الحلقة الثامنة عشر
حبيبة وقفت وفضلت تعيط جامد وبصت لريما ولسه هتتكلم فجأة لقت منى بتنزل من
تاكسي ففضلت
مبرقة..
ريما:ايه؟ في ايه؟
حبيبة:منى
ريما بعصبية:بنت الــ..... عايزة ايه دي؟!
حبيبة:اوعى اعصابك تفلت وتقعي بلسانك!
ريما:ماشي ماشي
منى داخلة المستشفى واول ما شافت حبيبة وريما بصت ليهم بغيظ وراحت ليهم
وقالت:ايه ده؟! انتوا
هنا؟!
ريما:لا هناك!
منى:قصدي يعني بتعملوا ايه؟
حبيبة:وانتي مالك؟ من امتى ده يخصك يعني؟
منى:مممم ‘ اه صحيح مبروك يا بيبا
ريما لحقت حبيبة قبل ما تتكلم وقالت بسرعة:الله يبارك فيكي وصحيح مبروك
انتي كمان!
منى:على؟؟
ريما:طلاقك!
منى:هههه تؤ بصراحة غيرت رأي
حبيبة:ايه ده فعلا؟
منى:اااه قلت اسيب ميرو لمييين ‘ بيني وبينك يا بيبا اليووومين اللي بعدت
فيهم عنه حسييت اني
بمووووت..
ريما بهمس:الهي تموتي بجد يا بعيدة ونخلص منك
منى:طيب انا طالعة بقى اشووف اسر ‘ اصل امبارح ملحقتش اسلم عليه لانه كان
بينام
ريما:كووويس واهو بالمرة مروان يروحك
منى بضيق:ايه ده؟ هو مروان فوق؟؟
ريما بفرحة:اااه
منى:غريبة؟!
حبيبة:ما غريب الا الشيطان!
منى:هــ هو و واسر اتصالحوا ولا ايه؟
حبيبة:اااه الحمد الله
منى بتمثيل:طب كووويس اهو عشان اقول لميرو قراري الجديد..يلا تشااااو
وقامت بعتت ليهم بوسة في الهوا
واول ما بعدت عنهم قامت ريما زعقت بعصبية:نفسي ارووووووووووح
اخنقهااااااااااا واخلص!!
حبيبة:ررريما اهدددي احنا في الشاااارع
ريما:مش سمعاهاااا!! بتقلك مش هطلق!!
حبيبة:اكيد ناوية على نية سوووودة!!
ريما:بس احنا مش هنسيبها
حبيبة:والله كله على مروان!
ريما:يعني ايه؟ هو ممكن ميعملش اللي اسر طلبه منه؟!
حبيبة:معرفش..بس انا بجد مش موافقة على اللي هتعملوه! منى قرصتها مش سهلة
وانتوا عمالين
بتقربوها مننا مش بتبعدوها
ريما بعصبية:هتفضلي لحد امتى غبية وساااااذجة يا حبيبة؟
حبيبة بصدمة:انا غبية؟
ريما بنرفزة:ايووووووة عشان معمية!! اللي انتي عايزة تديلها مليون جنية من
ثروتكم دي لسه
طالعة فوووق لاخوكي وحبيبك اللي مش عارفة ليه فجأة بقيتي رافضة حبه؟!
حبيبة:ساذجة!! عشان مش عايزة العب بقذارة؟!
ريما بغضب:ولما القذارة دي هي اللي هتبعد الزبالة عنك وعن بيتك واحلامك
وطموحك!! يبقى لازم
تنزلي للمستوى يا حبيبة! احنا في حررررب..
حبيبة:اهم حاجة في الحرب اني مخسرش مبادئي اللي اتعودت عليها..
ريما:يبقى خليكي بقى بمبادئك دي لحد ما تلاقي اخوكي وحبيبك ضاعوا منك..
حبيبة:انا مش مصدقة يا ريما انك انتي كمان بتبصي للموضوع من النظرة دي!!
ريما:عشان تعبت من الضعف والاستسلااااام!! وتعبت من سذاجتك دي!!! بصي وتعبت
من المناقشة
دي كمان..سلاااااام
تفضل حبيبة واقفة في الطريق وهي شايفة صاحبتها بتبعد ومبقتش عارفة ولا
فاهمة هو مين اللي صح
فيهم؟ هي ولا هما..
****************************************************************************
بعد يومين بيخرج اسر من المسشتفى ويروح على بيته وكان معاه مروان..
مروان:حمد الله على سلامتك
اسر:عملت ايه مع منى؟ معرفتش اسالك في المستشفى وكده
مروان بتوتر:مم مفيش يعني لقيتها بتقلي عايزة ترجع ومبقتش عايزة تتطلق!
اسر:تمام تبقى جابته لنفسها ‘ ابدأ زي ما اتفقنا
مروان بارتباك:اا ابدأ ايه؟
اسر بضيق:انت مش عايز ولا ايه؟؟ رجعت في كلامك ليه؟؟؟ اوعى تكون صدقتها؟؟
مروان بعصبية:لا طبعا مصدقتهاش!! بس مش حابب الاسلوووووب نفسه يا اسر!!
اسر بعصبية:يعني ايييييه؟؟ مش عاااايز يا مروان خلاص انت حر واتفلق بس لو
سمحت انساني
بقى..
مروان بنرفزة:وانت ليييييه حاطط الصحوبية في الموضوع ده!!
اسر:لانك انت اللي حطيته مش انا!!
مروان:خلاص خلاص.. انا عايز افهم دلوقتي انا مطلوب مني ايه؟!
اسر بنرفزة:اقرفهاااا يا عم!! ايه مبتعرفش تقرفها!!!
مروان:تفتكر هتصدق؟
اسر:اه هتصدق لانك هتفهمها انك قرفان منها ومش طايقها وهتطلع القديم
والجديد عليها
مروان:وو وافرض مكنتش مقنع!
اسر:ساعتها هنجرب الخطة التانية
مروان باندهاش:خطة ايه؟
اسر:لااااا دي بعدين!
مروان:وانت ليه عاوز تنتقم منها اوي كده!! انت لسه بتحبها؟
اسر:ابقى مغفل ومجنون وعبيط لو كنت لسه شايل جوايا ليه ذرة حب!! انا بس
عايزة اخليها تطلع
من المولود بلا حمص! عايز اشوفها وهي بترقص على دموعها ووجعها زي
المجنووووونة!!
مروان:يااااه ايه كمية الشر والحقد اللي جواك ليها دي؟
اسر:على اد ما ضيعت مني سنين عمري هخليها تدفعهم وانا شايفها بتدخل مصحة
المجانين لانها
لا طالت العنب ولا بلح الشام!!
مروان:وانا هبقى معاك للاخر يا صاحبي.. عشان حاجة واحدة بس ‘ عشان انا اللي
دخلت حية
زي دي بيتي وهدمت بايدي احلام صاحبي ويارب تيجي على اد كده بس!
اسر:مش فاهم؟ يعني ايه؟
مروان:يعني ياريت متكونش البراءة اللي جوة قلبك ضاعت كمان في الغيبوبة يا
اسر!
اسر بضيق وحزن:الوحيدة اللي في ايدها تحافظ على اخر حبة جوة قلبي هي حبيبة
ورافضة تصدقني!
مروان:حبيبة معذووورة يا اسر! حبيبة بتحبك ومن زمان.. وفجأة تلاقي حبيبها
رجع من غيبوبته بشكل
تاني! بروح تانية!! اكيد لازم تخاف..
اسر:تخاف مني انا؟؟
مروان:وتخاف من نفسها..
اسر:ده انا اخر واحدة ممكن ااذيها هي حبيبة
مروان:بس هي شايفة جواك وحش عايز ينتقم من الماضي بشكل مخييف
اسر:يبقى تقف بقى جمبي وتساعدني اني لما ادخل الحرب مخسرش البراءة اللي
بتقول عليها دي
وفضلالي!!
مروان:يبقى طمنها يا اسر ومتخوفهاش..
اسر:ررررافضة تسمعني!! وبتهرب مني؟!
مروان:تعالى شوية على نفسك وحاول.. قرب منها زي ما هي زمان حاولت تقرب منك!
اسر:كل ما اقرب بتبعد
مروان:زمان انت كنت كده..
اسر:ماشي .. انت بس ابدأ نفذ الخطة..
مروان:بقلك ايه ؟ ما تيجي معايا الفيلا نتعشى سوا واهو انت تشوف حبيبة وانا
ابدأ خطتنا على منى؟
اسر:ممش عارف!
مروان:لا تعالى بجد..فرصة
اسر:تفتكر؟
مروان:اه يلا
****************************************************************************
في الفيلا منى قاعدة تحت عمالة كل شوية تبص على الساعة بلهفة وبعدين قالت
بزعيق:
انتي يا زفتة ياللي اسمك خضرة!!
الشغالة جاية بتجري:ايوة يا ستي!!
منى:عملتي التشيز كيك اللي قلتلك عليها؟؟
الشغالة:ايوة يا ستي
منى:امم مستك حبيبة فين؟
الشغالة:معرفش
منى:بت انتي اما اسألك سؤال تجاوبي عدل!! يعني ايه متعرفيييش!! امال انتي
هنا ايه لازمتك؟!
الشغالة:والنبي يا ستي ما اعرف انا جوة المطبخ مطلعتش النهاردة عشان احضر
العشا!
منى:افففف انتي هتحكيلي قصة حياتك!! غوووووري شوووفيها فوق ولا لا ولو فوق
قوليلها...
تقاطعها حبيبة:مش محتاج تبعتيها انا اهو!
منى بدلع:يا مامي! خضتيني الله.. ايه يا بيبا ده تؤ!! مش تقولي انك نازلة؟
امتى بقى هتبطلي تتسحبي
زي الحرامية كده!!
الشغالة:يالهوي بالي!!
منى:انتي ايه اللي موقفك هنا!! غووووري يلا والتشيز كيك عايزاها تبقى
حلوووة مفهوووم!!
وبعدين تبص على حبيبة وتقولها:اصل اسر بيموووت في التشيز كيك
حبيبة بابتسامة هادية:والله.. ومروان كمان بيموت فيها صحاب بقى سبحان
الله..
منى بتضحك ضحكة بسخرية:هههههههه قوليلي يا بيبا هي صاحبتك الرخمة فين؟
مبشوفهاش يعني
بقالي يومين؟!
حبيبة:معلش .. اصلها عايزة هدنة
منى:هدنة!! منك؟
حبيبة:تؤ هدنة من الضغط!
منى فهمت قصدها فقالت بغيظ:يلا احسن اهي ارتاحت وريحت!!
وفجأة يدخل مروان ووراه اسر ‘ فتجري منى تروح تحضن مروان بنفاق وبعدين تسلم
على اسر‘ بس
اسر يسيبها ويروح يسلم على حبيبة..
اسر بشووق:وحشتيني اوووي
حبيبة باحراج:ازيك يا اسر
اسر:وحشتيني اووووي بجد.. انا عمري ما كنت عارف ان قلبك قاسي كده!
حبيبة باحراج شديد وارتباك:شكرا..
منى بغيظ وعصبية:ازيك يا اسر! شكلك مخدتش بالك مني؟!
اسر بعدم اهتمام ومن غير ما يبص ليها:معلش اصل اما بشوف حبيبة مبخدش بالي
من حد.. مع
احترامي لوجودك يا مروان بس واحد من حقه يدلع خطيبته ولا ايه!؟
مروان بابتسامة:اسر طلب ايدك يا بيبا وانا وافقت..
حبيبة سكتت عشان مكنتش عايزة تحرج اسر قدام منى.. اما منى فكانت بتغلي جدا
من جوة..
منى بدلع:يلا يا جماعة نتعشى.. متعرفش يا سو انا محضرالك العشا اللي انت
بتحبه.. كل الاكل
مروان بقرف:بقلك يا منى قومي هاتي الاكل وحطيه على الصفرا بنفسك..يلاااا
بسسسرعة
منى باندهاش واستغراب:ايه؟ اوك هنادي خضرة
مروان بقرف:بقلكك انتتتتتي تقوووومي مش عايز خضرة!! يلااااا بسرررررعة
وبعدها يغمز لاسر
منى مصعوقة من تعامل مروان وتقوم وهي متعصبة جدا على المطبخ وتروح تجيب
الاكل بنفسها
وبعد ما تخلص توضيب صفرة والكل يقعد ياكل وبعد خمس دقايق يقوم مروان بصوت
عالي مزعق:
ايه القرررررف ده!!
منى بخوف:ايه؟؟
مروان:انتي عمرك ما هتنضفي!!!! عمرك ما هتبقي بنت ذوات بصحيح!! فعلا صدق
اللي قال
جاية من ورا الجاموووسة.. ما تاكلي عدل! مش علمتك مليوووون مرة من الاتيكيت
متاكليش
بصوت!!
منى بعصبية:انا كلت بصوووت!! وايه الكلام اللي بتقوله ده يا مروان؟!
مروان بزعيق:لو مش عجبك ممكن اوريكي اللي انيل منه!!
منى والدموع في عينها:انت اكيد مش طبيعي!!
مروان:ما تنسي بقى يا هانم الحارة المعفنة اللي جيتي منها!! ولا هو العفن
اللي جواكي مش راضي
يخرج برة!!
منى بدات تعيط وسابت الاكل وجريت ‘ وبعد ما قامت ضحك مروان واسر جامد ...
اسر:جااااامد
مروان:عيب يا معلم ووولسه!!
حبيبة بضيق:ايه القرف بتاعكم ده؟؟
اسر بضيق:في ايه يا حبيبة؟؟
حبيبة:على فكرة بقى انا محبتش اعارضكم جوة بس انا مش هتخطب ليك يا اسر!!
اسر:ليه؟ لسه الافكار الغبية اللي في دماغك دي؟؟
حبيبة:انت مبتحبنيش! انت موهوووم.. واجوكم عايزين تعملوا خططكوا دي ياريت
تعملوها وانا مش
قاعدة معاكم..انا تعبت
تقوم حبيبة تجري فيجري وراها اسر ويمسكها من ايدها بقوة..
اسر:استني هنا ‘ لحد امتى هتفضلي كده؟
حبيبة:انت اللي بتبعدني عنك يا اسر بطريقتك المريبة دي!! انا بقيت شايفة
قدامي شبح اسر بتاع زمان
وشايفة مكانه وحش مش هامه اي حاجة غير الانتقام!!
اسر:انتي ليه عايزاني اتنازل عن تعبي وشقايا اللي راحوا بكل سهولة من غير
ما انتقم لنفسي؟؟
حبيبة:انا عايزة اسر بتاع زمان! اللي قلبه مليان رحمة وحب وحنان!مش اسر
اللي موجود دلوقتي
اللي قلبه مليان كره وحقد!
اسر:انتي انانية!!
حبيبة بصدمة:انا؟؟
اسر:ايوة
حبيبة:اسر ده كلامي الاخير واسمعه كويس واختار يا ......
استنوني الحلقة اللي جاية.....
