الحلقة الثانية
ويقرب كرنك اوي
للعيل ويخاف العيل جدا ولسه هيصرخ يكتم كرنك بقه ويقطعله في لبسه..
بعد ربع ساعة
يكون كرنك وديزل وسامبو وجربة قاعدين بيشموا في "كُلة" والعيل الصغير
اللي اعتدوا عليه
قاعد جمبهم بس بعيد شوية ومقرفص وهدومه كلها متقطعه وبيعيط..
جربة:بس ياااض
دوشتناااا ‘ الا صحيح انت اسمك ايه يلا؟
العيل الصغير
مستمر في العياط
يقوم كرنك باصله
وبتبريقة:اما اللي اكبر منك يسألك سؤال تجاوب ولا تحب ندوقك من اللي حصل
من شوية؟
العيل بخوف وجسمه
كله بيترعش:اا ااا ااسمي حمادة
ديزل وهو بيشم في
"الكُلة":هأهأهأ حمادة ‘ انت هربان من اي داهية ياض؟
العيل:من مم من
شبرا
جربة:هربت حبيبي
لقضاك
كرنك:مالك ياض
مقرفص على نفسك ليه؟ عادي يلاااا ما كلنا حصل معانا كده! ده بقى ختم الرجولة
وهتلاقيك يومين
كده عقبال ما تستوعب نفشت ريشك معانا ويمكن كمان تعمل معانا اللي عملناه فيك
مع عيل تاني..
حمادة وهو بيعيط
وبيبص للسما:هو انا ياربي اهرب من جوز امي ‘ يحصل فيا كده
****************************************
في مكان تالت وفي
محطة مصر تكون ست عمالة بتبيع مناديل عمالة تروح وتيجي على الزباين:
مناديل يا
ست؟مناديل يا باشا؟؟
مناااااديل ناعمة
منااااااديل
وبعدين تروح من
التعب تقعد في ركن وتقول بصوت واطي:
كتكوا القرف عالم
منتنة ‘ احنا اصل شعب وسخ مينفعش معاه المناديل ‘ قال مناديل قال ‘ من
صباحية ربنا على
كعوب رجليا الا ما فيه حد اشترى مناديل!
وبتبص على يمينها
وتلاقي بنت في اللفة مرمية جمبها ..
الست:يالهووووي؟
اترميتي من اي نصيبة!! يخربيتشك!!
وفضلت الست تبص
يمين وشمال يمكن تلاقي ام الطفلة لكن ملقتش حد وبدأت البنت تعيط فخدتها
على حجرها وفضلت
تحاول تسكتها..
عدى ساعتين ومفيش
اي صاحب للطفلة بان لا ام ولا اب ولا حتى اخت او اخ فقالت الست:
انتي ايه حكايتك
يا بت؟ ما انتي عيلة ولسه في اللفة ‘ اكيد مش هتقدري تقولي ايه حكايتك..
انا بقى ستك ام
عنايات .. شكلك كده بت حرام وهخدك ‘ ده انتي هتنفعيني في الشغل والشحاتة
اييييييه!!
ايووووة انا هقوم بيكي دلوقتي واجري بيكي على البيت قبل ما اهلك يرجعوا تاني
اااه انتي رزق
وجالي لحد عندي.. حد يقدر يقول للرزق لا!!
******************************************
في فيلا حكمت في
جاردن سيتي .. حكمت بتلعب مع جازم وبعدين ترضعه ولما تتأكد انه نام
تحطه في سريره
وتبص للدادة وتقولها:
عينك تكون مفتوحة
عليه ‘ لو دخلت بالصدفة الاوضة ولقيتك نايمة هطردك فوراااا
الدادة:حاضر يا
هانم
حكمت بتحذير
اكتر:الشبابيك تتقفل كووويس مفهوووم!
الدادة:حاضر يا
هانم
تخرج حكمت من
الاوضة وتروح تتصل برأفت واللي كان صاحب جوزها جمال وهو كمان
ظابط..
حكمت:الو ايوة يا
رأفت فيه جديد عن جنى؟
رأفت بأسف:للاسف
لسه
حكمت بعصبية:يعني
ايييييه؟؟ يعني خلاص افقد الامل؟؟؟ بنتي ماتت زي ما باباها مات؟؟!
رأفت:احنا بندور
في كل حتة ‘ صدقيني احنا بنعمل كل اللي علينا..
حكمت
بعصبية:حراااام عليكم بقى ‘ قدرررر اني ام وقلبي محروووووق على بنتي ومش عارفة
هي عايشة ولا
ميتة!!
رأفت:يا حكمت
انتي عارفة ان جنى و جازم زي عيالي وانا كنت صاحب جمال الله يرحمه وده
مشيلني المسؤولية
فوووق ما تتصوري ‘ بدور عليها ليل ونهار بس مش لاقيها وكل يوم بشوف
سوابق عشان اعرف
اي حاجة وبردو مفيش فايدة! مش قادر الاقي اثر واحد او خيط يدلني
على مكانها!!
حكمت بحزن:انا
اسفة يا رأفت لو بحملك فوق طاقتك بس انت اكيد مقدر ظروفي
رأفت:عارف والله
يا حكمت.. عارف
********************************************
ام عنايات ماشية
في المنطقة بتاعتها واللي تعتبر بردو عشوائية بس غير عشوائية "تل
العقارب"..
ام عنايات داخلة
البيت بتشوف جوزها قاعد بيتفرج على التلفزيون.. تخرج بنتها عنايات من
الاوضة..
عنايات
باستغراب:ايه ده ياما؟
ام عنايات:رزق
جوز ام عنايات:رزق
ازاي يعني يا ولية؟ داخلة بعيل وتقوليلي رزق؟!
ام عنايات:اولا
دي بت ‘ بعدين انا قلت هتنفعني بصراحة في شغل الشحاتة والقط رزقي اكتر لما
الناس تشوفني
بعيلة على دراعي ‘ بدل شغل المناديل اللي مش جايب همه ده.. والبت بتك هتتجوز
ومش هنشوف من وش
امها اي مليم وانت قاعدلي في البيت زي النطع!! يبقى انا بقى اما
اشوف اللحمة
الحمرا دي مرمية لكلاب السكك مش انا اولى؟
جوز ام
عنايات:اولى ايه يا ولية يا خرافانة ‘ احنا عارفين دي مرمية من انهي نصيبة عليكي
وعلى
اللي خلفوكي؟؟
ام
عنايات:خلااااص روح اتشملل يا راجل وانزل اشتغل بدل ما انت مخليني اتمرمط في
الشوارع
وانا ارميها تاني
في الشارع!!
عنايات وهي بتمسك
البنت:يامه دي شكلها نضيف يامه؟ يعني اكيد اهلها بيدوروا عليها يامة في
كل حتة!
ام عنايات:بقلك
يا بت لقيتها مرمية في محطة مصر ‘ وبعدين شكلها بقى كده بت حرام واللي
رماها هناك قصد
يرميها في مكان عام زي ده ‘ عشان اي حد يلاقيها ياخدها..
عنايات:انا مالي
انتي حرة ‘ انا هتجوز ومليش فيه
ام عنايات:ايوة
يختي بكرة تغوووري واتبقى انا اشحت والبت دي شكلها مُرزق ورزقها جاي
جوز ام
عنايات:انا مالي ‘ المهم البت دي متكونش عالة علينا
ام عنايات:والنبي
ما في عالة الا انت يا راجل يا دون ‘ هو ده كل اللي همك ..
***********************************
حسنية قاعدة في
البيت عمالة تلعب مع زينب وفجأة يرجع المعلم حنش..
حنش:فين الغدا
حسنية:ده ايه ده
يا خواتي؟ مفيش سلامو عليكو ولا فيه اي حاجة خالص؟
حنش بعصبية:بقلك
ايه يا ووووولية قومي حضريلي الاكل بسرعة ‘ عشان نازل
حسنية:هرضع بتك
الاول
حنش بغضب:اما
اقووول فززززي يعني تفزززززي ‘ قال بتك قااااال ‘ اخلصي يا ولية
حسنية تسيب البنت
على الكنبة وتقوم تحضر الاكل ‘ يقوم حنش يقرب منها ويقولها:
بكرة يا بت اما
تكبررري هشغلك في الكار بتاعنا واخليكي ايه تجيبي دهب..
حسنية تطلع من
المطبخ:لا البت هتتعلم
حنش:علام ايه
اللي بتتكلمي عليه ده
حسنية:ايوة انا
عايزة البت تتعلم وتتنوّر كده
حنش:يكونش
عايزاها تطلع دكطورة بالمرة؟
حسنية:مبقلش انها
تطلع دكطورة بس على الاقل تتعلم
حنش:خشي هاتي
الغدااا بلا كلام فاضي! يبقى المعلم حنش اكبر معلم فيكي يا منطقة عنده اكبر
عصابة نشل
وحرامية واطلع البت تتعلم!
حسنية:وهو انت مش
مكفيك تجارة البودرة ولا هو انت دني وطفس كده
حنش يقرب من
حسنية ويقربها ناحيته ويقولها:مش من حقي ولا ايه؟
حسنية تحاول تبعد
وتقوله:يوه مش وقته ‘ الاكل ع النار اما اروح اشوفه ليتحرق
تمشي حسنية ويقول
حنش بصوت واطي:الهي يحرقك ولية نكدية بصحيح‘ قليتي مزاجي
***************************************
في محل حلاقة
المعلم حنش قاعد ديزل ومعاه حمادة..
ديزل:بص ياض
المعلم حنش اما يجي هقله عليك وهو هيفهمك هتشتغل ايه ‘ بس اللي يقوله تنفذه
على طول ‘ احسن
المعلم حنش معندهوش ياما ارحميني..
حمادة بخوف:مم
ماشي
ديزل:واجمد ياض
كده
حمادة:حاضر ‘ هو
انا هشتغل ايه
ديزل بسخرية:وزير
حمادة:ها
ديزل:يعني هتشتغل
ايه يا روح امك؟! اكيد هتنشل ولا تبيع مناديل..
يسمع ديزل صوت
كحة المعلم حنش فيجري يقف على باب المحل ويقول:اهلااا يا معلمي اهلااا
حنش يبص لجوة
المحل ويتفاجأ بوجود عيل غريب يقوم باصص على ديزل ويضربه على طول
بالقلم
ويقوله:انا كام مرة ياض انت اقلك متجبش الصيع صحابك المحل
ديزل:والله يا
معلمي ده عيل جاي يلقط رزقه وسألني على شغل فقلتله استنى معلمي حنش
حنش يلعب في شنبه
وينادي على حمادة:تعالى هنا ياض
حمادة بخوف:ايوة
حنش:انت من اي
داهية؟
حمادة:شبرا
حنش:وايه اللي
جايبك هنا؟
حمادة:هربت من
جوز امي
حنش:ايدك خفيفة
ياض؟
حمادة:مم معرفش
حنش:اممم خلاص
واد ياديزل اديله مناديل وحجات اي كلام ‘ خليه يبيع في الاشارات شوية
اما نشووف هيجيب
همه ولا اي كلام..
ديزل يدي مناديل
لحمادة ويقوله:خد وحاول تبيع كتير لحسن المعلم حنش معندهوش يامه ارحميني
ويحب الايد
الحركة مش الايد النجسة..
حمادة:طب افرض
محدش رضي يشتري اعمل ايه؟
ديزل:مليش فيه
تتصرف ‘ ولازم ترجع بليل وفي ايدك الغلة
حمادة:ماشي
ديزل:ولااا استنى
هنا ايه ماشي دي؟ اسمي المعلم ديزل! ااه
**********************************
يمشي حمادة ويروح
يقف في الشوارع العمومية بتاعت السيدة زينب وفي الاشارات ويلف على
العربيات
وينادي..
حمادة:منااااديل
‘ مناديل يا بيه؟ مناديل يا هانم
مناااااديل
والنبي اشتري مني يا بيه‘ مناديل تنفعكواااا
واحدة في
عربايتها قاعدة واول ما تشوف حمادة هيقرب عليها فتقفل الشباك ‘ حمادة يقف برضو
يتكلم بس اول ما
الاشارة تفتح ‘ تمشي بسرعة ..
ست ساعات وحمادة
بيحاول يبيع المناديل ويا اما يتشتم ويا اما اول ما يقرب من العربيات يقفلوا
الشبابيك وفين
وفين عقبال لما حد ياخد منه .. رجع حمادة وهو بايع نص الحاجة بس ..
ديزل:ايه ‘ بعت
كله؟
حمادة
بخوف:معرفتش
ديزل:تلاقيك بركت
في اي حتة ومقعدتش تنادي على رزقك
حمادة:والله يا
معلم ديزل فضلت واقف ست ساعات على رجلي بس مفيش فايدة
ديزل:ده معلم حنش
هياكلك
حماد بخوف:طب قلي
اعمل ايه ‘ والنبي قله اني مظلووم والنبي يا معلم ديزل والنبي عشان خاطري
وفجأة يجي شاب
ويقول:انا عايز حد يحلقلي والحسابة بتحسب
ديزل بارتباك:اه
اتفضل اتفضل ‘ واد يا حمادة امشي انت دلوقتي وبعدين هنشوف ايه اللي هيحصل
************************************
حكمت خارجه
بابنها جازم ومعاها الدادا وبيتمشوا في النادي ‘ ودقايق وقابلت اختها لميا
واللي كان معاها
انور..
انور اول ما شاف
جازم في عربية الاطفال بتاعته جري عليه ..
انور
ببراءة:وحشتني اوي يا جازم
حكمت بتبوس انور
وتقوله:انت اللي وحشت خالتو اووي يا انور
انور بكل
براءة:هو النونو البنت لسه مرجعتش يا خالتو؟
حكمت بحزن:لسه يا
حبيبي ‘ ادعي ربنا كتييير
انور:كل يوم يا
خالتو قبل ما انام بليل بقول لربنا انه يرجع النونو بتاعنا تاني
لمياء:خلاص بقى
يا انور ‘ داداة خدي العيال وروحي لعبيهم
حكمت بخضة
وفزع:لااااا لااااا مش هيتحركوا من قدامنا لاااااا
لمياء:اهدي يا
حكمت في ايه؟ براااحة مش كده
حكمت بفزع:لااااا
جازم مش هيغيب عن عيني لااااااا
لمياء:خلاص خلاص
اهدي انا مكنش قصدي ..
حكمت:انا بقيت
بخاف من اني اغمض عيني لابني كمان يروح مني
لمياء:ربنا
يرجعلنا جنى بألف سلامة يارب ‘ مفيش اخبار برضو؟
حكمت بيأس:مش
قادرين يرجعولي بنتي تاني يا لميااااء
لمياء:متيأسيش يا
حبيبتي ان شاااء الله هترجع ان شاااء الله
حكمت:تفتكري؟
لمياء
بخوف:قووولي ياااارب
*******************************************
حنش بغضب:مبيعتش
غير النص؟ ليه يا روح امك؟؟
حمادة وهو
بيترعش:والله يا معلم انا فضلت اروح لكل حد ‘ بس بب بس هما مش راضين يشتروا
مني..
حنش يمسك حماده
من قفاه ويضربه:انت ياض لما جتلي هنا المشرحة مكنتش ناقصة جثث ‘ بس
انا قلت اعمل
بأصلي واشغلك معايا ‘ لكن هتدلع يا روح اللي جابتك يبقى متنفعنيييش
حمادة ينزل يوطي
ويبوس رجل المعلم حنش:والنبي يا معلمي ااخر مرة ااخر مررة
ديزل وعينه
مليانة شر:احنا اولى برضو يا معلمي
حنش:ماا انت
شايفه مش جايب همه ازاي وواد لخمة
ديزل:طب ما نجرب
يا معلمي طرق زمان؟
حنش بيبص لديزل
وعينه بتطق شرار ويبص على حماده..
ديزل يبتسم بشر..
حمادة واقف
ودموعه على خده ومش فاهم حاجه
حنش:قصدك اننا
.............
استنوني الحلقة
اللي جاية ........
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
*اعتذر عن بعض
الالفاظ اللي ممكن تكون خارجة شوية بس عشان القصة احداثها بتدور في
منطقة شعبية زي ما انتم
شايفين..