الحلقة الثانية
رجعت البيت وقررت اكتب رسالة لفاطمة وابعتها ليها على الفيس والرسالة دي
كانت التحول
اللي حصل لعلاقتنا بعدين. بس قبل ما اكتبها فضلت افكر كتير اوي : يا ترى
اللي بعمله ده
صح ولا لا؟
بس كان كل همي وقتها اني افضفض وازيح شوية عن قلبي ‘ وبدأت اكتبلها كده:
ازيك يا فاطمة عاملة ايه؟ انا دينا اللي اتعرفت عليكم في كافيه .... وطبعا
انا اسفة على الطريقة اللي
اتعرفت بيها عليكم لو كانت ضايقتك لاني حسيت بكده بس انا كنت عايزة منك انك
تكتبي قصة
حياتي..
ودوست انتر .. عدت ساعة واتنين وتلاتة وملقتش رد! وده اللي خوفني جدا اني
اكون طلبت
طلب تقيل..
***************************
***************************
روحت البيت ولقيت مبعوت ليا على الانبوكس رسالة من دينا ‘ فتحتها وقريت
ولقيتها عايزة
مني اني اكتب قصة حياتها! اتخضيت اووي .. قصة حياتها مرة واحدة!! ايه البنت
الجريئة دي؟
منكرش اني مردتش عليها على طول وبعدين طلبت منها رقم التلفون واتصلت بيها..
انا:الو دينا
دينا:ايوة ازيك يا فاطمة
انا:تمام الحمد الله.. انتي عاملة ايه
دينا:انا الحمد الله كويسة
انا:معلش انا عارفة اني اتأخرت عليكي في الرد بس بصراحة انا فضلت فترة
طويلة ابص على الرسالة
واقفلها وارجع افتحها.. طلبك غريب!
دينا:اشمعنى؟
انا:يعني انا اينعم فيه ناس بتيجي تاخد مني اراء او نصايح وببقي شايفة ان
ده حمل كبير عليا ‘ لاني
بخاف انصحهم نصيحة غلط فمبالك انتي طالبة مني اكتب قصة حياتك مرة واحدة!!
دينا: انا فعلا محتاجة ده..
انا بارتباك:طيب ممكن اعرف ليه؟
دينا:محتاجة اتكلم عن حياتي!
انا:انتي عندك صحاب؟
دينا:كتيييير
انا:طيب ليه متكلمتيش مع حد منهم؟
دينا:مفيش حد يعرف عن اللي هقوله
انا:فعلا؟! ومش خايفة ان لو حد قرا القصة يعرف ان ده انتي؟
دينا:عادي محدش عنده دليل ان ده انا..
انا:اممم ماشي يا ستي بكرة نتقابل ونقعد كده وتحكيلي بقى
دينا:يعني انتي هتكتبي القصة
انا:اه هسمعك واشوف اكيد قصتك فيها حاجة كبيرة انها تخليكي تاخدي قرار شجاع
زي ده..
دينا بفرحة:ماشي ‘ يبقى بكرة باذن الله هنظبط ونقعد..
انا:تمام..يلا تصبحي على خير
دينا:وانتي من اهله..
وجه اليوم اللي بعده وروحت قابلت دينا في كافيه..
انا:ها يا ستي احكي
دينا:بصي انا اسرتي متكونة من بابا وماما وانا واخويا اللي اكبر مني بسنتين
انا:حلو؟
دينا:زمان كنا عايشين في امريكا وجينا على البحرين من عشر سنين ‘ علاقتي
انا واخويا قوية جدا
الحمد الله.. بنحب بعض اووي واصدقاء وبنحكي لبعض على كل حاجة ..
ترجع دينا بذاكرتها لورا..
في شقة متوسطة الحجم صالة واوضتين ومطبخ وحمامين ‘ تخرج الام من جوة المطبخ
وهي
بتحضر الفطار لعيالها..
الام:مهند يلااا اصحى معاد المدرسة جه..دينااا يلاااا قوموااا اصحواا..يلا
عشان تلحقوا تفطروا
بيخرج مهند من جوة الاوضة:خلاص يا ماما صحينا
الام:صَحيت دينا؟
مهند:ايوة يا ماما..يلا يا دينا عشان الباص جاي بعد خمس دقايق
دينا بصوت متكاسل من جوة:اففف طيب
قطعت دينا من دوامة الذكريات اللي فيها على سؤالي:
انا:معلش يا دينا اعماركم كانت اد ايه وقتها؟؟
دينا:انا كان عندي 11 سنة ومهند عنده 13 سنة
انا:تمام كملي
رجعت تاني دينا لذكرياتها..
كنت بستنى يوم الاجازة عشان اروح العب مع الجيران ‘ في الاول كنا عايشين في
فلوريدا
كان عندنا جيران ولادهم كنا بنلعب معاهم وواحد منهم كان معحب بيا وانا كمان
كنت معجبة بيه..
في الحديقة بتاعت البيت دينا ومهند ومايك وجورج ولالا كانوا بيلعبوا..
جورج كان اكبر من مهند بسنتين كان عمره 15 سنة ومايك قد مهند 13 سنة ولالا
كانت اصغر مني
بسنتين وكان عمرها 9 سنين..
لالا:دينا تعالي العبي معايا على المرجيحة اللي هناك
دينا ببراءة:اوك يلا ‘ مايك تعالى زقنا
مهند:جورج تعالى احنا نخش نلعب على الاتاري شوية
جورج:اوك.. مايك خلي بالك على البنات ومتزقهمش بقوة ‘ افتكر انهم بنات مش
ولاد زيك
مايك:خلاص رووح شوف هتعمل ايه انت ومتشغلش بالك..
مهند:دينا متتأخريش كتير ‘ عشان ماما هتزعق لينا لو اتأخرنا على معاد الغدا
دينا:حاضر .. مايك زقني يلاااا
مايك بيقرب من دينا ويهمس في ودنها:تعرفي اني مبسوط
دينا:ليه؟
مايك:اممم هقلك بعدين اما نكون انا وانتي لوحدنا
دينا:وليه مش دلوقتي؟
مايك:مش عايز لالا تسمع!
لالا:اممم بتتشوشوا على ايه؟؟
مايك:ملكيييش دعوة
لالا:لييييه مليش دعوة ‘ انا عايزة اعرف
مايك:لا ده سر ومش لازم تعرفي كل حاجة
لالا:دينا صحبتي وهتقلي صح؟
مايك:لا ده سر بيني وبينها..
ويغمز مايك لدينا
مايك:بقلكوا ايه ما تيجوا نروح نلعب اتاري معاهم؟
دينا:اوك يلا
لالا:يلاااا
مايك:طيب يلا اللي هيسبق فينا هيلعب هو الاول
تجري لالا بسرعة عشان عايزة تسبق ‘ فيضحك مايك ويمسك دينا من ايدها
ويقولها:
ههههه هبلة صدقتني وجريت على طول..
دينا:انت عملت كده قصد؟
مايك:اه عشان اقلك انا ليه مبسوط
دينا:ليه بقى؟
مايك:عشان انا اما ببقى معاك ببقى مبسوط اووي
دينا تتكسف ووشها يحمر وتقول:يلا بينا نروح ليهم لحسن بعدين يعرفوا انك كنت
بتكذب
مايك يبتسم لدينا ويقول:ماشي...
وكان يومي بقضيه بالطريقة دي كنت اروح المدرسة وارجع اقعد احل واجباتي او
نلعب انا ومهند
على الاتاري شوية او نروح نلعب مع الجيران.. ورغم ان الايام دي كان فيها ذكريات
حلوة الا انها
كانت فترة مأساة ليا!! بس اللي فكراه كويس اني مكنتش بحب اقعد في البيت
كتير وكنت بحب اقضيه
برة باي شكل.. وحتى لو قضيته في البيت بقضيه في اللعب..
انا:اشمعنى؟
دينا بابتسامة:هتعرفي بس استني شوية كمان وهجيلك في الكلام
انا بابتسامة اوسع:ماشي كملي..
دينا:كنت انا ومايك معجبين ببعض بس الاعجاب اللي هو الطفولي البريء ده اللي
عمره ما هيكبر
ولا ينفع انه القصة تكمل وطبعا لان انا مسلمة وهو امريكي مش مسلم..
بس كنت طفلة ساعتها ومش مدركة بقى
بس كل اللي كنت اعرفه ان الشعور اللي بينا ذكرى حلوة
مش اكتر.. اصلا لسه محتفظة بالصور اللي اتصورناها سوا كلنا..
انا:باباكي كان بيشتغل ايه؟ او ليه عشتوا في امريكا؟؟
دينا:اممم بابا كان بيدرس وكان بيشتغل في السفن وكده
انا:بيدرس ايه وبيشتغل ايه؟
دينا:اممم مش فاكرة كان بيدرس ايه؟! بس هو بيشتغل تبع هندسة ميكانيكا
انا:ااه .. تمام.. كملي ..
دينا:الصبح ماما كانت تحضر لينا الفطار وكان في العمارة بتاعتنا فيه بسين
فكنت اروح انزل البسين
شوية وبعدين كان عندنا كده مكان جمب العمارة زي الغابة كان الناس تروح تمشي
فيها كلابها..
كنت بحب اروح هناك اتمشى لوحدي واقعد اتكلم مع الناس هناك واتعرف عليهم ..
بس يا خسارة
انا:ليه حصل ايه؟
دينا:اتنقلنا لولاية تانية ‘ روحنا شيكاجو وطبعا دي كانت ابرد من فلوريدا
وكان فيها تلج كتيييير
بس قبل ما امشي مايك اداني حاجة كيوووت اوي ‘ هي هبلة بس كيييوت..
انا:ايه؟؟ اداكي ايه؟
دينا بتضحك وهي بتتكلم:اداني سلسلة سودة وعارفة الكانز بتاع البيبسي؟ عارفة
بقى المكان اللي بتفتحي
منه البيبسي هو اداهالي ورش على الحجات البرفيوم بتاعه.. كان هبل وبراءة
اطفال بس لسه محتفظة
بيهم وممكن كمان اورهملك المرة الجاية..
انا بابتسامة:اااه كيوووت.. وبعدين لما روحتي شيكاجو ايه اللي حصل؟؟
دينا:في شيكاجو معرفتش ناس كتيرة بصراحة بس كنت بحب اروح العب في التلج بس
مهند مكنش
بيحب..
ترجع دينا بذكرياتها للورا..
دينا وهي بتتفرج على التلج من الشباك:مامي عايزة اطلع العب برة
الام:ماااشي روحي وخدي مهند معاكي
دينا بحماس:يلااااا تعالى يا مهند نلعب برة
مهند:مش عايز يا دينا
دينا بحماس:يلااااااا بليييييز منظر التلج بررررة شكله تحفة
يخرج مهند مع دينا ‘ تبدا دينا تعمل كور من التلج وترمي على مهند اللي كان
في الاول مش متحمس
وبعد كده يبدأ هو كمان يشاركها في اللعب..
دينا تبص للسما اللي بتنزل تلج ومطر وتقول:الله رووووووعة
تخرج الام تضحك وتقول ليهم:دينا افتحي بقك للسما واشربي المطر
تفتح دينا بقها وتشرب المطر اللي بينزل من السما وبالتالي يقلدها مهند
ويضحكوا كلهم
وفجأة تسكت دينا وهي بتحكي عن ذكرياتها..
انا:سكتي ليه؟
دينا:اصل افتكرت اول مرة اشوف فيها ماما وهي....
انا باستغراب:وهي ايه؟
دينا:........
استنوني الحلقة اللي جاية.....
