الحلقة العشرون
منى بفرحة:بجد يا دكتور
الدكتور:اه .. وقام بص لاهلها وكمل:محتاجة الراحة طبعا وتبعد عن اي توتر
وضغط..
يمشي الدكتور وتقوم منى وهي فرحانة وتقول:ياااااه اكيد مروان هيطير من
الفرحة..
تبص منى ليهم باستغراب وتقول ليهم:ايه مالكم كده؟؟ مبلمين ليه؟؟
احمد بصدمة:لا بس متفاجئين يعني..
منى:طب انا همشي بقى عشان افرح مروان
احمد:استني هوصلك
منى:لا لا انا همشي ‘ خليك انت..
وتقوم منى تمشي عشان تلحق تروّح بسرعة..
واول ما توصل البيت تلاقي مروان قاعد وبيقلها بزعيق:كنتي فين يا هانم!!
منى:عند ماما
مروان:ومفضلتيش هناك ليه
منى:ايه ده انت مش عايزني؟
مروان:بصراحة لا! وبصراحه لما بقيت بشوفك بقرف
منى:بس انا حامل
مروان فضل ساكت لمدة دقيقة من الصدمة وبعدين قال:ايه؟
منى:انا حامل
مروان بضيق:ازاي؟
منى:هو ايه اللي ازاي؟؟ اغمى عليا وانا عند ماما واتصلوا بالدكتور وقال اني
حامل؟!
مروان:حامل!!
منى:انا بردو مصدقتش زيك كده اول ما قالي وفرحت اووووي ونسيت حتى اني كنت
زعلانة منك
وجريت عشان اقلك..
مروان يقوم ماشي وسايبها فتندهش منى وتقول:مروان؟ رايح فين؟
مروان بزعيق:ملكيش فيه!
منى بتحاول تمثل الدلع:ليه يا ميرو منبتديش صفحة جديدة عشان البيبي اللي
جاي في السكة ان شاء
الله.. انا مش عايزة يعيش في قرف ومشاكل.. عايزاه يلاقي مامته وباباه جمبه
وبيحبوا بعض..
مروان بعصبية:يوووووووه انتي رغاية لييييييه..
ويقوم مروان خارج من البيت ويروح على بيت اسر..
يفتح ليه اسر اللي كان نايم ويقول:ايه يا بني! موضوع ايه اللي قلقت منامي
عشانه! منى ماتت ولا ايه؟
مروان:انت بتهززززر منى حامل!!
اسر يبرق جامد لمروان ويقوله بعصبية:يعني ايه؟؟
مروان:يعني بقت شايلة ابني او بنتي!! مستوعبها؟؟
اسر يبدأ يزعق ويكسر اللي قدامه:لااااااا مش عارف استوعبها!! يعني كل خططنا
هتبووووظ؟؟
مروان بنرفزة وتوتر:مش عاااارف مش عاااااارف والله ما عاااااارف!! بس
اللعبة دلوقتي وسعت مننا
يا اسر!! وسعت اووووي وراحت لحتة مكناش عارفين انها هتروح لهناك!!
اسر بعصبية:لازم نتأكد انها حامل!
مروان بشك:انت شاكك؟؟
اسر:طبعااااا!! اللي زي منى ممكن يطلع منها اي حاجة عشان تفضل جمبك لحد ما
تنفذ اللي هي عايزاه
وتاخد منك فلوووس اكتر واكتر..
مروان:ماشي انا هاخدها على الدكتور بتاعنا..
اسر بضيق:تمااام تمااام وتقوووولي فورا طلع معاكم ايه!!
مروان:ماشي بس انا لحد ما اتأكد هستمر على نفس المعاملة
اسر باستغراب:اشمعنى؟
مروان بضيق:بصراحة انا مبقتش طايقها ومخنوووووق جدا من البيبي اللي جه ده!
انا مش عارف
هعمل ايه؟! ولا لما يكبر ويلاقي مامته واحده زي منى!! اناااا ازاااااي
مخدتش بالي من كل ده
وانا رايح اتجوزها؟ انا اكيد كنت معمي يا اسررر اكييييييييد!!
اسر بسخرية:هي منى ليها طريقة تخليك متحسش وهي بتقنعك بالحاجة اللي انت
رافضها! بس بتاخد
بالك بقى بعدين اما تعرفها على حقيقتها..
مروان:ااااااااخ يااااااارب.. بقلك ايه انا هنام عندك النهاردة.. مش
طاااايق البيت
اسر:طيب وحبيبة؟ مش هتوديها المطار؟؟
مروان:رافضة! ااوبا تصدق انا نسيت اقلها؟! انا اول ما عرفت جيت على هنا
فورا
اسر:وناوي على ايه؟
مروان:بلاش هي فيها اللي مكفيها.. او ممكن منى متسكتش اصلا وتعرفها!!
اسر:طب هتسيبها تعرف من منى مش منك؟
مروان بضيق:مش طاااااااايق بجد نفسي..
اسر بضيق شديد:طيب نام دلوقت انت وبكرة تصحة تاخدها فورا على الدكتور..
********************************************************************
بعد يومين كانت حبيبة وصلت باريس وهناك راحت الشقة اللي باباها اشتراها
ليها قبل ما يموت
وكاتبها باسمها.. وطبعا هي ملقتش احسن من هناك عشان تقدر تفكر في حياتها
وفي كل اللي بيحصل
حواليها..
********************************************************************
منى في الفيلا قاعدة بتتفرج على مسرحيات وعمالة تضحك ويدخل عليها مروان
بزعيق:
انتي يا زفتة مش شايفاني بشتغل في المكتب وطي الصووووت ‘ عايز اركز في
الشغل
منى بعصبية:انت هتفضل لحد اااامتى تتعااااامل معايا كده!!! انت عااااايز
مني اييييه!!!!
مروان باشمئزاز:عاااايز اخلص منك!
منى بعصبية:مش كفااااية مستحملة اهانتك ليا باستمرارررر وشكك اللي عمال على
بطاااال
واستحملت اني اروح للدكتور تاني ويكشف عليا قدامك عشان تتأكد اني حامل!!
عايز مني ايه
بقى؟!
مروان:بصي خليني اقلك حاجة وعشان تكوني مستعدة من دلوقتي انتي ملكيش ولا
مليم عندي
من هنا ورايح وابني اللي هتجبيه انا اللي هربيه وهتقعدي في البيت هنا اكل
وشرب هيوصلك
مش عشانك لا عشان البيبي اللي في بطنك ‘ غير كده انتي ولا ليكي اي قيمة هنا
وزيك زي
الخدامة! لا ده يمكن الخدامة احسن منك كمان..وبعد ما تولدي هطلقك وهترجع
بيت اهلك
زي الكلبة ومفيش ولا فلس..
منى برعب وخوف:ااا ااانت بتقووول ايه.. لا لا لا انت اااكيد مجنوووون ..
انت فيه حد مسلطك
علياااا.. انت مكنتش كده!؟ انت كنت بتحبني؟ ايه اللي حصلك؟؟
مروان:اللي حصلي اني اكتشفت اني متجوز بني ادمة حيوانة! كل همها الفلوووس
حتى لو طلب منها
انها دووس على كرامتها عشان توصل للفلوس!! وانا بقى بصراحه الصنف اللي زيك
بقرف منه
والحب او خلينا نقول و الوهم اللي اتوهمت بيه الشهور اللي فاتت فالحمد الله
اني صحيت منه
بس يا خسارة صحيت متأخر..
منى بخوف بس حاولت تتكلم بشجاعة:بص بقى يا مروان عشان انت قعدتك مع اسر
خلتك ترجع
وتبقى راجل! لان اللي زيك مش راجل عارف ليه لانك قبلت تتجوزني وانت عارف
كويس اوي
ان صحبك بيحبني ‘ انا المليون الؤخر بتاعي هخدهم وابني انا اللي هربيه
ونفقته هخدها بردو
من حباب عنيك..
مروان كان لسه هيضربها بس افتكر انها حامل فمسك نفسه وقالها وهو مبرق:وانا
عشان راجل
مش همد ايدي عليكي وانتي حامل ‘ بس تتطلعي تلمي هدوووومك فورا وتروحي على
بيت أهلك
ومفيييش مليييييم هيوصلك وعندك يومين يا منى يا تتنازلي عن المليون وحضانة
ابني لان اللي
زيك مينفعش يبقى ام يا هطلبك في بيت الطاعة وهتبقى ايامك سووووودة وبردو
هخليكي تتنازلي
عن المليون وحضانة ابني.. يلاااا في ظرف ربع ساعة ملقكيش
هنا..بسرررررررررعة
خافت منى من اسلوب مروان وتهديده وحست انه بيتكلم بجد فمشيت بسرعة من قدامه
وفعلا
راحت تلم هدومها ومفيش عشر دقايق وكانت خرجت من الفيلا عشان تروح بيت
اهلها..
***********************************************************************
ريما في بيتها قاعدة ومعاها اهلها وناس تانين..
الاب:والله احنا اتشرفنا بحضراتكم
الراجل التاني:ده احنا اللي لينا الشرف.. بص يا ابو ريما ابني محمود شاف
ريما في الشغل
وعجبته جدا وسأل عنها لحد ما عرف انها بنت طيبة ومن عيلة محترمة وعشان كده
احنا
جايين النهاردة نطلب ايدها..
**********************************************************************
اسر كان في الشركة بيشتغل وفجأة لقى منى داخلة عليه المكتب وهي بتعيط
ومنهارة..
السكرتيرة بخوف:اا اانا قلتلها انه مينفعش تدخل على حضرتك بب ببس هي مسمعتش
كلامي
اسر:مش مشكلة اتفضلي انتي يا رشا دلوقتي واقفلي الباب وراكي ومش عايز
ازعاج..
السكرتيرة:حاضر يا فندم
اسر:ايوة يا منى؟! خير؟
منى بتعيط ومش قادرة تتكلم
اسر بيتفرج عليها وهي بتعيط وسكت شوية وبعدين رجع يتكلم ويقول:ايوة يا منى؟
عايزة ايه؟؟
منى وهي بتعيط وبارتباك:اا اانت اللي لل للعبت في دماغ مم مـ مـ روان؟ صح؟
اسر:ليه وهو صغير؟
منى:لا بس شش شخصيته ضعيفة وانت قدرت تت تسيطر عليه
اسر:اوبا طب ما انتي جميلة وحافظة مروان اهو اكتر مني؟!
منى: اا ااه مش جوزي؟!
اسر:هههههههههه جوزك!! لاجديده دي! مش لايقة عليكي كلمة جوزي
منى: ليه بقى؟
اسر:عشان اللي زيك مبيعرفش يعني ايه بيت وجواز ومسؤولية والكلام العاطفي
اللي ملهوش اي لازمة
ده!!
منى:بص يا اسر لو لل لو كنت للعبت في مخ مروان قووولي انت عاوز ايه!
اسر:امممم وانتي ليه مصممة اني لعبت في دماغه؟!
منى:عع عشان هو ههوو متقلبش كده الا بعد ما اانت فقت من الغيبوبة!
اسر:كنت عارف انك ذكية وهتلقطيها بس خدتي وقت يا موني عقبال ما لقطتيها..
منى باستغراب:موني!!
اسر بيقرب منها ويهمس:اه مووني
منى بتبص ليه وتقوله:غريبة؟
اسر:عشان مبقلكيش موني الا لما تكوني واحشاني
منى باندهاش:ااه
اسر:طب ما انتي فاكرة حلو اهو ذكرياتنا
منى بارتباك:وو وعمري ما نستها
اسر بضيق:وو ولا انا
منى:اا اانااا ...
اسر برقة:فاكرة اما كنتي بتكوني واحشاني واقلك عايز اشوفك يا موني؟
منى بحزن وسرحان:اا اه
اسر برقة:كــ كــنت ببقى فعلا همووت واشوفـ ــ ك!
منى:اا انت قاصد تت تخلي مروان يكرهني صح؟
اسر:اووووي
منى بفرحة:ليه؟
اسر........
استنوني الحلقة اللي جاية.......
