الحلقة الحادية عشر
اسر بيبعد وبخوف وبارتباك:انتي اكيد مجنوووونة!! حب ايه وبتاع ايه؟؟
وفجأة يسمعوا صوت برة فتجري منى وتستخبى ورا باب الحمام وبعدها يخرج اسر
برة الاوضة
وكانه هيتمشى شوية في الحديقة فيلاقي حبيبة واقفة قدام الباب..
اسر بارتباك:حبيبة؟
حبيبة بشك:ايه يا اسر لسه منمتش لحد دلوقتي؟؟
اسر:ا ااه لا
حبيبة:ليه؟
اسر:مش عارف كنت بفكر
حبيبة:طب ايه تعالى نتمشى شوية
اسر بارتباك اكتر وبيبص وراه وبعدين يقول:مم مش عارف يا حبيبة ‘ تعالي
نحاول ننام احسن
حبيبة:امممم..صحيح ما شفتش منى؟
اسر بخوف:ها؟ منى! ليه؟؟
حبيبة:اصل شفتها من فوق وهي نازلة وجاية ناحية اوضتك فـ افتكرت انها عندك..
اسر:لا
حبيبة بحذر:طب خلي بالك بقى منها..منى مش سهلة.. تصبح على خير
اسر:وانتي من اهله
ودخل وهو متعصب جدا من منى ومن نفسه لانه كذب على حبيبة ومكنش عايز يكذب بس
خاف
انه يعمل فضيحة وحد يفهمه غلط..
منى بتطلع من ورا الباب وبتقول:كلللل ده!! ايه بتقوووولك ايه!!
اسر بعصبية:امشي اخرررررجي بررررة الاوضة!! انتي مش خايفة؟! احنا كنا
هنتكشف؟!
منى بخباثة:اخاف ليه؟! ما احنا متعودين على كده!!
اسر بخوف وصدمة:متعوديييين!!!! ازاي؟!
منى: انا وانت بنحب بعض من ورا جوزي وكنا متفقين قبل ما تعمل حادثة اننا
نتجوز.. وكنا
بنتقابل من وراهم..
اسر بصدمة:لالالالالالا انا استحالة اكون بحبك انتي
منى بغضب:نعممممم ليه بقى ان شاء الله!! مشبهش ولا مشبهش!! ولا انت عايز
تلف على الزفتة
اللي اسمها حبيبة!!
اسر:والف على حبيبة ليه اصلا؟!
منى:عشان بتحبك وعشان تقرب لمروان وتكبش من كمية الفلووووووس اللي عندهم!!
اسر بقرف واشمئزاز:انا استحالة افكرررر كده!! انتي ايه؟! شيطااااان!!
منى :لا انا منى وانت بتاعي انا وبس ‘ انا هطلع دلوقتي عشان الزفت جوزي لو
حس بحاجة
بس بكرة هنتقابل وياريت بقى تعقل كده وترجع اسر بتاع زمان هه ..
تلف عشان تمشي بس ترجع تلف لاسر وتقله:واووووعى عقلك يوزك وتحاول تكلم
حبيبة ولا تعرف
منها اي حاجة عن الماضي لان كده انت هتكشف علاقتنا!! وياريت تلم نفسك بقى
وتبعد عنها
وبكرة زي النهاردة هستنى الكل ينام وهجيلك..
لسه هتيجي تمشي راح اسر ومسكها من ايدها وقالها بعصبية:اياااااكي تيجي هنا
تاني والا والله
لفضح كل حاجة زي ما بتقولي!! انا مش مصدق اني كنت بالقذارة دي وبخون صاحبي
اللي فاتحلي
بيته واللي كنت بشتغل عنده!!
منى بغيظ:كل ده لييييييه هاااااااا ‘ عشان حبيبة!!!!!!
اسر ماسك دماغه لان كان عنده صداع فظيع وعمال يقول:انااا مش عارف اذا كنت
بحب حبيبة
ولا كانت علاقتي بيها ازاي قبل الحادثة بس اللي متاكد منه انها تستاهل واحد
احسن مني يحبها
لو انا كنت بالقرف اللي بتحكي عليه..
منى بتقرب منه اوي وبتحاول تحضنه وتعيط وهو لما يبعدها تنزل لرجله
وتقوله:انا بحبك انت
ايووووة انا كنت مغفلة لما متجوزتكش انت‘ اوووعى تسبني يا اسر .. اا ااحنا
كنا بنحب بعض
احنا كنا بنموووت في بعض .. انت لياااا اناااا ..
اسر بيبعدها عنه بالقوة ويقولها:ارجووووكي بقى قدري موقفي وابعدي عني ..
ابعددددددي
فياخودها ويزقها برة الاوضة ويقفل الباب ويبدأ يقعد على السرير ونفسه كان
سريع اوووي ودقات
قلبه كانت سريعة من التوتر اللي كان بيعاني فيه.. مسك راسه بايده وفضل
يتأوه جامد من الوجع
اللي كان في راسه وفضل يصرخ ويقول:انااااااا ميييييييين بقى اناااااا وحش
ولا كووووويس..
ااااااخ مش فاكر مش قاااادرررر..
***********************************************************************
رجعت منى الاوضة واول ما دخلت لقت مروان واقف بيبص من شباك الاوضة وبيشرب
سجاير
بطريقة عصبية..
منى بخوف:مم مروان! انت صاحي؟
مروان:كنتي عنده صح!!
منى بخوف:لا تخيل الحيوان غمزلي على العشا وو ووبعتلي ورقة قابليني ضروري
لما الكل ينام
وو وبعدين ... بعدين انا ...
مروان وهو بيقاطعها وبيقرب منها اوي وهي بتبعد وبتقله: مم ممروان اوعى تفهم
غلط
وقام مروان لطشها قلم جامد وقال:انا حيوووان اني خسرت صاحبي عشان واحدة
حرباية زيك!!
انتي مش معقووول تكوني كويسة ولا بني ادمة طبيعية ابداااا!!
منى بغضب:انت بتضربني
مروان:واكسرلك رقبتك يا خاااااينة!! انتي اييييه!!! مش مكفيكي اني رميت
صاحبي واخترتك انتي
واديتك فلوسي وقلبي وعمري وكل حاجة وانتي زي الكلبة!! لا كلبة ايه يا شيخة
ده الكلب وفي
وانتي عضيتي الايد اللي اتمدتلك..
منى:ايووووة بكرررررهك وبكرررره فلووووسك دي وبكره البيت اللي زي السجن
وبحبه هووو
مروان فضل يضرب فيها جامد فدخلت حبيبة وهي بتعيط وبتقله:لاااا يا مروان
كفااااية كفااااية
كده هتموت في ايدك...
حبيبة لمنى:روحي اوضتي بسرررعة
مروان:والله لاقتلك يا كلبة وارجعك الشارع حاااافية..
حبيبة بتعيط جامد وبتقله:اهدددى يا مروااان متخسرش نفسك عشان واحدة زي دي..
مروان بغضب:اانااا تخسرني صاحبي!! انا كنت فين يا حبيبة!!
حبيبة بتاخده في حضنها:حذرتك بس معلش معلش ‘ اووعى تضيع نفسك يا مروان..
اللي زيها
ترميلها ورقة طلاقها وتروح لحال سبيلها..
مروان بغيظ:تبقى بتحلم لو افتكرت اني هسيبها تروح بسهوووولة.. الله اعلم لو
صاحبي جاتله
الذاكرة هيعمل فيا ايه!! والله لاطلع القديم والجديد عليها.. الساااافلة
المنحطة دي!!
حبيبة بخوف:هتعمل ايه يا مروان؟!
مروان:هذلها يا حبيبة .. اقسم بالله لاذلها واخليها تبيع اللي قدامها واللي
وراها وتحفي ورايا
عشان اديها ورقة طلاقها..
حبيبة بعياط:عشان خاطري يا مروان اوعى تأذيها مش دي اللي عشانها تضيّع
نفسك.. انا مليش
غيرك بعد ما ماما كمان سابتنا وراحت.. ابوووس ايدك يا مروان عشان خاطري..
مروان بحضن اخته ويقول:متخافيش يا حبيبتي مش هقتلها ولا اروح فيها اعدام!
مش دي اللي تستاهل
بس هذلها وهخليها ترمي كل الفلوس اللي خدتها واطلقها بعد كده..
حبيبة:طيب اهدى انت يا حبيبي.. اهدى دلوقتي..
مروان بعصبية وغضب:السااااافلة رايحة ليه الاوضة تخيلي!! وهو طردها!! انا
شفته وهو بيزقها
بررررررة!! منحطة..
حبيبة:اهدى بقى يا مروان عشان خاطري ونام دلوقتي وبكرة يحلها الف حلال..
مروان:خليها تنام في اوضة الخدامين اللي في المطبخ..
حبيبة بصدمة:ايه؟!
مروان بعصبية:بقلك خليها تنام في اوضة الخدامين اللي في المطبخ!!!!!!
حبيبة:بس
مروان يقاطعها:اسمعيييييي كلاااااااااااامي!!
حبيبة:حح ححاضر نام انت بس..
تخرج حبيبة ويخرج وراها مروان ويروحوا الاوضة عند حبيبة فتكون منى قاعدة
بتعيط واول
ما تشوفهم تخاف وتقف بعيد في اخر الاوضة..
مروان بعصبية:الكلاب اللي زيك ولا بلاش كلاب حتى كده ابقى اكون بشتم الكلب!
الزبالة اللي
زيك مش المفروض يناموا في نعمة ابدااااا‘ امشي غوري نامي في اوضة
الخدامين..
منى:انت اتجنننننت!! انااااا انام في اوضة الخدامين..
مروان بعصبية:اسمعي الكلاااااام عشان انا عفاريت الدنيا بتتنطط قدامي!!
حبيبة:اهدددددى بقى يا مروووووان ووطي صووووتك مش عايزين اسر يحس!!
منى بعصبية:انا مش هروووح انام في حتة! انا هنزل اروحي لامي..
مروان راح ومسك منى من شعرها وجرجرها وقال بصوت عالي:اما جووزززك يقلك
تنزلي تنامي في اوضة الخدامين يبقى تنزلي من سكات! واوعي تفتكري ان فيه حد
هيرحمك مني
من هنا ورايح يا زبالة..
منى بتصوت عشان عايزة اسر يسمع صوتها:انت مجنووووووووووون الحقووووووووني
الحقووووووووووووني المجنووووون ده هيقتلني..
حبيبة بعياط:يا مروان بقى عشان خااااطري
مروان بعصبية جامدة اوووي:امشي يا حبيبة انتي ملكييييييييش
دعوووووووووووة.. واحد
وبيربي مراته محدش ليه دعوة..
وفعلا رمى مروان منى في اوضة من
اوض الخدامين اللي في المطبخ وقفل عليها الباب بالمفتاح
وخد المفتاح معاه ومشي ‘ومنى من جوة كانت بتصرخ عشان اي حد يسمعها...
************************************************************************
تاني يوم صحيت حبيبة بعد ما قضت بقية الليل وهي بتفكر في اخوها اللي اتغير
اوي وقلبه بقى
قاسي والسبب طبعا كانت منى واللي عملته فيه وكانت بتفكر في اسر وياترى هو
لسه بيحب منى
ولا لا؟ وكانت خايفة انه يكون لسه بيحبها ومش عارفة وقتها هتعمل ايه؟ تقله
بالحقيقة وتصدمه؟
ولا تسيبه يضيع منها تاني؟
كانت عايزة تنزل تقابله بس كانت تعبانة وكانت خايفة تشوفه ومش عارفة اذا
عرف باللي حصل
ولا لا..
اتصلت حبيبة بريما وطلبت منها تيجي بسرعة..
مروان يدخل على حبيبة ويقلها:انا نازل الشغل
حبيبة:الشغل!! طب ومنى؟
مروان:وديت ليها الفطار وقفلت الباب عليها ومحدش يحاول يكسر الباب!! والا
هطربق الدنيا عليكم
مفهوووووووم!!
حبيبة:انت بقيت تخوووف اوي يا مروان؟!
مروان:كان لازم ابقى كده من زمان معاها بس للاسف اتاخرت اوووي..
حبيبة:بس يا مروان
مروان مقاطعا:حبيبة! انتهى الكلام!!
بعد ساعة وحبيبة قاعدة في اوضتها مش عارفة تعمل ايه سمعت حد بيخبط الباب
عليها..
حبيبة:خشي يا ريما
اسر بقلق:لا انا اسر
حبيبة بابتسامة هادية:اسر.. اتفضل
اسر بخوف:انا حاسس بحاجة غريبة في البيت ‘ يعني مروان معداش عليا ومشي من
غير ما يقولي
وانتي حتى مجتيش ليا زي عادتك؟ ومنى مش عارف فين؟
حبيبة:ليه انت عاوز منى في حاجة؟؟
اسر:لا والله انا اصلا مش برتاحلها الست دي بس انا مستغرب الكل النهاردة!
حبيبة:مفيش مروان بس متخانق شوية مع منى
اسر بخوف:ليييه؟
حبيبة:معرفش..
اسر:حصل حاجة امبارح؟
حبيبة:واشمعنا امبارح؟؟
اسر بتردد:مم يعني مش عارف اقلك ايه بصراحة بب ببس
وفجأة بدا يمسك اسر راسه بايده ويتوجع اوي:اااااااه اااااااه
حبيبة بقلق:مالك يا اسر؟؟؟ اسر فيك حاجة؟؟
اسر تيجي بسرعة صور تعدي من قدامه ‘بنت من بعيد وصورة شركة مشوشة وصورة بيت
قديم
في حتة تعبانة وصورة فستان فرح وصورة بحر وامواجه عالية وكل الصور دي جواها
صوت
صريخ..
حبيبة يجي صوتها من بعيد اوي:اااسر ماااالك؟؟ اااااسر اطلبلك الدكتووور؟؟
اسر:اااااه تعبان اووووي ‘ دماااااغي هتتفرتك يا حبيبة مش قاااااااادر..
حبيبة:انا هطلبلك الدكتوووور بسررررعة
اسر يمسك ايدها ويقلها:لا عادي متطلبيش ولايهمك انا هبقى كووويس دلوقتي..
وبعدين اول ما يشوف انه مسك ايدها يسيبها على طول ويحس باحراج شديد ..
اسر بتعب:انا هنزل اوضتي شوية ارتاح..
حبيبة باحراج:مم مماشي
اسر يقعد في اوضته ويقول لنفسه:ايه الصور اللي انا شفتها دي؟! وصورة البنت
اللي من ضهرها
دي تشبه حبيبة؟! مش عااااارف؟! ياترى انا كنت بحبك ياحبيبة ولا لا؟ بس اكيد
كنت بحبها؟
ولا مكنش قلبي دق لما مسكت ايدها دلوقتي! بس لو بحبها هي ليه مقلتش ليا؟؟
انا تعبان ومش قادر
مش فاهم في ايه!! وليه محدش بيحاول يذكرني بالماضي؟! بس بيقولوا ليا على
الحاجات الرئيسية
لكن محدش بيكلمني على علاقتي معاهم بالتفاصيل؟ وليه لماا اتفرجت على فرح
مروان ومنى
انا مكنتش موجود؟؟ معقول اكون كنت مسافر زي ما هما بيقولوا كده؟ بس حتى لو
مسافر
ده صاحبي وانيتمي زي ما بيقولو؟؟ ومنى اللي بتقول اني كنت بخون صاحبي معاها؟؟!
حبيبة اكيد تعرف!! وايه البيت اللي شفته ده؟!
يجي الصداع تاني لاسر وتبدأ الصور تتعرض من تاني وهو مغمض ايده اوووي
وبيتوجع
بس المرادي الصور كانت لــ..........
استنوني الحلقة اللي جاية.....
