الحلقــــــــة الأولــــى من "لـــــــــو"

لـــــــو؟!

قصـــة لفاطمـــة طـــلال

الحلقـــــــــة الاولــــــى

الجو عبارة عن مطر والسما مليانة غيوم ‘ رعد وبرق .. الطريق كله ضلمة ومفيش حد ماشي..

المنطقة عبارة عن اراضي زراعية وفي اخر الطريق فيه بيت .. عربية في نص الطريق واقفة..

بتنزل بنت من العربية وتكون لابسة جاكيت فرو طويل لحد الركبة وشعرها كله مبلول

من المطر.. البنت بتبص يمين وشمال وبعدين عينها تيجي على البيت اللي في اخر الطريق..

بتقفل العربية وتقفل الشبابيك وتتأكد انها قفلتها تمام وتفضل تجري لحد البيت..

تخبط كذا مرة وبردو ملقتش استجابة ‘ ترجع خطوة لورا وتبص على البيت عشان تحاول تعرف

هل البيت فيه حد ولا مهجور فتلاقي نور اوضة في الطابق اللي فوق مفتوح .. ترجع تخبط

تاني بس المرادي اقوى.. وفجأة يتفتح الباب ويظهر شاب مكشر وبيبصلها باستغراب..

الشاب:نعم!!

البنت:اناا كنت ماشية في الطريق ماشي وبعدين انا كنت تايهه وبعدين فجأة انا معرفتش امشي

منين ‘ فقلت ايه بقى ‘ قلت انا اي مكان هدخل واشوف وكده واقوم من حظي الاسود من حظي

الاسود ياربي ادخل هنا والعربية تعطل وبعدين بصيت لقيت بيت حضرتك ..

الشاب بيبص ليها باستغراب من تحت لفوق وبعدين بكل برود يقول:ايوة؟

البنت:انت هتسبني واقفة كده في المطرة تؤ وسع وسع

وتزق ايده وتدخل البيت..

الشاب بعصبية وتكشير:انتي داخلة وكالة من غير بواب!!

البنت بابتسامة:انا كنزي وانت؟

الشاب فضل متنح بتكشيرة ورجع وقال:

عايزة ايه انتي دلوقتي؟ مش فاهم انا!؟

كنزي باستغراب:بقلك العربية بتاعتي عطلت!! والدنيا مطرة زي ما انت شايف والجو فظيع برد

وبعدين اصلا انا مش عارفة انا فين!! وفجأة لقيت بيتك ده فجريت على هنا !! وبعدين انا بجد

بجد مش عارفة اعمل ايه!! واكيد انت كجنتل مان مش هتسبني بليل وفي جووو زي ده اني

ابات في العربية وانا بنت!!!!

الشاب بعصبية:ايييييييه ما تسكتي شووية ! بالعة راديو

كنزي:احم معلش اصل انا هقلك انا عندي حاجة كده لما بتوتر بتكلم كتييير واحيانا بقول اي

كلام وخلاص وممكن كمان اقول كلام مش متركب على بعضه ‘ وانا بجد حقيقي متوترة

جدااا جدااا جدااا

الشاب بزعيق:خلاااص!

كنزي بابتسامة:انت اسمك ايه بقى؟

الشاب لف ضهره وقالها:اقفلي الباب وراكِ وعندك مشاية امسحي رجلك من الطينة

كنزي:طب بص انا هروج اجيب شنطتي من العربية وهرجع تاني

الشاب:...

كنزي:اوك؟

الشاب بيبص ليها باشمئزاز وقرف

كنزي:تمام قلت اوك

******************************************

تخرج كنزي وتجري على العربية وتجري تجيب شنطتها وترجع بسرعة وقبل ما تخبط الباب

يفتحلها الشاب ويقلها:

رجلك في المشاية

كنزي:حاضر حاضر يباااي عليك

البيت من جوة عبارة عن فيلا صغيرة من طابقين ‘ الطابق الاول يكون زي صالة كبيرة مقسومة على نصين ..

النص الاول فيه انتريه كلاسيكي وعلى الجمب فيه دفاية .. والكنب واخد شكل حرف الــ U  وفي

تلفزيون قديم .. اما النص التاني فكان عبارة عن مكتبة كبيرة اوي وطرابيزة صغيرة عليها لاب

توب.. وكرسي خشب هزاز..

وبعدين يكون فيه مطبخ صغير وجمبه حمام صغير .. اما الطابق اللي فوق فيكون عبارة عن

اوضتين واوضة تالتة كبيرة وملحق بيها حمام..

كنزي واقفة في نص الصالة بتتفحص المكان وبعدين تقوله: يا... يا اسمك ايه انت.. فين الحمام؟

الشاب باقتضاب ومن غير ما يبص لكنزي:عندك هناك اهو جمب المطبخ..

كنزي:اوك

تدخل كنزي الحمام وبعد دقيقتين تخرج وتقول:بقلك يا اسمك ايه انت ‘ هنعمل ايه في العربية

بتاعتي!! يعني فيه ميكانيكي قريب ولا احنا فين وانا جيت فين بس؟!

الشاب بنرفزة:ممكن براحة! يعني براحة ماشي!!

كنزي:اصل انا هقلك انا عربيتي دي مهمة اوووي بالنسبة ليا وبصراحة انا مش هتقبل فكرة

انها تكون بايظة ولو ليوم واحد فقط .. فممكن الصبح بدري بعد اذنك يعني بعد اذنك انه

توديني لميكانيكي تعرفه ؟

الشاب:مبدئيا مفيش ميكانيكي هنا قريب خالص

كنزي:ايه؟ بتهززززر؟

الشاب:انتي ازاي اصلا بتتكلمي عادي كده وانتي غريبة وانا غريب عنك؟! انتي مش خايفة على

نفسك ولا قلقانة مني؟!!

كنزي بكل عفوية:لا وبعدين يا كابتن انا معايا ربنا ‘ وربنا الحافظ وشكلك كده يعني مش هتعمل

حاجه ولا هتعمل؟؟ هتعمل!؟ هتعمل؟! لااا مش هتعمل

الشاب:ششششش

كنزي:طب هنعمل ايه في العربية بتاعتي دلوقتي؟

الشاب:معلش لا مؤاخذة انتي بتتكلمي عن العربية اللي برة ؟ اللي انا شفتها؟

كنزي:طبعاااا

الشاب:دي خردة! ده المفروض تبوظ من زمان!

كنزي:لااااا لاااا لااا كله الا عربيتي من فضلك !! ميغركش على فكرة منظرها! لكن انا مهتمة

بيها جداااا

الشاب باستهزاء:هه لا ما هو واضح..

كنزي بتحدي:ايوة يعني مفيش ميكانيكي ولا ايه؟ كده خلاص!! زوزو رااااحت!!

الشاب باشمئزاز:زوزو! دي اخرها كاريتة!!

كنزي بعفوية:انت تحت لسانك حبهان يا اسمك ايه؟

الشاب باستغراب:نعم؟!

كنزي:اصلك قرفان على طول فقلت جايز فيه حبهان تحت لسانك؟!

الشاب:تقدري تنامي هنا وانا هنام فوق

كنزي:استنى هنا يا اسمك ايه ... انت يا عمناااا

الشاب:اففففف اسمي حمزة ‘ حمزة حمززززة

كنزي:حمزة ‘ اسم حلو ‘ المهم اناا بردانة

حمزة:هفتحلك الدفاية وهجبلك بطانية

كنزي:خليهم اتنين

حمزة:تحبي ادييكي بتاعتي كمان  وعني ما اتغطيت

كنزي:لا لا على فكرة ده مش اسلوووب خالص حضرتك يا حمزة يعني

حمزة:يووووووووووووه ده انتي لو بالعة راديووو مش هتكوني كده

ويطلع حمزة ويسيب كنزي واقفة في الصالة..

كنزي لنفسها:تؤ ماله ده!!

**********************************************

بعد دقيقة ينزل حمزة ويكون في ايده مخدة وبطانيتين ويقولها:خدي ‘ عايزة حاجة تاني؟

كنزي:على فكرة بقى انت مش جنتل مان

حمزة يبص ليها بنظرة مليانة شزر ويقول:افندم؟

كنزي بخوف شوية:ايوة يعني يعني انا بنت وفي السقعة دي هتخليني انام هنا في الصالة

وانت الرااااجل ‘ الراااجل هتطلع تنام فوق في الاوض وعلى سرير وتتدفى اكتر!؟

حمزة:على فكرة بقى انا كل يوم بنام هنا قدام الدفاية!! لان فوق تلج حضرتك..

كنزي باحراج:احم

وبعدين بصوت رقيق تقول:بس انا يا اخ حمزة مبعرفش اصلي انام على الكنب بتوَّتر!!

وانا لما بتوتر عند النوم اجااارك الله بقى ‘ عارف احكيلك مثلا انا من يومين....

حمزة بيقطع كلامها ويقول:ششششش خالص

ويروح عند الكنبة ويزقها بايده لجوة فتتفرد معاه وتبقى على هيئة سرير ويبص ليها:

اهي قلبت سرير..

كنزي:اه ههه تصدق ههه فعلااا .. تمااام كده

حمزة:انا طالع لفوق ومش عايز اسمع حس حضرتك! والنور ياريت متسبهوش مفتوح

ولسه هيطلع السلالم..

كنزي:الباااب اتأكد انه مقفول لحسن حرامي يجي مثلا يتكعبل فيا

حمزة يروح عند الباب ويتأكد ان الباب مقفول ويطلع من غير ما يبص لكنزي ولا يقول اي كلمة..

******************************************

كنزي تقعد على الكنبة وتفرد بطانية تحتها وبطانية فوقها وبعدين تحط المخدة وتحاول تنام

وتقعد تتقلب يمين وشمال وتتأفف..

كنزي:اففففف ‘ الجو ساقعة اوووي ‘ تؤ انا هقوم البس جاكيت فوق اللي انا لابساه ده..

وبعد دقيقة تحاول تنام بس بردو تقعد تتقلب يمين وشمال ‘ لحد ما عينها تقع على المكتبة

فتبتسم وتقوم وتقول لنفسها بصوت عالي:

ايوووة انا هقوم اشوف المكتبة دي كلها حاطط فيها ايه الانسان المريب ده

وتبدأ تبص على الكتب والروايات اللي عنده وبعدين تلاقي في رف من الرفوف مجموعة اسطوانات

قديمة فتمسك واحدة وتقول:

ايه ده! هو لسه فيه ناس عندها كلام زمان ده؟!

وبعدين تمسك الاسطوانة في ايدها وتدور في الحجات اللي في المكتبة بايدها التانية ‘ وتقوم

جايبة كرسي وتقف عليه وتفضل تدور في الرفوف اللي فوق بكل اهتمام وفضول وبردو لسه

ماسكة الاسطوانة في ايدها وبتدور بالايد التانية..

فجأة تحس ان الكرسي بيتهز فتمسك بسرعة في رفوف المكتبة ويكون رف خفيف ومرة واحدة يقع

الرف بالكتب اللي عليه وياخودها بالكرسي على الارض ..

كنزي تكون واقعة على الارض وجمبها الكرسي واقع وفوقها الكتب اللي وقعت والاسطوانة وايدها

تحت جسمها.. كنزي تفضل ساكتة بتحاول تستوعب اللي حصل وتبص على المكتبة بعدين تبص

على الكتب اللي وقعت حواليها وبعدين تبص على السلم وترجع تبص تاني على الرف اللي وقع..

ينزل حمزة جري من فوق واول ما كنزي تشوفه تصرخ وتقول:

آآآآي آآآآي

حمزة بقلق:ايه اللي حصل؟!! ايه اللي وقع الرف والحاجاااات كده

كنزي بتوتر:متخفش ولا تقلق انا كووويسة ‘ بس ايدي باين كده انها ....

حمزة بانفعال بيقاطعها ويقول:انتي ايه وزفت ايه ‘ انا مليييش دعوة بيكي!! انا بتكلم عن

الرررف!! والكرسي ايه اللي جابه هنا؟ اصلااا انتي بتعملي ايه هنا عند المكتبة!!

تقوم كنزي تقف وتكون ماسكة ايدها وبتتوجع بس من غير صوت .. حمزة يبص تحتها يلاقي

اسطوانة مكسورة فيبرق جاااامد ويقرب ناحية كنزي بعنف..

كنزي تشوفه كده فتخاف اوي وتقول:ايه؟ انت هتعمل ايه؟ انا زي اختك على فكرة ومينفعش يعني!؟

حمزة يوطي على الاسطوانة ويبص ليها بعنف ويقولها: ايييييه ده!!

كنزي بارتباك:ايه؟

حمزة بعصبية:انتي كسرتي الاسطواااانة دي!!!

كنزي:بص حضرتك يا حمزة يعني ‘ انا مكنش جايلي نوم والله ‘ قوم ايه بقى قلت ابص على

المكتبة الكبيرة دي اوووي .. بعدين كنت عايزة اشوف الرفوف اللي فوق ....

حمزة بصوت عالي:ممكن تخرررررسي!!!!

وقام بنرفزة رمى الاسطوانة وطلع تاني لفوق وقال:

بكرة الصبح ‘ من فضلك تاخدي بعضك وتمشي من هنا..

**********************************

صحيّت تاني يوم كنزي ووضبت مكان ما نامت ‘ وبعدين وضبت الكتب اللي وقعت وشالت

الاسطوانة اللي اتكسرت على جمب .. وبدأت تحاول تصلح الرف اللي وقع من تاني..

كانت عاملة ازعاج وهي بتحاول تصلح الرف.. نزل حمزة وكان شعره منعكش ونص عينه

مقفولة لسه وقال:

انتي بتعملي ايه؟

كنزي باحراج:اا اانا بصلح الرف اللي عملته

حمزة يغمض عينه ويفضل واقف في النص كده من غير ولا كلمة..

كنزي بتعجب:انت نمت؟!

حمزة:شششش

كنزي:ششش ايه ‘ لو عايز تنام اطلع كمل فووق  ‘ هتنام في نص السكة كده

يفتح حمزة عينه ببطىء ويقلها:

انتي طلعتيلي منين؟!

كنزي لسه بتتكلم ....

بس فجأة يسمعوا صوت فرقعة .....

استنوني الحلقة اللي جاية