الحلقة
السابــــــــعة
امال:اصل اخويا عايز مصممة ديكور!
فريدة:طب كويس هو
ممكن يجي مقر الشركة ونبدأ نعمله اللي هو عايزه
امال:بجد والله؟
خلاص هقله بدل قريب صاحبه ده اللي هيخليه يعمله شغله
فريدة:لا لا لا ‘
طالما هو متفق مع حد يبقى خلاص وبعدين هو اكيد متعود على نظامه وكده وهيبقى
احسن من انه يجرب
حد جديد..
ادم الصغير:ماما
لعبة
امال:يووه مش انت
اللي طلعت تجري وسبتها في البيت
ادم
الصغير:مامااا لعبةةةةةةةةة
امال:معلش يا
فريدة ‘ هروح العبه وبليل لما ينام لو انتي فاضية ‘ نقعد نرغي مع بعض
فريدة بترحيب:اه
طبعا طبعا
بعدين بتبوس ادم
وتقوله:باي يا صغنن
امال:اشووفك بليل
بقى
*****************************************
امال في الشاليه
بتاعها وادم بيلعب ادامها فبتقوله:مسمعش صووتك لحد ما اكلم خالو مااااشي
ادم الصغير بيبص
ببراءة بعدين يكمل لعب عادي
امال تمسك
التلفون وتتصل بأخوها واول ما يرد تقول:دووووومة ‘ وحشتني يا برااااوي
ادم:هههههه وانتي
كمان يا امولة ‘ عاملة ايه والواد الفعصون الصغير عامل ايه؟
امال:الحمد الله
اهو مغلبني ومقرفني في عشتي ومش عارفة بجد اهبب ايه معاه
ادم:ماهو كل
الاطفال كده يا امولة!
امال:المهم يا
دوومة لقيتلك بقى اللي هتعملك ديكور المعرض الجديد هنا في شرم
ادم بعدم
مبالاة:لا لا خلاص انا متفق مع قريب صاحبي
امال:الله يا ادم
مش تشووف البنت دي
ادم:هي صاحبتك
ولا ايه؟!
امال:لا ده انا
لسه متعرفة جديد عليها بس شكلها طيبة اوووي يا ادم
ادم:يا سلام!
يعني لسه متعرفة عليها جديد وعايزاني اشتغل معاها من غير ما اشوف شغلها ولا
اعرف نظامها ايه
دي كمان!!
امال:الله يا ادم
بقلك طيبة وشكلها لذيذ وبصراحة انا مرتحالها اوووي
ادم:يا امال انا
خلاص اتفقت وانتي تقدري تعتذري ليها اني خلاص اتفقت مع قريب صاحبي ده
امال:يبااااي على
تنشيفة مخك دي!
ادم:هههههه معلش
يا اموولة.. المهم وحشتيني وشرم ومززها وحشوووني
امال:هو انت مش
ناوي بقى تستقر
ادم:ايدي على
ايدك! لقيت واحدة انا تنفع وقلت لا؟!
امال:ما انت عمرك
ما هتلاقي طول ما انت مصاحب دي ودي وماشي مع دي وسهر مع التانية
ادم:بس انتي
عارفة اني عمري ما خدعت واحدة فيهم ‘ هما اللي بيبقوا عايزين صحوبية وبس
امال:ما عشان انت
يا حبيبي تعرف بنات ما يعلم بيها الا ربنا
ادم:اه اسطوانة
كل شوية هتبدأ اهو.. طب بقلك ايه وفريها بقى لحد مااجي شرم
امال:منا عارفة
ولما تيجي لا هاخد منك لا حق ولا باطل .. قلي هتيجي تبدأ امتى؟
ادم:مش عارف يا
امولة ‘ هظبط بس كام حاجة كده واتأكد ان كل حاجة تمام حتى عشان عم
صابر ميحتسش من
بعدي وابقى اجي..
امال:ماشي ..
ادم:وايهاب عامل
ايه؟
امال:اهو لسه في
الشغل وبيرجع على بليل كده
ادم:ربنا معاه
يارب وبووووسيلي بقى دووومة الصغير لحد ما اجي اقطعه بنفسي
امال:هههههههه
ماشي
**************************************
فريدة قاعدة في
اوضتها بتحاول ترسم وفجأة الاوضة بتتغير وبتلاقي نفسها في الفيلا اللي شافتها
كتير قبل كده بس
المرادي في الصالة ومحدش فيها ‘ استغربت جدا ومبقتش عارفة هي تروح
فين ولا تعمل ايه
وفجأة لقت التلفون بيرن والبنت اللي بتشوفها بتكون كبرت شوية وبتنزل جري
ترد..
البنت:الووو
ايوووة هنا مصرررر ايوة ايوة انا فرررريدة.. الووو ايوة يا رؤوف ايووووة يا حبيبي
لا متخافش بابا
مش هنا .. هتيجي مصر امتى بقى يا رؤوف .. ايه؟ بعد شهرين؟ يااارب تنجح
يا حبيبي.. متخافش
يا رؤوف انت المرادي لما هترجع هتكون راجع بالدكتوراة ..
تقفل فريدة
التانية التلفون وتقول:ياااااااارب تنجح يا رؤووف بقى
فريدة تحاول تروح
وتقف قدام فريدة التانية وتبصلها اوي وتقولها:لو سمحتي
فريدة التانية
قاعدة سرحانة
فريدة:لو سمحتي
.. انتي؟
فريدة التانية
لسه قاعدة سرحانة
فريدة:افففف هو
انا ايه شبح ولا ايه!!
وفجأة تيجي واحدة
من جوة:ست فريدة؟
فريدة التانية
تبصلها وتقول:ايه يا دادا؟
الدادة:رؤوف اللي
كان بيتكلم؟
فريدة التانية:اه
يا دادا وفاضله شهرين هيمتحن ويجيب اذن الله يارب بالدكتوراة
الدادة:ربنا يهدي
باباكِ ويوافق بقى على جوازكم
فريدة التانية
بغضب:انا مش عارفة هو ليه رافض رؤوف؟! يعني ايه مش هيقدر يعيشني في نفس
المستوى اللي انا
عايشاه! ومين قاله اصلااااا اني عايزة اعيش معاه في نفس المستوى.. انا عايزة
اعيش مع رؤوف في
المستوى اللي هو هيقدر يعمله ليا وهيبقى احلى مليووون مرة من اللي
انا فيه ده..
الدادة:هو فؤاد
باشا كده طول عمره راسه عنيدة
فريدة:يا
جمااااعة بقى! حد يركز معايا انااااا!! انتو امين اصلاااااا؟؟
وفجأة يتفتح
الباب ويدخل راجل بشنبه ومكشر وبيقول:مساء الخير
فريدة:اهو الراجل
الرخ مجه!
الدادة تجري بسرعة
لجوة وفريدة التانية ترد:مساء النور
فؤاد:مالك؟ واقفة
كده ليه؟
فريدة
التانية:مفيش‘ بابا لو سمحت كنت عايزة اتكلم في موضوع
فريدة:اوبااا
هيزعقلك ووش دلوقتي!!
فؤاد بحزم:انا
قلت رأي كتير في الموضوع ده والنقاش منتهي
فريدة التانية
بارتباك:بس اسمحلي يا بابا اني اقلك اني هتجوز رؤوف لاني مش شايفة انه فيه
حاجه تعيبه..
فؤاد:تبقي مش
بنتي ولا اعرفك
فريدة
التانية:انا مش هقول حاجة ليك غير انك راجع ضميرك يا بابا لان رؤوف شاب كويس
وبيبني
مستقبله بنفسه
وهيقدر يعيشني في مستوى انا هبقى مرتاحة فيه مش مستوى انت عايزه عشان
المظاهر! ولو على
الفلوس ففلوسك معملتش ليا غير التعاسة والحزن
فؤاد
بعصبية:اخررررسي ‘ بنت فلتانة بصحيح!
ويضرب فريدة
التانية بالقلم فتقع على الارض فتجري فريدة تحاول تشيلها بس طبعا متقدرش
لانها لما مدت
ايدها عشان فريدة التانية تقوم مكنتش شايفها..
فريدة التانية
بتطلع جري لاوضتها ولسه فريدة هتجري وراها لقت نفسها رجعت تاني للواقع
ومامتها بتدخل
عليها وتقولها:
فيري يا حبيبتي ‘
جارتنا بتسأل عليكي
فريدة بسرحان:اه
ااا اه
مامة فريدة:فيكي
حاجة يا فريدة؟
فريدة:ها؟ لا لا
مفيش
مامة فريدة:امال
مالك مسهمة كده ليه؟
فريدة:لا مفيش
عادي ‘ كنت في لحظة فن مش اكتر
مامة فريدة:كتك
وكسة عليكي وعلى خبتك! قال لحظة فن! خضتيني يا شيخة!! انا افتكرت فيه
حاجه..
فريدة:تؤ يا ماما
‘ ووووسعي كده خليني ارووح اشووف امال
*********************************
امال:ايه كنتي
نايمة ولا ايه؟
فريدة:لا ابدا
كنت برسم
امال:ايه ده بجد؟
طب ما توريني
فريدة:هههه حاضر
هبقى اوريكي بعدين
امال:ده انتي على
كده بقى بتموتي في اللوح والانتيكات؟
فريدة:ده انا
ماما هتطق مني بسبب الموضوع ده اصلااا
هههههههه
امال:ههههههه ‘
خلاص هبقى اجبلك لوح يا ستي هدايا كتييير
فريدة:كده تبقي
عرفتي توصلي لقلبي بسرررعة
امال:هههههههههههههه
قوليلي صحيح انتي مخطوبة او متجوزة؟
فريدة ووشها في
الارض:تؤ
امال:بتحبي؟
فريدة:في زمناً
ما كنت ...
امال:وايه اللي
حصل؟
فريدة سكتت شوية
امال:هتقوليلي
بقى زي اي حدوتة خلصت وطلع خاين؟
فريدة:لا بالعكس
امال:يبقى مقدرش
يجي يتجوزك عشان مستواه
فريدة:امولة
حبيبتي انتي بتتفرجي على افلام ابيض واسوود كتييير!!
امال:هههههه يعني
على سبيل اني بنكت واعرف ايه السبب من غير ما اوجعك
فريدة
بتنهيدة:كان عيان ومرضه صعب انه يتعالج
امال بحزن:اااخ
انا اسفة يا فيري والله مقصدش اقلب عليكي المواجع
فريدة:لا عادي
ولا يهمك ! الموضوع بقاله كتير اصلااا! ده ايام الجامعة ايام ما كان عندي لسه
19 سنة!!
امال:وانتي عندك
كام دلوقتي؟
فريدة بابتسامة
هادية:26 سنة
امال:ومحبتيش حد
غيره؟
فريدة:تؤ
امال:للدرجادي
كنتي بتحبيه؟!
فريدة بتنهيدة:اااه
امال:طب خلاص انا
عارفة اني رخمة اوووي معلش ‘ نغير الموضوع احسن بقى
فريدة:امال كنت
عايزة اقلك حاجة بس خايفة؟
امال
باستغراب:ايه؟
فريدة:مش عارفة
هتصدقيني ولا لا؟؟
امال باستغراب
اكتر:ايه يا بنتي؟ قووولي؟
فريدة:اصلها حاجة
غريبة وبصراحة خايفة تقولي عليا مجنوونة!!
امال بقلق:فيه يا
فريدة؟ ما تقوولي يا بنتي؟
فريدة:اصل انا
بتحصل معايا حجات غريبة بصراحة
امال
باستعجاب:ازاي يعني؟
فريدة:يعني ممكن
ابقى قاعدة معاكي والاقي فجأة اني روحت مكان تاني وبشوف اشخاص ومواقف
بتحصل!
امال
باندهاش:ايه؟
فريدة:بصي هحكيلك
انا لما كنت بحب صاصو زمان
امال مقاطعة
لفريدة:صاصو مين؟
فريدة:مصطفى اللي
كنت بحبه
امال:اه اه ماله؟
فريدة:انا كنت
بحلم باهله وحلمت ازاي عملوا حادثة بالعربية وماتوا وكنت بشوف حياته وهو
صغير بس هو قالي
ان ده توارد خواطر بينا عشان كده كنت بشوف الكلام ده بس المشكلة
ان لما دورنا
لقينا ان توارد الافكار بردو ميخلنيش اروح المكان اللي بيحصل فيه الموقف!!
فاهماني؟؟
امال وهي فاتحة
بقها:ها! لا
فريدة بيأس:تؤ
شفتي بقى قلتلك هتقولي عليا مجنونة
امال:لا لا لا بس
انا عندي ليكي حاجة
فريدة:ايه؟
امال:اخويا بيقرا
كتير اوي في علم النفس ممكن ابقى اسأله واقلك تفسير اللي بيحصلك ده
فريدة:بجد؟؟
امال:اه والله
فريدة:طب هتسأليه
امتى؟
امال:استني هكلمه
دلوقتي
فريدة:طيب يلا
بسرررررعة
تطلع امال
التلفون بتاعها وتتصل بأدم
امال:ايوة يا ادم
‘ بقلك سريعا كده .. صاحبتي ....
ادم:صاحبتك مين
امال:لا انت
متعرفهاش هي سكنت جديد هنا جمبي.. المهم يا اخي هي بقى بتشوف حجات غريبة
ادم:ايه يعني
مجنونة؟؟
امال:تؤ اسمممع
يا ادم الله يخليك مش وقت هزار
ادم:منتي اللي
بتقولي حجات غريبة؟؟ الله!!
امال:هي بتبقى في
مكان واخد بالك بعدين تلاقي نفسها في مكان تاني ومع ناس تانية .. قووم
ايه بقى تلاقي
.... تؤ بقلك ايه خدها هي تفهمك احسن ... لحسن انا متلخبطة خالص
وتقوم تدي امال
التلفون لفريدة وتقولها:خدي كلميه
فريدة ببصوت
واطي:تؤ اكلمه اييييييييه .. انا معرفهووووش
امال:هو انا بقلك
خدي اتجوزيه؟! كلميه اشرحيله!! الله
فريدة بكسوف:الو
ادم:ايوة؟
فريدة:معلش انا
اسفة على الازعاج بس اخت حضرتك قالت انك ليك في علم النفس وكده وقلت
يمكن يكون عندك
تفسير للي بيحصلي
ادم:لا عادي ولا
يهمك ‘ بس من غير بقى رسميات
فريدة جوة
نفسها:اففف احنا هنتعرف على بعض انت كمان
فريدة:المهم انا
زمان كنت اعرف واحد وكنت بشوف حجات حصلت في حياته زمان وبعدين هو
قالي ان ممكن
يكون فيه بينا توارد افكار بس لما قعدنا ندور لقينا انه اه فيه توارد افكار ما
بينا
بس الموضوع ده
ميوصلنيش اني اروح المكان نفسه واشوف اللي حصله زمان؟ وكمان بقالي
فترة بشوف احداث
وبروح اماكن لناس انا معرفهاش!
ادم:الناس دي
بتتغير؟ ولا هي هي؟
فريدة:لا هي هي
وزمان كنت بشوف اهل الولد اللي كنت اعرفه ده
ادم:طب الولد ده
ايه علاقته بيكي؟ يعني زميلك ‘ اخوكي؟ خطيبك؟ جوزك؟
فريدة :احم لا
كنت بحبه
ادم:اهااا تمام
بصي علم النفس علم بحر غميق اووي فخليني ادور على تفسير للي انتي قلتيه ده
.. بس انتي
قلتيلي بتشوفي حاجة حصلت بس؟
ولا ممكن تشوفي
حجات وبعدين تحصل؟
فريدة:مش عارفة
انا لما كنت بشوف حياة الولد اللي كنت بحبه كنت بشوف حجات زمان
حصلتله لكن الناس
اللي بشوفها دلوقتي انا عمري اصلا ما شفتهم!!
ادم:اممم غررريبة
متأكدة انك عمرك ما شفتيهم؟
فريدة:ايوة سواء
البنت اللي بشوفها او باباها اللي بشوفه انا عمري ما شفتهم قبل كده!!
ادم:خالص؟
فريدة:خاااالص
ادم:خلاص ماشي ‘
هبقى ارد عليكي
فريدة باحراج:طيب
اتفضل امال معاك اهي
وتدي سماعة
التلفون بسرعة لامال وفجأة تشوف البنت "فريدة التانية" واقفة في المطار
ومستنية
حبيبها رؤوف..
لبس فريدة التانية والناس اللي كانوا في المطار بيدل ان الزمن نفسه غير وقديم
واول ما
فريدة التانية تشوف رؤوف تجري عليه
وتقوله:حمد الله على السلامة يا حبيبي
رؤوف:خلااااص يا
فريدة اخيراااا هتجوزك اخيراااااااا
فريدة بفرحة:اخيراااااا
يا حبيبي ‘ عارف مصدقتش نفسي لما بابا قالي انه موافق!! رغم اني حزينة
على عياه بس
سبحان الله يا رؤوف مش هتصدق ان ده بابا بتاع زمان! المرض هده اوووي ولقيته
بيقلي اتجوزي
رؤوف زي ما انتي عاوزة..
رؤوف:ربنا يقومه
بالسلامة ياااارب يا حبيبتي ‘ بصي بقى الفرح بعد اسبوع ومش هأجل اكتر
من كده..
فريدة
التانية:ايه؟ مش هلحق طبعا!!
رؤوف:انا جبتلك
الفستان من هناك وعندك اسبوع بس وهنتجووووز
فريدة التانية
بفرحة:انا مش مصدقة نفسي! ياااااااااااااااااه الحلم اخيرا اتحقق
ترجع تاني فريدة
للواقع فتلاقي امال واقفة بتبص ليها بترقب واندهاش وتقول:
شفتي حاجة؟
فريدة:ايوة
هيتجوزوا؟
امال بتبلع ريقها
وتقول بارتباك:بسم الله الرحمن الرحيم؟ هما مين دول يا فيري؟
فريدة:البنت اللي
اسمها على اسمي؟ هي وحبيبها هيتجوزوا؟؟ باباها وافق اخيرا
امال
بسخرية:والله! طب خير وبركة وايه معزموناش!!
فريدة:لا تؤ
ايييه ! انتي بتتريقي!!
امال:لااااا ده
انا لازم اقول لادم ينجز ويشوووف انتي اللي بيحصلك ده ايه!!
استنوني الحلقة
اللي جاية
