زيــــزيـــتـــا
لفاطمــــــة طــــلال
الحلقة
الاولــــى
سنة 1986
في فيلا في جاردن
سيتي صوت العزا وستات ورجالة لابسين اسود
حكمت في
التلاتينات من عمرها قاعدة عمالة تعيط اووي وتقول:
يعني لا عرفت
اتهنى ببنتي اللي عشت عمري احلم بيها ولا ابوها لحق يفرح كمان بيها!!
لمياء:استعيذي من
الشيطان الريجيم يا حكمت ‘ ده حكم ربنا ولا اعتراض عليه ‘ وبعدين الحمد
الله مخطفووش جازم
كمان!! سبحان الله
حكمت:حسبي الله
ونعم الووووكيل فيهم ‘ حسبي الله ونعم الوكييييل فيهم.. عايزين ينتقموا في جمال
الله يرحمه ‘
يخطفو جنى ليييييه .. يحرموني من بنتي ويحرموا جازم من اخته التؤام لييييه!!
لمياء:بس يا حكمت
‘ حرام عليكي نفسك وبعدين ابنك لسه مولود ومحتاجك جمبه وانتي كده مش
هتعرفي تاخدي
بالك..
يجي انور طفل
عنده خمس سنين ويروح للمياء ويقولها:ماما هو عمو جمال خلاص ‘ راح لربنا؟
لمياء:ايوة يا حبيبي
أنور:طب هو
النونو اللي جوه ده يبقى ابن خالتو صح؟ بس مش كان فيه نونو تاني يا ماما؟ راح
فين؟؟
حكمت تعيط اكتر ‘
فتاخد لمياء انور من ايده وتدخله الاوضة اللي كان فيها الدادة وجازم في اللفة
وتقول للدادة:
والنبي يا دادة
خلي معاكي انور ‘ لحسن عمال يدوشنا باسئلة كتيرة..
الدادة:حاضر يا
ست لميا
لمياء:جازم نايم
يا حبيبي؟
الدادة:اه غلبني
يا ست هانم عقبال ما رضي يسكت ويشرب اللبن الصناعي
لمياء:معلش يا
دادة ‘ انتي زي ما انتي شايفة حكمت حالتها متدمرة ازاي
الدادة:ربنا يكون
في عونها ويجازي اللي عملوها والله جمال بيه كان ظابط طيب وامير.. هما لسه؟
معرفوش مين اللي
عملها يا ست هانم؟
لمياء:لا المباحث
لسه بتدور..
تطلع لمياء من
الاوضة ويروح أنور للدادة ويقلها:دادة هو فين النونو التاني اللي اخو النونو ده؟
الدادة تعيط
وتقول:خطفوها يا حبة عيني وهي لسه لحمة طرية
أنور:هما مين
دول؟ الاشرار؟ اللي بيجوا في الكارتون؟؟
الدادة تطبطب على
انور وتقوله:اه الاشرار يا حبيبي
أنور:وهما بردوا
اللي قتلوا عمو جمال ؟ وخدوا منه النونو بالعافية
الدادة:الله
اعلم.. ربنا يرحمه يارب
أنور:انا لما
اكبر يا دادة هضرب الاشرار دول عشان خدو النونو بتاعنا
تبتسم الدادة
لانور ويفضل انور يحاول يلعب مع جازم..
****************************************
بعد يومين تكون
حكمت قاعدة وفي حضنها جازم ولمياء قاعدة جمبها وانور بيلعب قدامهم ..
يرن جرس الباب
فتروح الدادة تفتح ‘ يدخل ظابط
حكمت:ها يا رأفت؟
الظابط:للاسف
محدش في المستشفى فادنا بأي حاجة ولا حد عارف ازاي اتاخدت! النور لما قطع
مبقاش حد عارف
مين داخل ومين خارج ولما رجع ملقوش لا بنتك ولا ولدين كمان..
حكمت بخوف:يعني
ايييييه!! يعني جنى خلااااص ضاعت؟؟؟؟؟ يعني هما قتلوا جمال وخطفوا
بنتي!!
الظابط:مش
بالضروري اللي قتل جمال هو اللي خطف البنت! الواقعتين محصلوش في نفس
التوقيت ولا
المكان...
حكمت:لااااا بس
جمال اتهدد قبل اخر عمليه عشان كشف ناس مهمة اوي في عالم المخدرات!
عارف لو اللي خطف
بنتي كان ملوش دعوة كان زمانه اتصل وطلب فدية لكن محدش اتصلللللل
محدددددش..
انور كان قاعد
وبيسمع الكلام كله لكن مكنش فاهم اووي..
لمياء:اهدي يا
حكمت ‘ صحتك مش مستحملة ‘ اهدي عشان خاطر ابنك كمان
حكمت بانهيار:لا
لا لا يعني ايه!! يعني بنتي كمان خلاص!! يعني انا خسرتهم هما الاتنين!!
رأفت:لا حول ولا
قوة الا بالله ‘ احنا لسه مخلصناش تحقيقات وبندووور عليها
حكمت بانهيار:لااااا
اناااا عارفة ‘ هما اكيييد قتلوووها اكيييييد .. لو كانت عايشة لسه كانوا اتصلوا
لمياء بتعيط
وبالتالي انور لما شافها بتعيط بدأ يعيط هو كمان رغم انه مش فاهم اوي ‘ الا انه
بخياله
كطفل فهم ان فيه
ناس وحشة خدوا بنت خالته وخلاص مش هيرجعوها تاني..
**************************************
السيدة
زينب..المكان هناك عبارة عن تل صغير وده عشان الارض مرتفعة شوية عن مستوى
الارض الطبيعي ‘
وعشان الواحد يطلع البيوت فيه سلالم .. البيوت تقريبا كلها لازقة في بعض
وعبارة عن اوض
والاوض دي مساحتها صغيرة خالص يادوب مترين ونص في مترين ونص
وارتفاعها بسيط
لدرجة انك ممكن تلمس السقف بايدك..الاوضة يعتبر فيها المطبخ نفسه ‘ اما
الحمام فكل تلت
بيوت او اربعة ليهم حمام عمومي مشترك ..
حسنية وجوزها
المعلم حنش يكونوا راجعين من المستشفى بعد ولادة حسنية
واول ما يشوفها
ستات الحارة يجروا عليها ويباركوا ليها..
احدى
الجارات:مبرووك يا حسنية ‘ جبتي ايه؟
حسنية:بنت عقبال
عندك
الجارة:لولولوولي
تتشربى في عزك
جارة تانية:الا
كان ايه لزمتها يختي مصاريف المستوصف ‘ ما كنتي ولدتي هنا ولا انتي هتتأنزحي
علينا بقى!!
حسنية
بارتباك:ولا هتأنزح ولا حاجة يختي بس انتشي عارفة اخو المعلم حنش بيشتغل ممرض في
مستوصف وهو اللي
كتر خيره حجزلي اني اولد هناك وكرمونا اخر كرم يختشي اكمننا جايين
من طرفه يعني..
الجارة
الاولانية:يلا يختشي المهم جيتشي بالسلامة
حسنية:الله يسلمك
يختشي
المعلم حنش:بقلك
ايه يا ولية خشي البيت بقى وبطلوا رغي النسوان ده ‘ وانا نازل محل الحلاقة
بتاعي..
حسنية:ماشي يا
معلم
تدخل حسنية وتبدأ
بنتها في العياط..
حسنية بحنان:مالك
يا عيون امك؟ ها؟ مالك يا ضشنايا؟؟جعانة؟ ولا عطشانة؟
تقوم حسنية تحاول
تعمل لبن صناعي وتشربه لبنتها ‘ بس تفضل البنت تعيط ..
حسنية:يوووه!
مالك يا بت؟؟
تحاول حسنية تشيل
بنتها وتتمشى بيها بس تفضل البنت بردو تعيط..
وبعد ساعة من
المحاولات ان حسنية تعمل كل حاجة للبنت الا انها تعبت من كتر عياط بنتها..
تسمع حسنية صوت
جارتها من برة:افتشحي يا حسنية يختشي
حسنية:ايوة يا
سميرة ‘ خشي يختشي
سميرة:مالها
البت؟
حسنية:مش عارفة
يختشي بتعيط كتشير اووووي
سميرة:غيرتلها
الكافولة؟
حسنية:كتشير
وبردك مش راضية تسكت
سميرة:هما العيال
الصغيرة كده .. دلوقتي تتعب وتنام
حسنية
بقلق:وهتفضل كده علطول؟
سميرة:هههه شوف
يختشي الولية ومالك قلقانة اوي كدشه ليه؟ يعني تكونيش يختي اول واحدة تحبل؟
حسنية:مش كده بس
ما انتي عارفة ان الحبل المرادي جه بصعوبة وما صدقت انه جه
سميرة:والحمد
الله يختشي اديكي حبلتي وخلفتي .. قوليلي بقى هتسميها ايه؟
حسنية:هسميها زينب
على اسم امي
سميرة:حلو اسم
زينب
**********************************
في محل المعلم
حنش قاعد بيشرب شيشة وعمال يتفرج على اللي رايح واللي جاي..
بيطلع من جوة ولد
في عمر 10 سنين ‘ لبسه مقطع ووشه ملحوس ..
الولد:معلمي ‘
مفيش زباين ‘ اروّح؟
المعلم حنش وهو
بيشد الشيشة وبيطلع الدخان ببرود:خش ياض جوة ‘ الساعة لسه مجتش 9
بليل..
الولد:ما هو يا
معلمي مفيش زباين
حنش:ولا فين قرش
الحشيش اللي جبته امبارح؟
الولد:جوة يا
معلمي
حنش:عارف لو
لقيتك واخد منه حتة وحياة امك اللي متعرفلها طريق لكون جايب اجلك!
الولد بحزن:ليه
بس كده يا معلمي ! هو انا اقدر بردو
حنش:طب خش ياد
سيق المحل ولمعه
يدخل الولد ويجيب
خيشة وجردل ويبدأ ينضف المحل وكل شوية عينة على الساعة..
بعد ربع ساعة يجي
زبون ويبان عليه انه مش من المنطقة واول ما يدخل يقول:
عايز اقص شعري
والحسابة بتحسب
المعلم بعد
استغراب يبتسم بخباثة:يا مرحباااا يا مرحباااا .. واااد يا ديززززل اكرمه اخر كرم
والحسابة بتحسب..
ديزل يبتسم هو
كمان ابتسامة خبيثة..
**************************************
في نفس المنطقة
وفي مكان تاني وتحديدا عند قهوة شعبية وراها شارع ضلمة متعود يقعد فيه
اطفال الشوارع او
اطفال العشوائيات..
يكون فيه تلت
اولاد قاعدين وكلهم نفس الهيئة تقريبا ‘ الهدوم المقطعة والشعر المنكوش والايدين
السودة اللي مش
نضيفة والاظافر الطويلة والشباشب اللي مقطوعة..
ولد من
التلاتة:الواد ديزل مش عوايده يتأخر يعني؟
التاني:واد يا سامبو
انت متأكد انه هيجيب حاجه جامده؟
سامبو:عيب
عليك يا كرنك بس مش عارف اتأخر ليه كده
الولد
التالت:تلاقي المعلم حنش زنقة!
سامبو:ده تبقى
وقعت امه سودة!
يجي ديزل وهو
بيجري عليهم ويفضل يبص وراه فيقوله واحد:ايه ياااض مالك؟
ديزل:بقلك ايه يا
جربة خليني اتلم على روحي الاول
سامبو:اخلص ياااض
واقب بالحلاوة
ديزل بابتسامة
خبيثة:ده انا خدتها بطلوع الروح ‘ كل واحد يطلع جني
كرنك:جني يا ابن
الحرامية؟ليييييه شايفنا بنسرق ولا بنسرررق
ديزل
بعصبية:خلااص ملكوش حاجه عندي
سامبو بيرمي
الجنية لديزل ويقول:خد يلا بس هات بقى
جربة يطلع جنيه
وساعتها كرنك كمان يضطر يطلع جنيه هو كمان..
يطلع ديزل حتة
الحشيش اللي معاه ويبدوأ يشربوها هما الاربعة وبعد ربع ساعة يعدي من قدامهم
عيل عنده 4 سنين
تايه..
كرنك:انت يااااض
العيل بخوف:ايوة
كرنك:انت مش من
هنا؟
العيل:لا انا انا
ااا انا هربان
كرنك يبص لصحابه
ويبتسم بخباثة ويقول:وطالب انك تستخبي هنا صح؟
العيل بخوف
وتردد:مم ممش عارف
ديزل:هاربان ليه
ياض؟
العيل:ممم من جوز
امي ‘ جوز امي كل يوم كل يوم يضربني ويحرقني با بالسجاير
جربة:هههه وهو
انت يعني بس اللي لوحدك ‘ امشي ياض من هنااا
كرنك يقوم بسرعة
ويمسك العيل من قفاه ويقول:تؤتؤ عيب عليك يا جربة ده ضيييف عندنا ‘ انت
عاوز تستخبى في
المنطقة بتاعتنا ياض؟
العيل بخوف:اه
والنبي
كرنك:يبقى لازم
تدفع الضريبة هأهأهأهأهأ
العيل بخووف
وبيترعش يطلع نص جنيه ويقول ببراءة:هو ده كل اللي معايا
سامبو يخطف النص
جنيه بسرعة ويقول:مش كفاية يا عين امك
ويبص لكرنك وجربة
وديزل ويقول:الا مين يحب يبتدي؟
كرنك:العيل ده
داخل مزاجي اوي وانا اللي لازم ابتدي وندفعه الضريبة
ويقرب كرنك اوي
للعيل ويخاف العيل جدا ولسه هيصرخ يكتم كرنك بقه ويقطعله في لبسه......
.................
استنوني الحلقة
اللي جاية....
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
*وصف العشوائية
واخداه من على النت من مقال صحفي عن عشوائيات مصر
