الحلقــــــــة
السابعــــــــة
عنتر:فرررقة؟؟
فررررقة ايه؟؟
ديزل:ياااض مخك
غشيم كده ليه! فرقة العالمة سوسن
عنتر:يالهوي
هتشتغل رقاصة؟
ديزل:لااا ماهي
الاول كات طبالة
عنتر:ايه؟
ديزل:اه والله زي
ما بقلك كده ‘ اشتغلت لمدة اربع سنين طبالة ورا الراقصة اللولبية سوسن
عنتر:وبعدين؟
ديزل:البت بقى
كبرت وادورت وعودها بقى كرباك ‘ وبقوا زباين كتيرة يطلبوها
عنتر:بس كات
بترفض؟
ديزل:اه في الاول
كات بترفض وسوسن كات بتقول دي طبالة وملهاش في شغل اللوع بتاع الليل
وآخره..
عنتر:وايه اللي
حصل بعدين؟
ديزل:بعدين سوسن
جت في فترة وتعبت والصالة بتاعتها بقت تنش ‘ قامت البت زيزي نزلت بقى
وبقت الراقصة
الجديدة بتاعت الصالة
عنتر:وبعدين؟
ديزل:البنات
قالولها اسم زيزي بقى كتير منه فقاموا سموها زيزيتا
عنتر:يعني زينب
بقت رقاصة؟
ديزل وهو بيولع
سيجارة تانية:وبقت هشتك بشتك كمان
عنتر:مش فاهم؟
ديزل:يعني بقت لا
مؤاخذة ليها في السكك التانية
عنتر:انت ازاي
بتتكلم كده عن معلمتك؟
ديزل:هو انا بس
ما المنطقة كلها عارفة ان زينب الواد بتاع زمان قلب وبقى بت زي المهلبية
عنتر:طب اتخمد
اتخمد
ديزل:وانت مال
امك متزربن ليه
عنتر بضيق:لا عادي
‘ اتخمد اما نشوف هيحصل ايه
*********************************************
في القسم انور
قاعد مع صلاح بياكلوا ..
صلاح:اقلك يا
سيدي انا اول ما جيت استلمت في القسم هنا من تلت سنين ‘ كان الظابط
ممدوح مكانك وكده
.. دخلت عليه مرة لقيته قاعد والبت زيزي دي قاعدة جمبه يعني ولا مؤاخذة
وكانت بتلعبله في
شعره .. انا اتخضيت وقلتله:
ايه يا عم ده
قالي ان البت دي
اما تيجي مقفوشة في قضية بتزبط الظابط النبطشية وتخرج من القضية
بسهولة..
انور
بعصبية:ايه!! وازاي الكلب اللي اسمه ممدوح وهووو اسمه ظابط يعمل كده!!
صلاح من غير
اهتمام:يا انور يعني انت مش عارف ‘ يامااا ظباط بيستغلوا مناصبهم والبت
دي متفهمش بتعمل
ليهم ايه!!
انور بعصبية:يعني
ايه بتعمل ايه!! دي في الاول ولا في الاخر حتت بنت صايعة لازم تتسجن!!
صلاح بعدم
اهتمام:بقلك ايه كل الكفتة دي طعمة اوووي
انور:انت في ايه
ولا في ايه انت كمان
صلاح:وانت مالك
واخد الامور على صدرك كده ليه؟ لا انور يا حبيبي انت لسه في بداية حياتك
فحاول تتأقلم
‘لانك هتشوووف ياما..
انور:طيب طيب
***********************************************
حسنية قاعدة في
البيت تعيط والمعلم مؤه جمبها..
المعلم
مؤه:القضية المرادي هتلبسها لان الظابط اللي ماسك القضية رخم وشكله مستحلفلها
حسنية:يعني بنتي
خلااااص هتتسجن؟؟ منك لله يا سوسن منك لله
المعلم:مش قلتلك
انها غيرانة منك من زمان ‘ وانها كاتب تحاول تخطف المعلم حنش الله يرحمه
منك واهي لما لقت
ان مفيش سكة ولا رجا ‘ قامت محولة ع بنتك الغلبانة الطيبة..
حسنية:والنبي يا
معلم تحاول تخرجها ‘ تقنع سوسن تقول ان بتي ملهاش ذنب
المعلم مؤه:هو
انا ممكن اعمل كده بس بشرط
حسنية:ايه هو يا
خويا؟؟ عنيا ليك
المعلم مؤه بيقرب
ويقول:انا مش طالب غير القرب واني انول الرضى
حسنية:مم مم ما
اانت شفتك بنفسك البت زينب صممت ازاي وحلفت انها هتسيبلي البيت لو
اتجوزتك..
المعلم
مؤه:هتغضبلها يومين ولا تلاتة ولا تفضل مشرفة في السجن وتُبقى رد سجون؟
حسنية:لا يا خويا
تغضبلها يومين تلاتة ‘ بس هتطلعها ازاي يا معلم؟؟
مؤه:هراضي سوسن
بكام باكو يزغللوا عينها واهي تطلع م القضية
حسنية:ربنا يخليك
لينا يا معلم
مؤه:يبقى بكرة
هنيجي نعلي الجواب
حسنية بكسوف:اللي
تشووفه يا معلم
*********************************************
حكمت قاعدة على
الصفرة هي وجازم وانور عمالين يتغدوا..
حكمت:مالك يا
حبيبي؟ سرحان في ايه؟
انور:لا مفيش يا
خالتو
جازم بهزار:تلاقي
فيه واحده عجباه ومش مدياله اهتمام
انور:يا بني
متتكلمش عن حاجة متعرفهاش وخليك في مزاكرتك
حكمت:لا بجد مالك
يا حبيبي؟ متخانق مع لمياء؟
انور:لا مفيش ‘
دي مشاكل في الشغل
جازم بهزار:يبقى
فيه حرامي هرب منك؟
انور:بقلك ايه يا
جازم يا حبيبي ‘ مش عندك دروس؟
جازم:تر بتفكرني
ليييه
انور:قوووم بقى
جازم:اااه يبقى
فيه موضوع مش عايزني اسمعه صح صح صح؟؟
انور:قوووم يا
رخم
بعد ما جازم يقوم
تقول حكمت:مالك يا انور؟
انور:تخيلي يا
خالتو واحدة من اللي هما يعني مش مظبوطين وبتيجي كل مرة في قضية
وتخيلي بتتطلع
منها ازاي؟
حكمت
باهتمام:ازاي؟
انور:بتبيع نفسها
حكمت:اعوووذ
بالله
انور:اللي
مضايقني اووي ان اللي بيسمحلها بكده الظباااط اللي في القسم!!! يعني ايه اكون ماسك
منصب مهم زي ده
في البلد واكون مسؤول عن اني اكون قدوة لبلدي واكون انا اول الزبالة!!
حكمت:يابني البلد
اتغيرت اوووي من زمان ‘ زمان كانت كل حاجة كويسة والظابط كان ظابط
والدكتور كان
دكتورر والمدرس كان مدرس!! دلوقتي الظابط ممكن يكون تاجر مخدرات
والدكتور ممكن
يكون حرامي والمدرس بقى دراكولا وبيصم في دم اهالي الطلاب اللي عنده..
انور:ههههههه
ضحكتيني يا خالتو والله
حكمت:ليه؟ هو انا
قلت نكته؟
انور:اصل
تشبيهاتك تحفة..
حكمت:هههههه
انور:تخيلي يا
خالتوو ان كنت خلاص هلبسها القضية اخيرا وتتحبس لمدة تلت سنين بس بردو
فلتت منهااا ..
حكمت
باستغراب:انا حاسة يا انور انك بقيت واخد الموضوع شخصي وده اكبر غلط في شغلك
بالذات
انور:بصراحة اه
حكمت:ليه؟
انور:مضايقني ان
واحدة زيها تقدر تكسر شوكتي
حكمت:واحدة زيها
ازاي؟
انور
بقرف:واااحدة رقاصة بتاعت كباريهات وليالي حمرا ‘ تتحداني انا ظااااااابط وفي
الاخر هي
اللي تكسب..
حكمت:هي اد ايه
البنت دي؟
انور:يجيلها 17
سنة
حكمت بفزع:اييييه
17 سنة بالبشااااعة دي!!!
انور:تخيلي
حكمت:ارجع واقولك
يا بني الانسان مبيختارش بيئته وهي تلاقي ظروفها قوية خلتها تبقي كده
انور بعصبية:لا
معلش يا خالتووو!!! مش مبرر ليها انها تمشي في السكة دي عشان اهلها وعيشتها
وبيئتهااا ما
ملاااايين زيها والووووف عيشتهم اسوود وبردو بيقدروا يحافظوا على نفسهم
حكمت:الناس قدرات
يا انور؟ فيه اللي بيقدر يستحمل ضغوط الحياة وفيه اللي مبيقدرش
انور:برضووو يا خالتو
ده مش مبررر
حكمت:متعرفش
حكايتها ايه يا انور
انور:المهم خليني
امشي بقى عشان يادوب اروح الشغل
حكمت:ربنا معاك
ياارب
***************************************
زيزيتا:نعـــــــــــم؟؟؟
حسنية:امال كت
اسيبك يا بتش في الحجز
زيزيتا:ما اووولع
يمه ولا اغووور ولا انك تتجوزي الراجل اللي قتشل ابووووويه
حسنية:كتشك وكسة
يختشي ابووووكي المعفن اللي فرحنالي بيه كان هيتجوز سوسن اللي غوتك
ومشتك في طريق
وسخ زيها..
زيزيتا:اهو
الطريق الووووسخ ده احسن من الراجل اللي عايزة تتجوزيه وانتشي يمه حكمتي
واديكي عرفتي يمه
اني مش هقعدلك في البيت ده ثانيه واحده
حسنية:امال
هترووحي فين يا بت؟
زيزيتا:هروح فين
ستين داهية من هنا ورايح ملكيش صالح بيااااا
**************************************
عنتربفرحة:ازززيك
يا معلمـــــــة وحشتينا اووووي
زيزيتا:ازيك انت
ياض ‘ المحل في غيابي كان ازاي؟
عنتر:الحمد الله
يا معلمة انا كت ممشيه كويس
زيزيتا:امال فين
الواد ديزل
عنتر:بقاله يومين
يا معلمة مبيظهرش
زيزيتا:وده ليه
بقى برووح امه؟؟ هو فاكر اني عشان خلاص غبت العب بقى يا فار
عنتر:متخفيش يا
معلمة انا ممشي الشغل زي ما يكون انتي موجودة واكتر
زيزيتا:الواد ده
اما يجي ابقى ابعته ليا ‘ بس مش على البيت لا على بيت المعلمة سوسن
عنتر:ليه يا
معلمة؟ انتي هترجعي للكار دهت اني
زيزيتا
باستغراب:ولااا؟ انت ايه حكايتك ياض؟؟
عنتر
بارتباك:ايه؟
زيزيتا:مالك ياض
حططني في دماغك اوي ليه؟ تكونشي بتحبني؟
عنتر بارتباك
اكتر:هاا! انا .. لااا لاااا
زيزيتا بدلع:ليه
يعني؟ مشبهشي ولا مشبهشي؟
عنتر:ابدااا يا
معلمة ده انتي اي حد يتمناكِ اصلاا بس انا لا
زيزيتا بدلع
اكتر:بس انت بقى داخل مزاجي اوي ‘ جدعنتك وخووفك عحبني ‘ داخلين جوة نفوخي
اوووي..
عنتر بارتباك
وتوتر:اا اانا طالع بقى اشوف اللي ورايا
زيزيتا تمسك ايد
عنتر:استنى
وتروح شداه عليها
فيجري يهرب بسرعة
زيزيتا:هيهيهيهيهي
**************************************
سوسن في الزنزانة
قاعدة ومعاها واحدة من البنات تبعها..
البنت
لسوسن:اشمعنا بقى يا معلمة طلعتي البت زيزيتا من القضية؟
سوسن:جرى ايه يا
روح امك!! ومن امتى حد بيسأل العالمة سوسن!!
البنت:يا معلمة
انا قلبي عليكي ‘ انا سمعت ان .... ولا بلاااش
سوسن:جرى ايه؟
سمعتي ايه يا بت؟؟
البنت:يعني سمعت
ان المعلم مؤه اتجوز حسنية مرات المعلم حنش
سوسن
بتصوط:يالهوووووووووووووووووي
البنت:ما انا
الخبر اما سمعته ‘ قلت ازاي وهو فهمك انه هيتجوزك لما تطلعي
سوسن:يخربيتشك يا
مؤه الكلببببببب!! وحياتشك لاسود عشته اما اطلع بس
البنت:اهو خرج
اللي تلزمه ورماااكي
سوسن:بس البت
زيزيتا مش هتسكت!!
البنت:ماهي طفشت
من البيت
سوسن:وراحت فين؟
البنت:انتي ناسية
يا معلمة ان معاها مفتاح الشقة ‘ اقلك للواد جوزي يطردها
سوسن:لااا خليها
هتشنفعني
البنت وهي بتمصمص
في شفايفها:اممم وماااااله
**********************************************
زيزيتا قاعدة في
محل الحلاقة بتاعها وفجأة يدخل عليها ديزل:ايوة يا معلمة
زيزيتا:بص بقى يا
حيلتها ‘ واسمعني كووويس
ديزل :تؤمري يا
معلمة
زيزيتا:شغل؟ ملكش
معايا شغل
ديزل
بفزع:ليييييه بس يا معلمة يبقى الواد عنتر ضرب اسفييين بقى ابن الــ .........
زيزيتا:لا يا
حيلتها الواد عنتر مقلش حاجه ابدااا
عنتر يدخل واول
ما يدخل يجري ديزل عليه ويمكسه من قفاه ويضربه ويقول:ولعتهاااا
عشان تقعد
لوحدك..
عنتر:وربناااا ما
قلت حااااجه
زيزيتا:وااااد يا
ديزل سيييب عنتر
ديزل:اماااال ليه
يا معلمة مش عايزاني
زيزيتا:عشاااان
اللي ميقفش وراه معلمه الله يرحمه ويقف وراه بنته ويبقى جبان وزي الكلب يهرب
وقت الجد يبقى
ميلزمنيش يا روح امك!!
ديزل بارتباك:ااا
بب اا
زيزيتا:ايوووة
اقعد تهتلي
عنتر:خلاص يا
معلمة سامحيه المرادي
زيزيتا:انا قلت
الواااد ده ملهوووش عيش يعني ملهوووش عيش
*************************************************
في الليل على
الساعة 2 بليل وبعد ما يكون الشارع قدام محل الحلاقة فاضي وانوار الحتة مقفوولة
عنتر قاعد بيوضب
المحل وزيزيتا كانت قاعدة بتتفرج عليه وفجأة.....
استنوني الحلقة
اللي جاية
...........................
