الحلقة الثالثة عشر
فضل يبص على الروايات اللي على المكتب وعلى البوم الصور اللي معظمه صور
تجمعها بيه
لحد ما لقى مذكراتها في الاول خاف انه يفتحها بس بعدين كان جواه فضول شديد
انه يعرف هي
بتكتب ايه ‘ خد المذكرات معاه وراح خباها في اوضته بسرعة وطلع تاني
لمروان..
***********************************************************************
بعد يومين منى قاعدة في البيت ومكنش فيه غيرها هي ومامتها واخوها في الشغل
والباقي كل واحد
في بيته..
صوت خبط على الباب ومنى رايحة تفتح ‘ لقت راجل غريب..
منى باندهاش:ايوة؟
الراجل:منى صلاح المرغني هنا؟
منى:ايوة انا
الراجل:اتفضلي ورقة من المحكمة
منى بفرحة:ورقة طلاقي؟
الراجل:لا ورقة جلسة ليكي في المحكمة.. وقعي هنا انك استلمتي
منى بعد ماقفلت الباب:مااااماااا
الام طالعة بتجري من المطبخ:ايه يا منى؟
منى بخوف:انا عندي جلسة في المحكمة؟
الام:يالهوووووي مروان طلقك؟؟
منى:لا لما سالت الراجل دي ورقة طلاقي قالي لا ورقة احضر جلسة!!
الام:جلسة ايه دي يابنتي؟
منى بعصبية:مششش عاااااااارفة
***************************************************************************
حبيبة مع ريما في اوضتها..
حبيبة بعصبية:مش لاقياهااااا بقلك كنت حطاهاااا هنا على المكتب!!
ريما باستغراب:يعني مين اللي هياخدها يا حبيبة؟!!
حبيبة:مششش عااااارفة ‘ مشششش عاررررررررفة!!!
ريما:طيب حاولي تدوري تاني
حبيبة:قلبت امبارح الاوضة عليها
ريما:هاتي انا هدور...
وبعد نص ساعة ريما بيأس:مفيش حاجة!!
حبيبة:تفتكري حد خدها؟؟
ريما:حد زي مين؟؟ منى!!!!
حبيبة:معتقدش ‘ وبعدين هتاخدها ليه؟!
ريما:يمكن عشان تشوف انتي كاتبة ايه على اسر؟؟
حبيبة بخوف وقلق:اسر!!! ممكن يكون اسر!!
ريما:لا طبعا انتي عبيطة؟!! واسر هياخدها ليه؟!
حبيبة:مممم مش عارفة .. شكلي بخرف بقى
******************************************************************************
تاني يوم الصبح مروان كان في المحكمة ومنى خارجة ومعاها احمد اخوها وهي
بتعيط..
بصت بغيظ لمروان وقالت:بتطلبني في
بيت الطاعة يا مرواااان!! انت فاكر كده انك هتذلني
والله لارفع عليك قضية خلع...
مروان وهو بيضحك:تبقي سهلتي المهمة عليا ‘ وساعتها كل فلس صرفته عليكي يا
حشرة
هيرجعلي تاني..
احمد:مروان احنا هنرجعلك فلوسك بس بلاش محاكم وقضايا
مروان:انا مكنتش عايز اعمل كده عشانكم بس لكن عارف بقى ان المدام بتاعتي
طماعة ومش
هترجع حقي فقلت اقرص ودانها شوية ...
احمد:منى هترجعلك كل حاجة
منى:مييين اللي يرجع!! على جثتي
مروان:مش قلتلك‘ اصل انا حافظ مراتي كووويس..
مشيت منى ومعاها احمد وهو بيضرب كف على كف وفضل مروان سرحان شوية
وبعدين قالها:حضري هدومك عشان هاجي اخدك بليل..
منى:احمد احنا لازم نشوووف محامي وبسرررعة
احمد:ابقي شوفيه لوحدك يا منى .. انا مش هعملك حاجة
منى:ايه!! انت اااخ انت!!
احمد:منا عشان اخ حاولت احل المسألة بالهداوة بس انتي زي ما انتي طمعك
وغرورك عميينك!!
منى:انت عايزني اخسر الفلووووس زي ما خسرت كل حاجة؟!
احمد:لازم تخسري الفلوس وتخسري كل حاجة يا منى.. لازم
منى بعصبية:انت استحااااالة تكووون اخ‘ انت اكيد شمتااااان
فييااااااا..انتوا بتكرهووووني..ايوووة
كلكم بتكرهوووووني.. اسر بس اللي كان بيحبني وانا غبية خسررررررته..
احمد:احنا كلنا بنحبك يا منى بس انتي اللي كنتي بتحبي نفسك وبس! لا انتي
حتى محبتيش نفسك
انتي كنتي بتحبي الفلوس والجاه والعربيات والفيلل اكتر من اي حد فينا..
فضلت تدوسي علينا
واحد ورا التاني لحد ما قتلتينا!! حتى جووووزك اللي كان بيحبك ومدلك ايده
كونتي جواه وحش
بقى يقسى عليكي اد ما كنتي بتقسي عليه.. يبقى تستحملي يا بنت امي وابويا
على اللي هيحصلك..
وسابها احمد ومشي وفضلت منى تعيط ...
***************************************************************************
اسر في اوضته قاعد سرحان وفجأة افتكر مذكرات حبيبة اللي كان خباها من كذا
يوم ومقدرش
يطلعها عشان عرف ان حبيبة اكتشفت انها اختفت..
اخد المذكرات وفتح على صفحة عشوائية كان مكتوب فيها:
لم اكن اعلم ان الحب قراره سيد! نعم قراره سيد على كل الاحلام.. ولم اكن
اعلم ان حبك انتحار
احببتك رغم ان الليلة خطبتك.. احببتك رغم اني كنت ومازلت وسوف اظل لنهاية
العمر قربك
دون ان تشعر بي... اليوم اختار "اسر عمري" ان يخطب منى رفيقته في
الجامعة..
وقف اسر عند الجملة دي وفضل يقراها اكتر من عشر مرات وهو مش مستوعب وخايف
جدا
من اللي جاي! وقال لنفسه:انا!! ومنى؟!! انا ومنى كنا مخطوبين!!! عشان كده
كنت حاسس
اني شفت بيتها قبل كده واهلها؟!!! وليه محدش قالي! طب ازاي؟؟ ازاي هي
متجوزة مروان
صاحبي؟؟ هو صاحبي ولا مش صاحبي؟؟؟ انا مش فاهم..
وراح قلب صفحات تانية بسرعة لحد ما وصل لصفحة عشوائية بردو ولقى مكتوب
فيها:
اتاني اليوم وهو حزين مكسور القلب‘ يشرح لي عن فؤاده العليل! امعقول ان
يسخر مني القدر الى
هذا الحد؟؟ يجعل "اسر عمري" يحدثني انا وفؤادي العليل به عن
فؤاده العليل بحبه لمُنيته؟!
ما اقساه من قدرا هذا وما ابشعه!
فضل اسر يقرا المذكرات ورقة ورقة وكل مدى يتعصب اووووي ويندهش من المفاجاءت
اللي
كان بيكتشفها...لحد ما فجأة دخلت عليه حبيبة ولقت المذكرات في ايده..
حبيبة بصدمة:مذكراتي!! انت اللي خدتها
اسر بعصبية:ليه محكتيش ليا؟! ليييييييييه مقلتليش الحقيقة وكذبتواااا
عليااااااااا
حبيبة بخوف وعصبية في نفس الوقت:انت مين سمحلك اصلا تدخل اوضتي وتاخد
مذكراتي
وكمان تقراهاااا!!
اسر:ربنا اللي خلاني اعمل كده عشان اعرف حقيقتكم ولعبكم القذر ده!!
حبيبة بصدمة: لعبنا القذررر!!!
اسر بعصبية:ايووووووة بتستغفلوووووني !! فكرررررني مش هعرررررف ولا
هفتكرررر..
قلتوا الذااااكرة مش هترجعله بقى ومش هيفتكر اننا ضحكنا عليه زمان!!!!!!
حبيبة:انت بتقوووول ايه!! اسر انت مش مستوووعب انك عمال بتجّرَح فينا؟؟!!!
اسر:واناااا لما ضحكتوا عليا واخوووكي خد خطيبتي مني!!! ياااااه على
حقارتكم! ازااااي قدر
يجيبني هنا البيت بعد اللي عمله فيا؟! ازااااي قدر يبص في وشي كل
يووووووووم بعد اللي عمله
فيا؟؟؟؟؟ ازااااااااااي؟؟؟؟؟ وانتي ازااااي تكذبي عليا؟؟؟
حبيبة:انا لو عليا كنت هقلك من اووول يووووم ‘ لان انا الوحيدة اللي ....
اسر بعصبية وزعيق:كملي؟؟ انتي الوحيدة اللي ايه؟؟ هاااااا؟؟ انتي الوحيدة
اللي بتحبيني مثلا؟؟
فقلتي تستغلي اللي حصل وتقربيني منك اكتر وتخليني احبك واهو تكوني كسبتي
"اسر عمرك"
في المعركة!!
حبيبة بصدمة وبعياط:انت مش طبيعي انت اكيد مش في وووعيك!!
اسر:والكلبة مرااااته دي!!! ازاي هو كراجل يقبل على نفسه كده؟!
مروان يدخل فجأة:فعلا وعشان انا مكنتش راجل معاك يا صاحبي اتردتلي واهي
مراتي طلعت اقذر
مما كنت متخيل وعشان كده بردو انا بربيها دلوقتي يا صاحبي!! مش عشان انا
بحبها لا بالعكس
ده انا بندم على اليوم اللي دخلت فيها الشركة وخليتها تشتغل معانا وزرعتها
في وسطنا.. بس انا
بربيها يا صاحبي عشان اخد حقي وحقك..
اسر بعصبية:متتكلمش عن حقووووووقي لانك متعرفش الرجووووولة.. انا مش مصدقكم
ازاااااااي تخبوا عليا الحقيقة وتغشووووني الفترة دي كلهاااااا..
مروان:عملنا كده عشان الدكتور قالنا منحاولش نخليك تجهد نفسك واعصابك
وتفتكر خصوصا ان
قلبك تعبان.. مش عشان نستغفلك اكتر يا صاحبي..
اسر بعصبية وجنون:متقللللللللللش صااااااااحبك.. اوعي تكون فاكر اني زعلان
على الكلبة بتاعتك!
انا زعلان على انكم قدرتوا تستغفلوني تاني!!
لم اسر حاجته في شنطته وقام يمشي‘جريت وراه حبيبة وهي بتعيط وبتقول:
اسر استنى‘ متمشيش وانت متعصب كده ‘ الدكتور قال ان الاجهاد مش كويس عشانك
اسر من غير ما يبصلها:ابعدي عني! اخر واحدة كنت اتصور انها تستغفلني وتكذب
عليا
حبيبة:اسر صدقني انا كنت بتقطع بس مقدرررتش والله مقدررررت..
لف اسر ليها:عشان انتي انانية! حبيتي تستغلي ضعفي وتعبي وتخليني احبك!!
حبيبة وهي بتعيط اوي وبعصبية:حرااااااام عليك بقى حرااااام عليك..
اسر بعصبية:انتي زيك زيهم ‘ اشتركتي في اللعبة القذرة دي
حبيبة:انت اللي عمرك ما حسيت بحاجة ولا هتحس عارف ليه لان اللي زيك قلبه
مات من زمان
انت اصلا واحد معندوش قلب ولا رحمة..
اسر اتعصب جدا لما حبيبة قالت الكلام ده فقام ضربها قلم جامد على وشها ومن
قوته وقعت
على الارض وقام مشي...
*****************************************************************************
فضلت حبيبة يومين في اوضتها مبتاكلش ولا تشرب وحالتها النفسية بتسوء اكتر
وطبعا كانت ريما
دايما معاها..
مروان لريما:ريما تعالي برة
ريما:حاضر
خرجوا هما الاتنين برة وبعدين مروان قالها:انا خايف على حبيبة اوووي
ريما:حبيبة مصدومة جدا في اسر يا مروان
مروان:فعلا محدش كان متوقع ان ردة فعله تبقى عنيفة بالشكل ده!! المشكلة انه
ظالم اختي معانا!
طيب يزعل مني انا ‘ انما اختي ياخدها ليه معانا؟!
ريما:بص هو حاسس اننا كلنا لعبنا عليه وده في اعتقاده ‘ بس ميعرفش ان حبيبة
ضحية اللعبة دي
زيه بالظبط..
مروان يمسك ايد ريما ويقولها:ريما انا واثق فيكي اوووي وانك انتي اللي
هتقدري تخرجي حبيبة
من الحالة اللي هي فيها دي.. الدكتور قال انها محتاجة اننا كلنا نبقى جمبها
الفترة دي..
ريما باحراج وشالت ايده براحة من ايد مروان وقالت:حبيبة محتاجة اسر يا
مروان ‘ حاول
تروح وتكلمه مرة ومرتين وعشره بس المهم متنزلش كرامة اختك..
مروان اضايق لما حس انه ضايق ريما لما مسك ايدها وقال:هحاول رغم انه رافض
انه
يشوفني او يكلمني..
ريما بابتسامة :ربنا معاك
مروان:ريما... انا كنت عايز اقلك......
استنوني الحلقة اللي جاية...........
