الحلقة الحا دية عشر
وفي يوم بليل مكنش جايلها نوم نزلت تتمشى على
البحر وفجأة سمعت صوت واحد من وراها بيقول:
باباكِ شكله صعب اوي ومخيف
لفت ريانة برعب ‘ ولقت الشاب اللي كان بيعاكسها
الصبح وهي مستنية شكري وهو بيشوف الحجز
ريانة بفزع:اا ااا
الشاب:مالك؟ متخافيش
ريانة:مم اا د ده مش بابا
الشاب بصدمة:معقووول!! اوعي تقوليلي انك متجوزة
الوحش ده؟!
ريانة بخوف وذعر: لو لو سمحت سبني ارجوك
الشاب:باباكِ غصب عليكي تتجوزيه؟
ريانة جاية تمشي فالشاب مسك ايدها وقال: استني
هنا ‘ انا حاسس انك محتاجه حد جمبك! عينك
كلها بتقول انك محتاجه حد!!
ريانة بتوتر:اا اانا عايزة امشي وبس .. انا مش
عايزة حد
ولسه بتحاول تفلت من ايده وتلف لقت شكري واقف
مبرق ‘ حست بدقات قلبها بتدق بسرررعة اوي
ووشها مصفر ونظرات عينها زايغة..
الولد من الخضة ساب ايدها بسرعة في نفس اللحظة
اللي هجم شكري عليه وضربه وقال بعصبية:
لو قربت منها تاني ‘ هتشوف اسود ايام حياتك !
وشد ريانة من ايدها جامد وجرجرها لحد الاوضة..
اول ما دخلوا الاوضة ‘ فضل يضرب فيها بالاقلام
وهي كل اللي عليها تقول:
انا معملتش حاجة ‘ انا مكلمتووش والله
وجسمها كله بيتنفض من مكانه
**********************************************
أيوب بيخرج من الحمام ويلاقي جسم ريانة كله عرقان وعمالة بتترعش
بيروح براحة عشان يشوف مالها ‘ ففتحت عينها
بفزعة وفضلت تصرخ
أيوب:اهددي يا حبيبتي ‘ ده انا ده انا
ريانة:اا اه ا ا
أيوب:اجبلك مية؟
ريانة:لا انا جعانة اوي
أيوب:طيب يلا نلبس وننزل ناكل
ريانة:يلا
***********************************
في المطعم بتاع الفندق‘ الاربعة كانوا قاعدين
على طرابيزة واحدة .. أيوب قدامه ريانة وجمبه
إلياس واللي كان قدامه رودينا اللي كانت جمب
ريانة من الجهة التانية..
ريانة بتاكل وبعدين بكل دلع تاخد المعلقة وتحط
فيها اكل وتأكل أيوب بدلع وتقوله:
حبيبي كل من ايديا
رودينا بتبص بطرف عينها عليهم وتكون مضايقة جدا
‘ نفس الشيء إلياس بس يقوم
باصص بسرعة تاني في طبقه ويفضل ياكل ..
أيوب كان حاسس بإحراج وتوتر..
ريانة فضلت مستمرة في الدلع بتاعها على أيوب زي
ما تكون عايزة تضايق رودينا..
إلياس بيحاول يفتح اي موضوع عشان يكسر الصمت
والتوتر اللي كان موجود..
إلياس:هنعمل بكرة ايه بقى؟؟ احنا مش عايزين
نقضيها في الفندق كده
ريانة بتمد ايدها وتمسك ايد أيوب اللي كان
حاططها قدامه على الطرابيزة وتقوله:
حبيبي ايه رأيك ناخد سفينه في البحر شوية ونتغدا
في وسط البحر؟
أيوب بيبص ليهم:ايه رأيكم
رودينا كانت ساكتة فقام إلياس قال بسرعة: فكرة
حلوووة
ريانة بدلع مستفز:وانتي يا رودي؟ ايه رأيك؟
رودينا:ممم مش عارفة والله
ريانة:شكلك مش معانا
رودينا:لا مصدعة شوية ‘ ففعلا مش مركزة
ريانة:استني عندي دوا حلو للصداع
وتخرج من شنطتها دوا غريب فأيوب يقول:ايه الدوا
ده؟
ريانة:ده للصداع! مفعول جامد جدااا
أيوب يبص لرودينا بمعنى انه لا متاخدهوش
ريانة:خديه ‘ انا لما بيجيلي الصداع باخده على
طول
رودينا:لا ما هو انا مش متعودة اخد اي دوا
ريانة:خديه!
رودينا:منا قلتلك يا روني مش متعودة اخد دوا
معرفهووش
ريانة تبرق وتقول:خددددديه
رودينا تبص لإلياس باستغراب فيهز راسه بمعنى انه
خديه بس..
تمد ايدها وتاخد الدوا
فتتغير ملامح ريانة من التبريق لابتسامة وكانها
واحدة تانية ‘ اتبدلت في ثانية!!
**************************************
تاني يوم الصبح صحيت ريانة ‘ لبست لبسها وخدت
شنطتها وراحت تخبط على اوضة
إلياس..
إلياس بيفتح الباب فيتفاجىء بوجود ريانة!
إلياس:ريانة!!
ريانة بابتسامة واسعة:صباح الخير
إلياس:صباح النور؟
ريانة:انت لسه مصحتش!!
إلياس: لا صحيت ‘ بس ك ككنت بتفرج على التلفزيون
ريانة تدخل جوة الاوضة وإلياس مستغرب جدا من
تصرفاتها وكان متوتر جداا لانها داخلة عنده
الاوضه وهي عارفة انه لوحده ورودينا فاوضة
لوحدها..
إلياس:رودي في الاوضة اللي جمبي
ريانة:هههه اه عارفة
إلياس:يعني افتكرت انك فكراها هنا
ريانة بتلعب بخصلات شعرها وتقول بدلع:تؤ انا
قلتلك انا جاية ليك
إلياس يتوتر اكتر ويقول:أيوب صحي؟
ريانة:تؤ
إلياس:هو بيصحى متأخر؟
ريانة:ااه ‘ وانا زهقانة !!
إلياس:طب تعالي نشوف رودي صحيت ولا لا وننزل
نفطر؟
ريانة:اممم اوك
إلياس يفضل واقف في النص محتار ‘ عشان عايز يغير
ومش قادر يغير ..
ريانة تقوم تقف وتقرب شوية شوية لإلياس ‘ يتوتر
اكتر إلياس كل ما تقرب ريانة منه ومش عارف
يتصرف ازاي!!
تقرب اوي ريانة منه وبعدين بايدها تمسح حاجة من
تحت بقه وتبص جامد في عينه وتقول بدلع:
كان فيه معجون تحت بقك ‘ مسحته
إلياس:اا ه
ريانة تقوم وتخرج وتقول:يلا متتأخرش ‘ مستنياك
عند رودي
وتغمز ليه وتخرج..
إلياس بيزفر: يخربيتها دي ترلالالي خاااالص!!
************************************************
بعد ساعتين ينزلوا كلهم عشان يأجروا مركب ليهم
ورودينا بتكون معاهم بعد ما ريانة اتحايلت
كتير اوي عليها..
رودينا لإلياس :مكنتش عايزة اجي
إلياس:معلش حبيبتي
رودينا:دي مش طبيعية خالص يا إلياس !
إلياس:اممم
ريانة بتبص ليهم وتقول فجأة:بتتكلموا عني؟!
رودينا وإلياس يرتبكوا ويقولوا:لا
أيوب:ها يا جماعة نبتدي نصطاد؟
إلياس:اه ياريت
***********************************
بعد يومين كانت الساعة 12 بليل وكانت رودينا
حاسة بخنقة اووي ‘ فنزلت تتمشى على البحر
التابع للفندق..
في نفس الوقت كان أيوب نازل بيتمشى هو كمان..
قابلوا بعض ووقفوا يبصوا على بعض..
مكنوش عارفين يرجعوا ولا يروحوا لبعض ولا
يتصرفوا ازاي..
لسه رودينا هتمشي ‘ جري أيوب عليها ومسك ايدها
وقال:
محتاج اتكلم معاكي
رودينا:...
أيوب:ااااخ لو تعرفي اد ايه انا تعبان
رودينا:سمعاك
أيوب:لسه فيكي حيل تسمعيني؟
رودينا:لسه فيا حيل افضل احبك
أيوب بضعف:وانا بحبك اكتر ما بتحبيني ‘ بس انا
مش عارف اعمل ايه! انا اوقات استغفر الله
مخي بيخليني افكر في حجات مش صح بس ده من تعبي!!
رودينا:لو قالولي عايزة ايه دلوقتي هقول اني
اخدك واطير بيك واهرب لبعيد..
أيوب بابتسامة وبيبص جوة عين رودينا اوي وبيمد
ايده يمسك ايدها في حنان وضعف..
**************************************
بعد ساعة الاتنين كانوا في اوضة رودينا وقاعدين
على السرير ورودينا في حضن أيوب..
أيوب بيتنهد..
رودينا:وبعدين؟
أيوب:مش عارف
رودينا:انا خلاص مش قادرة استحمل
أيوب:ولا انا
وفجأة يسمعوا صوت خبط على الباب
تروح رودينا تفتح الباب تلاقي في وشها ريانة ‘
ريانة تزق رودينا وتدخل جوة تلاقي أيوب قاعد
على السرير..
وتطلع تجري ويطلع يجري وراها أيوب
*****************************************
تاني يوم الصبح الفندق كله بيصحى على جريمة قتل
ريانة!
......................
استنوني الحلقة اللي جاية