الحلقــــة
الثامنـــــــــة
بعد اسبوع تكون
فريدة بدأت تستقر في مقر شركتها الجديد ومامتها رجعت تاني القاهرة..
فريدة خلصت شغلها
على الساعة 2 الضهر ورجعت للقرية وهناك شافت ادم الصغير بيلعب واول
ما شافها جري
عليها فخدته في حضنها..
ادم الصغير:تنت
تنتتت تنتتت
فريدة:حبيب طنط
انت ‘ بتعمل ايه؟ ها؟ بتعمل ايه يا شقي يا صغنن
ادم الصغير:إعب
فريدة:بتلعبي
ادم الصغير يهز
راسه فتقوله فريدة:ماشي ومامي فين؟
ادم الصغير:نام
تيجي المربية
بتاعت ادم وتقول:عنك يا هانم
فريدة:ماشي ‘ خدي
بالك كويس لحسن يجري منك كالعادة
المربية:انا بس
دخلت اعمله الاكل
فريدة:تمام حاولي
بس متسبهوش كتير لوحده
المربية:حاضر يا
هانم
فريدة:طيب انا بس
هروح اغير هدومي وابقى اخرج العب مع ادم شوية لحد ما مامته تصحى
تدخل فريدة تغير
لبسها وتغسل وشها وتصلي وبعدين تاكل اي حاجة بسرعة وبعدها تعمل لنفسها
كابتشينو وتخرج
في الفراندا تقعد شوية ..
كانت بتقرأ في
مجلة لما لاقت ادم بيجري على راجل والراجل ده مكنش بابا ادم ‘ اتخضت فريدة
وطلعت تجري
وتنادي:ااااااااااادم
الاتنين بصوا
ليها
ادم الصغير:خالو
تنت ‘ خالو تنت
ادم
الكبير:انتي!!
فريدة بصدمة:انت
اخو امال!!!!!!!
ادم الكبير:انتي
اللي كلمتيني في التلفون؟!
فريدة بعصبية:لا
مش انا ‘ على العموم انا اصلا اتخضيت على ادم وافتكرت المربية سبته وراح
لراجل غريب..
ادم بسخرية:واضح
انك بتتفرجي على افلام اكشن كتير
فريدة بغضب:حد
قالك قبل كده انك قليل الذوق؟
ادم
بيضحك:هههههههه كتير
فريدة:وباااااارد!!
ادم بيضحك
اكتر:ههههههههههههه وايه كمان؟
لسه فريدة هتتكلم
فتجري امال على ادم وتقوله:حبيبي وحشتني ‘ حمد الله على السلامة
ادم وهو بيغمز
لفريدة:الله يسلمك يا امولة ‘ عاملة ايه؟
امال:الحمد الله
‘ اتعرفتوا على بعض؟ دي فريدة اللي كلمتك في التلفون من اسبوع وكده وجارتنا
ادم بابتسامة
واسعة:والله طب كويس
امال لفريدة:ده
ادم اخويا
فريدة
بعصبية:ايوة النصاب!
امال
باندهاش:ايه؟ ليه؟
ادم
بيضحك:هههههههههههههههه
فريدة:معلش يا
امال انا هستأذن دلوقتي ‘ اشوفك بعدين..
ادم:مستنينك
فريدة وهي ماشية
ومدية ضهرها لامال وادم:تبقى بتحلم ‘ احنا مينفعش نتقابل تاني
ادم بصوت عالي
عشان فريدة تسمع:لينا كلام تاني يا مجنونة
فريدة تقف في نص
الطريق لمدة ثواني وبعدين تكمل طريقها للشاليه بتاعها..
امال:هو انتوا
تعرفوا بعض من قبل كده؟
ادم:اه شفتها مرة
امال:فين؟
ادم:جت المعرض
وكانت بتسأل عن لوحة تيتا
امال
باندهاش:اشمعنا؟
ادم:كانت مصرة
تاخدها ولما عم صابر قالي كده قمت شيلت اللوحة ولما جت المرة اللي بعدها
قلنالها مفيش
لوّح..
امال:ايه ده؟
ليه؟؟
ادم:عايز اشوف
كلام تيتا صح ولا لا
امال:انت عبيط يا
ادم! بعدين انت عارف كويس اووي ان اللي قال الكلام ده لتيتا عراف اهبل؟!
هو احنا بنصدق
الكلام ده؟؟؟
ادم وهو بيبص على
شاليه فريدة:بس شكل الكلام صح؟!
امال:بس بردو يا
ادم ‘ اخص عليك ! عشان كده بتقول عليك نصاب؟!!
ادم بيضحك:بس
شكلها عسووول اوي..
امال وهي
بتغمز:اييييه الصنارة غمزت ولا ايه؟
ادم بيلعب مع ادم
الصغير ويقوله:قول لماما تسكت
امال:بس بقلك
ايييييه! دي مش زي اي بنت من اللي بتعرفهم فخف من حركاتك معاها!
**************************************
فريدة قاعدة في
اوضتها وعمالة تروح وتيجي وكل شوية تأفأف
فريدة
لنفسها:اففف ‘ انا ليه مسكعتهوش بالقلم!!
تؤؤؤؤ اه يا
ناااااري ‘ انا ليه اصلاااا مقلتلهوش كلام زي الدبش
اففففف هاين عليا
دلوقتي اروح عندهم واديله حتة قلم على وشه واقله انت بااااااارد وتلم ومستفززز
تلفون فريدة يرن
فتلاقي اسم روجينا فترد فريدة وتقول:هاين عليا اضرررررررررربه
روجينا
باستعجاب:ايه ده؟ هو مين ده؟ فيه ايه؟!!
فريدة
بعصبية:هووو يا روجينا هووو ومن حظي الاسود يطلع اخووو امال
روجينا بدهشة:هو
مين؟ وامال جارتك؟؟
فريدة:هووو صاحب
معرض اللوح اللي كنت بروحه
روجينا وهي
بتجمع:اه اه اللي قالك ان مفيش لوحة؟!
فريدة:ايوووة طلع
اخووو امال وبااااااارد ومستفزززززز وقليل الادب كمااااان
روجينا:طيب اهدي
يا ساااايكو وفهميني براحة
فريدة بزعيق:بقلك
ايييييييه متقليش سااااايكو دي تاني لحسن والله العظيم انزل القاهرة دلوقتي
اضربك وافش غلي
فيكي..
روجينا:لا لا لا
خلاااص لحسن عارفاكي مجنونة وتعمليها .. قصدي عاقلة وتعمليها
فريدة:شفته
بالصدفة وقال ايه بيقلي يا مجنونة والبارد اقوله انت بارد يقوم يضحك!!
روجينا:هههههههه
طب والله شكله عسووول
فريدة:يوووووووووووووووووووووه!
اقفلي اقفلي يا روجينا
روجينا:سلا....
تكون فريدة قفلت
السكة في وش روجينا
**************************************
تتصل روجينا
ببسنت واول ما ترد عليها تقولها:شفتي فريدة هههههههه
بسنت:ايه؟
روجينا:قابلت
الولد صاحب معرض اللوح اللي بتروح تشتري منه دايما
بسنت:ايه ده
فعلا؟ في شرم؟
روجينا:اه يا
بنتي تخيلي طلع مين؟
بسنت بسذاجه:ايه
حد مشهووور؟
روجينا:اففف انتي
غبية على طول كده يا بسنت!! لا طبعا طلع اخو جارتها
بسنت:امال اللي
حكتلنا عليها دي؟
روجينا:اه بس
فريدة مش طايقااااة
بسنت:ليه؟ عملها
ايه؟
روجينا:كل ما
تتعصب يكلمها ببرود ويضحك
بسنت:ههههه
بصراحة هو ده اللي ينفع معاها اصلا!
روجينا:بقلك ايه
تيجي في الويك اند اللي جاي نروح نشووفه؟ اصل هموووت واشوووفه
بصراحه؟؟
بسنت:ماشي وهقول
لمحمد يجي كمان ‘ ما تقولي لجيمي
روجينا:خلاص
تماام .. بس بقلك نعملها مفاجأة ليها
بسنت:خلاص ماشي
***********************************
اليوم التاني
صحيّت فريدة وراحت الشغل وهناك كان المدير موجود..
المدير:فريدة
عايزك لو سمحتي
فريدة:خير يا
فندم؟
المدير:واحد
صاحبي عايز ديكور للمعرض بتاعه وانا كنت عايزك انتي تتولي الموضوع ده
فريدة لنفسها
وبشك:يااارب ميكنش اللي في بالي يااااارب!!
المدير وهو بيبص
من ورا ضهر فريدة:اهووو دوووومة باشا ازيك
فريدة بتلف ببطى
واول ما شافت ادم قدامها وشها جاب الوان
ادم اول ما شاف
فريدة ابتسم ليها جامد وشاور بايده انه بيسلم وقال:ازيك
امجد:فريدة بقى
يا ادم هي اللي هتكون مسؤولة ان شاء الله عن التصميمات والديكور فأي حاجة
ابقى اطلبها
منها..
ادم:حلووو اوي
المدير بيمشي
فتروح فريدة وراه وتقوله:لو سمحت يا فندم كنت عايزة اقول حاجة
المدير:خير يا
فريدة؟
فريدة:ممكن اي حد
يتولى التصميم للاستاذ اللي انت جايبه بدالي؟!
المدير:لا طبعا
لان انتي شاطرة وعارف انك هتريحي ادم في طلباته
فريدة:بس
المديرة:فريدة!
انتي عمرك ما رفضتي حاجة قبل كده؟
فريدة بضيق:تمام
يا فندم
************************************
ترجع فريدة
المكتب فتلاقي ادم قاعد عليه وعمال يلعب في الحجات اللي عليه..
تقعد فريدة وهي
مضايقة جدا وتقول بكل رسمية:طيب حضرتك هنبدأ دلوقتي نرسم انت عايز ايه
بالظبط
ادم وهو لسه قاعد
على المكتب:تمام..يلا
فريدة بضيق:ممكن
تبطل لعب وتقعد على الكراسي زي البني ادمين
ادم:معلش اصل
الحيوانات اللي زي!! بيحبوا يقعدوا فوق المكاتب
فريدة:تؤ انا
مقلتش كده على فكرة
ادم:عادي.. المهم
‘ انا بحب اقعد براحتي
فريدة بضيق
وصوتها بدأ يعلي:بس اناااا كده مش مرتاااااحة!!! اقعدد على الكرسي
ادم:طيب براحة
لحسن يطقلك عرق
فريدة:ها قلي
نظام المكان عايزه يبقى ازاي
ادم:اشمعنا
اللوحة دي اللي صممتي عليها؟
فريدة:نعم؟
ادم:اللوحة اللي
قلتلك انها مش موجودة؟! اشمعنا هي دي اللي صممتي عليها؟؟
فريدة:مش ده على
اساس انها ملهاش وجود!!!
ادم:اصرارك
الشديد اننا كذابين ‘ خلى عندي فضول
فريدة:وانا احب
اقلك خلي فضولك ليك
******************************************
بعد ساعتين فريدة
كانت لسه قاعدة مع ادم وبتحاول ترسمله شكل للافكار اللي هو قالها وبتديله
الورقة
وبتقوله:شوف كده
وفجأة تلاقي
نفسها في نفس الفيلا اللي دايما بتشوفها والبنت اللي اسمها فريدة قاعدة مع حبيبها
رؤوف وبتوريله
كارت وبتقوله:شووف ده كده يا حبيبي؟
رؤوف:لا التاني
احلى
فريدة التانية:بس
ده رقيق بردو
رؤوف:بس الاولاني
احلى وفيه شبه منك اصلا
فريدة:ماشي خلاص
تمااام ‘ كده يبقى مفضلش غير الفرررح بقى
اتغير الديكووور
بسرعة والدنيا لفت من حوالين فريدة فعرفت ان الايام جريت بيها ولقت نفسها
فوق في اوضة
فريدة التانية وحواليها بنات كتيرة اللي عمالة تعملها شعرها واللي بتظبطلها
الفستان
والتالتة بتحطلها
المكياج..
فريدة التانية
بعد ما خلصت وكانت لابسة فستان الفرح وكانت امورة جدا ورقيقة ‘ الفستان يوضح
انه ستايل قديم..
فريدة بتكلم
نفسها:هو المفروض هما في سنة كام بالفستان ده!!
وتلاقي فريدة
روزنامة فتروح ليها وتلاقي التاريخ :1/9/1969
وفجأة ترجع تاني
للواقع فتلاقي ادم بيبصلها بحذر
ادم:فيه حاجة؟
فريدة تبص ليه
بارتباك
ادم:شفتي فريدة
فؤاد؟؟
فريدة بخوف:انت
ازاي عرفت!!
......................................
استنوني الحلقة
اللي جاية
