الحلقة
التاسعـــــــــة
حكمت قاعدة في
اوضتها ‘ بتاخد دوا القلب وتقرأ شوية في القراءن لحد ما يدخل عليها جازم..
جازم:صاحية يا
حبيبتي؟
حكمت:ايوة يا
روحي.. رجعت من الجرنان امتى؟
جازم:اهو لسه
دلوقتي
حكمت:وايه
الاخبار
جازم:يعني عشان
صحفي تحت التدريب فلازم يطلع عيني شوية
حكمت:ولا يهمك يا
حبيبي ‘ انت قدها وقدود
جازم:تفتكري يا
ماما هكبر وابقى في يوم من الايام صحفي بقى ومشهووور والبنات تبقى هتموّت
نفسها عليا..
حكمت:هي دي
احلااامك يا جازم يا حبيبي ! البنات تموّت نفسها عليك
جازم
بهزار:اماااال انا دخلت اعلام ليه! عشان ابقى حاجه كبيرة كده
حكمت:ههههه ربنا
يوووفقك يا حبيبي
جازم:ادعيلي يا
ماما اووي
حكمت بابتسامة
حزينة:بدعيلك يا حبيبي
جازم:مالك بس يا
حبيبتي؟ قلبتي ليه؟
حكمت:قلبي واجعني
اوووي على جنى يا جازم! نفسي اعرف ايه اللي حصل ليها
جازم:يا ماما
انتي غاوية تعب ليه ومناهدة!! ما خالتو قالتلك انها سمعت انها ماتت
حكمت بعياط:قلبي
مش راضي يطاوع حكاية انها ماتت!! حاسة انها عايشة
جازم:عايشة فين
بس يا ماما! ولو عايشة تفتكريه نلاقيها فين ولا فين؟
حكمت:ليه يا جازم
بتقووول كده؟؟ انت مش عاوز اختك ترجع
جازم:يا ماما انا
لو بقوول كده فده عشانك وعشان صحتك اللي بقت كل يوم في النازل!! انتي مش
حاسة بنفسك يا
ماما ولا ايه؟! قلبك تعبان ومش مستحمل الجهد الفكري والعصبي اللي بتعمليه
لنفسك ده..
حكمت:نفسي
ارتااااح
جازم يبوس ايد
مامته ويقولها:يلا يا حبيبتي نامي انتي بس دلوقتي وارتاحي .. تصبحي على خير
حكمت:جازم لو
جرالي حاجة هتدور على جنى؟ صح؟ انت وانور؟ صح؟
جازم بشفقة
وحزن:ان شاء الله يا ماما.. ان شاااء الله..
*********************************
جازم يروح اوضته
ويمسك التلفون ويتكلم فيه..
جازم:ايوة يا ستي
روّحت .. كنت قاعد مع ماما.. يوه عليكي يا سالي! اسئلتك رخمة اووي..
تؤ.. انا اسف..حا
‘حــا ‘حاضر يا سالي.. سالي معايا انور على الخط التاني سلاااام..
ايوة يا انور..
انور:ايه بترغي
مع مين؟
جازم:مفيس سالي
انور:هي بتحبك
ولا ايه
جازم:ااه مع اني
مصدرلها الوش الخشب يا اخي! وهي ولا هنا
انور:ليه مع ان
شكلها لذيذ يعني
جازم:طالما القلب
مدقش تبقى مش هي النصيب
انور:ماشي يا عم
الاعلامي ما انت صحفي بقى وانا الكلام بتاع الصحافة ده تقيل على قلبي اصلا
ومليش كمان فيه..
جازم:يا ساااتر ‘
انت مكان قلبك ايه يا اخي ها؟ حجر
انور:لا يا فالح
بس لسه مقابلتش اللي تخلي قلبي يلين
جازم:تفتكر
هنلاقيها؟
انور:هي مين دي؟
جازم:اللي هتشقلب
حياتي
انور:جازم يا
حبيبي خش نام يا حبيب خالتو
جازم:ماشي اتريق
اتريق .. تصبح على خير يا حضرة الظابط
انور:استنى هنا ‘
خالتو كويسة؟
جازم:لا تعبانة
والنهاردة وصتني ان انا وانت نلاقي ليها جنى!!
انور:ياااه لسه
عندها امل!!
جازم:لسه
انور:اممم ماشي
.. تصبح على خير
جازم:وانت من
اهله
*********************************************
زيــزيتــــا تبص
على الراجل اللي نايم جمبها على السرير تقوم تلبس وتقول:
كتشك القرف راجل
مقرف بصحيح ‘ ساعتين عشان تتخمد
وقامت خدت الفلوس
اللي محطوطة على الترابيزة وبصت على نفسها في المراية وراحت خرجت
من الشقة بسرعة
ونزلت خدت تاكسي وروحت..
اول ما دخلت
البيت ‘ لقت بدور في وشها..
زيزيتـــا:انتشي
لسه صاحية
بدور بقلق:كنتي
فين؟
زيزيتـــا:كان
عندي زبون
بدور:وهتفضلي كده
لامتى يعني؟
زيزيتـــا:بقلك
ايه يا بتش ‘ انا تعبانة ومش فايقة يختي لشغل الموعظة بتاعك ده
بدور بزعيق:يعني
عاجبك حالك كده وانتي لحمة رخيصة
زيـــزيـــتـــا
بدموع:ما انتشي يختشي ادرى واحدة باللي بيحصل في الواحدة اللي زينا! بعدين
لو كنتشي كبرتشي
في بيت مليان كله قذارة ووساخة كان ضميرك مات من زمان! وحياتشك
ما تقلبي المواجع
ولا هو النشل اللي بتنشليه ده اللي كووويس!!
بدور:لا يختي
النشل بردك وساخة بس بحافظ ع اللي حيلتي يا زينب
زيــزيـــتـــا:تؤ
اسمي زيزيتــــا !! زينب ماتت يوم ما حمادة دخل لقاها لحمة بين انياب كلب
جربان.. لو عايزة
تاكلي عيش معايا يبقى تقطميني بسكاتك يختشي ‘ حاكم القلب مبقاش
ناقص وجع..
******************************************
سوسن قاعدة في
اوضتها اللي في الكباريه بتاعها وبتقول:لاا يا خويا ان كت فاكرني عبيطة
وبتستغفلني فاصحى
وفوووووق..
مؤه:انا اقدر
بردووو
سوسن:يعني في
الاول قلتشلي ازق البت زيزيتا بعيد عنك عشان يخلالك فلوس ابوهااا واهي
انكشحت بعيد عنك
ورحت انت اتجوزت امها وقلت بردوو يا بت يا سوسن انتي اللي في القلب!
مؤه يمسك ايد
سوسن ويبوسها:بالظبط انتي اللي في القلب ‘ انا كت فاكر اما اتجوز البووومة
اللي مرزوعة في
البيت دي ‘ هقدر اخد اللي عايزه وارميها هي وبتها الغجرية بوز الاخص
سوسن:وايه اللي
حاشك بقى يا نضري؟
مؤه:لسه موصلتش
لحاجه
سوسن:ميحكمشي يا
دلعدي!
مؤه:يا بت اصطبري
كده عليا
سوسن:اما نشووف
اخرتها ‘ بس وحياتشك لو قليت بأصلك لأهد الدنيا..
******************************************
بدور راجعة من
برة ع الشقة اللي قاعدة فيها هي وزيزيتا واللي تعتبر شقة سوسن بس هما قاعدين
فيها ومعاها طفلة
صغيرة هدومها مقطعة ووشها ملحوس بالاسود وكانت قاعدة بتترعش من البرد
بدور:استني هجبلك
حاجة من جوة
الطفلة:هو اا
اانا فين؟
بدور:في بيتشي
الطفلة بانبهار:د
دد ده بيتشك؟
بدور:يعني بيتشي
انا وواحدة تانية
الطفلة بخوف:هه
ههي زي المعلمة اللي اا اللي انا هربت منها؟
بدور:لا متخافيش
دي واحدة طيبة اوووي
الطفلة:مم مما
مماشي
ودقايق وتدخل
زيزيتا وتكون لابسة بدلة رقص تحت العباية السودة اللي هي لابساها .. واول ما
تشوف الطفلة
تقول:
ايه دشه؟ انتشي
مين يا بت؟
الطفلة
بخوف:والله انا ما عملت حاجه يا معلمة ‘ والله ما تضربيني والله ما عملت حاجه
يرق قلب زيزيتا
وتجري عليها تهديها وتقولها:معلمة مين؟ اهدشي اهدشي انا مش هعملك حاجه
بتش يا بدووور
انتي يا بت
بدور تطلع من
الاوضة ومعاها لبس وتقول:ايه في ايه؟
زيزيتا:ايه حكاية
البت دي؟
بدور:انا كنت
واقفة في الشارع اللي متعودة اشحت فيه ولقيت البتش دي يعني خايفة وقاعدة بتعيط
فكرتني بنفسي اما
هربت زمان وصوعبت علياا ‘ قلت اجيبها هنا معانا
زيزيتا:ماشي
يختشي
زيزيتـا
للطفلة:اسمك ايه يا بتش؟
الطفلة:اا اسمي
رر رمانة يا معلمة
زيزيتا:من غير
معلمة ‘ اسمي زيزيتا
رمانة بارتباك:مم
ماشي
زيزيتا:انتي
كلتشي يا بت؟
رمانة بتهز
براسها باه وبعدين بلا
زيزيتا تقرب ليها
وتقول:عايزة تعيشي معانا هنا يبقى اوووعي تخافي يا بت الا من اللي خلقك
مفهووووم؟
رمانة بابتسامة
واسعة:حح ححاضر
زيزيتا:ها كلتشي؟
رمانة:لا
زيزيتا:طب خديها
يا بدور لبسيها وحميها ويلا هنتعشى برة
بدور:من فلوس
الكباريه برضووو؟
زيزيتا:ويعني هي
فلوس الكبارية حرام وفلوس الشحاتة والنشل حلاااال يختشي؟َ!
بدور:ماشي يختشي
بس ابقي فكري في....
زيزيتا مقاطعة
ليها:يلاااا عشان البت جعاااانة فأخلصي ...
*******************************************
في مكان تاني فيه
راجل نايم في السرير وعمال يكح ويقول لواحده جمبه:
لازم اشوفها
الست:اما تخف يا
خويا
الراجل:قبل حتى
ما اخف لااااازم
**********************************************
زيزيتا وبدور
ومعاهم رمانة واللي كان عمرها 8 سنين واقفين قدام مطعم فخم..
زيزيتا:مالكوا
واقفين متنحين ليه يا بتش منك ليها؟
بدور:زيزيتا احنا
هناكل هنا؟
زيزيتا:اه يختشي هناكل
هناااا
بدور:ياحوستشي!!!
زيزيتا:بس يا بت
يخربيت فضيحتشك ‘ هتفضحينااااا
بدور:انتي عارفة
طبق الفول هنا تلاقيه بكام!!
زيزيتا:فووول ايه
يا جعرة ‘ هو انا كنت لبستك فستان من فستاني ورحنا مخصوص نشتري
للبت رمانة فستان
عشان تقوليلي ناكل فوووول يا روح خالتشك!!
بدور:امال هناكل
لحمة؟
زيزيتا:ادخيلي يا
بت منك ليها بسكات ومحدش يتكلم وتطفحوا بس مفهوم
رمانة:هو احنا
هنغسل الصحون هنا يا معلمة؟
زيزيتا:بتش انا
قلتلك مسميش معلمة ومحدش يفتح بقه جوه مفهوووم
رمانة
وبدور:مفهووم
بدور:ربنا
يستررررر
وفعلا يدخلوا جوة
المطعم وزيزيتا بتتصرف بكل راحة وكانها بتيجي المطعم كتير ‘ اما بدور
ورمانة ففتحين
بقهم من الانبهار والاندهاش من فخامة المطعم وعمالين يلتفتوا يمين وشمال
زي ما يكونوا
خايفين حد من بتوع المطعم يقلهم انتم مكانكم مش هنا..
تقعد زيزيتا على
طرابيزة ويكون عليها شموع وقدام كل كرسي طبق كبير فوقه طبق صغير وجمبه
سكينة وشوكة وجمب
الاطباق مناديل ملفوفة بطريقة معينة..
يقعدوا التلاتة ‘
بدور:بتش يا زينب انتشي جيتي هنا قبل كده
زيزيتا:وطي
صوووتشك وحسك وايوة يختشي جييت هنااا مع كام زبون من اللي هما هاي هاي
اوووي.
رمانة:ابلة هو
انا هاكل من هنا؟
زيزيتا:ايوة
يختشي وبعدين قلتلكم انا هنا اسمي زيزيتا .. متفضحونيش بقى يا جعرة منك ليها
****************************************
انور في العربية
ومعاه جازم..
انور:انا مش عارف
خالتو متعلقة اووي بالامل ان جنى لسه عايشة ليه؟
جازم:عارف يا انور ‘
احيانا انا كمان بحس انها لسه عايشة! مش عارف ليه؟! واحيانا بحس
انها محتجاني! هو
انا عشان تؤامها ممكن احس بيها؟
انور:والله يا جازم
انا ظابط مش دكتور نفساني
جازم:يا عم مش
محتاجة فكاكة يعني!!
*****************************************
في المطعم عند
زيزيتا وبدور ورمانة..
التلاتة قاعدين
وقدامهم المنيو ‘ زيزيتا طبعا كانت بتقرأ اما بدور ورمانة فـ الاتنين ماسكين
المنيو
بالمشقلب وفاتحين
بقهم..
زيزيتا:ها يا بت منك
ليها هتتطفحوا ايه؟
بدور:الاكل هنا يا
بتش يا زينب تسعيرته شكلها ولعة ناااار
زيزيتا:تسعيرته!!
انتشي فاكرة نفسك قاعدة على عربية فول عم قدرة!! وبعدين عرفتشي ازاي بقى؟
بدور:شايفة الورقة
دهية شكلها عامل ازاي!!
زيزيتا تعدل المنيو
في ايد بدور:كدشه يختي كدشه
بدور تضحك
باحراج:ههه العلم نوور بقى
زيزيتا:بتش يا رمانة
هتاكلي ايه؟
رمانة:انا معنديش
فلوس ‘ انا ممكن اشم ريحة الاكل واشبع
زيزيتا بحنان:لا يا
حبيبتشي انتشي هتاكلي احل اكل ‘ بتش انتشي وهي سيبوا الورق دهون وانا
هطلب الاكل..
ولسه هتنادي على حد
فيجيها واحدة ويقلها:اؤمري حضرتك؟
زيزيتا:بص بقى عايزة
3 كيلو كباب و3 كيلو ريش وعايزة شوربة ولا اقلك بلاش
وتوطي صوتها شوية
وتوشوش نفسها:دول غيلان ‘ مينفعش معاهم اكل الناس العليوي
زيزيتا:وهات بقى كل
السلاطات اللي عندك
الراجل:حضرتك تحبي
تشربوا ايه مع الاكل
رمانة:والنبي شفشق
مية لحسن عتشانة اووي
زيزيتا تضربها في
رجلها وتبتسم ابتسامة صفرا وتقوله:اصل لسه خارجين من فيلم وهي متأثرة
بالشخصية اللي كانت
فيها ‘ المهم ممكن ازازة مية كبيرة و3 بيبسي ..
**************************************
في العربية عند انور
وجازم
جازم:المهم ‘ احنا
رايحين فين كده
انور:هنروح لابورتو
جازم:بس ده بيبقى
زحمة اوووي وسنة بقى عقبال ما يجيبوا الاكل
انور:هنروح نشوف
الوضع ايه هناك ولو كده نطلع على اي مكان تاني
...........................
استنوني الحلقة اللي
جاية
