الحلقة السابعة عشر
منى وهي بتكلم نفسها:بقى هتتجوز يا اسر حبيبة!! هه يعني حبيبة خدت اللي هي
عايزاه بردو
في الاخر!! ابقى مغفلة لو سبتكم فعلا تعملوا كده.. انا بقى هــوريكي يا
حبيبة!! وطالما مروان
مش عايز يطلق يبقى حلوو‘ ارجع بقى انا الفيلا واقله اني خلاص مش عايزاه
يطلقني!
وافضل اسود عيشتك يا حبيبة انتي واسر! مبقاش منى لو مخربتهاش عليكوا!!
**********************************************************************
**********************************************************************
تاني يوم في الفيلا ريما وحبيبة كانوا قاعدين في اوضة حبيبة وكانت ريما
بتتكلم بعصبية:
لا بجد استفزني اووووي!!
حبيبة:على فكرة ده كان اقتراح من اسر..بس مش عايزين منى تعرف بحاجة زي دي!
مفهوووم
ريما باندهاش:اشمعنى بقى؟!!! واسر ايه غرضه في كده؟؟
حبيبة بحيرة:ممم مش عارفة !! انا زي زيك ومروان كمان مش فاهم
ريما:بقلك ايه تعالي نروح لاسر ونفهم منه الموضوع
حبيبة:لا مش عايزة اروح
ريما:نعم!!
حبيبة:يعني ..
ريما:حصل ايه؟
حبيبة:مش عارفة بس اسر اما فاق بقى غريب اوي وزي ما يكون بيلمح لحاجة كده
ريما:ايوة؟؟ وده معناته ايه؟؟
حبيبة:حاسة زي ما يكون هارش وبقى متأكد اني بحبه!!
ريما:ما ده معروف مش حضرتك كل يوم كنتي بتروحيله وتحكيله زي الهبلة وتقري
من مذكراتك
حبيبة بضيق:وانا ايش عررررفني بقى انه كان الكلام بيوصله!!
ريما:يلا يا حبيبة ‘ عايزة اعرف هو ناوي على ايه؟؟ هو فوقانه من الغيبوبة
ده هيجي عليا ولا ايه!
انا ما صدقت ان اخوكي هيخلص من العقربة اللي اسمها منى!!
حبيبة:اوووف ‘ هلبس ونروحله..
*****************************************************************
*****************************************************************
وبعد مرور ساعة وصلوا المستشفى ودخلوا على اسر..
اسر بابتسامة:اتأخرتوا ليه؟
ريما بتضرب حبيبة في كوعها وبتهمس في ودانها وتقولها:الحقي بيقلك اتاخرتوا
ليه! شكلوا كان مستني
على النار يا جميييل..
حبيبة بهمس:اخررررسي لياخد باله..
ريما بصوت عالي:متأخرناش ولا حاجة ‘ اصلا حبيبة مكنتش عايزة تيجي بس لولا
زني بقى وكده
اسر:ليه يا بيبا كده؟
حبيبة باحراج:عادي يعني تعبانة شوية..
ريما بلهفة:بقلك يا اسر ‘ هو انت ليه مش عاوز مروان يطلق منى؟؟
اسر:السر ده ميطلعش لمنى!مفهوووووم
ريما:ويعني انت بذكائك كده!!! احنا بردو اللي هنطلع حاجة زي دي لمنى!!!
اسر:يعني اصل انا في الغيبوبة شفت حجات كتييير
ريما وحبيبة بيبصوا لبعض وهما مش فاهمين حاجة بعدين ريما تقول:هه لا معلش
يا اسر هو شكل
الغيبوبة اثرت على دماغك شوية بس ممكن توضح لينا؟؟
اسر:اصل انا وانا في الغيبوبة اتهيألي ان مروان اتغير وشخصيته بقت اقوى مع
منى وبدأ يعذبها
وبصراحه عايزه يعمل كده!
حبيبة بضيق:ليه؟؟
اسر:عشان ياخد حقي وحقه منها
حبيبة:وانته تستفيد ايه؟
اسر:هستفيد انها متطولش ولا مليييم من اخوكي! وتعرف ان مش اي حد بيتضحك
عليه! وتندم على
اليوم اللي عرفتني وعرفت اخوكي فيه!!
حبيبة بعصبية:واحنا ليه ننزل لمستواها
ريما:لا معلش بقى يا حبيبة انا شايفة ان منطق اسر صح!
حبيبة:لا طبعا؟! احنا ليه نقابل الشر بالشر! ما تاخد فلوسها وتبعد عننا
وخلاص!
اسر بسخرية:ههههه هي مين اللي تبعد؟! انت فاكرة انها هتبعد!! اللي متعرفهوش
انها جاتلي هنا
امبارح!! فرحانة وتقلي هاخد المليون بتوعي من مروان وممكن نرجع لبعض!
ريما بعصبية:ايه؟؟ الحيوااااانة؟؟ وانت قلت ايه ليها؟؟
اسر:قلتلها هتجوز
ريما باندهاش:هتتجوز!! ودي شفتها في الغيبوبة بردو؟؟
اسر:تؤد ي كنت بسمعها وانا في الغيبوبة
حبيبة ارتكبت واحرجت..
ريما:مين؟؟
اسر:بيبا طبعا!! كتكوتي!!
حبيبة باحراج شديد وارتباك:لا
اسر بصدمة:ايه؟
حبيبة:انا مش موافقة يا اسر
ريما مصعوقة لرد حبيبة ولانها عارفة انها بتحب اسر جدا! فازاي لما تيجي
الفرصة اللي بتحلم
بيها ترفضها؟!
ريما:انتي مجنونة؟
حبيبة:انا ابقى مجنونة لو وافقت!
اسر:ليه؟
حبيبة:انت عايز تنتقم في منى وبس يا اسر بس انا مش هكون الطُعم اللي اخليك
تنتقم بيه في منى
يا اسر! انا مش هدخل لعبة الانتقام اللي انت صاحي بيها وعايز تنفذها؟!
اسر:بس انتي الوحيدة اللي هتكوني برة اللعبة يا حبيبة؟
حبيبة:مش قادرة اصدقك يا اسر.. معلش! جايز لو كنت طلبت مني ده في وقت غير
كنت هبقى اسعد
انسانة بس انا مش لعبة يا اسر..
اسر بحزن:وانا عمررري ما هخليكي لعبة ولا هسمح لنفسي اصلا!!! ايه الكلام اللي
بتقوليه ده
يا حبيبة..
حبيبة:النقاش في الموضوع انتهى يا اسر..
اسر:ماشي يا حبيبة الموضوع هقفله دلوقتي بس عشان اثبتلك اني عمري ما هخليكي
لعبة جوة
انتقامي من منى! واني بحبك فعلا ويمكن اكون بحبك من زمان بس عمري ما حسيت
بده!!
بس انا مش هسيبك تضيعي مني مفهوووم!!
حبيبة ساكتة ومن جواها فرحانة..
ريما:يعني انت ومروان ناووين تنتقموا في منى؟؟ طب هتعملوا ايه؟
اسر:هيقلها لو عايزة تتطلق يبقى تتنازل عن المليون
ريما:هه ده عمره ما هيحصل!! وافرض بقى رفضت؟!
اسر:ساعتها مروان يطلبها في بيت الطاعة ويوريها ايام سووودة لحد ما تبقى
عايزة ترمي المليون
في وشه..
ريما:وافرض اصلا قالت خلاص مش عايزة اطلق؟؟
اسر:يبقى بردو مروان يفضل يعذب فيها لحد ما يطفشها..
ريما:وانت قلت كده لمروان؟
اسر:لا لسه
ريما:افرض رفض!
اسر:يبقى اختار انه يخسرني لحد نهاية العمر..
ريما:ومفكرتش لو خسرته انك كده ممكن تخسر حبيبة؟؟
اسر بضيق:فكرت..
حبيبة:وحسبتها ازاي بقى هنا يا اسر؟؟
اسر:حتى لو خسرت مروان مش هخسرك! انا قلتلك وهفضل اقلك انتي برة اي لعبة...
ريما:احم‘ طب انا نازلة الكافتيريا شوية
حبيبة باحراج:لا..قصدي ليه؟
ريما:يعني جعانة اووي ..حد يحب اجبله حاجه؟
اسر:لا
تخرج ريما وبعد ما تقفل الباب يقول اسر لحبيبة:
مجبتيش ليه مذكراتك؟
حبيبة:مذكرات ايه؟
اسر:اللي كنتي بتقريلي منها وانا في الغيبوبة
حبيبة:امم مش فاهمة بب بتكلم عن ايه
اسر:افكرك يا ستي اللي جيتي في مرة وقريتي منها وقلتي:
كتبت اليك كثيرا يا سيدي ولم تصلك حروفي.. كتبت اليك بنداء القلب تارة
وبنداء الروح تارة اخرى
وتمنيت ان تسمع انيني..لكنك اثرت ان تبقى معمي العينين!
بعثت اليك من حروف الهجاء كل الحب ليأسرك ولكني وجدته يأسرني انا! أيا ترى
جرعة الحب
التي تناولتها من عيناك كانت كبيرة فأردفتني شهيدة الغرام؟! ام ان حصون
قلبك كانت أقوى
من عشقي فسحقته دون ان تدري؟!!!
حبيبة بارتباك شديد:ا مم انت عاوز ايه؟
اسر:مالك يا بيبا؟؟ ليه لما جيت اقرب منك بقيتي بتبعدي؟
حبيبة بتحاول تداري وشها عشان عيونها متفضحهاش :مفيش يا اسر..انت اللي
مالك؟!
اسر:بتهربي ليه مني؟
حبيبة بضيق:اسر انت لسه مخرجتش من صدمتك بمنى وانا مش عايزة ادخل حياتك
دلوقتي!
سبق وقلتلك لو كان زمان كنت اكيد هبقى فرحانة اوي وطايرة من السعادة..بس
دلوقتي مينفعش.
اسر:حبيبة انا
حبيبة قاطعت كلامه:اسر من فضلك ..
فضلوا الاتنين قاعدين ساكتين لحد ما ريما رجعت ليهم..
ريما بتعجب:مالكم قاعدين كده ليه؟!
حبيبة:عادي
يدخل مروان فجأة عليهم ..
مروان:ازيكم
اسر:ايه يا مروان اتاخرت ليه كده؟
مروان باستغراب:مفيش خلصت شغل وجيت؟!
اسر بضيق:طب اسمعني.. انا عايزك زي ما اتفقت معاك متطلقش منى بسهولة الا
لما تتنازلك
عن المؤخر ولو رفضت اطلبها في بيت الطاعة!!
مروان:ايه؟!
اسر بعصبية:ايه مش موافق؟؟؟ حنيت ليها تاني ولا ايه؟!
مروان باندهاش:لا بب بس انا مستغرب من طلبك؟! وليه؟ وبعدين انت مالك متنرفز
ليه اوي كده؟!
اسر بتوتر:يووووه يا مروااان مش وقت اسئلة!!
وعدت لحظة سكوت على كل اللي في الاوضة وبعدها رجع اسر اتكلم وقال:
معلش مم معلش يا مروان بس انا مخنوق شوية..
بصت ريما لحبيبة وبعدين قالت:بيبا تيجي نتمشى شوية برة؟
حبيبة بضيق:لا انا هروح
فضل اسر يبص ليها بحزن وبعدين قال:هستناكِ بكرة؟!
حبيبة بضيق:لا معلش يا اسر اعفيني ‘ احتمال مقدرش
اسر باصرار:حبيبة مستنيكِ بكرة!
حبيبة بتحدي:وانا قلت مش هاجي..يلا يا ريما
خرجت حبيبة بسرعة من الاوضة وهي بتعيط ووراها ريما..
ريما:حبيبة استني..استني هنا
حبيبة وقفت وفضلت تعيط جامد وبصت لريما ولسه هتتكلم فجأة....
استنوني الحلقة اللي جاية.....
