الحلقة الثالثة
وفجأة تسكت دينا وهي بتحكي عن ذكرياتها..
انا:سكتي ليه؟
دينا:اصل افتكرت اول مرة اشوف فيها ماما وهي....
انا باستغراب:وهي ايه؟
دينا ترجع بذاكريتها لورا..
دينا ومهند كانوا برة البيت بيلعبوا زي ما هم متعودين..
مهند:دينا يلا بقى كفاية كده
دينا:مهند بليييز نلعب كمان شوية
مهند:دينا يلا عشان منتأخرش وماما تزعق
دينا:اوووف طيب..يلا
تجري دينا ووراها مهند ويدخلوا البيت وفجأة يقف مهند مصدوم ‘ تيجي دينا من
وراه وتقوله:
ايه مالك يا مهند؟ وقفت ليه؟؟ ماااااامي احنا جينااااااا ماااام.....
تقف دينا هي كمان وهي مصدومة بعد ما شافت مامتها بتشرب!!
مهند ودينا بيبصوا لبعض ومش عارفين يقولوا ايه! ولا يتكلموا ازاي ولا
يتصرفوا ازاي..
الام بسرعة وبزعيق:اتاخرتوا ليه؟!
مهند بتوتر:متأخرناش!
الام:لا اتأخرتواااا!! اتفضلوااا يلااا يلااا روحوا بسرعة غيروا لبسكم
وتعالوا عشان الغدا خلاص
يمشي مهند وتمشي وراه دينا وهي موطية راسها في الارض..
اول ما يدخلوا الاوضة..
دينا باحراج شديد:مهند هي ماما كانت بتعمل ايه؟
مهند بضيق:يعني انتي مشفتهاش!!
دينا:مهند انا عاوزة افهم؟!
مهند:ماما بتشرب يا دينا!!
دينا باحراج وهي موطية راسها في الارض:يعني ماما بتسكر؟ انا مكنتش فاهمة ان
الموضوع بجد
مهند باستغراب:انتي شفتيها قبل كده؟
دينا بخوف وارتباك:لا انا مكنتش ببقى فاهمة او مكنتش مستوعبة! بس انا اما
شفت الست جارتنا
امبارح بتشرب نفس الحاجه وسالتها ده عصير قالتلي انه بيرة وعرفت انها بتسكر
ولما شفت مامي
دلوقتي عرفت انه ماما كمان كده!
مهند بضيق:اكيد بابي ميعرفش! اكيد بتشرب من وراه زي ما كانت بتشرب من ورانا
ولولا اننا جينا
وشوفناها كده مكناش هنعرف!!
دينا:مش عارفة بس احنا هنعمل ايه؟ هنقول لبابي ولا ايه؟
مهند بضيق:بردو مش عارف
الام من برة وهي بتزعق:يلااااااااااااااا الغدااااا ايه ساعة بتغيروا
لبسكوا!!!
دينا:مهند انا مش عايزة اتغدا!!
مهند بضيق:ولا انا..بس تعالي بدل ما تعمل مشاكل لينا
دينا:وللاسف بابي النهاردة هيبات في الشغل
مهند:معلش يا دينا.. تعالي بسرعة نروووح
يروح مهند ودينا ويتغدوا ويفضلوا طول الوقت ساكتيين..
***********************
بعد كام يوم راحت دينا ومهند لباباهم وقالوا ليه..
مهند:بابا احنا شفنا ماما بتسكر!
الاب ساكت.....
دينا:بابي انا مكنتش مستوعبة ان مامي بتشرب على طول او لما كنت بشوف ازايز
البيرة في بيتنا
كنت فاكرة بس كده! مكنتش اعرف ان الموضوع بجد وان مامي بتشرب..
الاب ساكت.....
مهند:بابا انت مبتردش ليه؟ انت كنت عارف؟
الاب:لااا طبعا مكنتش اعرف بس انا هشوووف الموضوع ده مع مامتكم ‘ بس مش
هينفع اشوف
الموضوع قدامكم للاسف!!
دينا:انا مضايقة اوي يا بابي...
*****************************
ترجع دينا تاني للواقع وتبصلي وتقول:بصي انا مش فاكرة اوي بصراحه الايام
بتاعت امريكا
لاني مش بحب افتكرها اوي وغير كده كنت طفلة ونوعا ما مش عارفة استوعب اللي
بيحصل حواليا
بس لما جينا البحرين الاوضاع اختلفت وبقت اصعب ‘ انا مرحلة طفولتي قضيتها
في رعب وخوف
وانو كنت بتكسف اووووي من ماما..
انا:خوف من ايه؟؟
دينا:هو مش خوف من حاجه لان انا كنت بخاف منها لما جت هنا البحرين اكتر بس
مش عارفة او
مش قادرة افسر الشعوور اللي كنت بحسه وانا طفلة! بس مهند هو اللي يفتكر
اكتر لان مهند كان اكبر
مني وكان بيستوعب اكتر مني ومهند كمان هو اللي كان بيتأذي من ماما اكتر
مني!
انا:بيتأذي ازاي؟؟
دينا:كانت بتضربه ‘ ماما لما كانت بتسكر والمود بتاعها يبقى عالي كانت بتحب
تعمل مشاكل كتير
كانت بتحب تناغشنا كتير عشان نتخانق معاها ونعمل مشاكل وكانت لما تتخانق
معانا بتضرب مهند..
انا:وانتي؟
دينا:انا طلعت متمردة مش زي مهند ‘ مهند شخصيته طالعة طيبة اوووووي وهو
اللي خد الضرب كله
انا لما ماما كانت بتضربني كنت بضربها!
انا:بجد؟ ازاي؟؟
دينا:بصي هو في الاول لما كنا في امريكا يعني واول ما جينا البحرين كانت
بتسكر كتير على المغرب
وكانت بقى بتبقى المود بتاعها عالي جدا فكانت بتعمل زي حفلة عندنا وكده
وكنا نشغل اغاني ونقعد
نرقص.. انا في الاول لما كنت طلفة كنت بفرح اوووووي انه برقص مع مامي بس
لما كبرت بدات
افهم انه هي في الوقت ده بتكون شاربة كتيييير وبتعمل كده نتيجة انها سكرانة
اووووي فبدأت اضايق
واقرف منها اوووي..
انا:طيب وبعدين؟؟
دينا:هي بقى اوقات لما كانت بتبقى سكرانة وشاربة كتير كانت كالعادة ممكن
تتخانق معايا انا ومهند
على اي حاجة هبلة فكانت تضرب مهند ..
انا مقاطعة ليها:بتضربه بالقلم؟
دينا:لا كانت بتشد شعره جامد ‘ مهند شعره طويل اصله فكانت تفضل تشد فيه
جامد وتضربه..
انا:وانتي بتعملي ايه؟؟
دينا:كنت بحاول ابعد مهند عنها بس مكنتش بقدر..
انا:طيب وهو مهند كان بيعمل ايه وقت ما كانت بتضربه؟
دينا:كان بيشيل جوه قلبه ومبيتكلمش.. مهند طيب اوووووي وغلبان ومش بيعرف
يتصرف ازاي
وكان بيخاف منها جداااا.. بس انا غير مهند انا طالعة قوية ومتمردة على كل
حاجه..
انا:طيب انتي ضربتيها ازاي؟
دينا:مرة وهي بتضرب مهند تقريبا ولا مش فاكرة كانت بتعمل ايه بس كنا
بنتخانق فروحت ومسكت
رقبتها كده زي ما اكون بخنقها او عايزة اخنقها بس مخنقتهاش انا خربشتها جامد
في رقبتها وضهرها..
انا:طيب انتي قلتيلي انك كنتي بتخافي منها اما جيتوا البحرين ‘ ليه بقى؟
ايه اللي حصل جديد؟؟
دينا:ماما في امريكا كانت بتشرب بيرة بس لكن لما جينا البحرين بدات تشرب
ويسكي
انا:لحظة معلش هو ايه الفرق بين البيرة والويسكي؟؟
دينا:بصي البيرة بتبقى نسبة الكحول اقل فيها من الويسكي وبعدين اصلا الحجات
دي لما بتتشرب
مش بتشربيها كده لا بتحطيها على حاجات يعني بتزودي عليها حاجة عشان تكون
اخف..
انا:زي مية يعني؟؟ بشوف في المسلسلات كده؟؟
دينا:مية او بيبسي او عصير اي حاجة بس متتشربش لوحدها كده
انا:اه؟؟ وبعدين؟؟
دينا:هي بقى لما جينا البحرين بدات تشرب ويسكي وتشرب جامد اووووي وانا
ومهند كنا بنخاف اووي
وكنا بنفضل نراقبها طول الوقت..
دينا ترجع بذكرياتها لورا..
دينا ومهند في اوضتهم ..
دينا:مهند هي ماما فين؟
مهند:اكيد في المطبخ
دينا:اممم شاربة؟
مهند:اكيد! هي بتعمل الغدا دلوقتي وانتي عارفة يعني لما بتعمل الغدا بتشرب
شوية وتروح تعمل الغدا
وترجع تشرب وترجع تكمل الغدا
دينا:على فكرة انا بقرف اوي لما اتغدى معاها وهي سكرانة كده!!
مهند:معلش يا دينا هنعمل ايه
دينا:طب شربت قد ايه النهاردة؟
مهند:مش عارف يا دينا .. مش عارف!!
دينا:هو بابا ازاي ساكت عليها كده؟؟
مهند:انا كمان مستغرب منه؟! هو ايه اللي مسكته على ماما كده؟ ليه مش
بيعملها حاجه؟ ليه مش بيخليها
تبطل شرب؟؟
دينا:ما تيجي نكلمه يا مهند في الموضوع؟
مهند:ماشي هنبقى نكلمه بس مش دلوقتي..
************************
سكتت دينا شوية فقلتلها:ايه؟ سكتي ليه؟؟ اضايقتي؟ لو بيضايقك الكلام في الموضوع ممكن نبطل كلام فيه
دينا:لا عادي هو اينعم لما بفتكر الايام دي بكتئب بس مش مشكلة انا محتاجة اتكلم
انا:طب كملي؟؟
دينا:ماما في الفترة دي كانت بتسيطر علينا اوووي لدرجة كانت بتخوفنا
وتخنقنا
انا:مش فاهمة ازاي؟؟
دينا:احكيلك على موقف..
رجعت دينا بذكرياتها للخلف
دينا قاعدة في اوضتها بعد ما رجعت من المدرسة ومستنية مهند يرجع من الجامعة
تسمع صوت صريخ مامتها وهي بتتكلم في التلفون:انت فيييين يا حيوااااان انتتتت
تطلع دينا تجري من اوضتها على الصالة عند مامتها وتشوف ازازة الويسكي
محطوطه قدام مامتها
وهي بتتكلم في التلفون..
دينا:انتي بتزعقي لييييييه دلوقتي!!
الام وهي بتتكلم في التلفون:انت متأخر يا حيواااان يا واطي يا كلب لحد
دلوقتي ومحاضرتك بتخلص
على 3 الساعة 3 وعشر دقايق دلوقتي والجامعة جمب البيييت مجتش لييييه!!!!
دينا:متزعقيش ليه في التلفون كده ومتشتمهووووش!!
تقفل الام التلفون وتقول:اديني قاعدة مستنياه اما اشوووفه هيتأخر لحد امتى
وليلته هتبقى طييين اما
يرجع..
وبعد عشر دقايق دخل مهند وقامت الام تزعق:محااااااااااااضرتك بتخلص 3 متأخر
نص ساعة
ليييييييه ها يا صااااايع يا واااااطي !!؟
انا بسأل دينا وبقطعها من ذكرياتها: وطبعا كنتي انتي بتخافي جدا وقتها؟
دينا:اوووووي ماما في الفترة دي كانت عاملة لينا رعب شديد! تخيلي انها كانت
بتراقب تلفوناتنا
وكانت تفضل تفتش ورانا وكانت غريبة اوووي!!
انا:ليه؟
دينا:مش عارفة بس كانت مهووووسة بينا واحنا كمان كنا مهوووسين بيها
وتعبانين منها وبيها!
كنا انا ومهند نفضل نراقب شربت كام مرة ولما بتتكلم معانا بتبقى سكرانة ولا
في وعيها..
انا:وازاي بتعرفوا تفرقوا؟؟
دينا:من ريحتها ومن تصرفاتها وبتتكلم ببطىء اوووي وبتفضل وقت لحد ما تكون
جملة واحدة
وتقول هي عايزة ايه؟
انا:وبعدين؟؟
دينا:في يوم دخل مهند عليا وقالي.......
استنوني الحلقة اللي جاية........
