الحلقــــــــة الخامســــــــة من" زيــــزيـــتـــــا "

الحلقــــــة الخامــــسة

زينب بشك:هو انا هنا ليه؟

كرنك يخرج ولسه زينب هتخرج ينط قدامها جربة ويقول بابتسامة خبيثة:

رايحة فين؟ ده الليلة لسه هتحلو

زينب بذعر:هو فيه ايه

جربة:مفيش كل الحكاية ان انا رايدك وداخلة نفووخي اوي ‘ رغم ان لسه عودك 

اخضر بسعششتي جوايا يا بت الايه

زينب:وسع كده من قدامي بدل ما اصوط والم الحتة عليك

جربة:صوطي براحتك ‘ الواد كرنك برة مشغل صوت الالات بتاعت الورشة يعني ولا 

حد هيعبرك

زينب:وحياتك لقول لابويا ‘ هيقطع خبرك

جربة:ماهو سعتها هيكون تم المراد يا بت وهو بنفسه هيجي يبوس ايدي عشان استر عليكي

*******************************

حمادة ماشي جمب بيت زينب فشاف شمس قاعدة بتنفخ..

حمادة:مالك يا شمس؟

شمس:اففف البت زينب خدها الواد كرنك يجبلها شكولاطة ولسه مرجعتش

حمادة بفزع:خدها ميييين!!! فييييين!!!!! انطقي بسرررعة

شمس بخوف:وانااا مالي هو الواد كرنك قالها تعالي هجبلك شكولاطة

حمادة بلهفة وفزع:من امتى؟؟؟؟

شمس:يجيلهم دلوقتي 10 دقايق

حمادة:يا ولاد الكلب

يجري حمادة بسرعة على محل الحلاقة ويشوف ديزل مش موجود ‘ يكون مش عارف 

يعمل ايه

فيكسر في اي حاجه قدامه وبعدين تجيله فكرة ويطلع جررري

*****************************************

بدور ماشية في الشوارع مش عارفة تروح فين ولا تعمل ايه..

بدور لنفسها:ارجع البيت تاني؟ بس لااا جوز ام عنايات مش هيسبني

انا ههرب اه ‘ هما مش اهلي اصلا .. انا احسن حاجة ههرب بعيد

وفعلا تجري بدووور كتير لحد ما تتأكد انها بعدت اوي عن المنطقة اللي كانت فيها 

وعن اي حتة ممكن ام عنايات تلاقيها فيه..

**********************************************

ام عنايات في البيت قاعدة بتبص من الشباك وتقول:البت لسه مرجعتش يا راجل؟

جوز ام عنايات بكل برود:وانا مالي

ام عنايات:يخربيتشك راجل معندكش دم ‘ البت اللي كانت هتأكلنا الشهد اما تكبر هربت 

يا وش الفقرررررر وانت قاعد حاطط مراوح على قلبك!!

جوز ام عنايات:هي كانت من لحمي عشان ازعل عليها يعني!! الهي تولع ما طرح ما 

غاااارت

ام عنايات بشك:انت عارف حاجه يا راجل ومخبي؟؟

جوز ام عنايات: و وو انا يعني هعرف منين!

ام عنايات:ام تيجي بس وحياتشك لفرجها النجوم في عز الضهرررر ‘ بت الرفضي 

دشي

*****************************************

حمادة بيجري بسامبو على الجراج ويفضلوا يخبطوا لحد ما يقدروا يقتحموا المكان

ديزل برعب:حمادة؟!

حمادة بعصبية بيطلع المطوة:فين زينب ياض؟

ديزل:وو ووانا اشعرفني

سامبو:ولااا يا ديزل ‘ اطلع بــ البت واقصر الشررر ياض

ديزل:وحياتك ما اعرف هي فين ‘ انا لقيت الواد كرنك ناداني وقالي في مصلحة حلوة في الكراج ولسه جاي من دقيقة

حمادة:وفينه الوسخ ده؟

ديزل:نن ننزل تتحت

سامبو:تبقى البت زينب تحت

ديزل بفزع:اييييييييه!! زينب بت المعلم حنش؟؟؟؟؟

حمادة:وسع ياض هتعمل روحك مش عارف

وينزل حمادة وسامبو ووراهم ديزل بسرعة لتحت في المخزن بتاع الكراج ‘ ويلاقوا 

زينب مربوطة بجنزير من ايدها وهدومها مقطعة وجربة عمال يعتدي عليها..

ينط حمادة على ضهر جربة وينزل فيه ضرب فيقوم كرنك ضارب حمادة بجنزير 

جمبه ‘ بعدها يبدؤا كلهم في ضرب بعض ..

ديزل اول ما يشوف كده يهرب بسرعة .. سامبو يضرب في جربة وحمادة في كرنك..

حمادة:وحياتك لطلع عليك القديم والجديد يا عيل يا وسخ

كرنك:ده عند امه يا روح امك

حمادة يفضل يضرب في كرنك لحد ما يقع على الارض ويغمى عليه وبعدين يجري على زينب ويفكها بسرعة وتكون طول الوقت بتصرخ وتعيط ..

حمادة:اجرررري يا زينب بسرررررعة اجررررري

وتطلع زينب تجري بسرعة

*****************************************

بدور بتحاول تنام تحت قطر وفجأة تلاقي عيال كتيرة بيقربوا عليها..

واحدة من البنات:انتشي مين يا بت؟ وايه اللي جايبك حتتشنا؟

بدور بفزع:اا اانا بدوور

البنت:تعالي معانا نوديكي للمعلمة وهي تتصرف معاكي بنفسها

بدور:مم ممعلمة مين؟

البنت:معلمة كتعة!! معلمة الحتشة دي؟

بدور:وو وهي هتعمل معايا ايه؟

البنت:الله مش انتشي جيتي هنا وعايزة تترزعي ‘ يبقى تروحي وهي تختارلك شغلانة

بدور:هي متجوزة؟

البنت:اه المعلم عبد الله بس في السجن تأبيدشه

وتروح بدور معاهم للمعلمة كتعة واللي تكون بتشرب في شيشة..

البنت:معلمة ‘ لقينا البتش دي نايمة تحت القطر في منطقتشنا

معلمة كتعة:انتي ايه حكايتك يا بت؟

بدور:اا اانا انا مليش اهل

معلمة كتعة:خلاص من بكرة يا بت نعلمك النشل ازاي وتنزلي تنشلي

بدور:اناا اانا ممكن اشحت

معلمة كتعة:انا قلت نشل يا روح امك!!!

بدور:ح ححاضر

المعلمة كتعة:بقلك ايه بت يا صباح قصيلي شعرها الطويل ده

بدور:لااا شعررري لااااا

صباح:اخرصي يا بت طالما المعلمة كتشعة قالت يتقص يبقى لازم يتقص!!

صباح تاخد بدور وتزقها وبعدين تقعدها على كرسي وتفضل تقص في شعر بدور ‘ 

وبدور قاعدة تعيط..

******************************************

في بيت لمياء ‘ قاعدة لمياء مع مدحت..

مدحت:محكتليش يا لمياء ايه اللي عرفك ان جنى ماتت؟

لمياء بترجع بذكرياتها لورا..

في المستشفى اللي ولدت فيها حكمت وبعد ما اختفت جنى هي وولدين كمان اثناء قطع 

النور

لمياء معدية من جمب الحضانة وفجأة سمعت ممرضة من الممرضات..

الممرضة الاولى:زي ما بقلك كده البنت اللي ماتت دي بتاعت الست اللي فاكرة ان 

بنتها اتخطفت

الممرضة التانية:ايه بجد؟ طب ما تقولوا ليها

الممرضة الاولى:لا يختي وانا مالي ‘ خليها فاكرة انها مخطوفة

الممرضة التانية:وانتي ازاي عرفتي؟

الممرضة الاولى:يعني ايه ازاي عرفت الاسوارة اللي مكتوب عليها جنى لقيتها واقعة 

جمب العيلة اللي فطست من الحر لما الكهرباء قطعت..

الممرضة التانية:يعيني طب وهنسيب الست فاكرة ان بنتها مخطوفة؟

الممرضة الاولى:اهي يبقى عندها امل انها تلاقيها ولا انها تعرف انها ماتت

ترجع لمياء للواقع..

مدحت:ومقلتيش ليه لحكمت؟؟

لمياء:مشوفتش ظروفها يا مدحت! جوزها مات وبعدها جنى؟! عايزني اروح اقولها 

احزني على الاتنين!!

مدحت:وهي لما تفتكر انها مخطوفة وتفضل تدور عليها السنين دي كلها ؟؟ هترفح مثلا!!!

لمياء:دي كانت تروح فيها يا مدحت ‘ حكمت متعلقة بعيالها اوووي خصوصا انهم اخر حاجة

من ريحة جمال وانت عارف هي كانت بتحبه قد ايه..

مدحت:بس بردووو ‘ انتي مش شايفاها ازاي متعلقة ببنت الله اعلم تكون بنت مين 

وعملتها جنى؟

لمياء:عشان كده قلتلك ان دي مش جنى .. جنى ماتتت ماااااتتت

مدحت:لا حول ولا قوة الا بالله..

********************************************

حكمت كانت في طيارة مع جازم وجنى ومسافرين على باريس.. وهناك اول ما 

وصلوا طلعت حكمت بيهم على اكبر مستشفى للاورام السرطانية للاطفال..

ودخلت حكمت جنى المستشفى عشان يبدؤا علاج ليها وطبعا قبلها طلبت منهم يعملوا 

تحاليل ..

الممرضة بعد فترة جت ليها وادتها التحاليل اللي طلبتها حكمت .. بصت في التحاليل 

وابتسمت بهدوء وبعدها راحت قعدت جمب جنى على السرير...

جنى:هو انا هقعد كتير هنا يا ماما ؟

حكمت:لا يا حبيبتي ان شاء الله لا ..

جازم:مامي هو جنى عيانة بايه؟

حكمت:ادعي ليها يا جازم انها تخف .. مش انت بتحبها؟

جازم:اه مش هي اختي بردو؟

حكمت بابتسامة:اه

جنى:ماما هو انا هروح لربنا زي ابلة منيرة ما كانت بتقولي؟

حكمت بحزن:بعد الشررر بعد الشررر يا حبيبتي

جازم:مامي ممكن لما نخرج من هنا نبقى نروح الملاهي؟

حكمت:حاضر يا حبيبي

جنى:وهتاخدوني معاكم؟

حكمت:طبعا يا حبيبتي طبعا

***************************************

في عشوائية "تل العقارب" سامبو خارج من الجراج ومتسند عليه حماده وهو غرقان 

في دمه ويقابلوا في وشهم المعلم حنش وهو بيجري عليهم ومتعصب..

حنش:فين ابن ...... اللي اسمه جربة

سامبو:الحقني يا معلمي حمادة بيموووت مني

حنش:اجري بيه ياض على الواد علي التمرجي ‘ احنا برضو مش هنقدر نوديه مستوصف ليدخلفي سين وجيم..

سامبو:غدرواااا بيه يا معلمي

حنش:وحياة امي لوري الواد جربة ده شغله

يجي المعلم مؤه من وراهم ويقول:محدش هيقرب للصبي بتاعي

حنش بغضب:الواد ده حب يعد في عداد عمره لما اتجرأ ولمس بنت المعلم حنش!!

المعلم مؤه:اجبهولك يعتذر انما انت ملكش سكة معاه

حنش:وايماني منا عاتق امه

المعلم مؤه:بلاش نقلبها عركة عشان غلطة عيل حماااار

حنش:العركة دي انت اللي هتبتديها لو مليّمتنيش ع الواد جربة

المعلم مؤه بيضحك بسخرية:هأهأهأهأ وانا بقلك محدش هيلمس صبياني

حنش بنظرة مخيفة لمؤه:يبقى بليل هاجي انا ورجالتي وهقلبها دندرة عليك يا مؤه 

الكلب!

مؤه باستفزاز وبرود:وانا مستنيك..

******************************************

بعد ساعات ولما الليل جه..

حمادة:مش هــ سيبــ ك يا معلمي

حنش:ياض انت جرحك لسه ملمش ‘ وانا هاخد الرجالة بتوعي ونروح والواد ديزل وسامبو

حمادة:ديزل يا معلم جبان ومش هيــ فيدك

حنش:ياض متعاندش

حمادة:لازم اجيب تاري من كرنك وجربة بنفسي

حنش:ياض انت عضمتك لسه برضو طارية

حمادة:انا طالع يا معلمي يعني طاااالع

وفعلا يروح حمادة وعشر رجالة وسامبو وديزل مع المعلم حنش لحد المعلم مؤه واللي يكون برضوجايب عشر رجالة وكرنك وجربة واقفين معاهم ومتعورين..

****************************************

بعد 10 سنوات ولسه الصبح بيشرق يدخل ولد عشوائية تل العقارب ويقعد يبص يمين وشمال

تطلع قدامه بنت فجأة وتكون نازلة من تاكسي ولابسة عباية والعباية مفتوحة من النص وباين انها لابسة فستان احمر مليان ترتر..

البنت بدلع ومياصة:على فين الغريب ان شا الله

الولد بتوتر: بقالي كام يوم بلف ورجلي جابتني هنا

البنت:هييهيهي ولما رجلك جابتك هنا يا حيلتها مقلتلكش ان الحتة دي بالذات مش اي غريب بيدخلها

الولد:قاصد خير ولو تعرفي تدخليني تبقي بت جدعة

البنت:شكلك طيب وبتفكرني بواحد الله يرحمه يعز عليا وعشان كده وحياتك هدخلك 

المنطقة

الولد بابتسامة وتوتر:تشكر يا زوق

البنت باندهاش:زوق! شكلك علنياتك ياض فعلا .. انت ايه حكايتك وايه اللي حدفك علينا؟؟ واسمك ايه ياض؟

الولد:اسمي عنتر وانتي؟

البنت بمياصة وبتقرب ليه وبتلعب بحواجبها:زيزي هههيهيههيهيهي وايه حكايتك بقى يا عنتر

................

استنوني الحلقة اللي جاية