الحلقة الرابعة عشر
مروان:ريما... انا كنت عايز اقلك... يعني مش عارف ابتدي ازاي بصراحة.. اا
اصل محرج اوي
ريما دقاب قلبها كانت بتدق بسرعة من الخوف وكانت ساكتة بتسمع وبس...
مروان بيحاول يتكلم: مش عارف مالي! وايه كمية الارتباك دي! بس واضح فعلا
كده ان ده اللي
بيسموه احم يعني بيسموه الحب!
ريما باصة في الارض وحزينة رغم ان من جواها فرحانة جدا ولسه ساكتة..
مروان:انا يا ريما اكتشفت ان الحب كان جمبي وان الفيت ضهري عنه ومخدتش بالي
منه ‘ لاني
كنت بجري ورا وهم وسراب..
ريما والدموع في عينها:متكملش يا مروان لانه للاسف غلط وجه متاخر اوووي..
مروان باندهاش:غلط؟! ليه؟ اا ااه قصدك يعني عشان منى؟! صدقيني انا منى دي
مش بحبها اصلا
انا اللي كان جوايا لمنى اعجاب ووهم وانا هطلقها بس لما ترجعلي فلوسي اللي
اتجوزتني عشانها
انا اللي بعمله في منى دلوقتي ده درس وبرجع حقي وحق صاحبي..
ريما:انا مليش في كل ده .. واضح انك لما مسكت ايدي مخدتش بالك من الدبلة..
مروان بصدمة:ايه؟؟ انتي اتخطبتي؟؟
ريما:ايوة في اليوم اللي انت فقت فيه ‘ هو نفس اليوم اللي اتدبحت انا فيه..
مروان:لييييه؟؟؟؟
ريما:مكنش ينفع افضل استناك اكتر من كده ‘ انا حاولت كتيييير اوي وتعبت
اكتر عشانك وانتم كنتش
بتاخد بالك..
مروان:بب ببس اا انا بحبك وانتي بتحبيني ومتنكررريش لانه باين في عيونك بس
انا اللي مغفل..
انا اللي اتاخرت..
ريما بابتسامة فيها انكسار وحزن:زي ما قلت اتاخرت يا مروان.. بعد اذنك..
مروان:استني يا ريما..
ريما:حبيبة دلوقتي اهم من اي حاجة يا مروان ‘ حاول تصالح اسر وتفهمه
الحقيقة وتعتذرله...
تمشي ريما وترجع لحبيبة في اوضتها وهي بتعيط ومنهارة وينزل مروان عشان يروح
لاسر..
حبيبة اول ما تشوف ريما منهارة من العياط بتصحى من النوم مفزوعة:ايه في
ايه؟؟
ريما:مفيش يا حبيبتي انا اااااسفة والله اااااسفة غصبن عني ازعجتك..
حبيبة بقلق:في حاجة حصلت وحشة؟؟؟ مروان فيه حاجة؟؟ اااسر؟؟؟؟ مالك يا
ريمااااا؟؟
ريما:اهددي يا حبيبة كلهم كووويسين بس بس....
حبيبة:بس ايه؟؟
ريما:اخوكي اعترف انه بيحبني..
حبيبة بابتسامة وهدوء:خضتيني! غبية حتى وانا عيانة بتخضيني!!
ريما بترفع ايدها قدام وش حبيبة وتشاور على الخاتم وتقول: ووده يا حبيبة!!
نسيتي ددددده!!
حبيبة بحزن ويأس:قلتلك بلااااش يا ريما ‘ بلاش ترتبطي بواحد وانتي قلبك مع
واحد تاني
ريما بانهيار:ولحدددد امتى كنت هستنى!!!!! لحد امتى!!!!
حبيبة:لحد ما يرجع لصوابه ويفووووق..
ريما:وانتي اهووو استنيتي يفوووق ولما فاق وعرف الحقيقة عمل ايه؟؟! هااا؟؟
ضربك وهزقك!
حبيبة وفي عينها دموع:بس مبعتش نفسي لراجل وانا قلبي مش ملكي!
ريما وهي بتعيط تروح تحضن حبيبة وتقول:انا اسفة.. مقصدش اوجعك بس انا
موجوعة اووووووي
حبيبة وهي مغمضة عينها:وانا كمان اسفة..
************************************************************************
اسر قاعد في بيته وعمال يفتكر كل كلمة قراها في مذكرات حبيبة وفجأة الصداع
اللي كان بيجي ليه
جه بس المرادي كان اقوى من كل مرة.. وفجأة شاف مشهد قدامه..
حبيبة واقفة على البحر وهي حزينة بتفكر في اخوها اللي جه وهو فرحان وسعيد
انه هيتجوز منى وفجأة
جالها اسر..
اسر بحزن:ازيك يا حبيبة
حبيبة:انت عامل ايه دلوقتي يا اسر؟
اسر بحزن:الدنيا دي غريبة اوي يا حبيبة! تخيلي جاي اشتكي من صاحبي وخطيبتي
الخاينة عند مين؟!
عند اخت صاحبي!! بس المشكلة انتي اقرب واحدة ليا يمكن كمان كنتي اقرب ليا
من مروان!!
حبيبة بالم:عارفة وضعك صعب اد ايه وانا كمان في وضع اصعب منك وانا بشووف
اخويا بيجرح
اقرب انسان ليا.. بس لو عليا اني ادخل جوة قلبك واشيل الوجع كنت عملت
كده... دد دده انا كمان
كنت خايفة لتبطل تكلمني وساعتها بجد مكنتش هعرف اعمل ايه!!
اسر:لا طبعا وانتي ذنبك ايه يعني!! اكيد مش انتي اللي قلتي لاخوكي يروح
ويحب خطيبتي!
حبيبة:انا متاكده اصلا ان اخويا مش بيحب منى! هي بس اللي مدياله الشعور ده
وعرفت ازاي تأثر
عليه لكن هوو هو ....
اسر مقاطعا:متبرريش لاخوكي يا حبيبة متبرريش..
حبيبة:اسر انا اهو لو احتجت تفضفض باي حاجة وفي اي وقت!
اسر بابتسامة:انتي احلى حاجة فاضلة ليا يا كتكوتي..
حبيبة بحزن والم:شفت بقى ان اختك الصغيرة موجودة دايما ازاي..
اسر بالم:ربنا يخليكي ليا ومخسركيش واشوفك عروسة مع الانسان اللي يقدرك
ويستاهلك..
الدموع جت في عيون حبيبة وحاولت تبتسم وقالت:اما اشوفك انت الاول وافرح
بيك..
اسر:ربك يسهلها..
يرجع اسر تاني للواقع وهو لسه ماسك راسه والصداع بيشتد عليه اكتر واكتر...
يغمض اسر عينه اكتر ويرجع مشهد تاني من ذاكرته..
اسر بيدخل الشركة عند مروان ويروح على مكتبه عشان يلم كل حاجته‘ يدخل عليه
مروان :
اسر اسمعني دقيقة
اسر بعصبية:انا جاي اخد حاجتي وماشي وهبعتلك بكرة المحامي بتاعي عشان نخلص
كل المعاملات
اللي بينا وحقي اخده من الشركة هنا..
مروان:من غير محامي حقك هيوصلك وزيادة ‘ انا مقدرش اكل حقك بس
اسر مقاطعا:بس تقدر تخوني؟! صح؟؟؟ اوعي تكون فاكر اني زعلان ع الكلبة اللي
هتبقى مراتك؟
لا انا زعلان ان انت يا صاحبي تجري زي الكلب وراها..
مروان بعصبية:اسررررر انا مقدر انك لسه مش قادر تستوعب الموقف لكن حدودك
متتعدهاش!!
اسر بيقرب من مروان ويمسكه من رقبته جامد ويقول بكل عصبية:مين فينا اللي
اتخطى الحدود!!
تدخل منى المكتب وتشوف الموقف فتجري على اسر وتزعق وتقله:انت عايزززز
تقتله‘ انا هناديلك
سكيورتي..ياصلاااااح يا طاااااااااااارق تعالووووا بسرررررعة شيلوا المجنون
ده برررررره
اسر بجنون:والله لوريكي ‘ والله لوريكي
يجوا بسرعة السكيورتي ويشيلوا اسر ويطلعوه بره..منى ليهم:هاتوا مية
بسررررررعة
مروان قاعد بيكح ومش قادر ياخد نفسه من الخنقة اللي كان اسر خنقها ليه
بايده..شرب من كوباية
المية بسرعة..
مروان بضيق وعصبية : انتي ازاي تعملي كده!!
منى:اسكت انت ‘ انت كنت هتموووووت!! وانا اللي انقذتك منه
مروان:مهما كان ده صاحبي وهو مش في وعيه لانه مصدوووم
*************************************************************************
مروان يروح لشقة مأجرها في الدقي ‘ يفتح بالمفتاح ويلاقي منى بتجري على
الباب اول ما يدخل
منى وهي بتعيط جامد اوي:مرووووان حرام عليك ‘ حرام عليك اللي انت بتعمله
فيا ده
مروان بسخرية:هه انا قلتلك عليكي من ده بايه يا بنت الناس!! اديني فلوسي
واديكي ورقتك!
منى:لا الفلوس دي الحاجة الوحيدة اللي فاضلة ليا..
مروان:يبقى استحملي!! انا اصلا بقرف جدا لما بجيلك هنا بس غصبن عني بجيلك
عشان اشوفك
عايشة ولا ميتة..
منى:انت عايزني اموووت؟؟
مروان:لو عليا عايز اخنقك بايدي دووول! بس خسارة فيكي ادخل السجن...
منى بتحاول تقرب من مروان وتتدلع:ايه رايك نبتدي صفحة جديدة
مروان بيزقها برجله ويقول:جديد!! هه معاكي انتي؟ ليه عبيط اوي كده.. تؤ انا
اصلا بحب
وماهصدق اخلص منك واتجوزها وافتح صفحة جديدة معاها..
منى قايمة تدخل الاوضة قام مروان قالها: روحي حضريلي العش ايلا
منى:ما تقوم تحضره انت
مروان:تؤ احضره ازاي وانتي مراتي
منى:انسى!!!
مروان يقوم ويشد شعرها جامد ويزقها على المطبخ ويقلها:هتعملي الاكل يعني
هتعملي الاكل
منى وهي بتعيط:حح حححاضررر
مروان:وياريت تخلصي بسرعة عشان تدعكي ليا رجلي! تصدقي يا منمن الافلام نفعت
معايا!
بقيت بتفرج عليها والاسلوب اللي يعجبني اطبقه عليكي.. ههههههه
منى بعد ما يمشي مروان:يااااااااااااااارب .. ياااااااااااارب ارحمني
ياااااااااااااااارب...
مروان من برة:اخلصي بسررررررعة ولا اديكي علقة عشان تنجزي!!!
**************************************************************************
اسر كان لسه قاعد وعمال كل شوية يفتكر حاجة جديدة والصور اللي كانت ناقصة
بالنسباله كانت
عمالة تيجي واحدة ورا التانية ‘ والاسئلة اللي مكنش ليها اجابة بدأ يلاقي
اجوبتها وفجأة افتكر
ازاي لما ......
استنوني الحلقة اللي جاية.......
