الحلقــــــــة الثامنـــــــــة من قصة "زيــــزيــــتـــــــــا"

الحلقـــــــة الثامنـــــــــة

في الليل على الساعة 2 بليل وبعد ما يكون الشارع قدام محل الحلاقة فاضي وانوار الحتة مقفوولة

عنتر قاعد بيوضب المحل وزيزيتا كانت قاعدة بتتفرج عليه وفجأة يدخل عليها واحد ويقول:

والله زمن يا بت

زيزيتا بخضة وتقوم ماسكة الفستان اللي كانت لابساه وتقول:تف تف تف خضتني

الولد:سلامتك من الخضة

عنتر:مين ده يا معلمة؟

زيزيتا:ده العووو

الولد:والله وبقينا معلمين يا بت.. بس لسه زي ما انتي حلووة وطعمة

زيزيتا:ههيههيهيهيي شيلاااااه يا حلااااوة

الولد يقرب من زيزيتا :ليكي شوووق

زيزيتا:بقلك ايه يا جربة يا خويا ‘ ان كت فاكر انك راجع هتلاقي البت الغلبانة بتاعت زمان ‘ العيلة

اللي دبحتها تبقى يا عين امك مدرتش باللي الايام علمته للبت زيزيتا.. زينب بتاعت زمان يخويا

خلاص ماتت اليوم الاسود اللي زي وشك وجيت فيه الجراج.. فخد بعضك يا حيلتها واطلع برة

المحل لحسن اصوط والم عليك امة لا اله الا الله ...

جربة وهو حاطط ايده على صدره:ماشي يا طعمة ‘ ليك يوم بردو يا جميل

بعد ما جربة بيمشي بيجري عنتر يقفل الباب ويقول:مين ده يا معلمة؟؟

زيزيتا:تفوووخص عليك واحد وسخ ..ده من الاوباش اللي قتلوا ابويا والواد حماده

عنتر:هوو ده اللي......

زيزيتا:عرفت منين ياض؟

عنتر:ديزل حكالي يا معلمة على عركة زمان واللي كان وراها المعلم مؤه

زيزيتا:يعني زي ما قلبي كان حاسس

عنتر:ايوة يا معلمة هو اللي زق الواد جربة عليكي عشان يجر رجل المعلم حنش للعركة او الفخ

ويموووووت..

زيزيتا:اااه يا ابن ............

************************************************

انور في القسم قاعد على المكتب وبعدين يدخل الشاويش عليه ويقوله:اتفضل يا فندم ‘ الملف ده فيه

كل حاجه عن اللي اسمها زيزيتا..

انور:تمام .. امشي انت يا شاويش

الشاويش:حاضر يا فندم

انور يفتح الملف ويقعد يقرا فيه وكل ما يقرا شوية يقول:يا نهااار اسووود ‘ ده انتي عايشة في وكر

ضبابير!! مخدرات وتجارة بالاطفال واعضاء كمان!! واخيرا بنت المعلم الكبير بقت فتاة ليل!! هه

وخالتو تقولي متبصش ليها بالطريقة دي!! امال عايزاني ابصلها ازااااي!!!!

********************************************

جربة:واد يا ديزل مش انت مبقاش عندك شغلانة والبت اللي كات معلمة طردتك؟

ديزل:ايوة ‘ ما تشووفلي ياض المعلم مؤه بتاعك

جربه:قلتله بس لا بقى طايقني ولا بيطيقك يا حبيبي ومن زمان ‘ بيقول عليك واااد جبان وهلفوت

ديزل بعصبية:طب ودين امي لاكون ضارب اسفين ومخلي حسنية تتطلق منه!! ولا هو عشان

نال خلاص اللحمة اللي كات عينه هتبظ عليها من زمان يبقى خلاص؟!

جربة:اسمع مني بقى المفيد دلوقت وطلع المعلم مؤه من دماغك يا روح امك عشان انت مش قده

لانك لو فكرت بس تفتح بقك الحلو ده هيمسحك..

ديزل:ايه المفيد بقى!!

جربة:عايزين نخطف كام عيل صغير كده وكام عيلة ونتاجر بيهم يلااا ‘ انا اعرف معلمين كبار

وانت كمان من شغلك مع المعلم بتاعك الله يرحمه..

ديزل:وهنعمل ايه بالعيال دي؟

جربة:زي ما كانوا المعلمين بيعملوا زمان!! شوية للبيع وخصوصا الناس الكبيرة اللي يعني

بيتشحتفوا على ضفر عيل وشوية ناخد اعضائهم ونبيعها للدكاترة الكبار وشوية نسلخ منهم

اي حاجة ونسرحهم في الشوارع!

ديزل:ده انت طالع من السجن حامي وهتشتغل ع كبير

جربة:تقدر تقولي ياااض لحد امتى هنفضل صبيان! واحنا في ايدنا نبقى معلمين؟

ديزل:بس احنا محتاجين غلة كبيرة؟

جربة:موجووودة

ديزل:فييين؟

جربة:وانت فاكر سنين السجن دي كات هتعدي ببلاش يعني!! لا طبعا كل سنة فلوسي كات

بتوصلني من المعلم مؤه ..

ديزل:ايه يا بن الابااالسه!!

جربة:امال ياض!

***********************************************

عنتر ماشي في الحتة ولسه في طريقة للمحل يقف قدامه جربة..

جربة:على فين يا حيلتها

عنتر بارتباك:ع المحل يعني هيكووون فين!!

جربة:تؤ

عنتر:وسع ياض من قدامي

جربة:مفيش محل ‘ وزي ما جيت تمشي ياض من هنا

عنتر:المعلمة زيزيتا بس هي اللي تمشييني وانت ملكش صالح بيا

جربة يمسك عنتر من تي شيرته:انت ياض متعرفش جربة ولا ايه ! ده انا مسجل خطر

عنتر بخوف بس بيحاول يبين انه شجاع:مليش فيه

زيزيتا بتروح بسرعة وتزق ايد جربه من على عنتر وتقول بصوت عالي:جرررررررى ايه

يارووووووووح امك ‘ مالك ومال صبياني ياااااااض..

جربة:حلوة دخلة الشلق دي عليا بس مش مع جربة

زيزيتا:يلا يا بووورص يا جعان ده مستعنكش تبقى نعل في رجلي يلااااا

*********************************************

زيزيتا قاعدة في المحل وجايبة قطنة وبتمسح الدم من على وش عنتر براحة وبتتأمل في وشه

عنتر مرتبك ومتوتر جدااا

زيزيتا تقفل الباب عليهم وتقرب منه ‘ يقوم عنتر واقف مفزوع ويبعد ويقول:في ايه

زيزيتا:جرى ايه يا واد ‘ هو انا كل ما اجي اقرب منك كانه بتلدعك عقربة ليه؟! انت ايه حكايتك؟!

عنتر بارتباك:حح ححكاية ايه

زيزيتا:حكايتك! انا مفيش راجل بيكون معايا الا وعينه بتاكلني ويبقى عايز يفترسني ! الا انت؟!

بترسم التقل ولا ايه صنعتك؟

عنتر:مم مفيش يا معلمة بب ببس العين عمرها ما تترفع عن الحاجب

زيزيتا:هيهيهيههيهي عين ايه وحاجب ايه؟ في الزمن ده حتى الكلب الجربان ليه حق ينهش في

جسمنا!!

عنتر:يي ياا معلمة انتي كت جدعة معايا واا وانا مقدررش اعض ايد اتمدت ليا في يوم

زيزيتا بغضب:تبقى تلم حاجتك وغووور من هناااا

عنتر بتوتر اكتر:ليه بس كده يا معلمة

زيزيتا:عشان انت واد نضيف وملكش في سكك الخراب والواد جربة هيأذيك ‘ ابعد بعيد عن

عش الضبابير اللي اتولدت لقتني فيه..

عنتر بيقرب وبيقعد تحت رجل زيزيتا:يا معلمة انا حاسس بيكي اوووي

زيزيتا بتلمس بايدها وشه وتقوله:بجد؟ بتحبني ياض؟

عنتر:يا معلمة اا انا اانا عارف لو لو كنتي اتولدتي في حتة انضف كان زمانك بقى حاجه عدلة

بب ببس انتي قلتيها ‘ انتي قلتيها يا معلمة ‘ انتي اتولدتي في عش ضبابير ولقيتي كل الكلاب

الجربانة طمعانة في جسمك..

زيزيتا:خدني ياض في حضنك

عنتر يبعد ويقول:مم ممقدرش

زيزيتا بعصبية:انت بوووووليس ياااض ومخبر ولا اييييه!!!

عنتر بارتباك شديد:لا لا لا

زيزيتا:يبقى انا بقى مش مالية عينك!!

عنتر:اا اا انا

زيزيتا:انت اييييه!!

عنتر:ا اا اانا بنت

زيزيتا مصعوقة وبعد ثواني طويلة:ايه يا روح امك؟

عنتر:اا اانا بنت وعملت نفسي ولد عشان خايفة من الزمن ‘ خفت اصحى في يوم والاقي نفسي

بقيت زيك ‘ لقيت كل من هب ودب في الشوارع طمعان في جسمي ‘ ومحدش بيسيبني في حالي

فقررت اهرب بعيد عن كل حتة ممكن حد يعرفني فيه واتنكر اني ولد واعيش على اني ولد

عشان محدش يطمع فيا ‘ منا وعيت ع الدنيا لقيت ست غريبة وخداني وجوزها بيحاول يتعدى

علياااا‘ عايزاااني اعمل ايه غير اني اتنكر اني ولد!!

زيزيتا مصعوقة:هه بت انت بت يا واد يا عنتر

عنتر:اسمي بدور

زيزيتا:هههههه يا حلااااااوة يا ولااااد!! عنتر بقى بدووور

عنتر:والنبي يا معلمة انا مستعدة ابقى عنتر بتاعك ‘ بس والنبي ما ترميني لكلاب السكك من تاني

وتكوني حمايتي ‘ ده انا التلت سنين الل عشتهمم معاكي ‘ كانوا احلى تلت سنين في حياتي..

زيزيتا:وانتي ليه مقولتليش من الاول انك بت؟

بدور:خفت خفت يا معلمة لما تعرفي اني بت متشغلنيش معاكي او تشغليني لامؤاخذة في الهشتك

بشتك ..

زيزيتا وهي لسه مصعوقة:وكتي بتنامي مع الواد ديزل في المحل ازااي!؟

بدور:كت بدخل المخزن واقفل على نفسي الباب والواد ديزل مشكش لانه افتكر انك حكتيلي

عن اللي عملوه في حمادة زمان ‘ وكت بضحك عليه واقوله انك اللي قلتيلي اعمل كده

وهو كان بيخاف اوي على رزقه عشان كده كان بيخاف يعمل اي حاجه..

زيزيتا:هه يعني عنتر يقلب بدووور !! مخي يا جدعان لسه مش عاوز يستوعبها!!

بدور:ليه بس يا معلمة؟

زيزيتا:اتااااريك يا ابن ... قصدي يا بت.... لخبطتيني

بدور بخوف:هــ هــ هترميني تاني للشوارع يا معلمة

زيزيتا:لاا يا بت ‘ انتي فاكرة ان المعلمة زيزيتا قلبها ايه؟

بدور:ربنا يخليكي يا معلمة .. بس هي الحتة هتعرف

زيزيتا:اه ويبقى حد يستجرأ ويقرب ليكي ‘ متخفيييش يا بت وراااكي المعلمة زيزيتا

بدور:ربنا يخليكي يا معلمة يااااااارب

**************************************************

بعد اربع سنين تكون العالمة سوسن خرجت من السجن وتفتح الصالة تاني وترجع زيزيتا تشتغل

فيها..

العالمة سوسن:بت يا زيزيتا فيه زبون في الصالة هيموووت عليكي

زيزيتا وهي بتمضغ اللبانة بطريقة مستفزة:وماله يختشي ‘ المهم الكاش ايه ظروفه

العالمة سوسن:باكوو

زيزيتا:هيهيهيهيي ميحكمشي يا دلعدي باكو ونص ‘ ااااه

العالمة سوسن:جرى ايه يا بت اتفرعنتي اوي كده ليه!!

زيزيتا:بأكل غلاااابة معايا

سوسن:يا بت قلتلك مية مرة ننزل البت اللي اسمها بدور ‘ وهتنفعني وتنفعك بس انتي اللي دماغك

صرمة!!

زيزيتا بعصبية:وانا قلت نفضها سيرة في الموضوع دهون مية مليون مرة!! بدووور مبتنزلش!!

سوسن:ليه يا بت؟

زيزيتا:اهوو هو كده

سوسن:طب غوووري ظبطي الزبووون دلوقتي

زيزيتا:بااااكو ونص

سوسن:ماشي كتشك القررف

زيزيتا تروح على الطرابيزة اللي سوسن شاورتلها عليه وتلاقي راجل كبير في سن الــ 70

وتكون لابسة بلوزة حمرا ضيقة جدا بنص كم ومفتوحة شوية من قدام وجيبة سودة جلد ضيقة جدا

وتكون حاطة مكياج اوفر‘ عبارة عن اسود وفضي بيلمع فوق العين وروج احمر غامق وشعرها

اسود ناعم طويل  وماشية بدلع وكل العيون عليها وهي ماشية في نص الصالة..

الراجل:يا اهلااا

زيزيتا ويتمضع اللبانة:اهلا بيك يا خويا

الراجل:الحلوة اسمها ايها

زيزيتا بدلع:زيزيتا

الراجل:طب مش يلاا

زيزيتا:عندشك مُكنة؟ ((مكان يعني))

الراجل:اه

زيزيتا:اممم وماله

وتحط حاجة في شنطتها وتطلع معاه

.....................................

استنوني الحلقة اللي جاية