب ان صوت الجرس ده حقيقي مش في الحلم ‘

بتقوم نص قومة من على السرير .. بتمد ايدها وهي عينها نص مقفولة وتشوف الساعة فتلاقيها

7 الصبح .. بتتاوب ببطىء وتقول بصوت مليان نوم:

ده اكيد بويشعسشعس

تقوم تقف في نص الاوضة وهي لسه مغمضة بتحاول تفوق بعدين تلم شعرها المتنتور على كتفها

على هيئة ديل حصان بطريقة تلقائية ومنعكشة وتلبس الشبشب بتاعها على البيجاما الوردية اللي

كانت لابسها وتروح تفتح الباب من غير ما تبص من العين السحرية وتقول وهي لسه مغمضة عينها:

عارفة يا عم عبده هتقولي وصل النور

تمد ايدها وتكمل :و لاا زم ادفعه ... هاته ومتبقاش تصحيني تاني

ولسه هتقفل الباب تسمع صوت هي عارفاه كويس اوي بيقولها:انا مش عم عبده

تفتح عينها بتبريقة وتبدأ تستوعب الصوت..

رودينا بصدمة:بابا!!

يدخل رجل عجوز الشقة ويكون شعره لونه رمادي على ابيض ولابس بدلة كحلي ‘ عينه ضيقة

ولابس نضارة كبيرة كعب كوباية ‘ مناخيره كبيرة وشفايفه واسعة نوعا ما وماسك عكاز في ايده

اليمين..

بابا رودينا:قلت ادخل عشان عارف اني لو فضلت واقف قدامك ساعة مش هتقوليها ‘ وانا صحتي

بقت على ادي ومبقتش مستحملة..

رودينا لسه واقفة عند الباب ومش مستوعبة..

بابا رودينا:اقفلي الباب وتعالي ‘ هتفضلي واقفة بالبيجاما كتير كده ‘ حد يشوفك يقول ان حد

صعقك بالكهربا بشعرك المنكوش ده..

تقفل رودينا الباب وكانها الة بتسمع الكلام وتنفذه من غير وعي..

تمشي خطوتين ولسه هتقعد فتقوم قايلة بصوت مش باين:تشرب حاجة؟

بابا رودينا:لا شكرا .. عايزك تقعدي قدامي..

رودينا وبكل برود:انت عرفت العنوان ازاي؟

بابا رودينا:ايه ؟ كنتي فاكرة ان حتى لو اخوكي العبيط الاهبل ده خبى عليا العنوان!! مش هعرف

اجيبه!!

رودينا بكل جفاء:انا مش مستعدة لسه لاي نقاش

بابا رودينا بنرفزة:يعني ايه؟؟؟؟ انا موافقش بنتي المطلقة تقعد في شقة لوحدها

رودينا:توافق او متوافق شده قرار يخصني انا لوحدي وبعدين انا مش عايشة لوحدي! انا معايا

اخويا..

بابا رودينا:بس بلاش كلام فارغ ‘ قومي يلا حضري حاجتك وتعالي معايا وهناك نبقى نتناقش

وقت ما تحبي..

رودينا بعصبية:انت مبتفهمشششششششششش انا هنا بيتي!!!!

بابا رودينا في صدمة:انتي من امتى يا بنت بتعلي صوتك عليا!! ومن امتى بتتكلمي بالطريقة دي؟!

رودينا:من ساعة ما قتلت ده!!

وتشاور على قلبها وتقول:من ساعة ما قررت انك تعدمه وتجوزني لواحد انا مش عايزاه ‘ من ساعة

ما دمرت حلمي اني خطيبي يرجعلي من السفر ونجهز عشنا سوا....

بابا رودينا:وهو خطيبك ده كان وقتها جاهز وانا اللي افتريت عليه؟؟؟ مش فضل تلت سنين داخل

خارج علينا مش قاري غير الفتحة؟؟؟

مش خطيبك ده اللي مكنش عنده لا شقه ولا عنده فلوس حتى يجيب بيها شبكة ولا مهر ولا عفش؟؟

رودينا وهي بتجز على سنانها وبعصبية:بسسسسس كنت بحبه!!! كنت مختااااااراااه!! كنت فهمااااه

وهو فاهمني!!!!!!! اتغررررررب برررررررة عشان يرجع يجبلي كل الطلبات لييييييييييييك!!

بابا رودينا:رجع بعد ايييييه؟؟؟ هاااا كان عايز يرجع بعد تلت سنين تعليق وتلت سنين غربة مستنياه

بتقوليلوا يلا يا حبيبي بقى هه نبتدي نبني طوبة طوبة؟؟؟؟؟؟ عايزاني اسلم بنتي لواحد مكنش

يملك غير احلااااام!!!

رودينا:ااااه فتقوووم حالف علياااا اني لازم اتجوز غيره وعشان تضغط عليا اكترر تخترع تمثيلية

مقررررفة بانك عيان وهتموووت عشان ارضخ للجوازة دي صح!!!!

بابا رودينا بينزل راسه بحزن:جايز يا بنتي اكون دوست على احلامك وقتها بس عشان مخلكيش

تعيشي حياة صعبة ‘ وجايز اكون غلطت لما الف حكاية زي دي ‘ بس ده لاني كنت متأكد ان مفيش

حاجه اقوى من كده تخليكي توافقي...

رودينا:هه واديني وافقت واتجوزت واتغررربت مع الراجل اللي معاه فلووووس.. تقدر تقولي

اداني اييييه؟؟؟

قوووووووووووووووووول ادااااااني اييييييييييه!!!

بابا رودينا ساكت وفي عينه دموع..

رودينا:اقلك اناااا ‘ اداني ضرررب وشتيمة ومعااااايرة ..

تكشف عن رجلها وتشاور على حتة مشوهة في جسمها على شكل دايرة لونها بني في ازرق وتقول:

بص الزوج المصون اللي سلمته بنتك عمل فيها ايه!! سببلها عاهة مستديييييمة !!!! دي مبتروحش

والسبب ايييييه؟؟؟؟ السبب انه كان بيسكر كل يوم لوش الصبح وبيلعب قمار وانا قلتله حرام

فكانت النتيجة دي!!! مبسوووووووووووووط؟؟؟؟؟؟؟

بابا رودينا بألم:مكنتش عارف انه انسان حيوان بالشكل ده

رودينا:خمسسسسس سنيييييييين وانا بستنجد بييييك واقوووولك ارحمني منه وانت فاكر اني بدلع؟!

خمس سنيييين في عذاب وشقى وقررررف ومستشفيات!!!!!!

بابا رودينا بصدمة:مستشفى؟؟!!!!!

رودينا بتطلع علبة سجاير من النيش اللي موجود في الصالة وبتدخن بكل جرأة وتقول:

اااه .. مستشفى.. انا كنت حامل وهو سقطني..

تدخن بتوتر زيادة وتقول:اصلاااا انا بحمد ربنا اني سقطت لاني كنت هجيب طفل يربطني براجل

زي ده طول العمر.. بس اللي وجعني اوووي انه سابني انززززف طووول الليل لحد ما خرجت

الشارع ادور على تاكسي واترميت في نص الشارع والجيران لحقوووني...

عاااااارف في الللحظة دي كنت بتقوووولي ايه اما تكلمني؟؟؟؟ عاااااااااااااارف؟؟

بابا رودينا بأسى:ايه؟

رودينا:كنت بتقووولي انتي مش قادرة تحبيه عشان كده شايفاه وحش انما هو كل يوم يتصل

يقلي عملك ايه ووداكي فين وفسحك فين وجبلك ايه وانتي بتتبلي عليه!!!!

بابا رودينا بألم:حاسس زي ما اكون مع واحدة معرفهاش؟!!! مش بنتي الرقيقة بتاعت زمان؟!

الوردة المفتحة؟؟

رودينا باستنكار:وردة مفتحه!! هه اتداس عليها بالقوووي لحد ما اتقال يا بس!!

بابا رودينا:من امتى وانتي بتدخني؟

رودينا:معرففففش

بابا رودينا:هسيبك دلوقتي عشان شكلك محتاجه وقت تلمي فيها جراحك ‘ بس هرجع تاني واخدك

تعيشي في حضني.. مش هسيبك تاني تتعذبي يا بنتي..

رودينا:لو عايزني بجد متعذبش تاني ‘ متجيش ليا وانساني نهائي..

بابا رودينا بيقوم يحاول يقف ويتك اوي على العكاز بتاعه ويبان عليه كانه هيقع بس يمسك نفسه

ويقولها:ايه الكره والحقد ده كله؟؟!

رودينا:ده بسبب كل يوم انت قسيت فيه عليا وخلتني اعيش مع حيوان زي ده...

*********************************

يفتح بابا رودينا الباب فيلاقي في وشه إلياس..

إلياس بصدمة:بابا!!!!

يمشي الاب من غير ولا كلمة فيدخل إلياس ويقفل الباب وراه ويقول:

ايه اللي حصل؟؟ ازاااي عرف عنوانك؟؟

رودينا بتدخن بتوتر اكتر ونرفزة:مم مممعرفش ‘ ايه اللي جابك بدري؟؟!

إلياس:اصل .... انتوا اتكلمتوااا؟؟؟

رودينا:اصل ايه؟؟ في ايه؟؟ ومال وشك مخطوف كده ليه؟؟

إلياس:اصل .........

استنوني الحلقة اللي جاية...