الحلقــــــــة الخامســــــة عشـــر
كنزي تقعد على الكنبة وتقول:
انت ازاي عرفت الجريدة اللي بشتغل فيها؟
حمزة:هقلك بس توعديني انك تحتفظي بهدوئك
كنزي:مش فاهمة؟
حمزة:في اليوم اللي جتلك فيه الجرنان ‘ انا كنت نازل القاهرة ولقيت حد
بيكلمني ‘ استغربت جدا
لاني كنت قافل الموبايل بقالي شهور ولما رديت لقيتها شيماء..
كنزي بصدمة:اييييه؟! شيمااااااء
حمزة:اهدددي ‘هي كانت بتتصل بيا وهي منفعلة وخدت منها دوش زي الفل
كنزي بصدمة اكتر:شيماء؟!
حمزة:كانت بتقولي انك في الجرنان بتضيعي مستقبلك ‘ مفهمتش منها بعدين
سألتها جرنان ايه
وقالتلي ‘بس هي شكلها مكنتش فاكرة ان الموضوع هيبوظ كده..
كنزي:بس ليه مقالتليييش؟!
حمزة:تلاقيها خافت منك
كنزي:اممم
حمزة:خصوصا بعد م انا جيت واكتشفت ان محمود الريس وعكيت الدنيا
كنزي:اه ممكن فعلا
حمزة:بس متعمليش مشكلة معاها
كنزي:تؤ مش هعمل
حمزة:بقيتي مطيعة اووي
كنزي بكسوف:اا عادي
حمزة:انا جعان
كنزي:وانااا
حمزة:طب هنزل اروح اجيب اكل لينا
كنزي:واللي طلبته ديلفري؟
حمزة:خليه ليكي بليل عشان عارف انك هتجوعي تاني .. المهم مش هتأخر عليكي ..
ماشي
كنزي:ماشي..
ينزل حمزة وأول ما ينزل تتنطط كنزي من الفرحة وتقول لنفسها:
بقى بيكلمني بقى بيكلمني لالالا بيكلمني تراتاتااااا تراتاتااااا لالالالا
بيكلمني لالالالالا
تجري على المراية وتشوف نفسها وبعدين ترجع تاني تقعد مكانها وكل شوية تقوم
من مكانها وترجع
تقعد تاني لحد ما رن الجرس..
تروح تفتح وتلاقي الديلفري فتاخد الاكل بسرعة وترجع تاني كل شوية تروح
للمراية تشوف نفسها
وترجع تقعد تستنى حمزة
**************************************
بعد نص ساعة حمزة بيرجع لكنزي واول ما تفتح الباب تقول بسرعة :
ايه يا كابتن ده؟! كل ده تأخير تؤ والله مينفعش كده ‘ وبعدين يعني انت
قلتلي هتروح بسرعة وانك جعان
وانا جعانة والدليفري بتاعي جه ‘ بس انا مردتش اكل ‘ وانا هموت واكل ‘ بس
انا مأكلتش .....
حمزة بيقاطعها:اقعدي ارغي انتي بقى كده لبكرة الصبح ومناكلش
كنزي:منا قلتلك قبل كده اني لما بتوتر بتكلم كتير ‘ واني بقول اي حاجة في
اي حاجة ‘ وانت لما
جيت فجأة انا مش عارفة ايه اللي حصل....
حمزة بيقاطعها تاني وهو بيحط ايده على بقها:بــــــــــس ‘ اهدددي
براااااحة خالص .. قوليلي متوترة
ليه؟
كنزي:مش عارفة
حمزة:طيب ممكن تقعدي بس ناكل وبعدين نتكلم
كنزي بكسوف:طيب ماشي
ويبدأوا الاتنين ياكلوا وبعد الاكل يقول حمزة:
بس تعرفي شقتك رقيقة
كنزي:شكرا
حمزة بيقعد ساكت شوية وبعدين يقول:ليه مقولتليش من الأول انك كنتي تعرفيني
كنزي:كنت عايزة اقلك بس كنت خايفة ‘ انت مكنش عندك استعداد تقابل اي حد ما
بالك لو الشخص
ده من الصحافة..
حمزة:بس كان احسن من اني اتصدم
كنزي:بس انا مبسوطة انك رجعت تاني للحياة
حمزة يسكت شوية ويرجع يقول:انتي السبب
كنزي وشها يحمر من الكسوف
حمزة:قريتي قصتي الجديدة؟
كنزي:تؤ لا
حمزة باستغراب:ليه؟!
كنزي:خفت أقراها
حمزة باستغراب اكتر:ليه؟
كنزي:خفت اقرأ كلام يجرحني
حمزة:انا اجرحك؟!
كنزي بألم:ما انت جرحتني
حمزة:لما؟
كنزي:لما قلتلي اني عمري ما هبقى نضيفة زي مي
حمزة:كنت مضايق وكنت موجوع اني بعد ما وثقت فيكي فمتكونيش قد الثقة
كنزي:وثقت فيا
حمزة:ولسه واثق فيكي
كنزي:بجد؟
حمزة:ايوة
كنزي تبتسم ابتسامة مليانة انكشاح وقلبها يدق بسرعة
حمزة: كانت وحشاني اووي
كنزي:ايه هي؟
حمزة:ابتسامتك اللي فيها ضي من القمر
كنزي بإحراج تقول:اا تحب تشرب اي حاجه؟!
حمزة:هههههه لا انا هقوم امشي بقى ‘ بس بكرة هاجي اخدك
كنزي:نروح فين؟
حمزة:خليها بكرة
كنزي:مينفعش دلوقتي؟
حمزة:بكررررررة
كنزي:اممم ماشي..
********************************
اليوم التاني بتصحى كنزي بكل نشاط وحيوية وتبدأ تجهز وبعدين
تلفونها يرن فترد من غير
ما تشوف الاسم.
كنزي بلهفة:ايوة
محمود:صباح الخير
كنزي:محمود؟
محمود:اسمعي انا بتكلم لمصلحتك
كنزي:في ايه؟
محمود:انا عارف انك بتحبي حمزة ومن زمااان اوووي ‘ ايام
ما كنا كلنا في الجامعة
بس تفتكري حمزة لو عرف باللي انا عارفه هيقبل يسامحك
تاني؟!
كنزي بتلعثم وخوف:عرف ايه؟!
محمود:عرف بالسر اللي انتي نفسك افتكرتي انك نستيه
كنزي:انا مش فاهمة انت بتتكلم عن ايه
محمود:ابعدي عن طريقه وابعديه عنك احسن ما اكشف السر ليه
كنزي:وانته تستفيد ايه؟
محمود:هستفيد ان قلبه يتووووجع واشوووفه بيتعذب زي ما
انا فضلت متعذب
كنزي بعصبية:انا عمررري ما كنت اتخيل انك وقح اوووي
كده؟!! معقووول كل السنين دي
وانا مش واخده بالي منك؟!
محمود:اسمعيني ‘ انا حبيت مي وكنت مستعد اقدم حياتي ليها
بس هي فضلت عليا الحقير حمزة
وكنت مستعد ابتدي صفحة معاكي من جديد وابتدي معاك عمر بس
بردو فضلت الغبي بتاعك ..
بس الغبي ميعرفش اللي فيها وميعرررفش انا اخترتك انتي
لييييه بالذاااات ...
كنزي بسخرية وألم:هه يعني انت مخترتنيش من فراغ بقى؟!
محمود:معقووول اختارك من فراغ بردو ‘ ده انا كنت دارسها
كووويس اوي
كنزي بتحدي:ورقك محرووووق اوووي زي قلبك يا محمود ‘ اعمل
اللي انت عايزه بس انا مش
هسيب حمزة تاني..
محمود:هه متخافيش بس هو اللي هيخليكي تموووتي وتذبلي زي
ما قتل ميّ!! انا كنت متأكد
انه مش هيقدر يبعد عن الاضواء والمجد كتييير وان اللي هو
عمله ده مسرحية هزلية
عشان يستعطف قلوب الناس..
كنزي بتقفل التلفون في وش محمود وترمي الموبايل بعيد
وتقول بنرفزة:
حيوووووووووووووووووووووووان
*****************************************
بعد ساعتين بتكون كنزي نايمة على سريرها وعمالة تعيط وفجأة
تلاقي الباب بيخبط بسرعة
تجري تفتح وهي خايفة فتلاقي حمزة اللي اول مابيشوفها
بيقلها بلهفة:
انتي كوويسة؟
كنزي بكذب:اه؟ ليه؟!
حمزة:اصل موبايلك مقفووول واتصلت بيكي كتير وكان مقفول
ولما اتصلت بيكي على البيت
مكنتيش بتردي فاتخضيت عليكي..
كنزي بإرتباك:اا انا كويسة اا نن انا بس حاسة ان عندي
إرهاق
حمزة:اطلبك دكتور
كنزي:لا لا لا انا كووويسة
حمزة بشك:انتي معيطة؟
كنزي:ها؟ انا ... لا
حمزة بيقرب منها ويقول وهو مكشر:ليه بتكدبي؟
كنزي:حمزة لو سمحت انا تعبانة ومحتاجة ارتاح
حمزة بصدمة:بمعنى؟
كنزي:عايزة انام بعد اذنك
حمزة بعصبية:مين دلوقتي بيهرب من التاني؟! هااااا؟ مش دي
مش من مبادئك؟
كنزي بنرفزة:حمززززززة انا عايزة انام وعايزة ارتااااح
لو سمحت
حمزة:يعني امشي؟
كنزي:...
حمزة بضيق:ماشي ‘ انا همشي براحتك
يخرج حمزة من هنا وتقفل كنزي الباب وتفضل تعيط وتقول:
انا اااسفة والله اسفة ‘ انا بحبك اوووي بس خايفة عليك ‘
خايفة لما تعرف الحقيقة تخاف وتبعد
وتفضل تعيط كتييير اووووي..
*************************************
وبعد دقيقة تلاقي الجرس بيرن
فتمسح دموعها بسرعة وتفتح
فتلاقي حمزة واقف وبيقول:
مينفعش بردو امشي بسهولة كده وانا حاسس ان فيه حاجه
كنزي واقفة مش مصدقة ان حمزة رجع ودموعها بتنزل منها
غصبن عنها
حمزة بلهفة:عايز اعرف مالك؟
كنزي بتعيط اكتر
حمزة يقرب منها ويحضنها ‘ تغمض كنزي عينها جوة حضنه
وتمسك في قميصه اوي
زي ما تكون لقت الأمان اللي بتدور عليه وتقول بتعب
وبإرهاق:
انا ااااسفة ‘ انا خايفة عليك والله خاااايفة
حمزة وهو حضنها اوي :
من ايه ؟
كنزي:فيه حاجة خايفة اقولها ليك ومش عارفة لو قلتها ليك
هتعمل ايه؟
حمزة باستغراب:ايه هي الحاجه دي؟
كنزي وهي لسه بتعيط:وقلت لو بعدتك عني يبقى احسن ‘ بس
انا خايفة لما تعرف الحاجة دي
ترجع تزعل مني ومتسامحنيش وتبعد عني..
حمزة يبعد كنزي عنه شوية ويقولها:في ايه يا كنزي؟ حاجة
ايه دي؟
كنزي بقلق وخوووف:
انا كك ككنت اعرف مي
حمزة بصدمة:ايه؟!
كنزي:اا انا كنت معاكم في الجامعة بس مكنتش انت بتاخد
بالك مني خالص
حمزة:يعني ايه؟
كنزي:انا صاحبة مي
حمزة:اييييه؟! صاحبتهاااا؟! مي عمرها ما حكتلي عنك
كنزي:لاني انا لما عرفت اني مي بتحبك مقدرتش اصارحها
بحبي كمان ليك وافتكرت انك
مجرد مؤلف وانا عشت شوية في احلامي بالارتباط بيك وخصوصا
لما لقيتك كمان بدأت
تميل لمي سافرت مع أهلي ‘ مي اتجوزتك ولما رجعت مرجعتش
اكلمها ..
حمزة:بعدين؟
كنزي:قررت اني انساكم واتمنى حياة كويسة ليكم ‘ بس كنت
فاكرة اني بقيت بكرهك ‘ كان
كل ما حد يجيب سيرتك ابقي عايزة اولع في قلبي اللي لسه
بيحبك وبعدها انا تعبت وانشغلت
بنفسي وفجأة سمعت خبر اختفائك ومكنتش اعرف ليه ولا كنت
اعرف ان مي ماتت..
حمزة:بس محمود كان عارف
كنزي وهي بتعيط:محموود مقليييش ‘ محمود لو كان قالي كان
عارف اني هرفض اني ادخل
حياتك تاني بالطريقة دي ..
حمزة باستغراب شديد:واشمعنا انتي؟
كنزي:عشان كان عارف اني ممكن انتقم منك
حمزة:تنتقمي مني انا؟!
كنزي:ايوة ...
حمزة بصدمة:ليييه؟! انا حتى مش فاكر اني اتعاملت معاكِ
في الجامعة
كنزي:بس انا كنت مجنوووونة بيك وانا اللي عرفت مي عليك!!
انا اللي كنت بشتري الروايات
بتاعتك واديها واقلها اقريه وهي كانت بتكره اسلوووبك ‘
بس انا كان عندي امل انك ممكن
تتغير.. بس للأسف الحظ خلاك تعرف مي ومتعرفنيش انا
حمزة:تقومي تفكري تنتقمي مني انا؟!
كنزي:ومييين قالك اني انتقمت!!
حمزة بعصبية:اماااال وافقتي محمود لييييه؟
كنزي بعصبية:معقووول لسه مفهمتش؟!! عشاااان حبيتك انت!!
عشاااان كنت بحلم بيك من زمان
كنت عايزة ادخل حياتك واعرف ايه اللي حصل بينك وبين مي؟!
ايه اللي خلاك تختفي!!
كنت عايزة اقلك مش معنى ان مي تمووت يبقى الدنيا وقفت!!
الدنيا مبتقفش على حد
يا حمززززة مبتقفش على حددددد !! كنت عايزة افهمك ان فيه
ناس بتحبك ومحتاجة منك
انك ترجع اكتر ما انت محتاج نفسك.. كنت عايزة افهمك انك
تواجه الدنيا لما تقع مش تنسحب
زي ما انا عملت!! انا خسرتك وخسرت صحبتي وكنت هخسر حياتي
كلها بس حاربت عشان
عندي أمل دايما ان في يوم من الايام ربنا هيعوووضني..وان
طول ما قلبي كان بيبنض بحبك
كان مديني قوة انا نفسي كنت مستغرباهااااا
................
استنوني الحلقة اللي جاية
