الحلقـــــــــة
العاشــــــــرة
في العربية عند انور
وجازم
جازم:المهم ‘ احنا
رايحين فين كده
انور:هنروح لابورتو
جازم:بس ده بيبقى
زحمة اوووي وسنة بقى عقبال ما يجيبوا الاكل
انور:هنروح نشوف
الوضع ايه هناك ولو كده نطلع على اي مكان تاني
وبعد دقايق يوصلوا
هناك ويلاقوا فعلا ترابيزة ويقعدوا يستنوا الراجل يجي ليهم عشان يطلبوا
انور يكون بيبص على الناس
اللي قاعدة وفجأة تيجي عينه على زيزيتا واللي طبعا تكون قاعدة
مع بدور ورمانة
فيضايق ويقول لجازم:بقلك ايه قوم بينا نمشي
جازم باستغراب:ايه؟
ليييه!!
انور بنرفزة:قوووم
بينا نمشي يا جازم
جازم:مش ماشي اما
تفهمني في ايه؟
أنور:البنت اللي كنت
حكيت عنها هنا
جازم باستغراب:بنت
مين؟
أنور:اللي اتقفشت في
قضية دعارة وطلعت منها واللي حكتلك ان ملف اهلها اسود وكله بلاوي
جازم:ايوووة ايوووة
البنت اللي لما بيتقبض عليها بتبسط ظباط النبطشية فـ يسبوها ؟!
انور:ايوة هي ‘ قووم
بقى
جازم:لا طبعااا ‘
استنى وريني هي فين؟
انور:اهي مرزوعة مع
بنتين ‘ تلاقيهم زيها
جازم:بس دي معاها
طفلة؟!! معقول الطفلة دي تكون بتشتغل في الكلام ده؟؟
انور:احنا بقينا في
زمن البراءة فيه بتموت قبل ما تتولد
************************************************
زيزيتا قاعدة بتاكل
وبتدي اكل لرمانة عشان تاكل اكتر وفجأة عينها بتلمح الظابط انور..
زيزيتا بصوت واطي
:عارفة يا بتش يا بدوور مين هنا؟
بدور بعدم اهتمام
وعمالة تاكل:مين يعني رئيس الكمهورية؟
زيزيتا:لا يا بتش
الظابط الرخم اللي كان عايز يلبسني القضشية اللي المعلمة سوسن طلعتني منها
بدور بتشرق وترمي
الاكل من بقها:يا حوستشي!! يالهووووووي يالهوووووووووي
زيزيتا:ايه يا
فضيشحة ‘ المحل كله هيبص علينا ‘ عايزة تفضحشينا
بدور:مش بتقووولي
ظابط!! يعني ممكن ياخدنا على البوكس
رمانة بخوف:نجري يا
ابلة؟
زيزيتا:اقعدي منك
ليهااا ‘ ويجرنا على بوكس ليه اشااااء الله!! كنا كلنا دراع حد هنا في المطشعم
ولا كلنا فخدة
حد!!!!
بدور:يا بتش ده شكله
شراااني ‘ بصي بصي بيبص عليكي بغيظ ازاااي !! زي ما يكون هاين
عليه يمسكك يقطشعك!!
زيزيتا:طبعا متكدر
ومتضاااايق ومفروووس مني!! مش حب يستنصح ويطلع على جتتي البلا
الاسود ومعرفشي!!
شوووفي بقى هعمل ايه
بدور برعب:هتشعملي
ايه يا بتش
زيزيتا تقوم تقف
وتروح للترابيزة اللي قاعد عليها جازم وانور وتبقى شايفاهم وهما بيبصوا عليها
بتقرب عليهم
ومندهشين اوي..
زيزيتا بدلع تقعد
على الكرسي الفاضي جمب جازم وقدام انور وتقول:مسا الفل
جازم مندهش جدا
وانور مضايق اوي والاتنين ساكتين
زيزيتا:ما قلنا
مسااا الفل
جازم بتهته:مم ممساء
الخير
زيزيتا باللبانة
وبترفع حواجبها:ازيك يا حضشرة الظابط ‘ انت مش فاكرني ولا ايه؟
انور:لا فاكرك
زيزيتا بتمضع
اللبانة بطريقة مستفزة:اصل سبحان الله كت معدية انا والبنات وقلتلهم تعالوا ااكلكم
من هنا يوووم من
نفسيتشهم كدهون ياكلوا زي الناس العليووي..
انور بقرف:بفلوس
دعارة
زيزيتا:هيهيهيهيهيهيييي
يا باشا احنا في مجتشمع ابن كلب اصلاااا وادشب حاجه فيه دلوقتي هي
الدعااارة!!
جازم اتحمس للنقاش
اللي كان بين انور وزيزيتا فقال:ليه؟
زيزيتا تبصله
وتقوله:حضشترك ظابط زيه؟
جازم:لا انا بشتغل
محامي
انور اندهش بس سكت
زيزيتا:اهو انتش
كمان يا بيه بتشتغل في الدعارة
انور:لمي نفسك يا بت
‘ بدل ما وحياتك اوريكي شغلك
جازم مسكه من ايده
وضغط عليه وقاله:استنى انت بس يا انور ‘ ليه يا .....
زيزيتا:اسمي زيزيتا
يا عنياااا ‘ شايف يا انور باشا ‘ صاحبك هادشي ازاي وبيفهم في البفتشيك
بتاعكم دهون..
جازم:ههههههههه
بفتيك!!؟ اكيد قصدك اتيكيت
زيزيتا:ايوووو هو
دشه المحروووس ‘ اصل انا بت بلد بقى مليش في الهري بتشاعكم ده يا ولاد
الذوات..
جازم:ها قوليلي ازاي
بقى بشتغل في الدعارة؟
زيزيتا:اقلك يا عنيا
‘ مش انتشوا يا خويا بتلعب بالقضايا وتطشلعوا الناس الحرامية دعاة اسلام
وتلفقوا التشهمة على
الناس الغلابة وترقصوا القضشية قدام الكاضي لحد كدهون ما يتخدر ويجبلكم
البراءة للموكلين
بتشاعكم؟ صح؟
جازم:صح؟
زيزيتا:اهووو في
الرقص بالقضايا ده بتعروّا نفسكم يا بيه وشوف بقى يا عنيا بتفتشنوا كام واحد
ليكم عشان يجيلكم
وتطشلعوه براءة وهو مش بريء تبقى دعارة ولا مش دعارة ؟!
جازم بانبهار:انتي
متعلمة يا زيزيتا؟
انور:افففففففف
زيزيتا:لحد تانية اعدادي
وخرجت
جازم باندهاش:انتي
عارفة انا عمري ما فكرت في شغلانتي بالطريقة العبقرية اللي انتي بتفكري
بيها دي !! رغم اني اتعلمت وانتي مكملتيش تعليمك
زيزيتا:يا باشا اللي
بتعلمهولك المدارس انا بقى بتعلمه من الشارع وعلام الشوارع افيد بكتشييير
اوووي من علام
المدارس بتاعكم دهون..
جازم:انتي بتشتغلي
فين؟
زيزيتا بدلع اكتر
وبتقرب منه وبتمضغ اللبانة وبتلعب حواجبها:عجبتشك
جازم ولمعان في
عنيه:اوووي
زيزيتا:هيهيهيهيهييييي
انور
بعصبية:جاااازم!! لو مقمتش دلوقتي انا ماشي
جازم:استنى بس يا
انور ‘ ها بتشتغلي فين ‘ عندي فضول اشوووفك
زيزيتا:انا برقص في
كباريه في الهرم اسمه كباريه الحياة ‘ معرووف اوي ابقى اسأل عنه يا ابن
الغالي ‘ فتشكوا بقى
بعافيه.. والنبي يا حضشرة الظابط ‘ قبل ما تحطشني اوي في دماغك كده
يا خويا ابقى حط
الناس العليوة اللي بتمص في دم الغلابة ‘ هتلاقيهم مليانين بلاوي اكتشر من
الرقصات وبتوع
الدعارة على رأيك .. هيههيهييههييهي
تمشي زيزيتا من هنا
ويلف انور على جازم ويقول:افهم بقى ليه كذبت عليها؟ وايه اللي انت عملته
ده!!!
جازم:بصراحة ابقى
صحفي فااااشل لو سبت حالة زي دي تضيع مني ! ده سبق صحفي محصلش
ابين ان في المجتمع
ده في فئة مستترة شايفة انها بتعمل الصح وبتاخد حقوقها البسيطة!
هكتب مقال بعنوان :
زيزيتا ‘ الحلال في توب الدعارة!!
انور:بقلك ايه جازم
متخشش في سكك ممكن تفتح النار عليك! وبعدين فكرك يعني انها هتوافق
انها تعمل معاك حوار
صحفي؟!
جازم:لا طبعا ده انا ابقى مغفل لو افتكرت انها هتوافق! بس في
الاول هروح الكباريه بتاعها
واشووفها مرة واتنين
واحاول اعرف هي بتعمل كده ليه وممكن كمان اسجل معاها من غير
ما تحس واحاول بقى
افرج الناس فتيات الليل بيفكروا ازاي!!
انور:فتيات ليل ايه
اللي يفكروا!!! دول عايزين بنزين وسخ وحد يولع فيهم!!
جازم:لا طبعاااا ايه
العدائية دي!! انا مش مع اي بنت تبيع جسمها عشان تجيب فلوس وتدعي انها
لو كنت لقت الحلال
كان هيغنيها عن الحرام ‘ بس تعالى شووف هما بيتعرضوا لايه عشان يمشوا
في سكة زي دي؟! انت
عارف بقى انا مرة سمعت ان بنت من بنات الشوارع تم اغتصابها
من ولاد شوارع وكان
عددهم عشرة!! متخيل وصلنا لسفالة واجرام واهمال اد ايه؟!!! البنت
دي والولاد كمان لو
مكنوش اتسابوا في الشوارع كده واتعلموا وحد ارشدهم مكنتش البنت
دي اغتصبت وراحت
تشتغل في الكباريهات وبقت فتاة ليل!!
انور:عايز تفهمني ان
مفيش دار ايتام؟ ولا اي دار بتتكفل بأطفال الشوارع دي؟؟؟ دول اكتر
من الهم على البلد؟!
جازم:وانت فاكر ان
كل دار بتعامل الاطفال كووويس؟؟؟ مش يمكن بيهربوا من هناك
ويفتكروا ان الشارع
هيبقى احن من الدار دي بس بعدين يتصدموا؟ انت اكيد بتسمع
عن التجارة بأطفال
الشوارع!! بص انا معرفش دي حكايتها ايييه ! بس اللي متأكد منه
انها مش مبسوطة
باللي هي فيه ولو عندها فرصة نضيفة تانية هتعيشها!!
انور بضيق:انت اعجبت
بيها؟؟
جازم:هههههههههه
منكرش ان البنت حلووة الصراحة وشداني
انور:انت
عبيييييييييييييط!!
جازم:بقلك ايه
اطلبلنا اكل انا جعان اوووي
********************************************
زيزيتا خارجة مع
بدور ورمانة من برة المطعم ..
بدور:قلتشي ايه ؟
زيزيتا:عادي رميت
السلام وشقطت الواد اللي كان قاعد مع الظابط وشكله هيبقى زبون عندي
قريب..
بدور:بتش يا زيزيتا
خلي بالك يا بتش ليطلع ظابط زيه ويوقعك !!
زيزيتا:هيهيهيهيهييي
مش زيزيتا يا بت اللي يضحشك عليهاااا
رمانة:ابلة انا
نعسانة اووي
زيزيتا:ما احنا
متنيلين مروحين اهو يا بت
ويرجعوا البيت واول
ما يرجعوا زيزيتا تقول:روحي بقى نامي يا رمانة
رمانة:انا خايفة
بدور:من ايه؟
رمانة:خايفة اصحى
الاقي المعلمة بتاعتشي لقتني وتاخدني
زيزيتا:يا بتش
متخافيش الا من اللي خلقك ‘ بعدين يختشي معلمتك دي متعرفش الاماكن النضيفة
دي ‘ عارفة لو كنتشي
قاعدة في البيت اللي في تل العقارب كت قلتشلك انها ممكن تجيبك..
بدور:خشي نامي يا
رمانة ومتخافيش
رمانة:ممكن يا ابلة
زيزيتا تيجي معايا
زيزيتا بحنان:ماشي
وهنيمك في حضني يا بتش كمان
****************************************************
رمانة نايمة في
السرير وجمبها زيزيتا بتلعبلها في شعرها وتحكيلها حدوتة:
زيزيتا:بعدين بقى
الواد كوانا قال للبتش انا بحبك يا بتش من زمان وعاوز اتجوزك
رمانة
ببراءة:واتجوزوا؟
زيزيتا:ااه وعاشوا
في نبات وتبات وخلفوا صبيان وبنات
رمانة:هو احنا يا
ابلة اللي زينا يعني لما نكبر ممكن نلاقي حد يحبنا ويتجوزنا؟
زيزيتا:اكيد! مش بني
ادمين!!
رمانة:عارفة يا ابلة
مرة كت بشحت في شارع كده وبعدين وقفت جمب محل كبير اوي بيبيع
تلفزيونات وكانوا
حاطين عيال صغيرة لابسة فساتين وواحدة بتحكيلهم حواديت جميلة كدشه
زيزيتا:منا حكيتشلك
يا بت حواديت بس حواديت تليق علينا
رمانة ببراءة:هو
احنا ليه يا ابلة مش زي العيال النضيفة التانية؟
زيزيتا بتنهيدة
وحزن:اهو قسمة ربك كده
رمانة:هو صحيح يا
ابلة في الجنة هيبقى لينا حاجات حلوة؟؟
زيزيتا بسخرية:هههه
وهو اللي زينا هيورد على جنة اصلااا
رمانة بحزن:انا نفسي
ادخل الجنة اووي يا ابلة وبدعي كل يوم ربنا اني ادخلها عشان سمعت يا ابلة
ان هناك فيها حاجات
حلوة اووي لكل الناس ..
زيزيتا بتبوس راس
رمانة:اتخمدي بقى يا بت
رمانة:انا بحبك
اوووي يا ابلة
زيزيتا:انا بحبك
اكتشر يا بت ‘ دخلتي قلبي يا بت الابلسة وعلقتشيني بيكي
رمانة بفرح:يعني مش
هتسبيني عمرك يا ابلة؟!
زيزيتا:عمرررري
تبتسم رمانة وفجأة
................................
استنوني الحلقة اللي
جاية
