الحلقة السابعة عشر من "قصة سيلينا"

الحلقة السابعة عشر

تمشي نرمين من مكتب شادي وعيونها كلها مليانة شر وخبث وكره وحقد لسيلينا..

وبعد ما تمشي نرمين تدخل سكرتيرة شادي ..

شادي:بقلك جهزيلي نسختين من الورق ‘ ورق يكون اني اتنازل عن حصتي للشركة لنرمين

وورق تاني يكون لنرمين انها بتتنازل عن حصتها في الشركة ليا...

السكرتيرة:حاضر يا فندم

شادي:وبكرة لما اؤمرك تجيبي الورق ‘ هتجبيلي الاول ورق اللي فيه بتنازل عن حصتي في الشركة

وبعدين اما اخرجلك هتجيبي الورق التاني.. مفهووووم!!

السكرتيرة:حاضر يا فندم

شادي:أي غلطة غباء‘ هوديكي في ستين داهية!!

السكرتيرة:متخافش حضرتك يا فندم..

اما سيلينا فبعد ما خلصت من المحضر وادلت باقوالها انها هي اللي عايزة تعيش مع جد سيف وانها

ارتاحت معاهم جدا ‘ وانه لولاهم كان زمانها ضايعة من غيرهم ومش عارفة تعيش فقفلوا المحضر

وقالولهم ان لازم يطلعها اوراق رسمية مش مزورة وان الحكومة هتساعدهم على ده‘ لان ده شرف

ليهم..

سيلينا:انا كده يا جدي اقدر اسافر ايطاليا براحتي صح؟

جد سيف:ايوة يا حبيبتي بس لما ورقك يخلص..

سيلينا:طيب الحمد الله ‘ ممكن لما تجهز نسافر بقى على طول؟

سيف:هههه وحشتك ايطاليا اوي؟؟

سيلينا:اوووي.. مشتاقة اني اعرف عن اهلي! عارفة اني مش هلاقيهم اكيد عايشين! بس اكيد هلاقي

حاجة من ريحتهم ‘ اكيد هلاقي ذكرياتهم لسه موجودة تعوضني شوووية عن فقداني ليهم..

الجد:بس احنا هيكون عندنا رحلة بحث طووويلة اوووي ‘ وعشان كده انا بستعدلها من دلوقتي..

سيلينا بفرحة:بجد يا جدي؟؟ بتستعد للبحث عن اهلي؟؟

الجد:اكيد يا حبيبتي

سيلينا ببراءة:انا بحبك اوووي يا جدي وبحس فيه شبه منك من جدي لوديفكو

سيف:ايه ده ايه ده ايه ده بتحبي بس جدو؟!

سيلينا باحراج:احم

سيف:ماااشي عشان بس جدو قاعد هعديها..

الجد:هههه ربنا يخليكوا لبعض يا حبايبي

وفجأة يجي تلفون لجد سيف..

الجد:الوو

الطرف التاني:.....

الجد:تعمل لقاء تلفزيوني مع سيلينا؟ لا احنا مش موافقين..

سيلينا:لا يا جدي انا موافقة ومش هضايق!

الجد بعد تردد:ماشي .. يبقى بكرة تعالوا الساعة 10 الصبح ..

الجد بعد ماقفل:مكنتش عايز اخليكي تتعرضي للدوشة دي يابنتي..

سيلينا:يا جدي انا عايزة اوري نرمين ان اللي هي عملته فادني انا بدل ما يضرني..

سيف:نرمين دي حسابها معاياااا انا بعدين..

سيلينا:بلاش يا سيف‘ خلاص هي اكيد هتبعد عننا لما تلاقي انها معرفتش تضرنا..

سيف بعند:لااا انا عارفها ‘ مش هتسكت الا لما تأذيكي..

سيلينا:مش عايزة تتعرض انت للخطر يا سيف

سيف:ولا هسيبك واقعد اتفرج عليكي وهي بتأذيكي..

سيلينا:انا وحشتني سارة اووي‘ ممكن تكلموها عشان تيجي تقعد معايا شوية..

سيف:لا حبيبتي انا هكلمها عشان نخرج كلنا سوى ..

سيلينا بفرحة:بجد؟ هنخرج؟

سيف:ايوة هنوصل جدو ونخرج.. ولا تحب تيجي معانا يا جدو؟

الجد:لا يا حبايبي انا تعبت كفاية عليا المشوار ده‘ رجعوني البيت..

وبعد دقايق يوصلوا الفيلا وينزل جدهم ويروح سيف طالع على بيت سارة عشان ياخدوها

ويروحوا مطعم لحد ما نادر يخلص شغل ويجي ليهم على المطعم..

وداهم سيف مطعم فاخر على النيل وهادي عشان عارف ان سيلينا بتحب الاستايل ده من المطاعم..

سارة:اففف ايه المطعم الممل ده

سيلينا:بالعكس حلو خالص

سيف:اهم حاجة عجب حبيبتي

سارة:ياباااي رخممممم!! انا مش عارفة انتي حبيتيه على ايه صحيح!!

سيف:قوليلها يا سيلينا حبتيني على ايه؟

سيلينا باحراج:بس بقى انتم الاتنين متخلونيش اتكسف..

سارة:مش بقلك حبيبك ده رخممممم

سيف:يا سلاااام عليكي انتي يا ام دم خفيف

سيلينا بتشاور على بعيد:نادر هناك اهو

سارة:ناااادر تعاال

يجي نادر ليهم..

نادر:ازيكم

سارة:انا كويسة حبيبي

نادر:تسلملي حبيبتي اللي كويسة

سيف:ايه القرع اللي انتم فيه ده..

نادر:اسكت يا رخم

سارة:هههههه شفت عشان تصدق بقى ‘ كلنا شايفينك رخمممم..

سيلينا:حرام عليكم ‘كلكم عليه..

سيف:ايووووة بقى يا سيلينا ايووووة قوليلهم اني ورايا رجالة..

يضحكوا كلهم ويطلبوا الاكل ويقعدوا يتكلموا في حجات كتير وبعد ما يخلصوا اكل يروحوا يدخلوا

سينما وبعدين يروّحوا البيت..

سيف بعد ما وصلوا الفيلا ودخلوا:سيلينا

سيلينا:ايوة

سيف:مش عارف لو مكنتيش ظهرتي في حياتي‘ كانت حياتي بقت عاملة ازاي؟

سيلينا بتتكسف ‘ يقرب منها سيف ويمسك ايدها برقة ويقلها:عارفة؟

سيلينا:لا معرفش

سيف:عارفة امتى عرفت اني هحبك؟

سيلينا:امتى!

سيف:اول مرة شفتك فيها خالص لما كنتي لسه في الجهاز ولمست بشرتك..

اتكسفت سيلينا وفضلت باصة في الارض..

سيف:حسيت وقتها اول اني زي ما اكون لمست حتة من السما.. بشرتك ناعمة اووووي .. انعم

من الورد! بحب خدودك اوووي لما تتكسفي فيحمروا..

سيلينا:سيف انا بتكسف

سيف يقرب منها ويبوس جبينها:ممكن نتجوز قبل ما نسافر ايطاليا؟

سيلينا باستغراب:اشمعنى؟

سيف:عايزك تكوني مراتي في اسرع وقت ممكن..

سيلينا:....

سيف:مالك يا سيلينا خايفة من ايه؟

سيلينا:مش عارفة‘ مش عايزاك تتسرع

سيف:لا انا متأخر اوووي..

سيلينا:موافقة

سيف:موافقة؟؟؟

سيلينا:اه

سيف:بجد موافقة؟؟؟

سيلينا:اااه

يشيل سيف سيلينا ويحضنها ويفضل يلف بيها وهي تقله:سيف نزلني..

سيف:بكرة

سيلينا:مش بسرعة اوي كده!

سيف:لاااااا بكررررررة وعارفة كمان بعد ما تخلصي المقابلة التلفزيونية الرخمة دي هنطلع

على مأذون ونتجوززز ..

سيلينا:بس انا معنديش اوراق رسمية!!

سيف:اااخ نسيييت..

سيلينا:لازم نستنى..

سيف:ياااااااربييييي..

سيلينا:معلش

اليوم التاني تصحى سيلينا ويكون جد سيف صاحي وقاعد بيفطر كعادته في الحديقة..

سيلينا:صباح الخير يا جدو

الجد:صباح الخير يا حبيبتي..تفطري؟

سيلينا:لا مش عايزة

الجد:ليه؟

سيلينا:مش عارفة حاسة اني قلقانة

الجد:ليه بس؟؟ مالك؟

سيلينا:مش عارفة شعور غريب..

الجد:يمكن متوترة بس عشان المقابلة؟؟

سيلينا:يمكن..

الجد:لو تحبي نلغيها هنلغيها؟؟

سيلينا:لا خلاص...

وبعد مرور ساعتين يجوا طاقم المحطة اللي المفروض هتعمل المقابلة..

المذيعة:معلش انا بطلب منكم كلكم اني بس اكون انا وسيلينا نكون هنا وتتفضلوا تدخلوا جوة

سيف باستغراب:اشمعنى يعني!!

المذيعة:لازم يكون فيه هدوء وعشان نشتغل على راحتنا..من فضلكم

سيف:مش عارف ازاي يعني!! بس ماشي ..

يدخل سيف جوة وتفضل سيلينا لوحدها مع الناس اللي المفترض يكون تبع المحطة..

واول ما يدخل سيف تتطلع المذيعة من شنطتها حاجة وترشها بسرعة شديدة على وش سيلينا..

سيلينا بفزع:اييييه ده!!

المذيعة لباقي الناس:اخلصوا بسرررررعة خدووووها يلااااااا

سيلينا بصوت واطي تحاول تنادي على أي حد : سييييييييييييييييي..........

سيف يكون جوة يقابل جده..

الجد:ايه يابني مش واقف مع سيلينا ليه؟

سيف:مش عارفة المذيعة الرخمة بتقول لا عايزاها تبقى لوحدها هي بس

الجد:لا يابني اطلع .. اقف معاهم

سيف يبص من الشباك يلاقيهم بيشيلوا المعدات بسرعة واتنين شايلين سيلينا وهي مغمى عليها

ويركبوا العربية باقصى سرعة عشان يمشوا..

سيف بخوووف:سيلينااااااااااااااااااااااااا

يطلع جررري سيف يكونوا هما حطوا كل حاجة جوة العربية ويجروا بيها باقصى سررررعة..

يرجع سيف بسرعة لجوة ياخد مفاتيح العربية ويصرخ باعلى صوت لجده:سيلينا خطفوهاااااااااا

يا جدووووو..

ويطلع يسوق عربيته عشان يلحق الكرافان اللي طلع من الفيلا وفيه سيلينا..

المذيعة من جوة الكرافان:اوعوا تخلوووه يلحقناااااا

السواق:ده ماشي ورانا

المذيعة:اضربوا نار على عربيته

اتنين من الرجالة جوة يبداو يضربوا نار على عربية سيف ‘ بس سيف يحاول يتفادى..

فضلوا نص ساعة يمشوا في شوارع كتيرة لحد ما يهربوا من سيف وقدروا فعلااا يهربوا وبعدين

طلعوا على الشيراتون زي تعليمات نرمين ليهم..

في الشركة نرمين كانت قاعدة مع شادي في المكتب..

شادي:ها زمانهم خطفوا سيلينا؟

نرمين:طبعا

شادي:طيب يلا بينا

نرمين:تؤتؤ نوقع الورق الاول..

شادي ينادي السكرتيرة عشان تدخل الورق ‘ وبعد ما يوقعوا..

شادي:نشرب بقى حاجة عشان نحتفل بالخطة بتاعتنا

نرمين بخبث وشر:نشرررب وخلي سيف بقى يوريني نفسه اما يعرف ان حبيبة القلب كانت معاك

في اوضة واحدة..

تشرب نرمين وبعد دقايق تبدأ تدوخ..

نرمين:ايه ده

شادي:ايه؟

نرمين:حاسة حــ ا سة اني دااا دااا يخة

شادي:متخافيش

يطلع شادي للسكرتيرة بتاعته ويروح ياخد الورق التاني منها ويدخل لنرمين ويقلها:معلش يا نرمين

السكرتيرة الغبية نسيت تدينا الورق ده ولازم توقعي عليه والا كده نصيبي مش هيتنقلك..

نرمين وهي دايخة جدا ونظرات عينها مشوشة:مش مم مش قادرة اوقع

شادي يمسك ايدها ويديها القلم ويقلها:وقعي هنا س بسرعة عشان نصيبك..

وبعد ما توقع نرمين ‘ تقع على الارض..

شادي:تفوووو عليكي كتك القرف بنت مقرفة بصحيح

وينادي السكرتيرة..

السكرتيرة:ايوة يا فندم

شادي:ودي المقرفة دي على اوضة مكتبها ولما تصحى وتبدأ تستوعب ابقي اطلبيلها البوليس وقولي

ليهم انها بعد ما باعت نصيبها جت واتهجمت على الشركة في غيابي..

السكرتيرة:مفهوووم يا فندم..

يطلع شادي على الفندق بسرعة...

استنوني الحلقة اللي جاية....