الحلقــــــــــــــة الخامســـــــــة من "ســـــــايكـــــــو"

الحلقة الخامسة

تدخل فريدة المطبخ واول ما تدخل تلاقي ديكور المطبخ اتغير وفجأة اختفى الجد وبقى مكانه

مامة صاصو وتكون مرهقة وباين عليها التعب ومع ذلك تبدأ تحضر الاكل وبعد نص ساعة

يرجع بابا صاصو من برة ويدخل عليها المطبخ فيلاقيها واقفة قدام البوتجاز مش بتعمل حاجة

فيزعق:واقفة بتهببي ايه قدام البوتجاز كده!!

مامة صاصو:كنت لسه هسخن الاكل ‘ حسيت بدوخة فظيعة اوووي

بابا صاصو:بقلك اييييه بطلي مياصة البنات دي واخلصي! انا هنزل الشغل بعد شوووية وعايز

اطفح!!

مامة صاصو بارهاق:طب اصبر عليا بس اخد نفسي

بابا صاصو:يبقى مش هنتغدا بقى!! دي بقت عيشة تقرف

وفجأة يدخل صاصو على فريدة والجد ويقول:بتعملوا ايه؟

فترجع فريدة للواقع وتقول بارتباك:اا اانا لازم امشي

الجد باندهاش:ليه؟؟

فريدة:مم ممفيش يا جدو ‘ اا اصل اتأخرت ولازم امشي

الجد:طب وصلها يا صاصو لحد ما تركب تاكسي

صاصو:حاضر يا جدو

تنزل فريدة مع صاصو وتقوله:ابقي خلي بالك على نفسك اكتر يا صاصو

صاصو:حاضر يا حبيبتي .. انا متشكر اوي انك جيتي تسألي عليا

فريدة:وياريت بعد كده لما تتعب تبقى ترد عليا ومتسبنيش قلقانة كده

صاصو:حاضر حبيبتي

فريدة:يلا مش عايزة اتعبك اكتر من كده ‘ اطلع اتغدا وبكرة اشوفك في الجامعة

**************************************

صاصو بعد ما رجع البيت فقال الجد:اضطريت يا بني اقولها ان مناعتك قليلة عشان كده بتتعب

بسرعة! ماهو لازم يكون فيه تفسير لغيابك الكتير

صاصو:منا فهمت يا جدو

الجد:وبراحة يا بني على البنت دي شكلها بتحبك اوي وغلبانة وطيبة

صاصو:عارف يا جدو ‘ بس انت بردو عارف ان ده غصبن عني!

الجد:عارف يا بني .. ربنا يشفيك يا حبيبي

******************************************

يدخل صاصو اوضته ويقعد الجد لوحده في الصالة ويسرح في الذكريات....

الجد نايم في اوضته وفجأة يسمع جرس الباب بيرن ‘ يبص في الساعة! ويقول:

خير ياااارب مين ده اللي جاي الساعة 12 بليل

الجد بيقرب من الباب ويقول بصوت عالي:مييين

من ورا الباب:انا يا بابا

الجد يفتح بسرعة:فيه ايه يا جيهان؟ مالك جاية ليه دلوقتي؟ مصطفى جوزك جراله حاجه؟؟

جيهان بتعيط:بابا انا حامل ومصطفى مش عاوز الولد

الجد:خشي يا حبيبتي ‘ خشي واحكيلي فيه ايه!

جيهان بعياط: انا بقالي فترة بحس بدوخة ومع ذلك مكنتش بشتكي كتير ولما كنت اتعب ‘ مصطفى

يفتكر اني بدلع ويقعد يهزأني ويشتمني وكنت ساكتة وراضية!!

الجد:لا حول ولا قوة الا بالله!! انا مش عارف ايه اللي جراله!

جيهان:ولا انا يا بابا ‘ مصطفى مكنش كده زمان! ده كان بيحبني ويتمنالي الرضى ارضى!! مش

عارفة ليه بقى انسان تاني ‘ وحش!

الجد:وبعدين؟

جيهان:المهم كشفت النهاردة عند الدكتور وقالي انتي حامل ‘ طرت من الفرحة وجريت على البيت

ووضبت غدا حلو واول ما قلت الخبر لقيت مصطفى اتقلب وبقى وحش وبقى يكسر في البيت

ويقلي الولد لازم ينزل والا مش هيحصل طيب..

الجد:استغفر الله العظيم ‘ هو فاكر نفسه ايه!! عايز يقتل جنين!! لا لا ليا كلام تاني معاه

و في اليوم التاني يجي مصطفى فيقوله الجد:اسمع يا بني! انت لما جيت تطلب ايد جيهان مني!

قلتلي جملة فاكرها ولا لا!!

مصطفى قاعد ساكت

الجد بصوت عالي وقوي:فااااكر ولا لا!!

مصطفى وراسه منزلها:فاكر

الجد:قلتلي بنتك في عيوني وانا بحبها وشاريها وهصونها طول العمر!! لكن انا شايف انك مبقتش

تعمل بالجملة دي!!

مصطفى:والله بحبها يا عمي وحتى لما بقسى عليها مببقاش عارف انا بعمل كده ازاي وليه بــ ب

بس ضغط الحياة والمصاريف القليلة وهي تيجي تقولي حامل! يعني تكاليف ولادة وعيل وانا

مش عارف اعمل ايه..

الجد:يابني المولود بيجي ورزقه معاه وبعدين ده مش مبرر انك تتعامل معاها بالقسوة دي! فين

بقى الحب اللي بتقول عليه..

مصطفى:حاضر يا عمي ..

الجد:وبعدين هي دلوقتي حامل يعني ليها معاملة خاصة ودلع واياك اشوفها بتشتكي منك تاني والا

المرة الجاية مش هتلاقيني بتكلم بنبرة هادية!! وهتصرف معاك بشدة..

مصطفى:ماشي يا عمي..

تطلع جيهان من الاوضة جوة فيروح ليها مصطفى ويبوس ايدها وراسها:

حقك عليا يا حبيبتي ‘ انا اسف..

جيهان:يعني مش هتتعصب عليا ولا تقسى عليا؟

مصطفى:يا جيهان انا بموت فيكي ولو كنت بقسى شوية غصبن عني

جيهان:وابنك؟

مصطفى:يارب تبقى بنوتة عشان تبقى شبهك

جيهان:لا يااارب يبقى ولد ويبقى شبهك وهسميه بردو مصطفى على اسمك

مصطفى:ربنا يخليكي ليا يا احلى واحن ام في الدنيا..يلا نروح بيتنا بقى؟

جيهان بفرحة وسعادة:اه يلا

يفوق الجد من الذكريات ويمسح دموعه وبعدين يدخل على صاصو في اوضته..

الجد:بتعمل ايه يا حبيبي؟

صاصو:مفيش بحاول انام

الجد:حاسس بحاجه؟

صاصو:لا صداع بس رهيب

الجد:خلاص هسيبك تنام وترتاح

يخرج الجد ويفضل صاصو يسرح ويرجع بذكرياته لما كان عنده اربع سنين وبيلعب مع مامته

وفجأة باباه تجيله نوبة غريبة ويكسر البيت ويفضل يضرب مامته..

صاصو بيعيط ومامته بتحاول تروحله بس كل ما تقوم تروح ليه باباه يضربها اكتررر

جيهان:صاصو حبيبي رووح اوضتك

صاصو بيعيط والام بتتضرب اكتر

جيهان بعياط وصريخ:روووح اوضتك يا صاصوووو رووحها

يجري صاصو وهو مرعووب وخايف اوضته ويفضل يعيط كتييير

وبعد ساعتين تدخل عليه مامته وشفايفها زرقا وتاخده في حضنها:معلش حبيبي معلش

صاصو ببراءة:ماما بابي يعمل ليه؟هو ثرير؟

مامته بعياط:لا يا حبيبي هو طيب بس بابا عيان

صاصو ببراءة:هو العيان بيضرب؟ بث انتي اما بتبقي عيانة مث بتضربني؟

مامته بتحضنه اكتر وتبوسه:بابا عياه غير يا حبيبي باباه عياه غير..

صاصو ببراءة:انا هقول لجدو وجدو عثان اكبر منه هيضربه

مامته:لاااا اوووعى يا صاصو يا حبيبي ‘ ده سر بيني وبينك وانت راااجل كبير اوووي ولازم

متقلش السر ده لاي حد

صاصو:حتى لجدو؟

جيهان:حتى لجدووو ولا لاي حد.. ماشي يا حبيبي مااشي...؟؟

صاصو:ماااشي

يفوق صاصو من الذكريات ويتصل بفريدة ويفضل يتكلم معاها لحد الفجر وبعدين يتفق معاها

يشوفها في الجامعة...

فريدة قاعدة في المدرج وبعدين يدخل عليها صاصو ويقول:

حبيبتي عاملة ايه؟

فريدة:انت اللي عامل ايه النهاردة؟

صاصو:الحمد الله

فريدة:يارب دايماا

فجأة فريدة تشوف بيت صاصو وتشوفه وهو صغير وتشوف باباه بيضرب مامته جامد وصاصو

بيحاول ينقذ مامته من باباه بس باباه يزقه ويخبطه في الكوميدينو..

جيهان:صاااااااااصو

فريدة تفوق من اللي شافته وتبص لصاصو بخوف واستغراب..

صاصو باستغراب:مالك يا فريدة؟

فريدة بارتباك:ها! لا لا لا ممكن اكون مرهقة

صاصو:متأكده؟

فريدة:امممم

صاصو:طب تحبي تروحي؟

فريدة:لا خلينا نخرج نروح اي حتة يعني عايزة اتكلم معاك شوية

وبعد ساعة يرحوا عند البحر ويقعدوا يتكلموا فتقوم فريدة قايلة:

صاصو كنت بتحب مين اكتر مامتك ولا باباك

صاصو يبان عليه انه اضايق بعدين يقول:اشمعنا؟

فريدة:لا عادي سؤال جه في بالي كده

صاصو:ماما الله يرحمها

فريدة:وباباك؟

يسكت صاصو شوية وملامح وشه تتغير وبعدين يقول: مكنتش بحبه

فريدة:ليه؟

صاصو:مش عارف

فريدة:عشان كان بيضرب مامتك

صاصو يقوم مصدوم ويبص لفريدة بطريقة تخوووف ويقول:انتي ازااااي عرفتي!!

فريدة بخوف وبارتباك:مم مم ممش عارفة

صاصو بعصبية:قووولي عرفتي منييييييييين

فريدة بخوف:ح ح حسس حسيت

صاصو بيقرب على فريدة ويبدأ يعمل حركات مريبة بوشه وكانه واحد عنده نوبة وبعدين يمسك

فريدة من رقبتها اوي ويفضل يخنقها جامد..

فريدة:انت بتعمل اييييييييييييه ووووووسع همووووووت

صاصو لسه ماسك رقبة فريدة جامد وبعدين تقوم فريدة زقاه برجلها جامد فيرجع لوعيه وتكون

فريدة بتكح كتييير .. صاصو يحاول يقرب لفريدة ويقلها برعب:اناااا ااسف اا اانا ااااسف

انا والله ااااسف انا مكنتش في ووووعي ‘ متزعليش مني يا فريدة

فريدة بتكح وبتبعد كل ما صاصو يقرب منها..

صاصو:متخفيش مني يا فرررريدة ‘ انا والله بحبك بس غصبن عني ‘ انا اللي بعمله ده غصبن عني

فريدة:خلاص يا صاصو خلاص اهدى اهدى

صاصو:انتي كووويسة؟؟

فريدة:اه

صاصو يمد ايده اللي بتترعش جامد ووشه اصفر لفريدة ويقلها:متخافيش مني عشان خاطري

متخافيش..

فريدة بخوف:مم مماشي

صاصو:بس انتي ازاي عرفتي

فريدة:حلمت بكده؟

صاصو:امتى؟

فريدة:من شوية وامبارح كمان!

صاصو باستغراب:امبارح امتى؟

فريدة وهي بتحاول تاخد نفس كبير: مم ممش فاكرة

صاصو بحنية:عشان خاطري افتكررري

فريدة باستغراب:ليه؟

صاصو:فف فف ففيه حاجه في بالي ‘ عاوز اتأكد منها!!

فريدة:يمكن بليل يمكن مش عارفة او مش فاكرة.. بس بب ببس انت فيك ايه؟!!

صاصو:هه ههحكيلك بس توعديني انك متسبنيش اما احكيلك؟

فريدة:اوووعدك

صاصو:انا عيان

فريدة:بايه؟

صاصو:اا اانا اكت اكتشفت اني عيان نن نفس العيا اللي كان عند بابا

فريدة بخوف واستغراب:مش فاهمة؟

صاصو:باب ب بابا كان عنده نوبات بتجيله ‘ بتخليه مش طبيعي ومبيبقاش عارف ولا قادر يسيطر

على نفسه وبيضرب اي حد قدامه! النوبات دي بتخليه مش واعي لتصرفاته وممكن يأذي اي حد

فريدة:عشان كده كنت بتختفي كتير؟؟

صاصو:اا ايوة.. انا اا انا مكنتش عاوز ادخلك في المتاهات بتاعت حياتي بس غصبن عني حبيتك..

حاولت ابعد عنك بس معرفتش ‘ انتي كنتي دايما قريبة مني وبتحسي بيا !!

فريدة:يعني عشان كده باباك كان بيضرب مامتك؟ وو ووعشان كده كنت هتخنقني؟؟

صاصو:بابا مكنش بيقدر يسيطر على نفسه بب بس انا بقالي سنة ا اا انا وجدي بحاول ات اتعلم

لما تجيلي النوبات دي اسيطر على نفسي بأكبر قدر ممكن..

فريدة:بب ببس انت كنت هتخنقني!

صاصو:يمكن لما عرفت انك عرفتي سري!!!

فريدة باستغراب:وانا مش عارفة ازاي بقدر اشوووف الحجات دي!

صاصو:انا عارف ليه!

فريدة:ليييه؟

.....................................

استنوني الحلقة اللي جاية