الحلقة التاسعة عشر من قصــــة "غيبوبــــــــــــــة"

الحلقة التاسعة عشر

حبيبة:اسر ده كلامي الاخير واسمعه كويس واختار يا اناااا يا انتقامك من منى!؟

اسر بيوطي راسه في الارض ويقول:انتي كده بتقتليني!

حبيبة:يااااه؟! للدرجادي؟

اسر:اخر حاجة كنت اتخيلها انك متبقيش فهماني؟

حبيبة بعصبية:انا اللي مبقتش فهماكوا؟؟ مبقتش عارفة مين الصح! انا ولا انتوا!!! انا بقالي يومين

مش عارفة انام ولا اكل ولا افكر كووويس!! وريما اللي مبتكلمنيش بقالها يومين! انتوا بجد صح

ولا انا اللي صح!! انا مبقتش فااااهمة!!

اسر :افهميني يا حبيبة ‘ انا كل اللي بعمله ده عشان حقي اللي اتسرق مني! خليكي جمبي وقربي

مني..

حبيبة بحزن:منا يا ما قربت منك؟ تقدر تقولي كنت بتعمل ايه؟؟ روحت حبيت منى وسبتني اموت

جوة اوجاعي!! ولما خسرت منى بردو عايز توجعني!! انا اسفة يا اسر.. انت اخترت وانا كمان

من حقي اختار اني اسافر وابعد..

اسر بصدمة:ايه؟ تسافري فين؟

حبيبة بعند وتحدي:مش هقول هسافر فين! لاني المفروض هبعد وانت خليك هنا كمل اللعبة اللي فقت

من غيبوبتك بتحلم تحققها بس يارب وانت بتكسب متخسرش الحاجات الحلوة اللي فاضلة ليك..

اسر بحزن: اسمعيني يا حبيبة انا...

حبيبة مشيت ومسمعتش بقية كلام اسر وطلعت لاوضتها واتصلت بريما..

ريما:ازيك يا حبيبة

حبيبة بضيق:ازيك انتي يا ريما

ريما:الحمد الله

حبيبة:مش عارفة اذا انتوا صح ولا انا بس اللي اعرفه كويس اني محتاجة ابعد يمكن في بعدي اقدر

اشوف الامور بنفس الشكل اللي انتوا بتشوفوا بيه.. انا اتصلت عشان اقلك اني هسافر باذن الله..

ريما باندهاش وصدمة:ايه؟ فين؟ ومع مين؟ ليه؟ طب واسر؟ طب وانا؟ ومروان؟؟

حبيبة بالم:فين دي مش هقلها وهسافر لوحدي وهسيب اسر ومروان وهسيبك انتي كمان وهبعد شوية

ريما:ليييه يا حبيبة لييييه؟؟

حبيبة:لاني ببساطة مش عارفة اشووف الموضوع من نفس زاويتكم! صدقيني حاولت بس مش قادرة

واعصابي تعبت وبقيت حاسة اني مضغووطة منكم كلكم!!

ريما:لا يا حبيبة اينعم احنا كنا زعلانين من بعض بس مش هقدر على بعدك

حبيبة:فترة يا ريما كده حتى عشان اعرف افكر براحتي..

ريما:حبيبة

حبيبة بتقطع كلامها:انا خلاص قررت يا ريما..

ريما:طيب انا بكرة هجيلك باذن الله

حبيبة:بكرة هسافر..هحجز دلوقتي واسافر بكرة

ريما:انتي مش عايزة تشوفيني بقى؟

حبيبة:مش عايزة اشوف اي حد يرجعني في قراري ده

ريما بيأس:اسر عرف؟

حبيبة:ايوة قلتله من شوية

ريما:طب انا جاية ليكيد لوقتي

حبيبة:ارجوكي يا ريما بلاش..
*****************************************************

منى بتزور اهلها عشان تشتكي ليهم من مروان اللي بدأ يتغير معاها

منى:انا مش قادرة اصدددق ! ده مروان اللي كان بيحفي ورايا

احمد:انا مش قادر اصدق انتي ازاي ترجعي ليه!

منى:امال عايزني اعمل ايه؟ ها؟؟ ضيعت حبي واتقبلت اتجوز راجل مبطقهوش ولا يدخل في ذمتي

عشان الفلوووس وفي الاخر اطلع بمليووون!! يا اخي ده انا المفروض يديني على كل يوم عشته

وانا قرفانة انه يلمسني مليووون بحاله!! لازم ارجع واحاول اخد منه اي فلووووس !! حق قلبي

اللي بعته!!

احمد بقرف:عمر يا هانم بيع القلوووب والحب ما كان بفلووووس!! يا منى بكرة هتندمي على اللي

انتي بتعمليه ده؟!

منى:اندم؟! هه ده انا ممكن اندم عمرررري كله لو سبته يطلقني من غير ما يديني تمن قلبي اللي دوست

عليه!!

الام بحزن:يا خسارة تربيتي فيكي.. طول عمرك من وانتي صغيرة تعباني كده!! ما كل اخواتك

اهم راضيين بالقسمة اللي ربنا قسمها ليهم! اشمعنا انتتي؟؟ اشمعنااااا

منى بغرور:عشان انا الوحيدة اللي بفهم واذكاهم! انا اللي بعرف افكر انما بقية عيالك دول

ولا حاجة ..

احمد بعصبية:اخررررسي بقى!! يا شيخة انا بقيت بتقرف كل ما اشوووفك بتتكلمي.. بقيت احس

ان شيطان قدامي بيتكلم..

منى:اووووف عليك وعلى غباوتك

احمد بيزق منى ويقول لمامته:انا نازل لمراتي وعيالي يا امي ولما تمشي المقرفة دي من عندك

ابقي ابعتيلي وانا اجي اشقر عليكي..

منى:مش ناوية بقى يا ماما تيجي تعيشي معايا في الفيلا بدل القرف الخرابة اللي انتي عايشة فيها دي؟

احمد:على جثتي لو امي راحت ليكي يا كلبة! والخرابة دي هي اللي خلتك بني ادمة!

منى:يا ماما سيبك من كلامه اللي لا بيقدم ولا ياخر واسمعي كلامي بقى! انا عايزة انضفك واخليلك

قيمة بقى..

الام بكل عصبية بتضرب قلم منى:تنضفيني وتخليلي قيمة!! اللي مش عجباكي دي هي اللي تعبت

طول السنين اللي فاتت عشان تكبرك وتخليكي احسن حاجة!!

منى:بتضربيني يا ماما؟

الام:ايووووة عشان القلم ده المفروض يجيلك من زمان!! فوووقي بقى! فووووقي واصحي لنفسك

كسرتي قلب بني ادم مسكين كان كل حلمه انه يهننك ويُسترك! وناوية تكسري قلب بني ادم

تاني بردو كان كل ذنبه انه يسعد قلبك الحجر!!

منى بتحس فجأة ان الدنيا بتلف بيها وبتبقى شايفة كل حاجة سووودة وفجأة تقع من طولها..
************************************************************

حبيبة بتتكلم في التلفون:ايوة لو سمحت كنت عايزة احجز تذكرة على اول طيارة طالعة

باريس..

تسكت شوية وبعدين ترجع تقول:تمام بكرة الساعة 8 الصبح..شكرا

تروح تقعد على المكتب وتفتح مذكراتها وتقرأ اللي كانت كتباه قبل كده واللي كان:

اي حظٍ أحمق هذا حين جعلك تعترف لي بحبك فوق جسر الانتقام؟! انتظرتك كثيرا لتهمس بها

واتيتني بعد عمرا من غيبوبة الزمن لتهمسها مغلفة بدموع الكره والحقد؟

اي حظٍ أحمق هذا الذي جعلك تقولها لأتأوه انا من العذاب والحرمان؟؟ ليالي فراقك يا سيدي باتت

على مشرفة  من البداية وليالي قلبي باتت على سفر...

سأحمل حقائبي واغادر بعيدا لعلى عقلي يستطع ان يفهم ماذا يحدث من حوله؟!

بت أجهل كل شيء يدور في فلكي! بت أجهل تلك النفس اللوامة التي تقبع داخل عيناك؟ بت أجهل

غرامك المسموم بغل ماضيك؟ بت أجهل شمسي التي تنهار فوق سفوج جبال جليدك!!

اي عاصفة تلك التي قَدِمت من مدينتك لتعصف بأوراقي وتشتتُني؟؟ سأهرب لعلي اجد في هروبي

الملاذ وجميع الاجوبة.. وسأترك لك غيابي فرفقا بهِ لعلك تجد بداخله نفسك التي ضاعت...

قطعت الورقة وسابتها على المكتب وخدت دفتر المذكرات وحطته في الشنطة اللي هتسافر بيها

وبدأت تجهز بقية شنطتها للسفر..
***************************************************************

اسر في مقر الشركة الجديدة بتاعته وهو بيوضب مكتبه‘ فجأة بيلاقي تلفونه بيرن ورقم ريما

على الشاشة بيستغرب وبيرد:ايوة يا ريما

ريما بعصبية:انت ازاااااي تسيب حبيبة كده؟ ااسر انت بتحب بيبا ولا لاااا وياريت متكذبش عليا

اسر:ايه يا بنتي الانفعال ده كله؟!

ريما:بقلك اييييه متعصبنيييييش! ررررد على سؤالي؟؟

اسر:انا مسبتش بيبا يا ريما هي اللي مش عايزاني اكون جمبها ولا عايزة تكون جمبي في اكتر

وقت انا محتاجها فيه!!

ريما:ااااه تقوووم لما تقلك انها هتبعد وتسافر تسيبها عادي؟!

اسر:امال اروح زي الافلام اجري في المطار وانزل على ركبي واقولها بحبك لا متسافريش وخلاص

مش هنتقم في منى؟!

ريما:ليه هي طلبت منك متنتقمش؟

اسر:ااه!! خيرتني ما بين انها تفضل ومنتقمش يا تبعد

ريما:ااااه وانت روحت بكل سهولة قلت لا الانتقام طبعا!!

اسر:انا ملحقتش اجاوب اصلا ولقيتها هي قالت انها هتبعد!!

ريما:عشان اكيد عرفت الاجابة من عيونك؟ تقدر تقولي كنت هتجاوبها بايه؟؟

اسر سكت..

ريما:هااااا؟؟ كنت هتجاوبها بايه يا اسر؟!!!

اسر:ريما عايزة ايه دلوقتي انتي كمان؟؟

ريما:عايزة اعرف انت بتحب حبيبة بجد ولا موهوم؟؟

اسر بارتباك وتوتر: اا ااكيدد اكيد بحبها!!
*******************************************************

مروان كان قاعد في اوضة المكتب لما حبيبة نزلت وراحت ليه..

مروان بيأس:طبعا جاية تقوليلي انك مسافرة!

حبيبة بسخرية:ايه ده هو اسر لحق يقلك!!

مروان:ليه يا بيبا؟

حبيبة:عشان ارتاح

مروان:طب وانا؟ هتسبيني لوحدي ضايع كده؟؟

حبيبة:محدش هيقدر يطلعك من التوهان اللي انت فيه ده قد نفسك يا مروان! شوف انت عاوز ايه

واعمل اللي يريح ضميرك وبالك..

مروان:يعني مصممة على القرار اللي انتي خدتيه؟

حبيبة:اه

مروان:طيب هتروحي فين؟

حبيبة:معلش يا مروان مش هقول عشان انا عارفة انك ممكن تقول لاسر..

مروان:ياه لدرجادي؟!

حبيبة:بس ماشاء الله رجعتوا صحاب تاني يعني!

مروان بضيق:مش عارف يا بيبا والله اذا كنا رجعنا فعلا ولا بنمثل على بعض.. اصل حاسس

ان بقى ما بينا فجوة.. انا بحاول مخلهاش توسع وبحس هو كمان بس بشوف دايما في عينه انه

مش واثق فيا وده مضايقني..

حبيبة:ما هو اكيد يا مروان مش هينسى بسهولة انك خنت الثقة اللي ما بينكم ويبتدي صفحة بيضا!

مروان:صح عندك حق..

تخش عليهم الشغالة فجأة وتقول:استاذ مروان ريما عايزة حضرتك..

مروان باندهاش:ايه ده؟! ريما؟ عايزاني انا ولا حبيبة؟

الشغالة:لا هي سألت على حضرتك..

حبيبة:طيب انا هطلع بقى وشوف هي عايزة ايه منك..

تطلع حبيبة وتسلم على ريما بسرعة وتمشي عشان مكنتش عايزة تدي ريما اي فرصة انها تأثر

عليها وعلى قرارتها..

ريما بتدخل باحراج لمروان وبتقول:ا اانا اسفة اني جيت كده وطبيت فجأة

مروان:لا طبعا ادخلي.. دي حاجة تفرحني..

ريما بتحسب احراج شديد اكتر:ا اانا كنت جاية عايزة اعرف منك اسر بيحب حبيبة ولا لا؟

مروان بشك:ليه؟

ريما:عشان حاسة انه موهوم

مروان:عشان سابها تسافر

ريما:ايوة

مروان:بصي يا ريما انا اتعلمت درس ان الواحد مهما شاف مبيعرفش يشوف اللي ورا الكواليس..

ريما:بب بس انا خايفة منه

مروان:حتى انتي!

ريما:ايوة

مروان:متخفيش اسر عمره ما هيأذي حبيبة

ريما:بس ممكن مقدار الاذية عنده يبقى مختلف عننا..

مروان بخوف وشك:لا لا لا.. لا معتقدش

ريما:طيب انا همشي بقى

مروان:ريما انا....

ريما ساكتة

مروان بارتباك:ههه مش عارف اقول حاسس اني طفل في ابتدائي بس كل اللي عاوز اقوله فيه حجات

حلوة بتيجي متأخر اوي!

ريما بحزن:او يمكن احنا اللي بناخد بالنا منها متأخر

مروان بألم:في كل الحالات خلاص الوقت اتأخر ومعدش ينفع..صح؟ ولا ممكن يكون فيه امل؟

ريما بيأس وحزن:مم معررفش..انا لازم امشي
*******************************************************************

منى في البيت نايمة على سريرها وحواليها كل اخواتها ومامتها والدكتور وبعد ما كشف عليها

قالهم: مبروك المدام حامل....

استنوني الحلقة اللي جاية.......