الحلقة الثالثــــــــــــة من قصة زيـــــزيـــــــتــــــا

الحلقة الثالثـــــــــــــــــــة

ديزل:طب ما نجرب يا معلمي طرق زمان؟

حنش بيبص لديزل وعينه بتطق شرار ويبص على حماده..

ديزل يبتسم بشر..

حمادة واقف ودموعه على خده ومش فاهم حاجه

حنش:قصدك اننا نعوره عشان يجيب مكسب اكتر

حمادة بفزع:تعوروني ازاي يعني

ديزل:جرى ايه ياض هو انت عاوز تكسب كده بالاونطة؟ ما انت اتخيبت وروحت ودورت

عقبال ما تبيع ومبعتش حاجه وتبوس ايدك وش وضهر ان المعلم مرجعكش للشوارع تاني

المعلم حنش:خده ياض يا ديزل وروح بيه للمعلم مؤه وقوله المعلم حنش بيقلك اسلخ عين الواد

ده بس عينه الشمال بس ..

ديزل بيمسك حمادة ويجره ويقول:حاضر يا معلمي

حمادة بعياط:والنبي سيبني والنبي سيبني اهررررب والنبي ‘ بلااااش تعملوا كده والنبي

ديزل:عايز تهرب تروح فين ياض؟ ها ؟ انت فاكر يعني ان اي مكان هتروحوا؟ المعلم

حنش مش هيعتر عليك ويجيب امك! انت يا حبيبي اللي جيت لعش الضبابير برجلك

مكنش حد ضربك ..

حماده:ههرب اروح مكان تاني بعيد بس بلاااش تسلخوا عيني

ديزل:ياض يا عبيط انت عينك الشمال بس اللي هتتسلخ يعني بردو هتشووف ‘ وبعدين انت هتعمل

ايه بالعنين مثلا؟ ها؟ ما كفاية عين واحدة والعين التانية لما تتسلخ الناس بقى قلوبها تحن عليك

وتديك فلوس او تخاف من وشك العكر وبرد وتديك فلوس.

حمادة بعياط وتوسل:لا لا لا لا مش عايز فلوووس انا عاوز اروح لامي .. سيبني اهرررب

والنبي يا ديزل ‘ سيبني اهررررب والنبي

ديزل:تهرب!! هأأأأأو يا حدُقة وعايزني اروح بقى للمعلم حنش عشان يقطعني وانا بقوله انك

هربت..

يوصل ديزل لحمادة للمعلم مؤه.. ويكون العلم مؤه راجل ضخم وشنبه كبير وايده غليظه وصوته

مخيف وعينه حمرا وشعره منعكش..

ديزل:معلم مؤه ‘ معلمي حنش بيقلك ‘ اسلخ العين الشمال للواد ده

المعلم مؤه بصوته المخيف:واد يا جرررربة تعالى اسلخلي عين الواد ده

حمادة بعياط وصريخ:والنبي بلااااااااش ‘ انا عااااااااوز اروح لاميييييييي انا عاوووووز اروح

لامييييييي..

ديزل يكتف ايد حمادة ويجي جربة بسيخ من حديد ويحطه في النار لفترة وبعدين يقرب على عين

حمادة ..

حمادة وهو بيصرخ:والنبي مش هعمل حاااااااجة غلط تااااااني بس عيني لا عيني لاااا والنبي

اخرررر مرررررة والله اخررررر مررررررة..

يقرب جربة اكتر ويقوله المعلم مؤه:اخلص ياض بدل ما اهو قاعد يفرفر زي الفراخ كده

ويحط جربة السيخ السخن على عين حمادة .. صرخة حمادة تكون قووووية جدا

******************************************

بعد خمس سنين .. سنة 1991

في جاردن سيتي في فيلا حكمت..

جازم بيجري على مامته ويصحيها وهي نايمة:

يلا يا مااامي بقى اصحي بقى ‘ عاوز اروح العب مع أنور

حكمت ببطىء:هيييه صباح الخير يا روح مامي

جازم:صباح النور يا مامي

حكمت تشيل جازم وترفعه لفوق شوية وهو يقعد يضحك وتقوله:ايه اللي مصحيك بدري يا شقي

جازم:يلا بقى يا مامي عشان نعمل العيد ميلاد

حكمت بحزن:ماشي يا حبيبي

جازم:مالك يا مامي؟

حكمت:جنى كمان عيد ميلادها النهاردة زيك ‘ ااااااااااخ يا قلبي

جازم ببراءة وحزن:هي عند ربنا يا مامي؟

حكمت ودمعة في عينها:معرفش..

********************************************

حسنية قاعدة بتقطف الملوخية وتنادي على زينب:بت يا زينب

زينب:ايوة يامه

حسنية:روحي يا بت هاتيلي نص كيلو كوسة من عند ام باتعة بتاعت الخضار

زينب:يوووه

حسنية:يابت انجررري قبل ما ابوكي يرجع ويسود عشتنا

زينب:طب هاتي ربع جني اجيب شيبسي

حسنية:لا مفيش بيجيب تخلف للعيال

زينب:مش نازلة

حسنية:والله اقول لابوكي يوريكي شغلك ‘ ما تشنجزي يا بت عايزة اطفحكوا الاكل

زينب تنزل وتكون لابسة منديل على شعرها وفستان لونه احمر ولابسة عليه شبشب لونه اخضر

شعرها اسود وعينها واسعة وتروح لام باتعة بتاعة الخضار..

زينب:اديني نص كيلو كوسة

ام باتعة:هاتي جني ونص

زينب:لا امي بتقول هو جني بس

ام باتعة:هاتشي كتشك القرف عيلة نتنة كلكم في بعضشيكم

زينب بتلقائية:امي بتقول انك ولية حرامية وبتسرقينا

ام باتعة:يخربيتشك انتي وامك

زينب تخطف الكيس بتاع الكوسة وتجري وتقول بعلو صوتها:ام باتعة حراااامية

ام باتعة: بت مقصوفة وكل اللي فيها لسان ‘ اما لما تشكبري هتعملي ايه

زينب لسه هتروح بيتها يقف واحد قدامها ويمنعها من الدخول..

زينب:ايييه ياض واقف قدامي ليه؟

جربة:كنتي فين

زينب:وانت مال امك

جربة يمسك ايد زينب بقوة:يا بت لسانك الطويل ده هقصه! امال لما تكبري شوية هتعملي ايه

زينب:هتف بيه على خلقة امك يا حيلتها .. خليني اطلع لامي بقى عشان تعمل الاكل وتطفحنا

جربة يشد على ايد زينب اكتر ‘ فزينب تصرخ وتقول:اااااااي

وفجأة يظهر حمادة وحاطط على عينه الشمال جلدة سودة وخده اليمين متشوه ومضروب بمطوة..

حمادة:جرربة

جربة:ايه ده اهلااا حمادة باشا

حمادة:سيب البت

جربة:بأمارة؟

حمادة:معتقدش المعلم حنش هيبقى مبسوط اما يشوفك وانت بترزل ياض على بنته

جربة:لا ياض خوفتني

حمادة يخلص زينب من ايد جربة ويقولها:اطلعي يلا يا بت ولما تحتاجوا حاجه ابقي ناديني

زينب:تشكر وانت يا جربة هقول لابويا يقول للمعلم مؤه عشان يوريك شغلك

جربة يمسك في خناق حمادة ويقوله:انت ايه ياض اللي خلاك تستقوووى كده ‘ الله يرحم ايام

ما كانت ركبك بتخبط في بعض من الخوف يا حيلتها!!

حمادة:ماهي الدنيا بتعلم يا كبير

جربة:اما خليت ديزل يسخن معلمك عليك مبقاش انا جربة

حمادة بكل برود:واللي له شوق في حاجة يعملها

*****************************************************

ام عنايات بتدخل اوضة وتصحي طفلة وتقول ليها:بت يا بدوووور اصحي يا بت

بدور:فيه ايه يمه

ام عنايات:يلا يختي اصحي عشان تاكلي قبل ما تنزلي

بدور:يمه انا مش بحب الشارع وبخاف منه

ام عنايات:نعــــــــــــــــــم ما الشارع ده اللي مش عجبك هو اللي جبتك منه ‘ قوووومي يا بت

فززززي وبطلي دلع..

بعد نص ساعة يجي جوز ام عنايات من برة ويقول:بدور فين؟

ام عنايات:اهي مرزوعة جوة مش راضية تفز تنزل

جوز ام عنايات:طب بقلك ايه انزلي انتي لبتك زي ما كات عايزاكي وانا هنزلها ..

ام عنايات:ماشي ياخويا

تخرج ام عنايات ويقفل جوزها وراها الباب بالمفتاح ويروح المطبخ يولع سيجارة حشيش ويشرب

شوية وبعدين يدخل اوضة بدور..

بدور نايمة على السرير ‘ طفلة شعرها بني فاتح  ورفيعة وعينها ضيقة شوية..

يقرب منها جوز ام عنايات ويقول:اصحي يا بدور

بعدين ميلاقيش رد من بدور فيقرب اكتر منها ويحط ايده على كتف بدور ويبدأ يقرب اكتر واكتر

ويبدأ يمسكها ويحضنها..

تصحى بدور مفزوعة من النوم:فيه ايه؟

جوز ام عنايات:انتي حلوة اووي

بدور بخوف:اا اا امه اا امه

جوز ام عنايات:متخفيش شششش متخفيش

بدور:اا انا لازم انزل الشغل

جوز ام عنايات:وتتعبي في الشارع اا انا هديكي عشرة جنيه مرة واحدة وتقولي للولية انك شحتي

وطلعتي بيها..

بدور بفزع وخوف:لااا ااا ااا انا لازم انززل

جوز ام عنايات بيحاول يبوس بدور بس هي بتقدر تفلت من ايده وتجري بسرعة تطلع لبرة

وتخرج من الشقة..

***************************************

في الزمالك في شقة لمياء ‘ حكمت قاعدة ولمياء وصحابهم وجوز لمياء واجواز صحابهم وعيالهم

بيلعبوا..

أنور قاعد مع الكبار عمال يسمع لكلامهم بكل اهتمام..

واحدة من صحاب حكمت:مفيش جديد عن جنى؟

حكمت:البوليس ملقاش حاجه وبطل يدور معايا وانا لولا رأفت ومساعدته مكنتش هعرف ادور فين

ولا فين..

صاحبة حكمت:طيب هو انتي بتدوري فين؟

لمياء:انور قاعد ليه يا حبيبي؟ مش تروح تلعب مع جازم وصحابكم؟

انور:لا انا قاعد بسمع

لمياء:وعايز تسمع ليه؟

انور:عشان انا يا خالتو لما اكبر هبقى ظابط وهدور بذمة وبضمير

حكمت بتبتسم وتقول:كبرت يا انور

لمياء:رغم انه عنده 10 سنين بس ماشاء الله عليه بحسه دايما راجل وعاقل

صاحبة حكمت:المهم يا حكمت بتدوري فين على جنى؟

حكمت:في اي دار ايتام ‘ لان فيه كتير اوي اطفال بتبقى تايهه ومش معروف ليها اهالي

صاحبة حكمت:مش يمكن تكون يعني .....

حكمت بعصبية:بعد الشررررررررر

لمياء:اهدي يا حكمت ‘ ما هو بردو دي حقيقة وو ومتعرفيش يعني ايه اللي حصل

وفجأة ضرب جرس البيت وجري جازم يفتح الباب :عمووو رأفت جه عمووو رأفت جه

رأفت وهو مبسوط:حكمت فيه امل جديد اننا نلاقي جني

حكمت بتقوم مفزوعة وتجري تقول بفرحة:بجدددد بجددد؟ فين؟ هاااا ؟؟ فييين؟؟ لقتووووها؟؟

رأفت:اهدي يا حكمت ‘ انا النهاردة كنت بدور في كذا دار ايتام ولقيت دار وكنت بسألهم عن

مواصفات طفلة من خمس سنين وفعلا لقتهم بيقولوا انهم جتلهم بنت مش معروف عنها

اي حاجه..

حكمت:وديني بسررررعة بسررررعة يا رأفت

لمياء:انا جاية معاكي يا حبيبتي

حكمت:طيب والعيال ؟

انور:انا جاي معاكوا

لمياء:لا يا انور هتقعد هنا انت وجازم

انور بعصبية:مليش دعوة انا هاااجي

رأفت:خلاااص ‘خلوهم يجوا

حكمت بلهفة وبسرعة:يلاااااااا يلاااااااااااا

وركبوا العربية مع رأفت وراحوا للدار ..

حكمت اول ما دخلت وراحت للمديرة بتاعت الدار: لووو سمحتي لوو سمحتي كنتي قولتي

للظابط رأفت ان ان انتوا لقيتم بنت بنت من خمس سنين ‘ عايزة اشووفها عايزة اشوفها

المديرة:حضرتك اللي تاهت منها بنتها زي ما فهمني الظابط؟

حكمت:ايوووووة ايووووووة

المديرة بحزن:من خمس سنين لقينا ست بتقولنا انها لقت طفلة مرمية في شارع مش فاكرة الصراحة

فين ‘ المهم الطفلة كانت حالتها صعبة اوووي وبتعيط ليل ونهار

حكمت بلهفة:ممكن اشوووفها ‘ عايزة اشووووفها لو سمحتي

المديرة:بس.....

استنوني الحلقة اللي جاية