الحلقــــــــــة
الثالثــــــــــــة عشـــــــر
فريدة فؤاد:فيك
حاجة؟!!! كانك عاوز تقولي حاجة ومتردد
رؤوف بتوتر:طول
عمرك بتعرفي تقريني يا فريدة
فريدة فؤاد
بخوف:فيه ايه؟
رؤوف:انا هتطوع
في الجيش
فريدة فؤاد بخوف
وهلع:ايه؟ وتسيبني يا رؤوف؟؟
رؤوف:لا يا
حبيبتي ان شاء الله مش هسيبك ‘ حبي عايش جواكِ زي ما حبك عايش جوايا
تلف الدنيا بفريدة
وتعرف ان اليوم اتغير وتكون في نفس الشقة بتاعت فريدة فؤاد...
بس المرادي فريدة
فؤاد قاعدة مع طفلة صغيرة ولابسة اسود وناس كتيرة لابسين اسود..
فريدة فؤاد بتعيط
جامد وواحدة وطت عليها وقالتلها:ادعيله ده مات شهيد وجاب النصرر
هو وزمايله لمصر
كلها.. ربنا يخليلك عيالك يااارب .. هو الصغير فين؟
فريدة فؤاد:نايم
جوة
الست:ربنا يخليهم
ليكم يارب
بنت فريدة فؤاد
الصغيرة:ماما بابا فين؟
الست:راح لربنا
يا حبيبتي ‘ ادعيله كتييير
بنت فريدة:ليه
راح لربنا؟
الست:عشان بابا
رجع مصر تاني لاهلها
ترجع تاني فريدة
للواقع فتقول لنفسها:يعني جدك يا ادم ‘ استشهد في حرب اكتوبر؟! ومع ذلك جدتك
عاشت طول حياتها
مش خايفة عليكم انكم تحبوا وتفقدوا الحب في يوم وليلة؟!
فريدة
لنفسها:الحب بيعيش جوانا زي ما جدك قال لجدتك.. يا ترى هي دي الرسالة اللي انت قلت
ان
جدتي هتوصلهالي
بمعرفتها؟؟ ان الحب عمره ما بيموت ‘ الحب بيعيش دايما جوانا!!
بعدين
تقول:وحشتني يا ادم ‘ فات شهرين لحد دلوقتي ومكلمتنيش..
*************************************
بعد يومين بتخرج
فريدة من الشاليه عشان تروح الشغل فتلاقي ادم نازل من العربية ..
فريدة:ادم!!
ادم برسمية:صباح
الخير يا فريدة
فريدة بضيق:طيب
يا ادم ‘ انا حبيت بس اسلم .. عن اذنك
ادم:طيب
فريدة تضايق اكتر
وتمشي ودموعها في عينها..
***************************************************
امال كانت واقفة
ورا الشباك وشايفة اللي حصل ‘ اول ما دخل ادم قالتله بزعيق:
ليه يا ادم
بتكلمها كده؟
ادم:اكلمها ازاي
يعني؟
امال:البنت بدأت
تلين على فكرة
ادم:وده ليه؟
عشان الرسالة اللي حكتلك عليها
امال:ادم متخلنيش
اندم اني حكيتلك!! انا كنت بحكيلك عشان تيجي ‘ لكن لو اعرف ان ده هيخليك
تعند وتأخر في
مجيك كده وانت عارف انها مستنياك فمكنتش اصلا هحكيلك...
ادم:مخنوووووق يا
اماااال مخنوووووق ‘ بقالي فترة مضاااايق ‘ بحبهاااا بس مش عارف هي
بتحبني ولا لا..
امال:يا ادم ‘
انت عارف اللخبطة اللي هي فيها ‘ بس انا عندي احساس انها بتحبك ‘ انت مبتشفش
عنيها وهي بتسأل
عنك بتبقى عاملة ازاي؟؟
ادم بحيرة:ازاي
امال:معرفشش
ادم:يارررررخمة
امال:ههههههه عارفة
‘ زيك لما رخمت عليها كده
ادم:تفتكري اني
لبخت
امال:اووووووووي
ادم:اممم لبخت صح
‘ طيب هي محكتلكيش انها شافت حاجه عن تيتا جديد؟؟
امال بتبص يمين
وشمال وتبلع ريقها:سلاما قولا من رب رحيم .. لا والله يا ادم!! وبعدين خف
من السيرة دي بقى
هنا في البيت..
ادم بيضحك على
اخته:هههههههه عبيطة والله
***************************************
فريدة قاعدة في
الشغل بتشخبط في الورقة اللي قدامها كتير وبعدين تفوق من السرحان ‘ فتلاقي
انها كاتبة اسم
ادم كتير..
فريدة لنفسها:تؤ!
ايه اللي انا بعمله ده.. متقاوحيش بقى اكتر من كده واعترفي حتى لنفسك! انك
بتحبيه!!ايه؟
تحبيه وبعدين لو حصل واختفى تتعبي تاني؟ لا بس انا مينفعش افضل طول حياتي
خايفة كده وبعدين
الكلام اللي قريته في رسالة جدته كان صح! اوباااا ده انا لازم ارمي
الرسالة تاني للبحر
‘ اول ما هروّح هعمل كده..وكلام رؤوف لفريدة فؤاد صح واظن اديكي
شفتي انها عاشت
حياتها تربي ولادها ومماتتش يعني وده بسبب حب رؤوف اللي كان جواها
وخلاها تصبر
وتكمل حياتها..مش انتي اللي اتقوقعتي على نفسك! بعدين لو على مصطفى
فهو عند اللي احن
مننا كلنا عليه ‘ افتحي قلبك ومتقفليش شبابيكك ‘ خلي الشمس تشرق على دنيتك
بقى وكفاية
ضلمة..
***********************************************
بليل بعد ما تكون
فريدة رجعت ونامت شوية ‘ تصحى وتدور على الرسالة وتحطها في الازازة
وتطلع عشان
ترميها تاني البحر بس تلاقي ادم .. تحتار تروح ولا تمشي وترجع في وقت تاني
ولسه هتمشي ‘
شافها ادم وقالها: استني يا فريدة
فريدة:ايوة
ادم:تعالي اقفي ‘
انا ماشي
فريدة بضيق:لا
خليك ‘ عادي انا بس كنت جاية ارمي الرسالة تاني البحر
ادم:رسالة ايه؟!!
فريدة:رسالة جدتك
ادم:ممكن اشوفها
تدي فريدة ادم
الرسالة وبعد ما يقراها يقول لفريدة:ويا ترى بقى استفدتي حاجة من اللي مكتوبة
ولا اعتبرتيها مجرد
رسالة!!
فريدة بتحدي
وغيظ:دي بقى حاجه بيني وبين نفسي
ادم:اممم
فريدة:بص انا
معرفش انت بتعاملني كده ليه!!
ادم:معقول مش
عارفة؟!
فريدة بعصبية:هو
الحب بالاكراه؟!!!
ادم بيمسك اعصابه
ويقولها:صح! انتي صح.. الحب مش بالاكراه.. عشان كده اعتبريني اختفيت
وكاني لم اكن في
حياتك.. وسابها ومشي
فريدة:استني يا
ادم استنى
ادم بيمشي وهو
متعصب اوي
فريدة بتجري وراه
عشان تلحقه وتقف قدامه وتقوله بدموع:استنى متمشيش ‘ انا اسفة
ادم قلبه يرق اول
ما يشوف دموعها ‘ فياخدها في حضنه على طول ..
فريدة بتعيط وهي
في حضن ادم وتقوله:انا والله مش عارفة ليه بقول كده ‘ بس صدقني مش
ده الكلام اللي
بيبقى جوايا ‘ انا تلقائي لما بلاقي كلام بيجرحني فأسهل حاجه عندي في
ساعتها اني اقول
كلام دبش.. لكن صدقني الكلام ده برضو بيوجعني..
تسكت فريدة وتكون
لسه بتعيط اووي وادم ساكت وواخدها في حضنه وبس وعمال يطبطب
عليها..
فريدة بعياط:انا
اا انا بجد الشهرين اللي فاتوا دول عدوا عليا بطريقة وحشة اوي ‘ كنت كل
يوم بتمنى ارجع
من الشغل الاقيك رجعت وبتلعب مع ادم الصغير قدام الشاليه . بس لما
كنت ارجع وملاقكش
كنت ببقى هتجنن ...
تسكت تاني فريدة
وبعدها تقول: غصبن عني كنت قافلة على نفسي وفاكرة اني بكده بحمي
نفسي وقلبي لكن
غبية ‘ طلعت اني كده بجرحه وبعذبه اكتر معايااا .. انا يمكن كنت حاسه
من زمان اوي ان
مصطفى مات بس كنت بكدب احساسي وعايشة على امل انه يرجع
ويكون كويس بس
اكتشفت اني بعيش على الامل ده عشان نفسي انااا ‘ عشان ممتش من غير
حب! ولما ظهرت
انت في حياتي ‘ حسيت ان كل حاجة بتتلخبط جوايا من اول وجديد ........
تعيط فريدة
اكتررر فياخدها ادم في حضنه اكتر عشان يحسسها بالامان وتكمل:
حسيت كل حاجه
جوايا بتتلخبط ‘ حسيت اني على اد ما كنت ببعدك عن حياتي على اد ما انا
محتاجاك اصلا في
حياتي ‘ كنت بفرح اوي باصرارك انك تبقى موجود ليا بس لما كنت
بسمع الحقيقة منك
واتهامك ليا باني جبانة ومعقدة ‘ غصبن عني كدفاع عن نفسي الاقيني
ببعدك في الوقت
اللي كنت عايزة اجري عليك واقلك اني بحبك ‘ ايوة بحبك انت يا ادم
وده اللي اتأكدت
منه اول ما عرفت ان فريدة فؤاد هي جدتك.. لانك زي ما قلتلي
انا مبشوفش
الماضي بتاع اي حد! لا انا بشوف الماضي بتاع الانسان اللي يهم الانسان
اللي مرتبطه بيه
اوي.. وزي ما كنت بشوف مامة مصطفى شفت جدتك..
سكتت فريدة ورجعت
قالت:انا خلصت
ادم بعدها شوية
عن حضنه وبص في عنيها اللي مليانة دموع وكانت لسه بتعيط وقالها:
ياااااااااااه يا
فريدة ‘ كل ده جواكِ وكنتي ساكتة يا مفترية!!
فريدة بتضحك شوية
في نص عياطها
ادم:هههههههه اول
مرة اشوف واحدة بتعيط وبتضحك في نفس الوقت
فريدة تضحك اكتر
وتعيط اكتر:ههههههه سايكو بقى
ادم:ايه ده
غريبة؟ مضايقتيش يعي من سايكو؟!
فريدة:حبيتها من
ساعة ما عرفتك
ادم:وانا من اول
يوم جيتي اتخانقتي فيه معايا واول ما شفتك والاحساس اللي حسيته ليكي واللي كان
مختلف وعمري ما
حسيته تجاه اي حد ‘ اتأكدت ان انتي الحب اللي بدور عليه.. فاكرة؟ كنتي
عاملة
ازاي لما قلتلك ان مفيش لوحة؟؟
فريدة بتمسح
دموعها وتقوله:ازاي يعني
ادم بيضحك وهو
بيفتكر:هههههههه كنت عاملة زي القطر الدروبش اللي ماشي سريع ومش شايف
قدامه
فريدة:ههههههه ‘
منت اللي جاي تقولي مفيش لوحة وعم صابر ده كمان!! بس لما اشووفه بس
ادم:ههههههههه طب
والله الراجل غلبان وعمل كده عشان انا امرته ‘ بس فضل كل يوم يجي
ليا ويقول انا مش
مسامح نفسي على الكدبة..
فريدة:ياسلام
بتحاول تدافع عنه
ادم:اصل عارفك
مجنونة وممكن تروحي تاكلي الراجل
فريدة:تؤد ه عم
صابر ده الراجل الطيب بتاعي
ادم:يا سلام يعني
خلاص دلوقتي بقى زي العسل على قلبك
فريدة:ادم!!
ادم:ايه في ايه؟
فريدة:مش ملاحظ
حاجه؟
ادم باستغراب:لا
؟ في ايه؟؟؟
فريدة:انت سايكو
زي؟!!
ادم:هههههههههه
حرام عليكي خضتيني !! ماهو طبيعي واحد هيرضى يتجوزك لازم يكون زيك!!
فريدة:تتجوزني!!!
ادم:اااه ‘ مش
هسيبك تضيعي تاني مني
فريدة:ولا
هتسيبني ؟
ادم:تؤ ويشاور
على قلب فريدة ويقول:اسيبك ازاي وانا عايش هنا
فريدة:طيب يلا
نرمي رسالة جدتك تاني للبحر ‘ عشان اكيد فيه كتير مستنينها
**********************************
وبعد اسبوع نزل
ادم وفريدة القاهرة عشان يطلب ايدها من اهلها...
ادم:انا يا عمي
طالب ايد بنتكم فريدة
الاب:والله هناخد
رايها يا بني ‘ الاصول بتقول كده
الام بتنادي
فريدة واول ما تقول فريدة موافقة تقوم الام مزغرطة:يلا نجيب المأذون
فريدة
باندهاش:ايه يا ماما ده؟!!
الام:خايفة ترجعي
في كلامك ‘ ده انا ما صدقت ان اخيرا عقدتك اتحلت
ادم
والاب:هههههههههههه
فريدة:تؤ شششش بس
كسفتيني قدام الراجل!!
الام:ويعني هو
غريب ..
****************************************
روجينا بتكلم
بسنت في التلفون..
روجينا
بفرحة:بوووسي بووووسي بوووسي بووووسي
بسنت بصوت
نايم:تؤ تــ ششش ايه
روجينا:اصحي يا
بوووسي اصحي بقى
بسنت:ششش تباسه
خهبصه
روجينا:ايه يا
بسنت ده ‘ بتحضري عفاااااريت .. اصحي بقى اصحييي عندي خبر ليكي
بسنت:ايه؟
روجينا:فريدة
اتخطبت لادم!!
بسنت:تؤ مش ادم
سافر مع جده ومرجعش؟
روجينا:والله
العظيم يا بسنت لو ما فقتي دلوقتي لاجي اضربك!! ادم سافر فين وجد ايه!!!
بسنت بتدأ تستوعب
كلام روجينا وتقول:اييييييييييييييه اييييييييه بتقووولي ايه؟؟
روجينا:ادم خطب
فريدة
بسنت:لا لا لا لا
بتهزررري لا لا لا لا !بجد؟ بجد بجد بجد بجد
روجينا:خلاااص
علقتي!!
بسنت:والله ؟ طيب
يلا انا قايمة رايحة لفريدة ‘ تعالي على هناك
تقفل بسنت بسرعة
التلفون وتلبس شبشبها وتجري ناحية الباب فتشوفها مامتها نازلة بالبيجاما
والشبشب..
مامة بسنت
باندهاش:ايه يا بسنت ده؟
بسنت وعيونها
مفتحين نص نص وبفرحة:فرررريدة يا ماما اخيرا اتخطبت لادم
الام:وهتروحي
ليها كده؟
بسنت بتبص لنفسها
وتلاقيها بالبيجاما والشبشب فتقول:هه هه اكيد لا انا بس حبيت اشوووفك
مصحصة ولا لا..
برافووو طلعتي يا عفريته مصحصحة ‘ طيب ادخل البس انا بقى .. يادووب
الام:قال مصحصة
قال ‘ البنت دي طالعة طايرة لمين كده!!
*****************************************
بعد سنـــة من
الخطوبة يوم فرح فريدة وادم ...
قاعة فخمة في
فندق مشهور ويكونوا عازمين فيه صحابهم والاقارب ‘ فريدة تكون قاعدة جوة
بتحضر نفسها
ومعاها بسنت وروجينا..
فريدة فستانها
ابيض نازل ضيق وبعدين على واسع من تحت ..
وروجينا وبسنت
لابسين نفس الفستان على اساس انهم وصيفات فريدة..
فريدة بفرحة
وخوف:اناااا متوترة اوووووي
روجينا:طبيعي يا
حبيبتي
فريدة:شعري
مزبوط؟؟
بسنت:زي القمر
ماشاء الله
تدخل مامة فريدة
عليهم الاوضة وتقولها:فررريدة جاهزة؟ ادم جاهز
فريدة بفرحة:اه
يا ماما
تيجي تمشي فريدة
عشان تطلع فتقف في النص وتقول:تؤ متوترة اوووووي
بسنت:واناااااا
روجينا تضرب بسنت
في كوعها:انتي ايه ؟! هو انتي اللي هتتجوزي ولا فريدة وبعدين عادي يا
جماعة.. يلا بقى
يا فريدة عشان خلاص الزفة هتتعمل..
فريدة
باستستلام:تؤ طيب طيب
**********************************************
تطلع فريدة ويكون
باباها مستنيها اول ما يشوفها يبتسم والدموع في عينه ويقول:ماشاء الله ‘ تبارك
الله فيما خلق ..
ربنا يحفظك يا بنتي ويسعدك..
يمسك ايدها عشان
يوصلها لعند ادم.. اول ما يشوف ادم فريدة قلبه يدق فرحة وسعادة واول ما
يمسك ايدها
يقولها:ايه ده حبيبتي ‘ ايدك ساقعة اووي
فريدة:مكسووفة
اووي وخايفة
ادم:طول ما انا
معاكِ اوعي تخافي
فريدة:حاسة اني
بحلم حلم جميل اوووي
ادم بيضغط على
ايدها اكتر ويبوس جبينها:تؤ مبتحلميش ‘ انتي حقيقة انا عايشها..
يدخل ادم وفريدة
وهما ماسكين بعض على اغنية اسماء الله الحسنى ..
"نسألك يا
من هو الله الذي لا اله الا هو الرحمن .. الرحيم .. الملك .. القدوس .. السلام .. المؤمن .. المهيمن .. العزيز ..
الجبار .. المتكبر .. الخالق .. البارئ .. المصور .. الغفار .. القهار.. الوهاب ..
الرزاق .. الفتاح .. العليم .. القابض .. الباسط .. الخافض .. الرافع .. المعز ..
المذل .. السميع .. البصير .. الحكم .. العدل .. اللطيف .. الخبير .. الحليم ..
العظيم .. الغفور.. الشكور .. العلي .. الكبير .. الحفيظ .. المقيت .. الحسيب ..
الجليل .. الكريم .. الرقيب..المجيب .. الواسع .. الحكيم .. الودود .. المجيد ..
الباعث .. الشهيد .. الحق .. الوكيل القوي
.. المتين .. الولي .. الحميد .. المحصي .. المبدئ .. المعيد .. المحيي .. المميت ..
الحي .. القيوم .. الواجد .. الماجد .. الواحد .. الأحد .. الصمد .. القادر ..
المقتدر .. المقدم ..المؤخر .. الأول .. الآخر .. الظاهر .. الباطن ..الوالي ..
المتعالي .. البر.. التواب .. المنتقم العفو .. الرءوف .. مالك الملك .. ذو الجلال
والإكرام .. المقسط .. الجامع ..الغني .. المغني..المانع .. الضار .. النافع ..
النور .. الهادي .. البديع .. الباقي .. الوارث .. الرشيد .. الصبور الذي ليس
كمثله شيئا وهو السميع البصير.. اللهم صلي أفضل صلاة على أسعد
مخلوقاتك سيدنا محمد وسلم عددا معلوماتك .. ومداد كلماتك كلما ذكرك
الذاكرون وغفل عن
ذكرك الغافلون.."
وبعدها مشيوا شوية لحد نص القاعة وفريدة وادم على وشهم ابتسامة كبيرة
وفرحة..
ادم بهمس:ربنا يخليكي ليا دايما جمبي وحواليا وفي عيوني وفي قلبي..
فريدة بكسوف:ويخليك ليا
واشتغلت اغنية هادية ورقصوا سوا لوحدهم وطول ما هما بيرقصوا فريدة كانت
مكسوفة
اوي ونظراتها بعيد عن عيون ادم..
ادم:فريدة؟
فريدة وهي بتبص بعيد وبكسوف:ايوة
ادم:بصيلي في عيني
فريدة:مكسووفة يا ادم
ادم:بصي بقى يا فريدة عايز اقلك حاجه مهمة اووي
فريدة:ههههه طب قووول
ادم:بصي الاول
فريدة تبص في عيون ادم بسرعة:ايه؟
ادم:بعشقك يا كل اللي ليا
***********************************
بسنت وروجينا
قاعدين على طرابيزة ومعاهم اهلهم ومحمد وجيمي خطيب كل واحدة فيهم..
بسنت:تفتكري
بيتوشوشو في ايه؟؟
روجينا:مش عارفة
كل ما اروح فرح الاقي العريس والعريسة بيتوشوشوا كأن الكلام كله مبيجيش
الا في الفرح!!
بسنت وهي بتبص
لمحمد اللي بيتكلم مع جيمي:محمد وشوشني
محمد
باستغراب:ايه؟
بسنت:تؤ الله!!
عايزة اعرف اللي بيتجوزوا بيتوشوشوا يقولوا ايه؟!
محمد:بسنت حبيبتي
بعد شهر ان شاء الله في فرحنا هتعرفي.. وبعدين بيبقى كلام عادي يعني
بسنت:افففف طيب
**************************************
وبعد ساعات طويلة
في الفرح ولما جت الساعة 2 بليل خلص الفرح ..مسك ادم فريدة من ايدها
وقال:يلا حبيبتي
فريدة بخجل:يلا
ومشيوا على الزفة
اللي بتودعهم وسلمت على كل صحابها ومامتها وقرايبها وطلعت مع ادم
لحد الاوضة اللي
محجوزة ليهم في الفندق مخصوص..
ادم لفريدة:بحبك
يا احلى صدفة حصلت ليا..
فريدة بخجل:عارف
قبل ما افهم تفسير اللي كان بيحصلي ‘ كنت مضايقة اووي من انه بيحصلي
لكن بعد ما عرفتك
وحبيتك كنت مبسوطة اوووي..
ادم:اوعدك ان شاء
الله تفضلي عايشة في هنا وسعادة واكون الراجل اللي حلمتي بيه واعوضك
عن كل دمعة نزلت
منك بقصد مني او مش بقصد ..
فريدة بتبتسم...
ادم:خليني بقى
اوريلك مفاجأة
فريدة:ايه؟
ادم بيروح ويجيب
لوحة متغلفة وبعدين اول ما يشيل الغلاف تلاقي فريدة صورة جدة ادم..
فريدة بفرحة:اهو
انا بقى عشان كده اتجوزتك عشان اخد اللوحة
ادم:ههههههه اه
يا ناكرة الجميل
فريدة:بس السؤال
بقى اللي كان في بالي اول ما شفت اللوحة...
ادم بيقاطعها:هي
ليه حزينة اوي كده؟
فريدة
باندهاش:اااه؟!!
ادم:تيتا بعد ما
جدو استشهد في حرب اكتوبر 1973 كانت حزينة اوي عليه وكان عندها تربي
ماما وخالو وطبعا
زي ما شفتي تيتا كانت مجنونة رسم ولوح برضو وفي يوم كانت في
باريس وشافها
رسام فقير على اد حاله واعجب بيها جدا ‘ وقعد معاها وسمع حكايتها
وطبعا هي كلمته
عن جدو كتير وقرر انه يرسملها صورة .. فرحت اوووي باللوحة
واهديتها ليا في
عيد ميلادي لما كان عمري 15 سنة وبعدها قالتلي على حكاية العراف
وماتت..
فريدة:كنت بتحبها
اوووي
ادم:اوووي زي ما
بحبك اوووي اوووي اوووي
فريدة ابتسمت
وحضنت ادم اوي ...
النهايــــــــــــــــــــــــــــة
