الحلقــــــــة السادســـــــــة
الولد:اسمي عنتر وانتي؟
البنت بمياصة وبتقرب ليه وبتلعب بحواجبها:زيزي هههيهيههيهيهي وايه حكايتك بقى يا عنتر
عنتر:لفيت كتير وهربت اكتر ما لفيت ‘ بدور على مكان الاقي فيه امان .. نشلت واتعذبتوسرقوا مني كليتي عشان تتباع للناس اللي بتبقى في ايدها فلوووس اد كده
زيزي:وجاي هنا بقى الجنة يخي؟!
عنتر:لا بس بصراحة مستجدعك اووي
زيزي:مستجدعني ولا عينك مني
عنتر بينزل عينه في الارض ويقول:لا والله انا مليش في السكك دي
زيزي تقرب منه اوي وتقوله:غريبة؟ ملكش في السكك دي ليه يا خوياااا
عنتر يبعد عن زيزي: هلاقى متوى ليا هنا ولا لا
زيزي:هتلاقي يا خويا ‘ ولاااا هشغلك معايا
عنتر:هو انتي اصلااا بتشتغلي ايه؟
زيزي:ملكش دعوة بشغلنتي ياض ‘ انا اقصد هشغلك في محل الحلاقة بتاع ابويا الله يرحمه
عنتر:حلو وانا مش طالب غير كده ‘ بس بقلك ايه انا مليش لا في النشل ولا الشحاته ولا...
زيزي:يووووه خلاص ياض ما قلتلك هتشتغل في محل الحلاقة بتاع المعلم حنش ‘ متصدعنيش بقى..تشعالى ياض لما اوديك المحل تنام فيه..
عنتر:مم مماشي
تروح زيزي مع عنتر لحد محل الحلاقة وتخبط فيفتح ديزل..
ديزل:خير يا معلمة؟
زيزي:ادخل يا عنتر
ديزل:هي الحداية بتحدف كتاكيت ولا ايه ع المسا
زيزي:اولااا يا عنيا احنا الصبح ولا انت مش حاسس! بعدين ده عنتر
ديزل:ويطلع ايه عنتر ده بقى يا معلمة اللي يجي يقعد في المحل لا مؤاخذة
زيزي تزق ديزل:وسع كدشه ده ايه ده يخواتي ليكنش المحل محلك يلااا وانا معرفش؟!
ديزل:لا مؤاخذة يا معلمة بس انتي امانة في رقبتي
زيزي:كتشك وكسة عليك
تاخد زيزي عنتر من ايده وتقوله:هنا بقى هتنام والواد ديزل هيجبلك فرشة تنام عليها..
ومن بكرة الصبح ‘ يووه بكرة ايه ..قصدي بعد ما تريح جتتك يعني ساعتشين ولا حاجه تقوم تفتح المحل
عنتر:ماشي يا معلمة
زيزي:فوتشك بعافية
زيزي تمشي ويكون ضهرها ليهم وقبل ما تخرج تقول:واياك ياض يا ديزل تعمل الدنيئة معاه حاكم انا عارفاك يا ابن الــ.......
******************************************
في فيلا في جاردن سيتي..
جازم داخل على مامته : ماما الكسلانة اللي لسه مصحيتش من النوم وميعاد الدوا بتاعها قرب..
حكمت بكل كسل ويكون بان عليها العجز ‘ شعرها من قدام ابيض ‘ وشها شاحب ‘ وتحت عينها سواد.. اما جازم فيكون بقى عنده 15 سنة ‘ شعره بني فاتح وعينه واسعة .. طويل ورفيع
جازم:يلا بقى يا حبيبتي اصحي بقى عشان تفطري ‘ قبل ما اروح المدرسة
حكمت:ربنا يخليك ليا يا حبيبي
جازم وهو بيبوس ايد حكمت: ويخليكي ليا .. يلااا بقى الدادة هتجبلك الفطار والدوا اهوو .. انا
نازل..
حكمت:ماشي يا حبيبي ‘ خد بالك من نفسك اوي يا جازم وابقى ارجع على طول بعد المدرسة
مش لازم لعب كورة كل يوم..
جازم:حاضر يا ماما
وفجأة يسمعوا جرس الباب بيرن..
جازم:ده اكيد انور جاي يصبح عليكي زي عادته
حكمت:وحشني اوووي من اخر اجازة طلع فيها
جازم:ههههههه وهو مبيقدرش على بعدك اصلااا
انور:سامع حد بيجيب سيرتي
جازم:اهووو جه ينط زي عادته
انور:اجري روح مدرستك يلا
جازم:ماشي يا عم ما هو اللي علي علي بقى ‘ وبعد كام سنة مش هنعرف نكلمك يا حضرة الظابط
حكمت:يلا يا جازم هتتأخر كده
جازم:حاضر يا ماما ..
انور:ها عاملة ايه يا حبيبتي
حكمت:كويسة .. انت عامل ايه؟ واخبار الكلية ايه؟
انور:اهو نازل اجازة يومين وهرجع ان شاء الله
حكمت بتبتسم
انور:ايه؟
حكمت بدموع:اصل افتكرت لما كنت بتقولي من وانت صغير انا يا خالتوا هطلع ظابط وهدور علىجنى..
انور:لسه عندك امل تلاقيها حتى بعد اللي ماما حكته ليكي؟؟
حكمت:اقلك على حاجة
انور:قولي
حكمت: فاكر البنت اللي خدتها من دار الايتام؟
انور:ايوة اللي افتكرتيها جنى
حكمت:لا انا عارفة انها مش جنى من اول ما شفتها
انور:ازاي؟
حكمت:واتأكدت لما عملت تحاليل في باريس ‘ بس حسيت فيها انها محتاجة ام ‘ خفت لتكون جنى كمان محتاجه ام ومش لاقية .. قلت لما اعمل كده في اليتيمة الغلبانة ‘ اكيد هيترد ليا في جنى..صح؟ صح يا انور؟؟
انور:صح يا خالتو
حكمت بدموع:اانا زي اي ام كانت محرومة من بنتها وشافت ادامها بنت غلبانة بتموووت ‘ كان لازم اقول انها جنى عشان انقذها من المووت .. بس مقدرتش بردو
انور:بس على الاقل يا خالتو قدرتي تسعديها قبل ما تمووت
حكمت:لمياء لما حكتلي على اللي سمعته في المستشفى مصدقتهاش
انور:مش يمكن عشان مش عايزة تصدقيها
حكمت:لا عشان قلبي بيقلي انها لسه مووجودة ‘ هي لسة موجووودة
انور بيحضن حكمت:ان شاء الله هنلاقيها ان شاااء الله يا حبيبتي..
*************************************
حسنية : بت يا زينب
زيزي:ايوة يمة
حنسية:ايه يابت اللي الواد ديزل قاله ده
زيزي:جررررى ايه يمه ‘ هو الواد الجربان ده هيسخنك عليا
حسنية:يابت عايزه اعرف ايه حكايته
زيزي:واحد عتر عليا بالصدفة ولقيته وطلب اني الاقيله شغلانة ‘ ايه بقى؟؟ كُخة؟ ولا كُخة؟
هو بس الواد ديزل طفس ومش عاوز حد يشاركه في اللقمة..
حسنية:بابتش الواد ديزل ده الصبي بتاع ابوكي الله يرحمه يعني هيبقى قلبه علينا
زيزي:هههههههه كتشك ايه يمه ضحكتيني ‘ مين ده اللي قلبه علينا؟! الواد ديزل؟؟
ده لو يطووول يسرقنا هيسرقنا وحياتشك..
وفجأة الباب يخبط..
زيزي تفتح الباب تلاقي قدامها المعلم مؤه فترفع حاجب وتبص بقرف وتقول:عاوز ايه؟
مؤه:الله ما تسبيني يا بت ادخل جوه
زيزي حاطه ايدها على الباب عشان تمنعه من انه يدخل وتقول:مفيش جوة
حسنية:مين يا بت يا زينب
زيزي:ده مؤه يمه
حسنية:دخليه يا بت
زيزي بعصبية:جرررى ايه يمة ‘ انتي نسيتشي ان هو السبب في موت ابويا
حسنية:دخليه يا بت .. معلش يا معلم لا مؤاخذه البتش اصلها كات متعلقة با ابوها الله يجحمه مطرح ما راح ومفكراه حاجه.. صغيرة بقى مش فاهمه حاجة
زيزي بعصبية:لا يمه مش انا اللي صغيرة لا مؤاخذة
حسنية:خش يا معلم خش بيتشك ومطرحك
زيزي توسع ويدخل مؤه ويقول: ها يا ست حسنية فكرتي في اللي عرضته عليكي؟
حسنية:فكرت يا معلم
زيزي:هو ايه ده يمه؟
حسنية بابتسامة واسعة:المعلم مؤه طلب يتجوزني
زيزي:ايييييييييييييييييه يتجوز ايه العرة ده ‘ وبعدين انتشي اتجننتي يمه في نفوخك ولا ايييييييه؟!
ده اللي قتشل ابووويا وقتشل حماده!
مؤه:انا مقتلتش حد! الواد جربة هو اللي قتل واهو دخل السجن
زيزي:سجن ايه يا بو سجن انتشه؟! ده فاضله سنتين ويخرج!!
مؤه: يا بت انتوا محتاجين عزوة وانا سداد
زيزي:واحنا معندناش حد للجواز .. سكتشك خضرة
حسنية:بت يا زيزي روحي شوووفي وراكي ايه
زيزي:وحياة مقاصيصي دول يمة (( وتمسك شعرها )) لو اتجوزتي العفش ده لكون انا طافشة
من البيتش..
وتنزل زيزي من البيت
*********************************************
بعد تلت سنين انور يكون قاعد في قسم الشرطة اللي بيشتغل فيه وفجأة يدخل عليه ظابط تاني..
انور:ايه يا صلاح؟
صلاح:معايا برة ناس ممسوكين في شقة دعارة
انور:الله ينور دخلهم بقى ليا وسيبني كده معاهم ‘ عشان اوريهم
صلاح:بقلك ايه يا انور ‘ عشان عارفك غشيم وايدك مرزبة ‘ متضربش ولا تتعصب واقفلالمحضر من غير مشاكل..
انور:صلاح انت هتعلمني شغلي ولا ايه؟ دخلهم بس انت عليا وملكش دعوة
صلاح:ماشي
يطلع صلاح ودقايق يدخل ووراه خمس بنات وست كبيرة ورجلين ويقلهم:ادخلوا يلاااا
يدخلوا ويقفوا صف واحد وبعدين انور يقول :اهلاااا .. هنبتدي بواحدة واحدة ..
صلاح خد الرجلين دول اعمل معاهم المحضر بنفسك لحد ما اخلص صف البنات دول..
يدوس انور على زرار جمبه على المكتب ويدخل شاويش:تؤمر يا باشا
انور:خدلي البنات دي كلها وسيبلي المبسوطة اوي دي
انور:اسمك ايه با بت؟
البنت وتكون لابسة فستان بنفسجي وشعرها طويل لحد كتفها ولونه اسود غامق وعندها حسنة في خدها اليمين تحت بقها..
البنت بكل بردو:زيزيتا
انور:اسمك الحقيقي يا روح امك واتزبطي وانتي بتتكلمي بدل والله اسكعك قلم!
زيزيتا وهي بتاكل اللبانة بدلع :اسمي زينب ودلعي زيزي ولقبي زيزيتا .. حلووو كده يا باشا
انور:وكمان ليكي لقب يا روح امك ‘ كنتي بتعملي ايه في شقة الهرم الساعة 12 بليل مع وجود راجلين في الشقة؟
زيزيتا:بزاكر
انور يضربها بالقلم :لما اكلمك تردي عدل والا وربنا هوريكي شغلك
زيزيتا:ااي ‘ وده بردو العدل يا باشا !! انا ممكن اقول ان الحكومة بتضرب مواطنينها
انور:وهو اللي زيك يعرف حكومة وحقوق ومواطنين؟
زيزيتا:هيهيهيهيهي هو الباشا فاكرني جهلة ولا ايه؟ لاااا ده انا معايا الاعدادية
وحياتشك بسالدنيا بقى مبتسبش حد
انور:ايوووة اعمليهم عليا ‘ وابويا طلعني من المدرسة عشان اصرف على امي واخواتي ‘ والجواللي اتهرس في الافلام ده..
زيزيتا وهي بتاكل اللبان وتطرقعها:لا يا عنيا مش ده اللي حصل انا كصتي بقى مختشلفة
انور:جاوبي على السؤال كنتي بتعملي ايه في شقة في الهرم الساعة 12 بليل مع وجود رجالة غريبة عنك؟
زيزيتا:انا مشفتش الرجالة دولة قبل كدشه واكيد قرايب ابلة سوسن
انور:مين سوسن دي؟
زيزيتا:دي واحدة في الحتشة بتاعتشي ‘ روحت اقعد عندها في الشُقة بتاعتها ومعرفش ان فيها رجالة..
انور:ولابسة كده ليه؟
زيزيتا:يوه ستات مع بعضشينا ‘ البس اللي البسه هو حرام؟
انور:حرمت عليكي عشتك يختي
يدوس انور على الجرس اللي جمبه ويقول للشاويش:خدها تبات في التخشيبة
زيزيتـــا تقرب لانور: هتشنادي عليا بليل زي ما بيعملوا
انور باستغراب:وانادي بليل عليكي ليه؟
زيــزيــتا:ابقى اسأل يا باشا الظباط اللي هنا ‘ شكلك لسه جديد هنا في القسم ‘ قولهم مين زيــزيــتــا .. مستنياك
تغمر زيزيتا لانور وتعمل بلونة باللبانة وطرقعها بعدين تضحك ضحكة بمياعة وتمشي وهي بتتمختر برة المكتب..
انور يقول للشاويش:ناديلي صلاح باشا يابني
الشاويش:حاضر يا فندم
********************************************
عنتر في محل الحلاقة قاعد بيفكر.. ديزل بيدخل عليه ويقوله:
المعلمة زيزي اتمسكت مــ الحكومة
عنتر بقلق:طب وهنطلعها ازااي؟
ديزل:متتخضش اوي كده ‘ هي بيبقى ليها سكة بتعرف تخلص نفسها وتطلع منها
عنتر باندهاش:ازاي؟ مش فاهم
ديزل:جرى ايه ياض مالك ملهوووف اوي عليها ومخضوض؟ انت بتحبها ياض؟
عنتر:احب ايه بس ‘ انا بس المعلمة زيزي ليها فضل عليا وممرتاح اوي معاها وعشان كده قلقان..
ديزل:لا اطمن يا روح امك.. تاخد سيجارة؟
عنتر:لااا ‘ طيب هي هتطلع ازاي؟
ديزل:انا اللي مستغربله بت الابلسة دي لما هي بتعمل نفسها شريفة اوووي والخضرة العفيفة معانا بتبيع نفسها ليهم ليه؟
عنتر بعدم فهم:انا مش فاهم؟
ديزل:انا احكيلك يا عم ‘ البت زيزي دي بعد ما ابوها مات هو وحمادة في العركة او الفخ اللي نصبه المعلم مؤه ليهم
عنتر:فخ؟ فخ ايه؟
ديزل:اقلك انا المعلم مؤه ‘ عينه كات على حسنية مرات المعلم حنش ‘ حلو الكلام يابا ‘ قام زق العالمة سوسن علي المعلم حنش بس برضو مجبتش سكة معاه ‘ فحب يخلص خالص من حنش ويزيحه تماما من سكته ‘ قام زق الواد جربه عشان عارف ان عينه زايغه ع البت زينب عشان يجر رجل حمادة فيقوم حمادة رايح ينادي على المعلم حنش ‘ طبعا المعلم حنش ميسكتش فيقوم جايب رجالته ورايح يقطعوا الواد جربة ‘ بس المعلم مؤه يكون محضرله المغرز اللي هو ويموت حنش وحمادة في العركة دي .. بس مع كذلك البت زينب اما عرفت مسكتتش رغم انها كات صغيرة في السن بس متعرفش ايه اللي فرعنها مرة واحدة..
عنتر:اتفرعنت ازاي يعني؟
ديزل:انا فجأة لقيتها جاية ليا وبتقولي المحل هيمشي زي ما هو واني اخد بالي منه
ورفضت المعلم مؤه يدخل بيتهم ولا يعزيهم ولا اي حاجه ‘ قام المعلم مؤه زق سوسن
تاني عليهم
عنتر:ازاااي؟
ديزل:بس المرادي بقى اقنع سوسن ان البت زينب لو اشتغلت معاها هتأكلها الشهد
عنتر باهتمام:بعدييين؟
ديزل:وفعلا سوسن اقنعت زينب ان محل الحلاقة دلوقتي مبقاش يجيب همه وانها لو
اشتغلت معاها في الفرقة هتجيب فلوس اكتر..
عنتر:فرررقة؟؟ فررررقة ايه؟؟
استنوني الحلقة اللي جايــــــــــــــة
