الحلقـــــــة السابعــــــــة عشــــــر والأخيرة من "لــــــــو؟!"

الحلقـــــــة السابعــــــة عشـــــر

شيماء ترد وهي نايمة:ايوة يا مزعجة؟

كنزي بعد كح كتير:شش شيماء انا .....

شيماء تسمع كنزي وهي عمالة تكح جامد ومش قادرة تتكلم فتقول:

انا جاية ليكي بسررررعة .. سس سسلام سلام

تقفل شيماء وتجري لكنزي بسرعة

***************************************

اما تروح شيماء لكنزي تطلب بسرعة الدكتور ليها ويقول :

واضح ان مناعتها ضعيفة اووي وده عملها نزلة برد شديدة اوي ‘ محتاجة عناية شديدة

شيماء:انا افضل نوديها المستشفى عند حضرتك احسن

كنزي:لا مش عايزة مستشفيات

شيماء:بس بقى يا كنزي ‘ اخرة العند ده ايه .. انتي مش شايفة نفسك عاملة ازاي

كنزي بتعب وعند:مم مش عايزة

شيماء:المهم يا دكتور ‘ هننقلها لامتى؟

كنزي تكح جامد اوووي لدرجة انها تبقى مش قادرة تاخد نفسها

يجري الدكتور يتصل بالمستشفى:

ابعتوولي الاسعاف فورا

يديها الدكتور حقنة عشان تهدى والكحة تهدى من عندها

تهدى كنزي شوية من الكحة وتحاول تتكلم فشيماء تمنعها وتقولها

متتكلميش دلوقتي حبيبتي

*****************************************

اليوم التاني بتصحى كنزي تلاقي نفسها نايمة في المستشفى ‘ تبص حواليها تلاقي

شيماء نايمة جمبها..

كنزي باندهاش:شيماء

شيماء تصحى مفززوعة وتجري ناحية كنزي:مالك؟ ايه بيوجعك؟ انادي الدكتوور؟ قووولي؟؟

كنزي تبتسم بتعب وتقول:

انتي بقيتي بترغي كتير زيّ

شيماء:ما انتي حالتك تعبانة اووي وانا امبارح اتخضيت عليكي

كنزي:انا ازاي محستش بنفسي كده وانا جاية هنا

شيماء:ماهو الحقنة اللي خدتيها نيمتك واحنا نقلناكي في الاسعاف وركبولك جهاز عشان

التنفس..

كنزي بتعب:اا حمـ حمزة

شيماء:ماله؟

كنزي:او اوعي يعرف

شيماء:ليييه يا كنزي ليه مصرة تعذبي نفسك اكتررر

كنزي بتعب:لل لال لازم يختار من غير اي اي ضغوط

شيماء:طيب اهددي اهددي انتي بس

**************************************

حمزة قاعد في مكتبه في الفيلا سرحان وبيكلم نفسه:

معقوول كل الفترة دي ومسمعتش منها حاجة؟!

ما انت بردو غلطان!!

غلطان عشان خايف عليها وخايف اخسرها

متنكررش انك جبان واناني مش عايز خلفة تاني لانك اتعقدت من الخلفة

منكرش اني اتعقدت فعلا بس بردو خايف عليهااا ‘ انا مكنتش متخيل ان قلبي يدق تاني

لحد غير ميّ.. بس هي قدرت تعمل ده.. قدرت تشقلب كياني.. عرفت تدخل جوة وحدتي

وترجعني تاني للدنيا..

بس هي المفروض كانت تديني فرصة اكبر من اني افهمها وجهة نظري!

انت اللي خدت بعضك ومشيت ‘ انسحبت زي عادتك.. خدت خوفك وجريت تقفل على نفسك!!

يعني اعمل ايه؟!

تعمل ايه؟! انت لسه بتسأل تعمل ايه!!

المفروض اروح اقف جمبها ‘ اشجعهاااا ‘ دي هي اللي وقفت جمبي وشجعتني وادتني الامل

من تاني في الحياة..

ايووة المفروض اروحلها واقولها اني موافق اننا نخلف من تاني بس اهم حاجة هي !!

هحاااارب عشان مخسرهاش ..

ولو خسرتها تاني؟

يبقى قدر ربنا ولازم ارضى بيه واكون قووي ‘ هي علمتني كده ‘ هي نفسها كانت شجاعة

في قدر ربنا واتحملته وحاربت المرررض ‘ موقفتش عاجزة زيّ وقالت خلاص مفيش

مفر من الموووت..

قوووم دلوقتي اجري عليها قولها انك عاوزها وانك مستعد تتجوزوها وتخلفوا ‘ يلااا رووح..

*********************************

يروح حمزة عند بيت كنزي ويفضل يرن كتير على الباب بس ميلاقيش رد فيقول لنفسه:

ممكن تكون برة؟ اكلمها ؟ لا خليها مفاجئة احسن.. طيب هستنى كمان شوية تحت..

يفضل مستني ساعة واتنين وتلاتة ويطلع تاني يضرب الجرس بس ميلاقيش حد ‘ يتصل

على التلفون يلاقيه مقفول!

حمزة لنفسه:الله؟! راحت فين ؟؟؟

يمشي حمزة وهو حزين ويرجع تاني البيت..

*******************************

يفضل حمزة يفكر ويكون عصبي جدا وبعدين يفتكر شيماء ‘ فيتصل بيها

شيماء تكون قاعدة جمب كنزي ولما تلاقي رقم حمزة اللي هي مسجلاه على الموبايل تمشي

من الاوضة وترد بعد تردد:

ايوة

حمزة:شيماء ‘ كنزززي فين؟

شيماء بتسكت وبتكون مش عارفة تقول ايه:اممم ليه؟

حمزة بعصبية:شيماااااء ‘ كنزززززي فين؟؟؟؟

شيماء:معرفش

حمزة:ازاي متعرفيش! كنزي مش في البيت وتلفونها مقفوووول ‘ قوليلي راااحت فين قوووليلي

الله يخلييييكي..

شيماء بألم:معرفش ‘ عن اذنك ‘ لازم اقفل..

تقفل شيماء بسرعة ويقول حمزة بترررجي:لاااا يا شيمااااء قووووليلي فين كنزي ‘ الله يخليكي

فييييييينها..

ترجع شيماء متوترة للاوضة ‘ كنزي بشك:مين اللي كان بيكلمك؟

شيماء بتوتر:دد دده حد كده يعني كان عايز حاجه مني ‘ ومحبتش ادوشك ..

كنزي:اممم طيب..

شيماء:بقلك ايه ‘ مش ناوية تعرفي حمزة بردو؟

كنزي بضيق:لا وعارفة لو عرفت انك قولتيله حاجه يا شيماء صدقيني مش هعرفك تاني!!

شيماء بخوف :لا لا لا مقلتش حاجة ممقلتش

كنزي:عايزاه يختار بشجاعة ‘ مش عايزة اي حاجة تضغط عليه ؟ فهمااااني؟

شيماء:انا شايفة انه اختارك بشجاعة

كنزي بشك :شايفة؟ فين؟

شيماء بإرتباك:قق قصدي يعني هو حمزة بيحبك وكده يعني وو ... و واكيد هيختارك بشجاعة

وهيختار انه يبقى جمبك ويرضى انك تخلفي .. وصدقيني هو لو مكنش راضي فده من حبه

ليكي ..

كنزي:لو سمحتي يا شيماء انا قلتلك متقوليش ليه

شيماء:مش يمكن بيدور عليكي؟

كنزي:يبقى هيوصلي

شيماء:ماهو لو هيوصلك هيوووصل عن طررريقي انا وانتي منعااااني!!

كنزي بتعب:شيمااااء انا تعبانة بقى ‘ لو عايز يووووصل هيوووصل ليا بيكي او من غيرك..

تسكت شيماء وتكون مضايقة لانها نفسها تساعد كنزي وحمزة بس مش قادرة عشان خايفة

من ردة فعل كنزي لو عرفت انها قالت لحمزة على حاجة..

********************************

تاني يوم حمزة بيكون قاعد في الفيلا عمال بيفكر وفجأة يسمع جرس الباب يجري يفتح يلاقي

محمود ‘ محمود اول ما يشوف حمزة يمسكه من رقبته ويزقه على الحيطة ويقول بكل

عصبية:

انت ضيعت مي ومش هسييييبك تضيع بأنانيتك كنزززي

حمزة بعدم فهم:انت بتتكلم عن ايييه

محمود بعصبية:كنززززززي تعباااااااااااانة ولو حصلها حاجه مش هساااامحك ابداااا!!

هدفنك مكان ما انت موجود..

حمزة بعصبية يزق محمود:ووووسع كده ‘ اقسم بالله انا معرفش حاجة عن كنزززي وبدوّر عنها

محمود:هه ‘ انا حذرتك

حمزة بعصبية:انت تحذرني بتااااع اييييه ‘ كنزي هتبقى مرااااتي غصبن عنك

محمود بإشمئزاز:انت هتقتلها زي ما قتلت مي

حمزة بعصبية يضرب محمود بوكس في وشه ويزقه برة البيت ويقفل الباب

محمود من برة:ده اخررررررك يا حمزة يا شهاااااب ‘ جبااااان ‘ مش هسيبك يا حمزة تقتل

كنزززززززي زي مي مش هسيبك يا ابن شهااااااااب ..

******************************

يجري حمزة بسرعة يغير هدومه ويتصل بشيماء وبزعيق:انتي ازااااااي متقوووووليش

ان كنزززززي تعباااانة

شيماء بخوف وتردد:اا اانت مين اللي قالك؟ عرفت ازاي؟؟

حمزة بعصبية اكتر:في اي مستشفى بسرررررعة

شيماء بعد تردد :في مستشفى ....

حمزة:متقوليش ليها اني جاي مفهووووم

شيماء:حح حاضر حاضر!!

بعد ما حمزة يقفل شيماء تقول لنفسها:

اييييه ده !! هو انا ليه فجأة حسيت اني في معسكر وكل واحد يزعقلي فيهم!!! اييييه ده! انا اسمع

الحب بهدلة بس مش كده يا جدعان ..

************************************

بعد ساعة يدخل حمزة ومعاه بوكيه ورد كبير اوووي مليان ورود حمرا وفي النص وردة بيضا

كنزي اول ما تشوف حمزة تبص على شيماء على طول..

شيماء تقول بسرعة:والله العظييييم لقيته اتصل في يوم وزعقلي وشكله كان هيطلع من التلفون

وقالي قوليلي بسرعة هي في مستشفى ايه..

حمزة:ياه للدرجادي مش عايزاني يا كنزي؟

كنزي بحزن:بالعكس ‘ انا كل يوم بستناك بس عايزة الخطوة تبقى منك ومن غير ضغط اما تعرف

اني عيانة..

شيماء:احم طب انا هكون برة بقى وكده يعني ..

شيماء تخرج فحمزة يقعد جمب كنزي ويقولها:

سلامتك ووحشتيييييييني اووووي

كنزي بإحراج:الله يسلمك

حمزة:وحشتك؟

كنزي:تت تحب تشرب حاجة؟

حمزة:و حــ شــ تــ ك؟

كنزي بإحراج:تؤ الله

حمزة:بصي بقى يا ستي ‘ انا عارف اني خدت وقت طويل عشان اقلك اللي هقوله ده ‘ ورغم

اني بجازف بس بجازف عشان افهمك اني مش جبان يا كنزي.. انا بس من حبي ليكي وخوفي

عليكي مش عايز اصحى في يوم والاقيكي تهتي مني تاني..

كنزي بدموع:يعني انت بتحبني؟

حمزة:مكنتش خرجت من صمت حبست نفسي فيه من عيون كل البشر..

كنزي بخوف:يعني مش شايف انك موهوم؟

حمزة:قدام عيونك؟ انا كنت موهوم لما اعتزلت الدنيا كلها

كنزي بدموع فرحة:هنخلف لو ربنا كتب لينا ان شاء الله؟

حمزة:هنخلف حبيبتي وهحافظ عليكي بعيووووني وروحي عشان متعيييش

كنزي تكح كتيير اوي ‘ حمزة بقلق:اناديلك الدكتووور؟

كنزي بابتسامة:لا متخافش

حمزة بخوف:مخافش ازاي بس

كنزي:قولي صحيح انت ليه دايما لما تجبلي ورد يكون كله احمر وفي النص وردة بيضا؟

حمزة:الاحمر عشان اقلك اني بحبك اوووي ‘ بحبك بجد ومش زي ما انتي فاكرة اني موهوم

والابيض عشان اقلك ان قلبك صافي زي اللون الابيض بالزبط ونقية اوووي..

كنزي تبتسم بإحراج..

حمزة يمرر ايده في شعر كنزي بحنان ويقول:اول ما شفتك حتة جوايا اتحركت ‘ بس لما تعبتي

وانتي عندي في الشاليه وايدي لمست خدك وقتها لما قلبي دق اتأكدت اني بحبك بجد..

كنزي بتعب وهمس:وانــ انــا بحبك

حمزة يبوس كنزي في جبينها بحنان ويقولها:

نامي وارتاحي دلوقتي حبيبتي ..

****************************************

بعد اسبوعين بتخرج كنزي من المستشفى مع حمزة وشيماء..

شيماء:هتروّحي البيت يا كنزي؟

كنزي:لا هخرج مع حمزة وبعدين هيروحني

شيماء:طيب حبيبتي لما تروّحي قوليلي عشان فيه موضوع كده

كنزي:ايه هو؟

شيماء بخوف:بب بعدين بقى

حمزة بشك:فيه ايه يا شيماء؟ خايفة تقوليه قدامي ليه؟؟؟

شيماء بعد تردد:اا اصل محمود

حمزة بعصبية:زززززززفت ده عايز ايييه!

شيماء:مم مش عايز هو بس يعني بس قالي حاجة اوصلها لكنزي

كنزي:ايه؟

شيماء:بيقولك هو في الاول وفي الاخر بيتمنالك حياة سعيدة بس بيقلك كمان لو حسيتي ان حمزة

هيجي عليكي للحظة اوعي .....

حمزة وهو بيجز على سنانه:كمممملي

شيماء بخوف: اوو اوعي تتساهلي وتضعفي واهربي بحبك لبعيد ...

كنزي بابتسامة:قوليله كنزي بتقولك وحبي اللي في قلب حمزه عمره ما هيخليه يجي عليا

حمزة بيبص ليها بفرحة ويمسك ايدها بكل ثقة:

نمشي حبيبتي؟

كنزي:اه

************************************

في مطعم هادي وشيك ‘ الاضواء فيه بتكون هادية جدا وفيه موسيقى هادية شغالة ..

حمزة:هنتجوز؟

كنزي بفرحة وخوف:مستعد للحظة دي؟

حمزة بلهفة:اووووي ‘ مش عايز ولا ثانية تضيع تاني وانتي بعيد عني او انا بعيد عنك

كنزي:مش هيجي يوم و ...

حمزة:وايه؟

كنزي:وتنشغل عني؟

حمزة:لا عشان انتي هتشاركيني في كل حاجة ‘ في بيتي ‘ في شغلي ‘ في اطفال هنجبهم ‘ في

كل حاجة .. في كل مكان مش هسيبك ‘ هتكوووني معايا

كنزي تفرح اوي لانها قدرت تغير حمزة من شخص مهمل لشخص بقى يحب ويخاف جدا على

حبيبته وبقى يهتم بكل تفاصيلها..

كنزي بكسوف شديد:يبقى حدد انت بقى

حمزة بفرحة:بجددد؟ بجدددد يا كنزي؟؟ بجدددد يعني خلاااص

كنزي:هههههه انت اتجننت

حمزة:طلعتيني من سجن حمزة القديم وعملتي مني واحد تاني جديد..

كنزي بتمسك ايد حمزة بحنان وتكون مكسوفة ومبتسمة اوي

**************************************

بعد سنة من جواز حمزة وكنزي ‘ حمزة يكون نايم في السرير وجمبه كنزي بتتأمله بحُب..

حمزة يفتح عينه بشويش فيلاقي كنزي قاعدة تتفرج عليه فيتخض: مالك؟ تعبانة؟

كنزي برقة:تؤ ‘ مالك اتخضيت ليه

حمزة:اصل .. مش عارف افتكرتك تعبانة

كنزي:متخفش

حمزة:الساعة كام؟

كنزي:8 الصبح

حمزة:يعني نفطر ونروح معادنا في المستشفى

كنزي:ااه

حمزة:حبيبتي انتي مستعجلة اوي كده ليه؟

كنزي:بقالنا سنة يا حمزة ولسه مجبناش بيبي ‘ انا خايفة اووي

حمزة يمسك ايد كنزي ويقلها:متخافيش حبيبتي ‘ اللي ربنا كاتبه لينا هنواجهه بشجاعة صح؟

كنزي بابتسامة فيها خوف:صح

************************************

بعد ساعتين حمزة وكنزي قاعدين قدام الدكتور وتكون الدكتور بتبص في الأشعة ..

الدكتورة:اامممم فيه مشاكل في رحمك للأسف وده هيمنعك من انك تخلفي

كنزي بدموع :بس الطب اتقدم اوي وفيه عمليات كتيرة عشان الموضوع ده؟

الدكتورة:للأسف رحمك مش هيستحمل لعمليات تخففك من العقم اللي عندك نظرا لمرضك اللي كان

قبل كده ...

كنزي بانهيار:حمزة يعني ايه؟ ها؟ يعني مش هنخلف؟؟ حمزة قوولها ان ده حلمي اللي

عايشة عشانه؟!

حمزة يحضن كنزي اوووي ويبوسها كتيير وبلهفة وبألم في نفس الوقت عشانها..

********************************

بعد يومين حمزة يدخل الاوضة فيلاقي كنزي قاعدة على السرير حزينة وسرحانة

حمزة:حبيبي  قاعد لوحده كده ليه

كنزي بابتسامة بهتانة:مفيش

حمزة يقعد جمبها ويمسك ايدها ويقول:

حبيبتي مش انتي اللي قلتيلي ربنا لما بيكتبلنا حاجة مينفعش نعترض عليها بس لازم نشوف حل

تاني ليها..

كنزي بتهز راسها بمعنى اه

حمزة بيرفع ايدها لشفايفه ويبوسها ويقول:

طب دلوقتي ربنا مأذنش انك تعرفي تخلفي بس فيه حل تاني

كنزي باستغراب:ايه؟

حمزة بابتسامة :نتكفل بطفل يتيم ‘ ولو اني ضد الحاجة دي ‘ ضد اني اجيب طفل جوة بيتي

ميكونش من صلبي طالما ممكن نتكفله وهو في داره ‘ بس عشانك انا مستعد اتنازل عن المبدأ

ده ..

كنزي تبدأ تبتسم وبعدين تبتسم اوي وتقول:اا انت بجد هتخليني اتكفل بطفل؟؟؟ ويجي يعيش هنا

كأنه ابني او او بنتي؟!

حمزة:مستعد حبيبتي ‘ عشانك مستعد اعمل اي حاجة بس مشوفكيش حزينة كده ومكسووورة

كنزي بتحضن حمزة اوووووووي فيقلها بهمس:

بحبك اووووي

***********************************

بعد شهر كنزي وحمزة بيخرجوا من الدار وكنزي في حضنها بيبي صغير لسه في اللفة ..

حمزة بابتسامة حب:مبسوطة؟

كنزي:اووووي ‘ بص نايمة ازاي؟ خلاصي حبيبتي مش حاسة بحاجه

حمزة يوطي يبوسها وبعدين يبوس كنزي ويقولها:

هي اسمها ايه؟

كنزي:رنا!! ايه يا حمزة فيه اب مش حافظ اسم ابنه

حمزة:ههههههه بحب اغيظك بس ‘ عشان زهقت من كتر النصايح اللي ادتهاني قبل ما

نيجي وناخد حضرة الأميرة من هنا..

كنزي:هههه يا سلام ازاي بقى

حمزة وهو بيقلد كنزي:حمزة حبيبي اسمها رنا‘ حمزة دي بنتنا‘ حمزة عارف لو التبني مكنش

حرام احنا كنا سميناها على اسامينا ‘ حمزة حبيبي اوعى في يوم تحسسها انها مش بنتنا ‘ حمزة

انا فرحانة اوي عشان ربنا عوووضني..

كنزي:هههههههههه ‘ الله بنتي وخايفة عليييها

حمزة:يعني هتنسيني؟

كنزي تحضن حمزة اوي:مينفعش ! انت كل حاجة عندي ‘ انت اللي خلتني اعرف ابتسم كده

حمزة:وانتي اللي علمتيني ازاي من كل وقعة اقوم واعرف ان الدنيا قطر ماشي مبيقفش في

محطة واني لازم امشي معاه والحقه واتعلم..

حمزة يحضن كنزي ويبوس ايد رنا اللي نايمة وحاسة بأمان وسط حضنهم

النهايــــــــــــــــــــــــــــــــة