الحلقـــــــــــــة
العاشــــــــرة
بسنت:بس مش
ملاحظة حاجه؟
روجينا:ايه؟
بسنت:ادم شكله
بيحب فريدة
روجينا:يا
سلاااام! بأمارة البنت اللي سحبها وراه دي؟
بسنت:ايوووة عشان
متغاظ من صحبتك الباردة التلمة اللي اسمها فريدة! نفسي اقوم اضربها قلم
واقولها فوووقي
بقى
روجينا:اه والله
شكلها غبية وهتضيع ادم منها
بسنت:طب هنعمل
ايه ؟ هنتفرج عليهم كده وعلى غباء فريدة؟
روجينا:اففف مش
عارفة بقى .. اخرة صحبتك دي ايه...
***************************************
بعد ما يكون الكل
طلب اكل فيكون فيه موسيقى هادية في المطعم شغالة فتقوم راشيل تطلب من
ادم انهم يرقصوا
ويقوم فعلا يرقص معاها..
تقوم بسنت من جمب
محمد وتروح تقعد جمب فريدة وتضربها في ايدها
فريدة:ااااي ايه
انتي عبيطة؟
بسنت:انا اللي
عبيطة ولا انتي!!
فريدة:ليه؟
بسنت:مش شايفاه
بيرررقص
فريدة:طب هو حر
بسنت وهي بتجز
على سنانها:انتي عبييييطة ولا مبتحسيش ومعندكيش دم!!
فريدة
بضيق:بطلوااا بقى اللي انتوا بتعملوه ده وكفاية فضااايح ‘ عشان هو ممكن يفهم غلط
بسنت:طب يااااريته
يفهم غلط! يااااريته يا شيخة!!
فريدة تشوف ادم
وراشيل جايين عليهم فتقول لبسنت:طب اسكتي بقى وقوومي اقعدي مكانك
بسنت لما تشوف
ادم وراشيل فتقول لراشيل مع ابتسامة صفرا:معلش ممكن تقعدي مكاني شوية
وفعلا تروح راشيل
تقعد مكان بسنت ويكون ادم قاعد جمب بسنت وفريدة
بسنت لادم:هو انت
تعرفها منين؟
ادم:مفيش هي بتحب
اللوح والانتيكات ‘ فكانت زبونة عندي في القاهرة وبالصدفة شفتها من يومين
هنا في شرم
وقلتلها اني هفتح معرض هنا ان شاء الله..
بسنت بضحكة فيها
غل :ههههههه بيقلك زبونته ههههههههههه
فريدة بتحاول
تبتسم عشان تداري احراجها من تصرفات بسنت وتوطي عليها وتوشوشها:
ااااايه اللي
بتهببيه ده
بسنت بصوت
واطي:بيقلك زبووووونته اتلحلي ابووووس ايدك
فريدة بصوت
واطي:افففف
بسنت لادم:تصور
بقى فريدة مجنونة لوح وانتيكات
ادم:عارف عم صابر
قالي انها مجنونة انتيكات
بسنت:اه ..
ادم:صحيح يا فريدة
احنا مكملناش كلامنا
فريدة:كلام ايه؟
بسنت:طب اسيبكم
انا بقى واروح اقعد جمب راشيل
فريدة:لا خليها
تيجي وتقعد جمب ادم ماهو ميصحش انه يكون هو جايبها وميقعدش معاها
بسنت وهي بتجز
على سنانها وبابتسامة صفرا:ههه ملكيييش دعوة انتي وبعدين انا شايفاها
منسجمة مع روجينا
وجيمي اهي .. كملي انتي مع ادم ومتشغليش بالك .. معلش يا ادم اصل
فريدة قلبها ابيض
وكبييييييير
ادم بيضحك لانه
فهم ان بسنت متغاظة من تصرفات فريدة..
فريدة:كلام ايه
اللي تقصده؟
ادم:عن تيتا؟
فريدة:ايوة صحيح
انت مكملتليش كلام
ادم:بصي يا ستي
في يوم تيتا كانت ماشية وقابلها عراف ومسك ايدها وقالها في يوم حفيدك هيقابل
واحدة هتكون
عارفاكِ بس انتي متعرفهاش ‘ هتقدر تقرا عنيكي رغم انك بردو مشفتهاش ‘ والبنت
دي رسالتك
هتوصلها
فريدة
باندهاش:رسالة؟
ادم:انا كمان
استغربت زيك لما تيتا قالتلي
فريدة:انا مش
فاهمة حاجة وانت كل مدى عمال تتوهني اكتر؟ ايه التخاريف دي؟؟
ادم:انا كنت فاكر
زيك والله وامال كمان عمرها ما صدقت كلام تيتا وقالت ان يجوز تيتا لما قالتلنا
الكلام ده كان
تخاريف ناس كبيرة وان مفيش حاجة من دي حصلت ! بس اصرارك على لوحتها
هو ده اللي خلاني
اشك! لان لوحة تيتا عادية واقل من اللوح اللي عندي في المعرض ‘ عشان
كده اصريت على عم
صابر انه يخبيها عشان اشوف لو اصرارك مجرد بلوحة عادية ‘ عادي
هتفكك منها لكن
لو اصرارك مش طبيعي ساعتها هتكوني انتي البنت اللي العراف قال
لتيتا عليها..
فريدة:نسيت حاجة
مهمة اوووي كذب المنجمون ولو صدقوا!!
ادم:عاااارف بس
انتي عندك انك بتشوفي الماضي ‘ ليه منقلش انه هو عنده بيشوف المستقبل؟؟
فريدة:اه وانا
مطلوب اني اصدق الهبل بتاعك ده؟
ادم بغيظ
وغضب:انا مبهبلش ‘ انا بقلك
فريدة:بص يا ادم
لو انت عايز تقرب مني فأحب اقلك ان مش هي دي الطريقة اللي ممكن تقربني
منك!
ادم بغضب:انتي
واحدة مش طبيعية وبجد كلامك دبش! عن اذنك..
وبص ادم لراشيل
وقالها تقوم وسلم على الكل ومشي من غير ما يسلم على فريدة..
فريدة حست باحراج
واضايقت جدا من نفسها ومن ادم بس كانت في حالة متلخبطة ومش عارفة
تعمل ايه ولا
تقول ايه..
*****************************************
بعد ما الكل روّح
امال في اوضتها مع ايهاب..
امال:انا حاسة ان
ادم بقى متعلق بفريدة ! بس المشكلة ان فريدة مش حساها
ايهاب:بصراحة
عندها حق ‘ اخوكِ يا امال بيحب يهزر كتير وتلاقيها بردو خايفة على نفسها
امال:فريدة
بالنسبة لادم مش واحدة عادية لا! دي واحدة بينها وبين تيتا الله يرحمها تواصل
روحاني!
ايهاب:ماهو
الكلام اللي بيقوله اخوكِ ده كلام مجانين بصراحة!
امال:تؤ ايش فهمك
انت بس يا ايهاب الله!! واحدة وبتقدر تشوف الماضي بتاع تيتا!! وتيتا
قلتلي انا وادم
على العراف ده ‘ بصراحة انا عمري ما صدقت تيتا بس ادم كان حاسس بكلامها ده!
ايهاب:يا شيخة
عراف ايه وهبل ايه بس! هو ده كلام ناس عاقلة؟؟
امال:ادم بيقول
انه مجرد واحد عنده قدرة على انه يشوف المستقبل حاسة سادسة يعني ‘ زي ما
فريدة بتشوف
الماضي..
ايهاب:والله هي
حاجة محيرة فعلا وممكن تحصل..
امال:صعبان عليا
ادم! يوم ما يحب تبقى الواحدة اللي بيحبها قافلة من ناحيته كده
ايهاب:خليه يدوق
بقى عذاب الحب ويتعلم شوية..
امال:تؤ اخص عليك
يا ايهاب حرام عليك
ايهاب:هههههههه
خلاص يا ستي حقك عليا..
امال بحيرة:تؤ
انا فريدة محيراني جدا!
ايهاب بنعس:نامي
يا حبيبتي وسيبي اخوك يتصرف براحته في الموضوع ده! عشان هو بقى كبير
ومش صغير ويعرف
يحل مشاكله بنفسه
******************************************
فريدة نايمة في
سريرها ومش عارفة تنام وعمالة تتقلب يمين وشمال ‘ بعدين فتحت نور الاباجورة
وقعدت تفتكر اللي
حصل بينها وبين ادم فاضايقت جدا وقامت لبست وقررت انها تتمشى على البحر
اللي قدام
الشاليه..
كانت الدنيا كلها
ضلمة مفيش غير انوار بسيطة وفجأة وهي بتتمشى قرب عليها راجل وقال:
مين هناك
فريدة
بارتباك:انا
السكيورتي:حضرتك
فيه حاجه؟
فريدة بارتباك:لا
.. انا اا انا بس قلت اتمشى على البحر شوية
السكيورتي:تمام
وقفت فريدة قدام
البحر وفضلت تفتكر ايام زمان لما كانت مع صاصو ‘ صورته وهو بيقاوم وجعه
ويقلها:متسبنيش
يا فريدة لووحدي ‘ صدقيني انا هبقى كووويس ‘ قوليلهم يا فريدة اني مش مجنون
قوليلهم هتعالج
عشانك .. فرررررررررررريدة قوليلهم انك هتفضلي معايا وهبقى كووويس
كل ده خلى الدموع
تنزل من فريدة غصبن عنها وفجأة حست بحد واقف وراها وبيقلها:
منمتيش لحد
دلوقتي ليه؟
فريدة عرفت انه
ادم بس ملفتش وحاولت تمسح دموعها بسرعة وقالت:مفيش مش جايلي نوم
ادم:عارف؟ ليه؟
فريدة:ايه! عادي
عمرك ما سمعت عن حاجة اسمها ارق!!
ادم بحنية:عارف
وحاسس بيكي ‘ كنتي بتفكري في مصطفى صح؟
فريدة لفت وقالت
باستغراب:اشمعنى؟
ادم:مش عارف حاسس
بده
فريدة بابتسامة
هادية:اممم
ادم بضيق وحزن في
نفس الوقت:لسه بتحبيه؟
فريدة:مش بالزبط
بس احساسي اني خيبت ظنه ده واجع قلبي
ادم:مش انتي كنتي
بتقولي انه عيان؟
فريدة:اه؟
ادم:يعني هو عارف
ده وعارف ان عياه كان الحاجز اللي بينك وبينه ‘ يعني اكيد هو مقدر انك
وقفتي جمبه لاخر
لحظة بس لما عياه بقى اشد مكنش ينفع وجودك اكتر من كده؟!!!
فريدة والدموع في
عينها:احساسي بيقلي اني كان مفروض اعمل اكتر من كده بس ....
ادم
بيقاطعها:كنتي هتسيبي دراستك وتسافري وراه امريكا مثلا؟؟
فريدة:مش عارفة
ادم:ادي فرصة
لنفسك يا فريدة انك تفتحي قلبك من جديد
فريدة بضيق:هو
انا ليه بحس دايما انك زي كل اللي حواليا دايما بيضغطوا عليا في الموضوع ده؟!
ادم بعصبية:لانك
غبية!!
فريدة:والله؟
وانتوا بقى اللي كلكم صح وانا اللي غلط!!!!!! انت واهلي وصحابي!!!!!!!!
ادم بعصبية:مش
عارف بس اللي اعرفه بقى اني بدأت أشك فيكي!
فريدة
باندهاش:تشك فيا ازاي يعني؟؟؟
ادم:انك معقدة!!
فريدة
بصدمة:ايه!!
ادم بيحس انه قال
كلمة غلط بس بيرجع يقول بكل عند:ايوة معقدة!!!! انتي عارفة كووويس اني
بحاول اتقرب منك
وانتي مش عايزة تفتحيلي قلبك!!!! وعمالة تفكري في واحد وجوده او عدمه
واحد!!!! تقدري
تقوليلي ليه؟؟ عشان انتي معقدة اصلاااا انتي بتخافي من الحب!! تجربتك الاولانية
خلتك بقيتي خايفة
من كل واحد!!!!!! فوووووقي بقى من اللي انتي فيه ده!!!!!!
فريدة والدموع
بتنزل منها بغزارة وكانت عايزة تتكلم بس مقدرتش ‘ زقت ادم وجريت راحت
الشاليه بتاعها..
ادم بصوت
واطي:فريدة.... انا اسف... كل الحكاية اني شكلي بحبك بجد!!
***********************************************
فريدة دخلت الشاليه
وفضلت تعيط جامد اوووي وبعدين قررت انها تتصل بباها
الاب بيبص في
الساعة لقاها 1 بليل ولقى اسم فريدة ‘ فخرج من الاوضة عشان مامة فريدة
متتخضش ورد
بقلق:ايوة ايوةة يا فريدة مالك؟؟ فيكي حاجه يا حبيبتي؟؟ جرالك حاجة؟؟
فريدة
بعياط:تعبانة ومخنوقة اوووي يا بابا .. محتاجة اجي عندك اوووي ‘ محتاجاك
بابا فريدة:خير
يا حبيبتي ‘ طيب خدي اجازة وانزلي
فريدة:هع هعــ
هعمل كده باذن الله .. بس ممكن بعد يومين
بابا فريدة:ماشي
يا حبيبتي ‘ انا بصي مش هقول لامك انك جاية هي كده كده هتتصل بيكي بكرة
فريدة بتمسح
دموعها:ليه؟
بابا فريدة:اضحكك
بقى شوية جيبالك عريس المرادي انما اييييه
فريدة بتضحك
وتمسح دموعها:ههههههههه هي لسه مزهقتش
بابا فريدة:ولا
هترتاح الا اما تشوفك لابسة الفستان الابيض
فريدة بحزن:حاضر
يا بابا
****************************************
بسنت :يعني ايه؟
هترجعي معانا؟؟
فريدة:ايوة خدت
اجازة يومين
روجينا:ليه يا
فريدة؟ فيه حاجه حصلت؟
فريدة بارتباك:مـ
مفيش انتوا عارفين ماما وكده فجيبالي عريس
بسنت وروجينا
بصدمة واستغراب:هتشوفي العريس؟
فريدة:اه
بسنت:غريبة؟؟؟! انتي
يا فريدة!!!
فريدة:ايوة
روجينا:من امتى
يعني يا فريدة؟!
فريدة بنرفزة:هو
ايه اللي من امتى؟ عريس وجايلي! اقووله لا!
بسنت بارتباك:طب
و يعني و ادم؟
فريدة:ماله؟
روجينا:يعني احنا
حاسين انه ميال ليكي
فريدة:وانا مش
ميالة ليه!
بسنت:بس انا حاسة
غير كده
فريدة بارتباك
وتوتر:يوووه .. فضوها سيرة ‘ انا خلاص نازلة معاكم القاهرة وهروح اشوف
العريس ولو طلع
كويس هتجوزه!!
بسنت بتبرق:ايه؟!
ليه يا فريدة؟ ايه اللي غير تفكيرك كده؟
فريدة بتعيط
وبنرفزة تقول:الموضوع انتهى وانا هتجوز العريس ده لو كويس عشان اناااا
عشان انا مش
معقدة مفهوووووووووم وخلص الكلام على كده ...
ودخلت فريدة
اوضتها...
بسنت وروجينا
بيبصوا لبعض باستغراب بعدين بسنت تقول:انتي فاهمة حاجه؟؟
روجينا:لا!
ومعقدة ايه؟؟
بسنت:انا شامة
ريحة ادم في الكلام ده؟
روجينا:برافووو
عليكي بدأتي تفكري كويس اهو
بسنت بتحط رجل
على رجل وبتقول بكل فخر:يابنتي اناااا عندي مخ نضيف ‘ الرك بس على اللي
معايا
روجينا بتضرب
بسنت في رجلها:يا شيخة اتنيلي
بسنت بتقع من على
الكرسي فتقوم بسرعة وتعدل في شعرها وتقول:احم انا بردو بقول كده!
******************************************
بعد يومين ترجع فريدة من القاهرة لشرم تاني وتكون
قاعدة في العربية بتبص على ايدها وحزينة
واول ما توصل
الشاليه تلاقي ادم واقف عند الشاليه..
يجري عليها ادم
بعصبية:انتي مش المفروض ترجعي امبارح!
فريدة:انت مين
عشان تحقق معايا
ادم:احنا مش بينا
شغل ؟! وانتي معطلاني باجازتك دي
فريدة وهي رافعة
حواجبها:معلش انت عارف ان كان فيه عريس جايلي وكان لازم اروح اشوفه
عشان ميتقلش عليا
معقدة..
ادم يمسك فريدة
من كتفها ويقولها:انا لو قلتلك كده عشان تقربي مني انا مش تقربي من حد غيري!!
فريدة:تفتكر؟!
كلامك جه متأخر
ادم:يعني ايه؟؟؟
فريدة:ولا حاجة
ادم:عملتي ايه مع
العريس اللي متقدملك؟
فريدة:
...................
استنوني الحلقة
اللي جاية
