الحلقة الخامسة
انا:طيب ومامتك؟؟ كانت تعرف؟
دينا:ماما كانت حاسة اني بحبه في الفترة دي ‘ الفترة اللي اتقربت فيها من
احمد ‘ عشان كنت بروح
ابات عند عمتو كتيييير ‘ كان عندها انترنت فتخيلي بقى كنت باخد الكمبيوتر
بتاعنا وساعتها كان
كمبيوتر ديسك توب مش اللي هو لاب توب بقى وكده لا ده كان كمبيوتر كبير
والكيبورد واشيل
ده كله واروح ابات عند عمتو كل ويك اند واسهر انا وهو لليوم التاني نتكلم
..
انا:كنتي اد ايه وقتها؟
دينا وهي بتبتسم:كنت في ثانوي انا وهو .. احنا الاتنين اد بعض ‘ احلى حاجة
في المرحلة دي
كنا بعد ما نقعد بالساعات نتكلم كان يقوم يتصل بيا الصبح يسمع صوتي ويقولي
تصبحي على خير
مع انها بتكون 6 او 7 الصبح بس عمتو كانت عارفة الموضوع وكانت بتساعدني
كتير وتشتريلي
كريدت عشان اكلمه..
ترجع دينا بذكرياتها لورا وتفتكر اللحظات اللي كانت بينها وبين احمد...
دينا في اوضتها بتلم حاجاتها بسرعة
مهند:ايه يا بنتي فيه حد بيجري وراكي؟
دينا بلهفة:لا هرووح ابات عند عمتو
مهند:طب وعمتو هتطير مثلا؟!
دينا:يوووه يا مهند سبني اروح احضر لبسي بسرعة
مهند:هتاخدي الكمبيوتر كالعادة معاكي؟
دينا من غير ما تبص لمهند:اه اه
مهند:عايز اعرف بتشيلي كل ده على قلبك وتروحي هناك عشان تكلمي احمد !!
دينا:مهند انت بتتكلم كتير ليه وانت عارف اللي فيها يعني..
تبص دينا على شنطتها وبعدين تقول:كده تمام خدت كل حاجة .. يلا اشوووفك لما
الويك اند يخلص
وتجري دينا ومعاها شنطتها ‘ تاخد الكمبيوتر وتروح بيت عمتها..
هناك في بيت عمتها بليل وعلى الوقت اللي متعودين يدخلوا فيه هي واحمد تكون
دينا مستنياه
واول ما يدخل هو على الايميل تبتسم ابتسامة كبيرة ويبتدوا كلام..
احمد بيكتب ليها على الايميل:عاملة ايه؟
دينا ترد عليه بالكتابة:كويسة انت عامل ايه؟
احمد:الحمد الله ‘ كنت خايف ادخل ملاقكيش موجوده
دينا تبتسم:لا قاعدة اون اهو
وطبعا يفضلوا يتكلموا بالساعات لحد وش الصبح ولما الصبح يشقشق يكتب
ليها:بقلك ايه
دينا:ايه؟
احمد:هكلمك فون دلوقتي
دينا بابتسامة واسعة:ماشي
ودقايق ويرن تلفونها ترد عليه:الو
احمد:عاملة ايه
دينا:ههههه ما قلنا الحمد الله كوويسة
احمد:طب ايه الساعة 6 الصبح مش كفاية سهر كده
دينا:ااه يدوب ننام
احمد:طب انا حبيت اقلك تصبحي على خير
دينا:وانت من اهله..
******************************
******************************
بعد اسبوع كانت دينا فيه متشوقة جدا للويك اند عشان ترجع من المدرسة وتكلم
احمد بس طبعا مش
كل مرة بتقدر تروح عند عمتها تبات فكانت بتروح نت كافيه عشان تكلمه وفي مرة
كانت فيه قاعدة
بتكلمه في النت كافيه كتب ليها:بقولك ممكن تقولي لحد بتعزيه عن مشاعرك؟؟
دينا:ممممممممم انا ابتدي؟! مستحيييييييل.. لازم هو اللي يحكي وبعدين انا
احكيله على كل مشاعري
احمد يكتب:طب هو عايز بس خايف
دينا:من ايه؟
احمد:من انه يخسرك؟
دينا:ازاي يعني؟؟
احمد:يعني خايف تضيعي من ايده
دينا ساكتة فيقوم احمد كاتب ليها: هو من زمان حاسس بده بس خايف ومش عارف
يقلك ازاي
دينا تبتسم ابتسامة كبيرة جدا ووشها يحمر وتبدأ تحس ان الدنيا فجأة بقت حر
وتكون مركزة طبعا
في الشاشة جاااامد..
تفوق دينا من الحكاية وتبصلي وتقولي:عارفة كان شعوووووور روعة اووووووي ‘
انه اخيراااا
احمد نطق واخيرررررا بدا يقلي ويتكلم..
بعدها ترجع تاني بذكرياتها لورا..
لسه دينا قاعدة قدام شاشة الكمبيوتر ووشها لونه احمر وايدها بتترعش من
الفرحة والخوف ومتلخبطة
ومليون احساس جواها وبعدها قررت تكتب ليه:
انا مش هطير ولا هروح في اي مكان
احمد كتب:انتي عارفة انا بتكلم عن مين؟
دينا:لا
فضحك احمد وضحكت دينا
احمد:بجد؟
دينا:اعتبرني عبيطة وهبلة وقولي انت
احمد:بتكلم عني وعلى فكرة بقى اهلي كلهم شاكين اصلا ‘ لا شاكين ايه دول
متأكدين
وبابا عارف وقالي في مرة خد بالك منها وحافظ عليها..
بعدين رجعت تاني ليا دينا من دوامة ذكرياتها وقالتلي :عارفة ليه قاله حافظ
عليها؟؟
انا:ليه؟
دينا:اصل حصل موقف قبل ما احمد يعترف وكده ليا بمشاعره
انا:موقف ايه ده؟؟
دينا:اممم بصي يا ستي احمد قبل كده خلاني اتكلم مع صاحبه اسر وده كان واحد
سوري ‘ اتكلمنا
تشات طبعا مش صوت زي ما كنت بكلم احمد ‘ هو انا المبدأ محبتهوش بس كلمته
عادي فبابا احمد
عرف الموضوع من احمد وقاله انه ميصحش كده
وقاله كمان دينا زي الغطا اللي بتستر عليك
فحافظ عليها..
انا:معلش يعني تكلمي صاحبه ليه؟؟ مش فاهمة؟؟
دينا:مش فاكرة كان ايه السبب وقتها بس انا كلمته تشات
انا:طيب وبعدين كملي
دينا:بعدين انا واحمد فضلنا نتكلم وكانت مشاعرنا في النص او تقدري تقولي
المرحلة اللي هي في النص
اللي هو احنا مبقناش صحاب ولسه بردو مرتبطناش ببعض رسمي..
انا:اه وبعدين؟
دينا ترجع بذكرياتها لورا...
بعد اسبوع من اليوم اللي كانت دينا قاعدة فيه في النت كافيه واحمد لمحلها
بالكلام كانت راجعة من
المدرسة وكانت لسه لابسة مريلة المدرسة..
رن تلفون دينا فشافت اسم احمد مالي الشاشة ردت:الو
احمد:دينا انا بحبك
دينا مبسوطة اوووي والفرحة كانت مالية وشها وكالعادة وشها لونه احمر
واحاسيسها كلها متلخبطة
وحست ان قلبها هيطلع من مكانه ودقاته كانت سريعة..
دينا:وانا كمان
احمد:وانتي كمان ايه؟
دينا:بحبك
وقفلوا السكة ‘ دينا بعد ما قفلت فضلت تتنطط على السرير من الفرحة ‘ دخل
مهند عليها وضحك
وقالها:انتي مجنوووونة!! بتتنططي على السرير زي العيال الصغيرة كده
دينا مسكت التلفون وفضلت تبوس فيه وتبص عليه وترجع تبوسه يمكن عشر مرات
واكتر....
****************************
****************************
رجعت دينا تفوق من ذكرياتها وقالت: دي كانت اول مرة احمد يعترف ليا رسمي
بحبه
انا:وبعدين؟؟ ايه اللي حصل؟؟ اكيد بقى كل واحد قال لتاني على شروطه؟
دينا:لا بالعكس كانت الحياة وقتها بسيطة وسهلة ومكنش فيها شروط خالص
انا:طيب كملي؟ وبعدين؟؟
دينا:بعدين دخلنا جامعة ‘ اول سنة جامعة كان مبسوط هو بيها وبصحابه اللي
اتعرف عليهم في الجامعة
وانا كمان قلتله اتعرف على الناس وكده..
انا:حلو وبعدين؟؟
دينا:لحد ما اتعرف على شرين....
استنوني الحلقة اللي جااااية............
