الحلقة الرابعة
دينا:في يوم دخل مهند عليا وقالي: دينا بابا كمان بيشرب
ترجع دينا بذكرياتها لورا
مهند داخل على دينا الاوضة وبيقلها وهو مضايق:دينا بابا كمان بيشرب!
دينا بصدمة شديد:ايه؟ انت بتقول ايه؟ لا مش معقول!! لا انا عارفة ازاي
الواحد لما بيشرب
بيبان عليه بس بابا عمري ما شفت ولا لاحظت الحجات اللي كنت بشوفها على
ماما!!
مهند:زي ما بقلك كده بابا بيشرب يا دينا! فكري كووويس فيها كده هتلاقي ان
هو اصلا اللي
بيجيب لماما الشرب ولا هي بتجيبه ازاي لنفسها؟!
دينا:مش عارفة مفكرتش فيها قبل كده! انا اه كنت بسأل نفسي هي بتجيبه ازاي
بس كنت فاكرة
ان اي حد بيجيبه ليها...
مهند:بابا هو اللي بيجيبه
دينا:انا هسأله وهتأكد منه
مهند:فاكرة اليوم اللي كان جاي ياخدنا فيه من المدرسة وكان مشغل ام كلثوم
وموده كان غريب
وقتها؟
دينا:اه فاكرة!
مهند:فاكرة ازاي احنا كنا مستغربين تصرفاته وسواقته!!
دينا:ازاي يسمح لنفسه يسوق بينا ويعرض حياة ولاده للخطر وهو سكران!!!!!
مهند:مش عارف
دينا:احنا لازم نسأله ونواجهه
****************************
انا بقطع ذكرياتها وبسألها:وسألتوه؟
دينا:لا ومش فاكرة ليه بس بعدها بفترة بسيطة حصلت خناقة كبيرة بين ماما
وبابا...
ترجع دينا تاني بذكرياتها لورا...
دينا قاعدة في اوضتها بتزاكر ومهند جمبها كان بيزاكر وفجأة سمعوا صوت صريخ
مامتهم
دينا بتبص لمهند بخوف وتقوله:في ايه!!
مهند بيقوم جري ويقولها:مش عارف
صوت الام من برة وهي بتصرخ والاب كمان بيزعق ليها
بيخرج مهند جري ووراه دينا وهي مرعوبة ‘ يبصوا يلاقوا الاب بيضرب الام
والام عمالة تزعق
وتشتم..
الاب يلاحظ وجود اولاده فيلف عليهم ويقول ليهم:امكم شااااربة كتير ومتقلة
العيار وشكلها عايز يتخانق
وخلاص وبتقل ادبها عليا..
دينا بكل تحدي وعند:متضربهاااااااش! انت ملكش الحق انك تمد ايدك على امي
الاب:مش شايفة هي بتعمل ايييه وعايزة تتخانق معايا ازاااااي
دينا بزعيق:انت كماااااااان بتشرررررررررب
مهند:ايوووووة اوعى تكون فاكر ان احنا مش عارفين ان انت بتشرب ‘ احنا
عارفين وبطل تعمل
فيها دور البرىء وانك مش عارف حاجه!!
دينا:اوووووعى تمد ايدك تاني على ماما
الاب:انا شايب ليكم البيت ونازل واولعوا كلكم مع بعض
ياخد الاب مفاتيح العربية وينزل من البيت....
*********************
تفوق دينا من ذكرياتها وتفضل ساكتة فاسألها انا:طب هما كانوا بيتخانقوا على
ايه؟
دينا:كانوا بيتخانقوا كتير وعلى حاجات هبلة احيانا ويكبر الموضوع وماما لما
كانت سكرانة
كانت بتشتم بابا وبالتالي هو يقوم ضاربها..
انا:ليه بتشتمه؟؟
دينا:هي لما بتشرب كتير لسانها بيبقى طويل وطبعا هو مكنش بيستحمل ده فكان
بيتعصب عليها
انا:طيب وانتم اتعاملتم ازاي معاه لما اكتشفتوا ان هو كمان بيشرب ؟؟
دينا:بصي مهند قالي وقتها انا مش ضايق من بابا قد ما انا مضايق من ماما ‘
لان على الاقل بابا
لما بيشرب بنكون احنا مش معاه ولا بيحسسنا انه بيشرب لكن ماما مش فارق
معاها حد وبدأت
تشرب عادي قدامنا وفي اي وقت وتخلينا نحس بيها وهي بتشرب.. وانا مهند لما
كان بيقول حاجه
كنت بقتنع بيه اووووي..
انا:يعني سمعتي كلامه ؟
دينا:اه هو شاف ان بابا طالما بيشرب مع نفسه ومش بيورينا نفسه وهو بيشرب
يبقى مع نفسه
وانا حطيت الكلام ده في بالي ومبقتش بعمل اللوم على بابا..
انا:طب ومامتك؟؟
دينا:ماما بقى اللي رغم اني كنت بكرهها اوووي وهي شاربة الا اني كنت مبطقش
حد يلمسها
وكنت بكره بابا اوووي لما كان يضربها! انا عندي ربنا في السما وماما في
الارض!! امي دي حاجة
مقدسة ليا اوووي رغم اللي هي فيه ده!!
انا:غريب شعورك!
دينا:اووووي بحس اني مقسومة نصين بحبها اووووي وبكرهها اووووي! بحبها لما
تكون فايقة
ومش شاربة بتحسيها كده انها ملاك ‘ وبس لما اعرف انها شاربة واشم ريحتها
بقرف منها وبقرف
من حياتي وبكرهها جدااااااا..
انا:ومهند؟؟ ايه شعوره او بقى يتصرف ازاي خصوصا لما كبرتوا والمشاكل اللي
في بيتكم كبرت؟
دينا:مهند عانى اكتر مني واحنا صغيرين وزي ما حكتلك قبل كده ماما كانت
بتعمل فيه ايه ‘ بس
انا لما كبرنا وعرفنا كل حاجه انا اللي كنت لما بشوفهم بيتخانقوا بدخل ما
بينهم في نص الخناق
عشان امنعهم انهم يتخانقوا بس مهند كان بطل يعمل كده..
انا:وبعدين؟
دينا ترجع بذكرياتها لورا..
في يوم من الايام حصلت خناقة كبيرة اووي بين ماما وبابا واحنا مقدرناش
نستحمل الصريخ
والضرب اللي كان بيحصل فروحت ضربت بابا..
انا باستغراب:ضربتي باباكي؟
دينا:اه قلتلوا كذا مرة الا امي!! ليه يضربها؟!
انا:وبعدين؟؟
دينا:بعدين روحنا لعمي هو كمان كان عايش في البحرين معانا ‘ روحنا اشتكينا
ليه هو عارف ان
ماما وبابا بيشربوا..
انا:وقالكم ايه؟
دينا:انا قلتله شوف اخوك ومرات اخوك احنا تعبنا من العيشة معاهم وقرفنا..
واخوك مبقاش يدينا
فلوس ولا يصرف علينا والعيشة بقت صعبة جدااا.. فقالنا انا هديكم فلوس
وهيدكم مصروف كل شهر
ولو تحبوا تعيشوا معايا تعالوا عيشوا...
انا:ورحتوا تعيشوا معاه؟
دينا:انا كنت عايزة اعيش معاه بس مهند رفض وانا محبتش اسيب مهند لوحده في
البيت واعيش
انا مع عمي..
انا:وبعدين حصل ايه؟
دينا:انا في الفترة دي كنت اعرف احمد ‘ كان هو اللي بيهون عليا اللي كنت
بعيشه..
انا:احكيلي عنه شوية..
دينا:عرفته لما كنت في مصر في الصيف في الاجازة يعني ‘ هو عايش في مصر اول ما عرفته كنا صحاب اوي
وكنت بحس اني اعرفه من زمان وهو كمان كان حاسس بده وبعد كده العلاقة اتطورت واعجبنا
ببعض وحبينا
بعض..
انا:طيب ولما رجعتي البحرين؟ كنتم بتتعاملوا ازاي مع بعض؟
دينا:كنت بكلمه ايميل ‘ مكنش لسه فيه بقى الواتس اب وفايبر والكلام ده ‘
كنا بنقضي طول الوقت
على الايميل وانا اكلمه تلفون عشان اسمع صوته ‘ وهو كمان كان بيكلمني
كتير..
كنا نقعد كل يوم اونلاين نحكي لبعض بالتفاصيل على يومنا ونضحك ونهزر ..
انا:حد كان عارف بقصة حبكم دي؟
دينا:اه مهند طبعا حكتلوا وكان عارف وشافه لما نزل مصر.. مهند كان بيحب
احمد اووي واحمد كمان
والاتنين كانوا بيتكلموا وكانوا بيحسوا انهم اخوات..
انا:طيب ومامتك؟؟ كانت تعرف؟
استنوني الحلقة اللي جاية.....
