الحلقة الثانية والعشرون
اسر باستهزاء:تؤ عيب عليك يا ميرو مش قلتلك متدخلش علينا وايدك فاضية
مروان بسخرية:معلش بقى يا اسر اصل الحضن اللي اتحضنته والنحنة اللي كانت
موجودة لفت
دماغي..
منى بعصبية وجنون:انتوااااا عااااملين روباطية بقى عليااااا.. ااا
ااانتوواااا قاصدينها صح؟؟ صح؟؟
انااااا مش هسمحلكم تلعبواااا بيااااا لا لا لا لا انتوا اكيد فاكرين اا
اانكم كده اشطرررر مني لاا
لااا لااا لا اا
مروان بيشدها من ايدها ويروح المكتب ويطلع منه ورق ويزقها ويقولها
بعصبية:يلااااااا
ووووقعي هنااااااا..
منى بجنون:ايه ده ايييييه ده؟؟؟
اسر:ورق هتتنازلي فيه عن المؤخر وطبعا كنا فاكرين ان فيه بيبي في السكة
فكان بردو تنازل
عن البيبي بس واضح ان الصغنون مقدرش يجي للدنيا ويلاقي مامته واحدة
حقييييرة زيه..
منى تحاول تفلت من مروان وتقول بجنووون:اا اانا هطلب البووووووليس ‘
هقوووول اا اانكم
عايزين تمضوني على تنازل بالغصب..
اسر:طيب حلووو حتى تسهلي علينا المهمة بدل ما مروان يفضل يضرب فيكي واهو
بالمرة ميرو
يشرح للبوليس على مراته الخاينة وانا هشهد..
منى تلاقي الدنيا بتلف بيها وفجأة تقع على الارض مغمى عليها..
****************************************************************************
بعد يومين ريما تقرر انها توافق على عزومة محمود في مطعم راقي..
محمود:ها يا ستي مش ناوية تحكي عنك شوية؟؟
ريما:بص انا عارفة ان اي حد في مكاني ممكن يقول دي فرصة كويسة ويوافق على
طول ويكون
فرحان اوووي..
محمود:تمام امال ايه المشكلة؟
ريما:المشكلة فيا انا وحابة انك تعرفها عشان لو هنبتدي حياتنا تبقى عارف
محمود:قولي
ريما:انا كنت بحب واحد والحب ده كان من طرف واحد ‘ هه ههو زي ما تقول اخو
صحبتي الانتيم
بس بب بس هو اتجوز واحدة تانية وا يعني و انا ‘ انا كان عندي امل انه يحس
بحبي ويتجوزني
خصوصا لما عرف مراته على حقيقتها وكان هيطلقها..
محمود:وبعدين؟
ريما:بس في الايام الاخيرة حسيت انه حتى لو طلقها هو محتاج وقت كبير اوي
عشان يحس بيا
يعني هو لمحلي بطريقة غير مباشرة انه يمكن لو لو كان خد باله مني زمان ك
ككانت حجات كتيرة
اتغيرت..
محمود بامل:معنى كده ان الطريق قدامي فاضي صح؟
ريما باحراج:ه هوو صح وفي نفس الوقت خايفة اكون بظلمك او هظلمك..
محمود:ليه؟؟
ريما:لان محتاجة وقت عشان مظلمكش ‘ عايزة اشيل من جوايا كل شعور لحد غيرك
وابتدي معاك
صفحة بيضا من الاول وده بمساعدتك ليا..
محمود بابتسامة:هكون جمبك يا ريما متخفيش وهساعدك انك تتخطي اي مرحلة صعبة
تواجهك
ولو عايزاني استنى ‘ هستنى.. انا عارف اني اقتحمت حياتك فجأة وانتي عايزة
وقت تستوعبي ده..
ريما:حلو يبقى مختلفناش..
محمود:بس معلش هطلب منك طلب
ريما:اتفضل
محمود:انتي طبعا قلتي انه اخو صاحبتك الانتيم يعني مينفعش اقلك متقابلهوش
بس بطلب منك على
الاقل تقللي من فرصة لقائتكم الكتييرة ‘ مش عايز اكون ببني معاكي من ناحية
ويكون ماضيه
بيهدم من ناحيه تانية..
ريما بابتسامة:اطمن ومن غير ما تقول.. مروان مينفعش ليا وانا مش ليه...
*********************************************************************
مروان في بيت اهل منى..
الام بعياط شديد:احنا اسفين يا بني على اللي بنتنا عملته فيك بس....
مروان مقاطعا:متتأسفيش حضرتك على ذنب ملكيش فيه.. اما منى فربنا يسامحها
بقى
الام بانهيار:اهو عقاب ربنا نزل عليها ...
مروان:انا مصدقتش نفسي لما طلبنا ليها الدكتور ان يكون عندها سرطان في
الرحم وان هو ده
اللي سبب في موت الجنين!! واتاريها مكنتش منزلاه عشان كانت عايزة.... يلا
الله يسامحها
الام:انت طلقتها خلاص يا بني؟
مروان بيطلع ورقة ويديها لمامتها:اتفضلي حضرتك دي ورقة طلاقها ومؤخرها
هيوصل ‘ رغم
اني كنت مش عايز ادفعه بس انا واسر اما عرفنا بالمرض اللي عندها قلنا ان
الفلوس دي ممكن
تعمل بيها العملية و ووتشيل الرحم..
الام بعياط وانهيار:متشكرر متشـ ــ ـ كرررين ييا يا ابني..
تخرج منى من الاوضة وهي لابسة وحاطة روج وتبص ليهم وتقولهم بكل جنون:اييه؟
مالكم؟؟
بتعيطوا كده ليييه؟؟؟ مروان اتاخرت عليك؟؟ يلا بقى عشان نروح نجيب حجات
البيبي
مروان والام يبصوا لبعض بخوف واستغراب فتقوم الام تجري عليها وتاخدها
وتحاول تدخلها
الاوضة فتقوم منى بزعيق قايلة:ايييييه بتدخليني جوووة ليه!! انا ناااازلة
اجيب للبيبي حاجات
ليييه.. اا اانا فقيرة اه معنديش فلوووس بس باباه عنده فلوووس كتير.. اا
اقلك حاجة بس سر
بقى عشان انتي شكلك حلو مش بتطلعي اسرار ههههههههه انا اصلا مش بحب باباه
يعني هو باباه رخم وكده بس انا هههههههههه انااا اتجوزت عشان عنده فلوووس
هتخلي البيبي
بتاعي مش يعيش نفس الحرمان اللي عشته..
الام بعياط:لا حول ولا قوة الا بالله.. خشي يا بنتي نامي حراااام عليكي
نفسك..
منى بجنون:ههههههه اصل هقلك انا مم مش عايزاه يطلع زي ويروح المدرسة فيشوف
صحاابه
بقى ويتعقد وكده ‘ انا هدخله مدارس ناس راقية هههههههههه ناس راقية اووووي
هههههههه
مروان يضايق من منظر منى وينزل وهو مخنوق جدا من البيت وطبعا يكون اسر
مستنيه في العربية
اسر:حالتها ايه دلوقتي؟
مروان:اتجننت
اسر بضيق:مكنتش حابب انها توصل للطريق ده
مروان بخنقة:ولا انا
اسر:هتعمل العملية؟
مروان:مم مش عارف حالتها فوووق صعبة اوووي!
اسر:طيب انا بكرة هحجز ليها في المستشفى ‘ الدكتور قال لازم تعمل العملية
في اقرب فرصة
والا الوضع هيتدهور!!
مروان:تت تتمام
اسر:حبيبة لسه مفتحتش موبايلها؟؟
مروان:لااااا.. وهتجننن مش عارف ممكن تكون سافرت فين؟ ولا مين لينا برة مصر
عشان تسافرله!
وفجأة يخطر بباله حاجة وبعدين يبص لاسر ويقول:باااااااااريس!!
اسر:مالها؟
مروان:حبيبة اكييييييد في باااااااريس
اسر:اشمعنى؟
مروان:ازاااي تاهت عن بالي دي؟!!
اسر:اخلص اشمعنى؟؟
مروان:بابا الله يرحمه اشترى ليها شقه في باريس
اسر بعصبية:انت ازاااااي تنسى حاجة زي دي!!
مروان:كنت ملخوووم في منى.. انا ازم اسافر ليها فورا
اسر:لا خليك انت .. هي هربانة مني انا يبقى انا اللي لازم تلاقيني رايح
ليها..
مروان بقلق:بس يا اسر انا خايف تعند معاك ومتعرفش تأثر عليها انها ترجع بقى
اسر ياخد نفس عميق ويقول:متخفش بيبا لازم ترجع معايا ‘ لاني مش هقدر اسكت
اكتر من كده
ان شاء الله اتجوزها غصبن عنها..
مروان بهزار:ايه يا عم انت نسيت اني اخوووها بردو
اسر:ههههه لا منستش.. يلا هروح احجز تزكرة..
يسكت اسر وبعدين يقول: فيه خبر عاوز اقوله ليك
مروان:خيير؟
اسر:ريما اتصلت بيا
مروان:ايه ده ومتصلتش بيا ليه؟! مع اني اتصلت بيها مرتين عشان اسألها لو
حبيبة كلمتها
ولا لا؟
اسر:ما هي كلمتني عشان تسألني انا اذا عرفنا حاجة ولا لا..
مروان باستغراب:غررريبة؟!
اسر:ريما اتقرا فاتحتها
مروان فضل ساكت لمدة خمس دقايق وبعدين قال: ربنا يوفقها
اسر بصله وقال:بس كده!! ده اللي ربنا قدرك عليه؟؟ انا قلت اول ما هتسمع
الخبر هتنزل من العربية
تجري عليها وتقلها لا انا عايزك وبتاع!!
مروان بضيق: مينفعش يا اسر
اسر:ليه؟
مروان:ريما محتاجة حد يقدرها ويحبها اكتر ما هي بتحبه ‘ حد يهون عليها
العذاب اللي انا سببته
من غير ما اقصد.. يديها حنان وامان وكل حاجة هي عاوزاها...
اسر:وانت؟
مروان:انا محتاج اعالج الشروخ اللي سببتها منى الله يسامحها ويجزيها بقى
فيا ‘ قبل ما ارتبط باي
واحدة تاني واديها من اول وجديد حبي وقلبي وحياتي! وعشان يحصل كده هياخد
وقت ومينفعش
اخلي ريما تستنى اكتر من كده ‘ لاني لو عملت كده هكون بظلمها اوووي معايا..
اسر:متأكد؟؟
مروان:متأكد اني زي ما بخسر حاجة عظيمة الا اني بكسب نفسي من جديد..
اسر:ربنا يوفقك
مروان:سامحني يا صاحبي لو كنت جرحتك واستندلت معاك..
اسر: خلاص يا مروان اللي حصل حصل واكيد غير جوانا حاجات كتير واتعلمنا
وياريت
بقى منفتحش الموضوع ده تاني..
مروان:طيب انت بجد هتسافر لبيبا؟
اسر:ااه باذن الله هحجز على اول تذكرة..
*******************************************************************
بعد يومين كان اسر وصل باريس وطبعا ركب تاكسي وراح على العنوان اللي خده من
مروان
وهناك لما وصل خبط الباب.. حبيبة بتفتح الباب واتفاجأت باسر..
حبيبة بصدمة:اااسر!!! مروان جراله حاجه؟؟ مروان فييين؟؟ اتكلممممم؟؟؟
اسر:مروان كويس الحمد الله زي القرد في مصر!!
حبيبة:وقعت قلبي!! امال انت جيت هنا ليه؟؟ ايه ده؟ ازاي عرفت اني هنا
اصلا؟!
اسر:من على الباب يعني؟
حبيبة باحراج:اممممم
اسر:البسي انا مستنيكي تحت عشان هنتفسح في باريس
حبيبة:طيب اديني عشر دقايق
اسر:كتير
حبيبة:كتير ايه!! كويس اصلا اني مقلتلكش اديني نص ساعة
اسر:اه ما انتي بنت وانتوا البنات لازم تقفوا قدام المراية عشر ساعات
حبيبة:اسر لو كنت نزلت كان زماني خلصت!!
وبعد عشر دقايق نزلت حبيبة لقت اسر واقف تحت العمارة مستنيها ‘ خدوا بعض
وراحوا مطعم
هناك كان اسر عمال يتأمل حبيبة وهي قاعدة محرجة جدا..
حبيبة:ايوة؟ عرفت اني هنا ازاي
اسر:مروان اخيرا صحي من الغيبوبة وافتكر ان باباكي الله يرحمه كان كتبلك
شقه هنا
حبيبة:اممم وجيت ليه؟
اسر:عشان عايز اقلك تتجوزيني؟
حبيبة:بعد ايه؟ خلصت انتقام خلاص وافتكرت حبيبة؟؟
اسر:حبيبة انا فعلا كنت عايز انتقم لنفسي بس مأجرمتش لما حبيت اخد حقي اللي
اتاخد مني!
وعلى فكرة بقى احنا ادينا المؤخر لمنى!
حبيبة:ايه؟ بجد؟؟
اسر:منى طلع عندها سرطان في الرحم وكانت حامل بس الجنين كان ميت جواها
وكانت عايزة تلعب
على اخوكي بالحمل ده فاتفقت معاه ان نعمل خطة وبسبب الخطة دي بان كل حاجة
هي مخبياها..
يعني لولا انتقامي يا حبيبة منى كانت هتفضل تضحك على اخوكي!! يبقى لييييه
شايفاني انا المجرم
حبيبة:لان اسر اللي عرفته قلبه ابيض وده اللي خلاني....
اسر بفرحة:خلاكي ايه؟
حبيبة:مفيش
اسر:يلا بقى يا بيبا
حبيبة:مفيش خلاص بقى اسكت...
اسر بيطلع علبه ويقلها:طيب انا طلبت من اخوكي في مصر خمسين الف مرة اني
اخطبك
فانا جبت الدبل بس انا بقى قبل ما اسافر قلتله بص انا هتجوزها ونقضي شهر
العسل..
حبيبة بفرحة وصدمة:ايييييه!!
اسر:مسمعتيش؟!
حبيبة:انت اكيد مش في وعيك
اسر:لا في وعي ونص
حبيبة:بس انا خايفة منك يا اسر ‘ خايفة القلب اللي حبيته يكون مكانه حجر؟!
اسر:طول ما انتي جمبي ومعايا ‘ عمره ما هيبقى حجر ويا ستي منا ادناها
الفلووسانا بس كنت عاوز
اقرصها!!
حبيبة:ماشي بس احنا مضطرين ننزل مصر عشان مروان وكيلي!!
اسر:تؤ هو مستني مني تلفون اقوله يجي.. احنا هنتجوزززز ونعمل شهر العسل هنا
مليش دعوة
حبيبة:ههههههه مجنون!! طيب وريمااااا..وحشتني بنت الايه
اسر:هجيبها هي كمان بس مش هتيجي لوحدها
حبيبة باندهاش:امال؟
اسر:هي وخطيبها يا ستي ‘ صحبتك ندلة اتقرت فاتحتها وانتي مش معاها وانا
بهدي النفوووس
حبيبة:هههههههه عارفة منا كنت بكلمها وحلفتها انها متقلش عن مكاني ‘ انت
نسيت ان احنا انتيم؟!
اسر:يا ولاااااااااد الاييييييه!! وهي تتصل بيا وتقعد تقلي متعرفش حاجة عن
حبيبة وبطيخ!!
حبيبة:هههههههه الله امال ايه..
اسر:ده انا هاكلها لما اشوفها
حبيبة:وهي كمان حكتلي اللي حصل بينكم وبين منى ويومها اتكلمنا ساعتين وهي
تقنع فيا ان اسر
بتاع زمان لسه موجود بس مستخبي شوية لحد ما يخلص انتقام ولما الانتقام خلص
ظهر تاني..
واقنعتني اني اسامحك ‘ امال انا اقتنعت بسرعة كده ليه! لولاها مكنتش اقتنعت
بسهولة..
اسر:يا سلاااام!! ماااشي مااااشي ده انتوا الاتنين هتشوفوا مني..
حبيبة برقة:يلا بقى اتصل بميرو
اسر:يااااه اخيرا بقيتي متسربعة على الجواز زي
حبيبة بهزار:لا حبيبي عشان عايزة اشوف ميرووو لانه وحشني اوووووي
**************************************************************************
بعد اسبووع كان مروان وصل وبعديه بيومين جت ريما هي وعيلتها ومعاهم محمود
ريما في الاوضة مع حبيبة: اخيراااااا يا بيبا حلمك اتحقق
حبيبة وهي فرحانة:اخيرا يا ريما..
ريما:بجد مبسوووووطة اوووووي! حاسة اني انا اللي هتجوز!!
حبيبة:ريما انتي مبسوطة مع محمود؟ ومش ندمانة؟؟
ريما بابتسامة واسعة:مش هقلك بقى اني حبيته وكده بس انا مرتاحة اووووي معاه
وحاسة كده
يمكن سنتين تلاتة ابدأ ها احبه..
حبيبة:اييه!! سنتين تلاتة!!
ريما:بهزززر طبعا.. بصي احلى حاجة في محمود انه عارف ان فيه شبح ماضي جوة
قلبي وهو قالي
انا مش مستعجل وهصبر عليكي ومعاكي وعشان كده قرينا فاتحة بس وبجد هو انسان
جميل اوي
وصبور ومستعد يديني كل حاجة انا محتاجاها يبقى مينفعش محبهوش بس لحد دلوقتي
انا مرتاحة
اوي معاه واكيد الحب جاي في السكة هنستعجل ليه..
تحضن حبيبة ريما وتقولها:ويااااااارب تفضلوا طول العمر مع بعض ‘ هو كمان
شكله محترم اوي
وكيوووت هو اينعم الغيرة اللي في عينه من اخويا دي بتخيلني عايزه اضربه بس
من حقه لانه
اكيد بيغير على الحلوة الامورة صحبتي..
ريما:هههههههه
**********************************************************************
في الصالة كان المأذون قاعد مع مروان واسر وبابا ريما ومحمود ومامة ريما
على انهم شهود
وتم كتب الكتاب ودخل المأذون جوة في اوضة حبيبة عشان مكنتش عايزة تطلع الا
لما يتكتب
الكتاب كنوع من الرخامة على اسر اللي كان هيموت ويشوف حبيبة بالفستان
الابيض..
وقعت حبيبة ولسه المأذون جاي يطلع ‘ خرج ورقة وقالها:اتفضلي يا بنتي جوزك
بعتلك الورقة
دي معايا..
حبيبة باستغراب:شكرا
فتحت الورقة واللي كان مكتوب فيها:
المدام بتاعتي.. طبعا انا مبعرفش اكتب واشعر زيك بس الكلام من القلب
متهيألي حلو برضه؟
ولا ايه رأيك؟؟ بصي بقى في اللحظة اللي هتقري فيها الورقة دي هنكون خلاص
اتجوزنا..
انا قلتلك قبل كده اني عمري ما هأذيكي وعايز اقلك تاني وللمرة المليون انتي
انا فمش معقول
هأذي نفسي!يمكن لو مكنتيش حبيبتي كان ممكن اذيها عادي اصل ملهاش أهمية لكن
طول
ما انتي جمبي ربنا يقدرني واشيلك جوة عيوني دايما.. حبيت اقلك ان اسر بتاع
زمان هيفضل
جواكي وبيكي فــ اوعي فــ يوم تخافي مني .. ويلا بقى اطلعي همووووت
واشوووفك
بالفستان الابيض..
تدمع حبيبة على كلامه وتقول بصوت عالي:هههه مجنون
يدخل عليها مروان:ايه يا بيبا انتي بتكلمي نفسك؟
حبيبة:لا بضحك على صاحبك
مروان يقرب من حبيبة ويحضنها ويبوس راسها ويقول:يااااه يا بيبا بجد ده احلى
يوم في عمري
حبيبة:عقبالك يارب لما تلاقي الانسانة اللي تستاهلك..
مروان:ان شاء الله حبيبتي.. مش يلا بقى ؟ اسر برة زهقنا!! فين حبيبة وفين
حبيبة!! محسسني انه
هتطيري!!
حبيبة:هههههههه .. يلاااا
وتبدأ اغنية تشتغل وبتخرج معاها حبيبة
بيقرب اسر ليها وبيكون فرحان وبياخدها من مروان..
حبيبة باندهاش:ايه ده انت تعرف الاغنية دي.. ده انا بحبها؟!!
اسر: دي اغنية اسباني
حبيبة:ههههه ده على اساس انك بتعرف اسباني؟!
اسر:ناسية اننا السن ولا ايه؟!
حبيبة:بس اشمعنى يعني!
اسر:لان الاغنية دي ليها ذكرى معايا وحبيت ابتدي بيها النهاردة.. الاغنية
دي اللي كنت بسمعها دايما
وانا في الغيبوبة!
حبيبة باستغراب اكتر:انت كنت بتسمعها لما كنت بشغلهالك ؟!
اسر:وكنت كل يوم وانتي بعيد عني اسمعها.... حبيت ابتدي بيها رغم انها مش
لايقة على اللحظة
اللي احنا فيها دي بس عشان اقلك ان كل حاجة انتي بتحبيها انا بحبها..
حبيبة:ربنا يخليك ليا
اسر بابتسامة وبيقرب منها ويبوس راسها ويهمس ليها:ويخليكي ليا طول العمر...
************************************************************************
النهايـــــــــــــــة
