الحلقــــــــــــة العاشــــــــرة
شيماء بفزع:فيه ايه يا كنزي؟
كنزي بعياط وانهيار:تعبتتتتت مش قاااادرة ‘ انا مجرررررمة يا شيماء
شيماء:كنزي ‘ لو انتي مش قد المسؤولية ارجعي ‘ لأن واضح انك فشلتي..
كنزي برعب:ايه؟! اسيبه دلوقتي وهو في الحالة دي؟
شيماء:لا اقعدي جمبه واتنقطي!!
كنزي بضيق:بقلك ايه يا شيماء انا هقفل دلوقتي ..
شيماء:استني يا كنزي
كنزي:بس سلام دلوقتي بعدين بعدين..
شيماء:سلام يا كنزي
**************************************
تاني يوم الصبح بيصحى حمزة ويبص حواليه ‘ يفضل فترة قاعد في السرير وهو
مفتح عينه وعمال
يفكر في اللي حصل امبارح ..
حمزة بصوت عالي لنفسه:هو انا ازاي عملت كده فيها!! انا قاسي جدا .. لا انت
جبان زي ما قالتلك
عشان كده مستحملتش كلامها ‘ كل كلامها اللي قالته صح وعراك زي ما هي قالتلك
.. ايوووة
عشااان كده ضربتها.. لااا بس هي برضو مكنش ينفع تقول كده.. يوووه انا
اتجننت ولا ايه ‘ انا هقوم
اعتذر ليها واطلب منها بقى تمشي او اوصلها بنفسي لاي مكان وتبقى تيجي بعدين
تاخد عربيتها..
ينزل حمزة تحت في الصالة فيلاقي كنزي نايمة ومغطية نفسها ببطانيتين ولسه
هيطلع لفوق
لمحها عمالة بتترعش جامد .. فتح عينه اكتر ودقق نظره فلاقاها فعلا بتترعش
..
نزل جرري ليها وقالها: كنززي؟ كنزززي
كنزي نايمة ومش قادرة ترد
حمزة بقلق:كنزززي انتي سقعانة ؟
كنزي بصوت ضعيف اووي: آه
حمزة بيطلع فوق جريّ يجيب ليها كل البطانيات اللي عنده وبيحطها فوقها
ويقلها:
لسه سقعانة يا كنزي؟ ها؟
كنزي كانت عمالة تترعش جامد ومش قادرة ترد ..
حمزة بارتباك وتوتر بيمد ايده ويجس حرارة كنزي فبيلاقيها سخنة اووي..
حمزة بقلق:انتي سخنة اوووي !!
كنزي عمالة تكح جامد
حمزة بعصبية:اكيييد عشان فضلتي واقفة برة في المطررر ‘ شفتي !! وعمالة
تقوليلي تغسل
مش عارف ايه واديكي اتغسلتي لحد ما سخنتي !! اعمل اييييييه انا
دلووووووقتي..
كنزي بصوت تعبان اوي: آآ ا انا بردآآآآآآآآنة اووووي اووووووووي
حمزة بتوتر اكتر ويفضل رايح وجاي قدام كنزي :اعمل ايه دلوقتي!! اه انا هروح
المطبخ عشان
اعمل اللي اسمها ايه دي ..... يوووووووه ..
يروح حمزة على المطبخ ويجيب مياه ساقعة وتلج وبعدين يجيب قماشة ويرجع
لكنزي..
يقعد حمزة قدام كنزي ويبتدي يعمل ليها كمادات عشان حرارتها تنخفض .. وكل
شوية
يفضل يجس في حرارتها..
حمزة:وبعدددين بقى ‘ الحرارة لسه مش راضية تنزل
كنزي:آنااا بردآآآآنة اووووي
حمزة:لا لازم اتصل بالدكتور ‘ مينفعش استنى اكتر من كده
يقوم حمزة يتصل بدكتور هو عارفه كويس وبيتعامل معاه دايما..
حمزة بتوتر:ايوة يا دكتور ‘ انا حمزة شهاب ااه ااه الحمد الله بخير.. بقلك
يا دكتور انا محتاجك
ضروري ‘ ايوووة في الفيلا التانية.. ضرووووري .. يا عم تعالى واحكيلك ..
*****************************************
بعد ساعتين ونص يجي الدكتور وبعد الكشف يقول:
نزلة برد شديدة جدا ‘ انا هكتبلها على أدوية تحاول تجبها ليها وهكتب على
نظام غذائي معين
ياريت تلتزم بيه كمان والراحة التامة..
حمزة:مفهوم مفهووم
الدكتور:بس انا شايف ان المريضة ‘ قلتلي اسمها ايه؟
حمزة بنرفزة:مالها المريضة؟ هو ده وقت انك
تعرف اسمها يا دكتور انت هتتعرف؟!!
الدكتور: شايف انك مهمل يا استاذ حمزة لقريبتك
حمزة:قريبتي! اه اه مالها قريبتي بقى ؟
الدكتور:فيه حد عنده نزلة برد قوية وتنيمها كده في الصالة جمب الشباك؟!!
طبعا الجو هنا ساقع
اووووي عليها!!
حمزة:ا اا هنقلها فوق طبعا
الدكتور:ياريت يا استاذ حمزة وتاخد بالك كويس منها والا الموضوع هيتدهور
اكتر وساعتها قريبة
حضرتك هتبات في المستشفى..
حمزة بقلق:ايه! لا لا لا ان شاء الله لا
الدكتور يدي الروشتة لحمزة ويقله :اتفضل..
بعد ما الدكتور يمشي ‘ يطلع حمزة يغير هدومه بسرعة وينزل جري لكنزي..
حمزة بحنان:كنزززي ‘ انا رايح اجيب دوا ليكي
كنزي نايمة ومش حاسة بنفسها
حمزة بيجس حرارة كنزي يلاقيها لسه شوية سخنة ‘ فيكتب ورقة انه راح يجب دوا
ويحطها قدام
كنزي ويجري ياخد عربيته ويروح لأقرب صيدلية ممكن يلاقيها..
**************************************
بعد ساعة بيرجع حمزة بالأدوية ويصحي كنزي بالعافية عشان تاخد دوا..
حمزة:يلا يا كنزي خدي الدوا بقى
كنزي بتعب:لا مش بحبه
حمزة باستغراب:ايه يا كنزي د هدوا هو انا بقلك اشربي كولا؟!
كنزي بتعب:وحش ‘ طعمه وحش والله
حمزة بحنان:معلش خديه واشربي وراه مية
كنزي تشربه وهي مرغمة وبعدين تقول بسرعة:مييييية ميييييية هات ميييية بسرعة
حمزة يديها كوباية مية بسرعة..
كنزي بعد ما تشرب المية تقول:يييييييع
حمزة:معلش بس عشان تخفي ‘ ادي اللي خدتيه من المطرررة ‘ قال تغسل قاااال
كنزي بإرهاق:شششش بس بس
حمزة:حاضر ‘ ارتاحي هنا شوية لحد ما اوضبلك الاوضة فوق عشان تنامي فيها
كنزي تغمض عينها وتروح في النوم تاني
حمزة يجس حرارتها وبعدين يشيل خصلات شعرها من على عينها ويبدأ يمرر اصابعه
على شعرها
بحنان ..
****************************************
يطلع حمزة ويبتدي يوضب الاوضة ويغير ملاية السرير والمخادات وبعدين يفتح
الشباك وينوّر
الأوضة ويشيل كل اللبس ويوديه للغسالة ‘ وهو في الحمام يشوف شكله ويقرر
يحلق دقنه..
بعد ما يخلص توضيب الأوضة ينزل لكنزي..
حمزة برقة:كنزي ‘ يلا عشان تنامي فوق
كنزي باستغراب:فوق فين؟ ايه ده دقنك فين؟
حمزة بإحراج:في الاوضة بتاعتي
كنزي بدهشة وتعب: وو وانت هتنام فين؟
حمزة : هنام هنا مكانك
كنزي بتفضل تكح وبعدها تقول:لا لو هتنام هنا هتعيا زيّ
حمزة باستغراب:امال انام فين؟
كنزي:فيه اوضة تانية تنام فيها؟
حمزة بضيق وعلى طول قال:لا
كنزي:ليه؟
حمزة بإرتباك:اا مم م مش متعود
كنزي:خلاص مش هطلع فوق
وتفضل تكح كتيير
حمزة بنرفزة:كنزززي ارجوووك انتي تعبانة اوووي والدكتور قال لو استمريتي
كده هتتعبي اكترر
كنزي بعند:مش مـ ش هـ تط لع يا حـ م زة
حمزة يشوف كنزي عمالة تكح جامد اووي وبتترعش من البرد
حمزة برقة وترجي:ارجووكِ يا كنزي ‘ اطلعي لفووق
كنزي:تؤ
حمزة:حاضر يا كنزي هنام هناك
كنزي بتبص ليه: بتــ ك دب يا كابتن؟
حمزة:لا
كنزي:عــ يني في عينك؟
حمزة :اهو
يبص حمزة جوة عين كنزي ويغوص جواهم فيدق قلبه ويحس بشعور غريب ..
حمزة بإرتباك: آ آيلا بقى
كنزي تقوم من مكانها وتطلع فوق للأوضة وتلاقي الاوضة مترتبة وبقت حاجة
تانية خالص..
كنزي:ايه ده؟
حمزة:وضبتها ‘ ماهو مينفعش وانتي تعبانة تنامي فيها وهي متبهدلة كده
كنزي بعد ما تكح:ش ششكرا
حمزة بابتسامة رقيقة : العفو.. حتى اشتريت دفاية بالكهربا صغيرة ليكي عشان
تعمل دفا لما الجو
يسقع اوووي..
كنزي تنام على السرير وتبتسم ..
حمزة:طيب انا انا هروح بقى اا ا اانزل المطبخ و وانتي خليكي هنا يعني
كنزي بتهز راسها بابتسامة وصمت
*****************************************
بليل حمزة بيكون قاعد تحت وبيقرأ كتاب ويلاقي كنزي نازلة ‘ حمزة بينط من
الكرسي بخضة
ويقول:كنزي مالك؟ فيكي حاجة؟؟
كنزي بابتسامة رقيقة:لأا بس زهقت
حمزة:من ايه؟
كنزي:من قعدة السرير بكرهها
حمزة :طب تعالي اقعدي ‘ زهقتي ايييه بس ‘ هو انتي لحقتي ترتاحي
كنزي:بكره نومة السرير ‘ بكره العيا
يلاحظ حمزة تغيير ملامح وش كنزي من بعد الابتسامة لحزن فيقول:
احم هو لما يعني في اليوم اياه اللي كنتي بتحاولي تغسلي فيه اغلاطك ده تحت
المطر‘ كنتي قلتيلي انه ....
كنزي:سكت ليه؟
حمزة:مش عارف!!
ويقوم حمزة ممر ايده على شعره ويرجع يقول:يعني كنتي قلتي انك كان عندك
السرطان
كنزي:آآه
حمزة:خفيتي؟
كنزي:آآه ‘ بس ممكن يرجع تاني لو مشلتش الرحم
حمزة بقلق:طب ليه مشلتهوش
كنزي:ومخلفش؟
حمزة بصدمة:آه! بس اكيد لما تتجوزي حياتك هتبقى أفضل ليه من مولود ممكن يجي
وانتي تروحي
كنزي بدموع في عينها:نفس تفكيرهم كلهم ‘ بس انا اتحديتهم
حمزة:ازاي؟
كنزي:سافرت اتعالجت ‘ اه نسبة الشفا كانت نادرة بس كنت مؤمنة اوي
حمزة:بس ممكن يرجع تاني لأنك مستأصلتيش رحمك!!
كنزي:هستأصله لما أخلف الاول
حمزة:ما انتي .... بعد الشررر يعني ممكن تعيي تاني بيه قبل ما تحملي؟!
كنزي:ساعتها هعرف اني مليش نصيب
حمزة:بس ازاي تعيشي حياتك على كف عفريت كده؟!
كنزي:عشان الفرحة اللي هشوفها في عيون ابني او بنتي تستاهل مني اضحي بعمري
كله
حمزة بيبص ليها بدهشة ويسكت..
كنزي:مالك؟
حمزة:فيكي شجاعة رهيبة
كنزي:عشان عارفة اني عايشة حياة واحدة بس ‘ مش هعيشها غير مرة واحدة تستحق
مني المغامرة
في كل حاجة طالما تستاهل ومؤمنة بيها اوي..
حمزة:مش كل حاجة بينفع فيها مغامرة..
كنزي:بس في نفس الوقت مينفعش احبس نفسي بين قيود تلت ارباعها انا اللي
بخلقها لنفسي!
حمزة: ما علينا ‘ تطلعي ترتاحي بقى
كنزي:توزيعة دي؟
حمزة:لا والله انا خايف عليكي
كنزي قلبها بيدق جامد اما تسمع الجملة دي وترتبك اووي فتقول :اا قولي بقى
ايه الكتب دي كلها؟
حمزة بابتسامة:روايات وكتب عالمية وقصص والجزء اللي هناك ده رواياتي طبعا..
كنزي:اه حفظاهم
حمزة باستغراب:ايه ده ؟!
........................
استنوني الحلقة اللي جاية
