الحلقة الخامسة عشر من قصة"غيبوبــــــــــــة"

الحلقة الخامسة عشر

اسر كان لسه قاعد وعمال كل شوية يفتكر حاجة جديدة والصور اللي كانت ناقصة بالنسباله كانت

عمالة تيجي واحدة ورا التانية ‘ والاسئلة اللي مكنش ليها اجابة بدأ يلاقي اجوبتها وفجأة افتكر

ازاي لما عمل الحادثة..

خرج اسر بعد ما منى طلبت ليه السكيورتي وطردوه برة وكان متعصب جدا وزي المجنون‘ركب

عربيته وساق بسرعة شديدة وكان وقتها عمال يفتكر كل اللحظات اللي كانت بينه وبين منى وكان

فاكر انها حلوة لكن اتاكد انها مجرد وهم..وكل ما يفتكر لحظة كان يزعق ويشتم بصوت عالي

ويزود السرعة اكتر لحد ما لقى واحدة بتعدي الشارع ولما شافت السرعة اللي جاي بيها من الخضة

فضلت تصرخ وتصوت جامد وراح هو بسرعة شديدة لف العربية عشان يتفادها وميخبطش فيها

ودخل في شجرة جامد لدرجة ان وش العربية اتفعص من قدام وراس اسر اتخبطت جامد وبعدها

اغمى عليه ومحسش بالدنيا..

**********************************************************************

اسر نايم في المستشفى وصوت الاجهزة من حواليه بيفتح عينه وبيلاقي نفسه نايم في اوضة ولوحده

بيرجع يغمض عينه ويبدأ يستوعب انه فاق من الحادثة اللي هو عملها..

تدخل ممرضتين عليه في الاوضة فواحدة تقول للتانية: يعيني ده البنت اللي بتيجي هنا كل يوم وتقعد

تتكلم معاه هتموت من القلق عليه ‘ كل شوية تتصل تتطمن عليه لحد ما تيجي هي بنفسها تتطمن..

الممرضة التانية:شكلها خطيبته

الممرضة الاولى:لا ياختشي لا هو لابس دبلة ولا هي لابسة دبلة

الممرضة التانية:تعرفيش اسمها؟

الممرضة الاولى:يختشي بسمع اخوها بينادشيها بحبيبة باين

الممرضة التانية:يارب يفوووق بقى احسن ده اداله شهر وهو كدشه في الغيبوبة دشي!!

الممرضة الاولى:طيب غيري بقى الورد بسرعة

الممرضة التانية: انا سمعت الدكطور امبارح وهو بيقول لو مفقش في ظرف يومين هيظطروا يشيلوا

الاجهزة من عليه يا عيني..

الممرضة الاولى:يا حرام ده لسه شاب وصغير..

اسر وهو نايم وسامع الحوار وافتكر حبيبة وهي كل يوم كانت بتيجي وبتكلمه عشان كده لما كان

عقله بيفتكر كل حاجة وهو نايم كان بيسمع صوت رقيق جاي من بعيد.. كان بيسمع صوتها وهي

بتحكيله عن مروان اخوها ومنى خطيبته اللي اتجوزها..وافتكر انه سمع صوتها من قريب وهي

بتقله ان مروان قرر يطلق منى لما اكتشف انها بتاعت مصلحتها وانها خدعته وانه ندمان في اللي

عمله..فجأة افتكر كل حاجة من تاني وافتكر اللي شافه وهو في الغيبوبة واللي عرف انه كان

حلم منه لما سمع كلام حبيبة..كل ده خلاه يضايق جدا ويتعصب وفجأة دقات قلبه بدأت تبقى بطيئة

وصوت الجهاز بدأ يصفر ان قلب المريض في خطر..

الممرضة بتجري لاوضة الدكتور بسرعة:الحقنيييييي يا دكتوووووور .. قلب المريض اللي في اوضة

 3 وقف!!

الدكتور بفزع:ايييييييييييه..

يجري الدكتور بسرعة ‘ يدخل اوضة اسر ويبدأ الممرضين يحطوا ليه جهاز الصعقة الكهربائية..

الدكتور بيبص للمرضين ويقول بسرعة:ها جاهززززين؟

الممرضين:اه

الدكتور:يلاااا

يحاول الدكتور ينعشه بالصعقات الكهربائية بس قلب اسر ميستجبش!! يبدأ يضغط بايده جامد

مرة واتنين وبعدها بدأ قلب اسر يستجيب..

الدكتور:الحمد الله

اسر يفتح عينه فيلاقي الدكتور واقف والممرضتين..

الدكتور:يااااه يا راجل حمد الله على السلامة! وقعت قلوبنا معاك...

اسر بتعب واجهاد:ا الله يــ ســ لمك..

الممرضة للدكتور:اتصل باهله يا دكتور واقلهم

الدكتور:اه..هنسيبك احنا دلوقتي ترتاح ومش عايز اقلك اي انفعال مش حلو عشان قلبك..

يخرج الدكتور وتفضل ممرضة من الممرضات معاه وتقله:دشي خطشيبتك ولا قريبتشك هتفرح اوووي

اما تعرف هروح اقلها بقى..

حبيبة في البيت بترد على التلفون اللي جالها:ايه؟؟بجددد؟؟ حح ححاضر جج ججاية جاية على طول

مروان وهو نازل من فوق:في ايه يا حبيبة؟

حبيبة بفرحة:مروان اااسر فااااق.. انا هكلم ريما ونروحله على طول

مروان:انا جاي معاكم

حبيبة بخوف:وهتقابله؟

مروان:حتى لو رفض مش هينفع اسيبه كده!!

حبيبة بفرحة وشوق:طب يلااا يلااا

وبعدين ترجع وتقله:بس صحيح مش انت كنت هتروح تطلق منى بعد شوية؟؟

مروان:هطلقها بس صاحبي اولى دلوقتي..

حبيبة:طيب يلا

*********************************************************************

بعد ساعة توصل حبيبة وريما في نفس الوقت توصل معاهم وينزل مروان ويقلهم:اطلعوا انتوا

وانا جاي هحصلكم..

تجري حبيبة على اوضة اسر وتدخل فتلاقيه قاعد واول ما يشوفها يبتسملها:خشي يا كتكوتة

مالك واقفة متنحة كده ليه؟!

حبيبة:هههههه الحمد الله الحمد الله بجد! مش مصدقة نفسي!!

اسر بتعب:ههه طـ ب خشي يا لمضة

حبيبة بتدخل وريما وراها فتقول:حمد الله على سلامتك..خضتنا عليك بجد!! ايه الغيبة دي كلها

اسر باجهاد:هو انا بقالي اد ايه هنا؟

حبيبة:شهر

اسر:ياه

ريما:الحمد الله انك فقت..

اسر:مروان معاكم؟

حبيبة بتبص لريما وترد بخوف:هو ههو معانا بس هو لسه تحت

اسر:صحيح هيطلق منى؟

حبيبة بخوف ورعب:ايه؟؟ عرفت منين؟؟

اسر:منك..مش انــ تــ ي كــ نتي بــ تصدعيني بكلامك كل يوم!

حبيبة باحراج شديد:ايه!! انت كنت بتسمعني؟!!!!!

اسر:اه مــ عظم الكلام مــ ش كله

ريما:هههههههههه

حبيبة بغيظ:بتضحكي على ايه يا رخمة

ريما:عليكي

حبيبة:تؤ يووه الله بقى

اسر:عــ ارفــ ة اول حــ اجة بــ عد ما اخــ رج من هنا عاوز اعملها اشوف مذكراتك

تدخل الممرضة تحط الاكل لاسر وتقول:معلش يا جماعة بس حاوولوا متخلوش المريض

يتكلم كتير عشان لسه قلبه مجهد.. ده اتكتبله النهاردة عمر جديد..

حبيبة باحراج شديد:يووه بقى متكسفنيش

ريما:مروان اتاخر ليه؟ هو مش قال انه طالع ورانا؟!

حبيبة بتبصلها جامد فيقوم اسر قايل:اطلعي قوليله يدخل يا ريما لو واقف برة

ومعلش يا حبيبة لما يدخل تسبونا لوحدنا شوية..

حبيبة:لا يا اسر.. انت زي ماسمعت الممرضة بتقول ايه! مش هخليك تتكلم معاه!

اسر:حبيبة..من فضلك

حبيبة:مم بس..

اسر:من فضلك يا حبيبة ‘ شوفي انتي اللــ ــي عــ ما لـ ة تناهــ دي مـ ع ايا..

حبيبة بضيق:ماشي ماشي

اسر بخباثة:يا بخته اللي بتحبيه..

حبيبة باحراج شديد وبارتباك:ها!

اسر بخباثة اكتر:ايه؟ مـ سمع تــيش؟

حبيبة:مم ا اه طيب طط طيب

اسر:ايه؟

حبيبة:لا وو لا

وتقوم خارجة حبيبة بسرعة من الاوضة فتقابل في وشها اخوها وتتخبط فيه..

مروان:ااااي.. ايه مالك؟؟ اسر جراله حاجه؟؟

حبيبة:ها؟لا

مروان:امال مالك طالعة بتجري كده ليه؟

حبيبة:م ممفيش يووه خش خش يا مروان ..

مروان باندهاش:مم ماشي!!

حبيبة:مروان متكترش معاه في الكلام..

**************************************************************************

منى في بيتها مع اهلها ..

احمد:هيطلقك؟؟ انتوا ملحقتوش؟؟

منى بعصبية:اهووو اللي حصل!! دخل عليا اول امبارح وقالي هطلقك وكل واحد يروح في حاله!!

احمد:كله منك!! معرفتيش تحافظي على الجوهرة اللي في ايدك!!

منى بعصبية:انا اللي مضاااايقني اني خسرت اسررر

احمد:انتي حيوااااانة .. انتي ضيعتي من ايدك اتنين ميستاهلوكيش اصلا!!!

منى بنرفزة:يوووووووه زهقتووووني بقى!! وقرفتوووووني ده انتوا عيلة تقرف وتعر

يقوم احمد يضربها ويقلها:اخررررسي احنا اللي بجد قرفانين منك ومن عمايلك في ولاد الناس..

كتك القرررف انا مش فاهم انتي طالعة على مين!!!

منى بعصبية وغضب وجنون:اناااا هروح اعيش لوحدي‘ هاخد الفلوس بتاعت المؤخر واروح اعيش

لوحدي وافتح شركة وهبكرررر وبكرة كل الرجالة هتجرررري وراياا وهتشووفواااا ايووة هتشوفوا

كل الرجالة هتجري وراياااا كلهم كلهممممم وهتشووووفواااا..

احمد:في ستيييين داهية بكرة اللي بتتكلمي عنه ده هتلاقي نفسك فيه لوحدك زي الكلبة محدش بيعبرك

وهتمووووتي لوحدك يا منى وتقولوا اهلي قالوا..

***********************************************************************

مروان مع اسر في الاوضة مش عارف يتكلم يقول ايه..

مروان:اا اسر انا عارف اني واطي وندل وحيوان معاك.. بس صدقني انا كان مضحوك عليا

وعارف كمان ان ده مش مبرر بب ببس..

اسر:مم مروان ا ســ م عــ ني عشا ــ ن مش قـ ادر اتكـ لم كتير.. انت اصلا مــ تهمني ـش

والصحو ــبية اللي بـ ينا ولا بقت تهمني.. اا انا ك كنت ع عاوزك ........

استنوني الحلقة اللي جاية......