الحلقــــــــة الثالثــــــــــة
كنزي بتوتر تقوله:هو ... يعني انت ... كنت ليه بتعيط
امبارح؟
اول ما يسمع حمزة كده يقوم فجأة مفرمل العربية جامد ومبرق
اووووي ويبص لكنزي ويقولها:
انتي عرفتي ازاي؟!
كنزي بتوتر وارتباك:ا اانا سمعت صوت عياط وو وكده ‘ ولما
ط طلعت يعني وشوفت ا ان العياط
منك انت ‘ انا كنت عايزة اسألك مالك بس خفت فنزلت تاني
.. انا اتخضيت عليك مم مش اكتر
او قلقت من صوت العياط..
حمزة بزعيق جامد:
اسمعيني كويس ولآخر مرة هقلها ليكي! لحد ما تمشي وربنا
يسهل اوووعي تفتكري للحظة انك
عشان قاعدة معايا فممكن ده يخليكي تتدخلي في حياتي
براحتك!
كنزي قاعدة مرعوبة جمب حمزة وساكتة..
حمزة بيبص ليها باستغراب ويقول:مش بكلمك! فاااااااهمة
ولا لااااا؟
كنزي بكل هدوء بس تكون مرعوبة من جوة: على فكرة يا كابتن
صوتك العالي دليل على ضعف
موقفك يعني..
حمزة يضرب بايده بنرفزة وبقوة على الدريكسيون ويرجع يسوق
تاني..
************************************
اول ما يوصلوا فتاخد بالها كنزي من حديقة ورا البيت ‘
مكنتش واخده بالها منها قبل كده
فتبتسم لحمزة وتقوله:
ايه ده انت عندك جنينة...
حمزة يغمض عيونه زي ما يكون افتكر حاجة وبيحاول ينساها ‘
بعدين رجع فتحهم وشال
الحجات اللي جابوها من السوبر ماركت وقال باقتضاب:
اه
كنزي بكل عفوية: عندك جنينة حلوة محتاجة تهتم بيها
***********************************
فجأة يحس حمزة وكأن الدنيا رجعت بيه لورا وكأن الايام
جريت قدامه بسرعة ورجعت لورا
نفس البيت ونفس الحديقة بس كانت في حال أحسن من كده
وكانت مليانة ورد وفل وياسمين
حمزة يكون راجع من برة ويلاقي بنوتة في الحديقة اول ما
تشوفه تبتسم وتقوله:
ايه رأيك بقى دلوقتي في الجنينة؟ مش بزمتك كده أحلى
حبيبي؟
حمزة بعدم اهتمام:
اه اه
نفس البنوتة:
على فكرة يا حمزة انت عندك جنينة حلوة محتاجة منك تهتم
بيها
حمزة بعدم اهتمام:
كفاية انتي يا مي مهتمة بيها
******************************************
يرجع تاني حمزة للواقع ويلاقي الاكياس اللي كان شايلها
واقعة منه على الارض وكنزي
بتلم الحجات اللي واقعة وبتقوله:
انت ايه يا عم سرحت فين!!
حمزة بيسيب كل حاجه ويدخل البيت ويطلع على اوضته من غير
ولا كلمة..
كنزي وهي لسه بتلم الحجات اللي وقعت من حمزة من على الارض بتقول:
ماله المجنون ده؟! انت يا عم المجنووون
ميردش عليها حمزة ويسيبها لوحدها..
كنزي تلم كل الاكياس وتدخل البيت وتقول بنرفزة:ده لا
يمكن يكون سمع قبل كده عن حاجة اسمها
زوق!
وفجأة تلاقي حمزة قاعد في الصالة على الكرسي الخشب اللي
بيقعد عليه دايما ودموع نازلة
من عينه..
كنزي تقف متنحة ومتبقاش عارفة تعمل ايه أو تقول ايه ..
بتاخد الاكياس من سكات وتدخلهم
المطبخ ‘ بالها يكون مع حمزة اللي قاعد برة في الصالة
ودموعه نازلة وفي نفس الوقت بتحط
كل حاجة مكانها ..
بعد ما تخلص ترتيب الحجات تروح تعصر لمون وتعمله وتطلع
لحمزة..
تقف قدام حمزة وتمد ايدها ليه وتقوله:لمون يا كابتن يهدي
الاعصاب
حمزة مبيعلقش عليها ..
فترجع تقول:اشربه ‘ صدقني هيهديلك حالتك اوي ...
حمزة بعصبية يزق ايدها جامد لدرجة ان الكوباية تقع على
الارض وتتكسر ويقولها:
ملكيييش دعوووة بيا ‘ امشي بعييييد.. محدددددش لييييه
دعووووة بيااااا محدددش ليه دعووووة..
كنزي بنرفزة تقول:انت ليه دايما فاهم ان الكون مُسخر
ليك! وقت ما تحب تتكلم تتكلم ووقت
ما تكون مضايق يبقى خلااااص مش مسموح لحد انه يكلمك او
حتى يفهم انت مالك!!
حمزة يزق كنزي جامد بعيد عنه ‘ فتقع على الارض ويقلها:
قلتلك الخط اللي بيني وبينك اوعي انك تتخطيه
ويطلع برة البيت ويرزع الباب..
كنزي تفضل في مكانها على الارض وتبدأ تعيط ‘ في نفس
اللحظة سمعت صوت موبايلها..
************************************
كنزي بتجري على الموبايل اللي كانت سيباه بيشحن في
البيت.. بتبص على الشاشة بتلاقي اسم
شيماء مالي الشاشة..
كنزي بتمسح دموعها قبل ما ترد وتقول:شيمووو
شيماء:انتي فينك يا حيوانة انتي!! انتي مش عارفة اني
قلقانة عليكي؟
كنزي:انا الحمد الله
شيماء:ايوة عملتي ايه يعني؟
وفجأة يدخل حمزة فتقوم كنزي تقول:ايوة زي ما بقلك كده ‘
البامية عشان تبقى حلوة لازم
تعمليها بالطريقة اللي قلتلك عليها دي بقى..
شيماء:انتي عبيطة يا بت؟! بامية ايه دي!!
كنزي وهي بتعمل نفسها مندمجة:اسمعي الكلام وجوزك هيحبك
اكتر!!
شيماء:بصي اما تخلصي دور الجنون بتاعك ده ‘ ابقي كلميني
وقوليلي عملتي ايه
تقفل كنزي التلفون وتبص لحمزة اللي كان واقف مستني منها
تخلص التلفون وتقول:
مبيعرفووش يعملوا حاجه في حياتهم من غيري والله !
حمزة بتعجب:ياراجل؟!
كنزي:اه والله زي مبقولك كده
حمزة يمرر ايده في شعره الناعم اللي لونه أسود ويقول:
اا انا عايز اعتذر
كنزي تكشر شوية كده وتقول:لا والله كتير ده يا كابتن
يعني!!
حمزة باستغراب:هو ايه اللي كتير؟
كنزي:لا مش عشان انا طيبة تستغلني كده
حمزة يبعد خطوة عنها ويقول:استغلك ايه يا مجنونة انتي!
انتي هتجبيلي مصيبة
كنزي:مش انت جاي تعتذر يبقى ده استغلااال ولا مش
استغلاااال هااا هااا يعني ..
حمزة بابتسامة هادية:اعملك لمون بيهدي الاعصاب؟
بعدين يغمز لكنزي
فتضحك كنزي وتقول:ما انت كميلة اهو يا كابتن
حمزة يجز على سنانه ويقول:ياااااااااااارب ‘ هو انا مش
قلتلك اسمي حمزة؟
كنزي:اه عاشت الاسامي
حمزة:طب ايه كابتن كابتن كابتن!!
كنزي بكل براءة:بدلعك..
يا كابتن
حمزة بيشد في شعره ويقول:انا جعاااااااااااااان !! وعشان
عارف في الزوق ها ؟ واخد بالك يا عمر
فبسألك تحبي تاكلي ايه؟
كنزي تهرش في راسها بإحراج وتقول:هاه؟!
حمزة بسخرية:مفيش اصل فيه حد هنا سمعته هاا سمعته وسمعته
كويس اوي كمان ..
كنزي بتحاول تغير الموضوع فتقول:لا نتكلم جد شوية بقى
حمزة:ايه؟
كنزي:انت بتتقلب ليه كده؟
حمزة يكشر ويقول:ازاي؟
كنزي: لا يعني انت بتحب البامية ولا لا؟
حمزة يبتسم بهدوء ويقول:بحبها
كنزي:طب ما انت حلو اهو ‘ امال مين اللي قال انك وحش؟!
حمزة بيرفع حاجب وبيقول:محدش قال اني وحش ‘ دي كلمة
زيادة
كنزي بلخبطة:هاه يا راجل! اصل افتكرت انك قلت يعني ... ما علينا ...
خلينا نطبخ بقى
حمزة:نعم؟ انا سامع نون الجمع وكده
كنزي بانشكاح:ايوة طبعا ‘ مبدأ المساواة
حمزة:لا معلش انا عايز اوضح ليكي حاجة بسيطة خالص ..
كنزي:ايوة اتفضل طبعا ‘ من حقك
حمزة:انا قبل ما تشرفيني ‘ كنت بعمل لنفسي اي حاجه واعك
وكده ‘ فلو انتي عايزة من العك ده
ممكن اعملك ‘ غير كده مش هتلاقيني بتفاعل معاكي تمام..
كنزي:يا راااااجل كل ده عشااااان بقلك تعالى نطبخ ‘ بس
بس بس بس بس يا راجل .. اقعد انت
بقى واتفرج ..
حمزة:اتفرج على ايه؟
كنزي:تؤ لا قصدي يعني اقعد انت بقى وشووف انا هعمل ايه
حمزة:اممم طيب ‘ اتفضلي
انتي
كنزي:انت هتعمل ايه بقى ؟
حمزة:مش قولتي اقعد! هروح اقرأ كتاب ولا حاجه
كنزي:لا طبعاااا!!
حمزة:امال اعمل ايه؟
كنزي:لاااا طبعاااا !!
حمزة:ايوووة يعني عايزة مني ايه دلوقتي
كنزي:وضب الصفرة!! سهلة اهي مش محتاجة على فكرة
حمزة بعصبية:امممم ‘ انااا صح؟
كنزي:قانون المساواة
حمزة:يووووولع
كنزي:يوووه مش هتخليني اعمل حاجه وهتقعد ترغي كتيير
وتعطلني
حمزة:انا اللي برغي .. انااااا اللي برغي ‘ حقك عليا
كنزي:طيب طيب .. وسع بقى انا داخلة المطبخ
********************************************
بعد ساعة يكون حمزة قاعد جمب المكتبة وعمال بيقرأ في كتب
وبعدين يروح يبص في المكتبة
فيلاقي كتاب ‘ اول ما يشوفه وشه يتغير ويعرق .. يمسح
عرقه بسرعة ويحط الكتاب ويرجع
يقعد على الكرسي.. شوية كده ويبدأ يشم ريحة فيقول بصوت
عالي:
انتي يا اللي في المطبخ يا اخت كنزي!؟
كنزي من جوة المطبخ:ايوة؟
حمزة:ايه ريحة الشياط دي؟
كنزي:لا متقلقش كله تحت السيطرة
حمزة بخوف وقلق:متأكدة؟
كنزي:طبعا طبعا
وبعد شوية تخرج كنزي وهي حزينة وتقعد على الكنبة فيقولها
حمزة:
ايه مالك؟
كنزي:ممم مفيش ‘ خلصت الاكل
حمزة:بجد؟ طب يلا ناكل
كنزي:اممم ماشي ‘ خش بقى جيب الحجات من جوة
حمزة:ماشي
يدخل حمزة المطبخ بحماس وبعد دقيقة يطلع ماسك طبق جبنة
وفوقه زتون ويقول :
ايه ده؟!
كنزي بكل براءة:الاكل
حمزة:هو ده الاكل اللي بقالك ساعتين جووووة المطبخ
بتعمليه!!
كنزي:لا بص هقلك انا
حمزة :ايوة سااامعك
كنزي:انا والله مش عارفة ايه اللي حصل ‘ بس واضح كده اني
متوترة شووية فلقيت الاكل شاط
مني ..
حمزة :شاااااااااااط آآآآآآآه اهلاااا وسهلاااا
كنزي بابتسامة منشكحة:اهلاااا بيك ‘ ايه رأيك في
المفاجأة
حمزة:مش قادر اقلك ! ابهرتيني
كنزي: عارفة والله ‘ انا قلت كده بردو انت عامل حسابك
على المحمر والمشمر تقوم داخل تلاقي
جبنة وزتون هتتبسط اكيد..
حمزة بسخرية:وقالك وسع ‘ وهتشوووف وهتبص وتلاقي‘ وعمالة توصفي البامية لصحبتك في
التلفون وانتي اصلاااا متعرفيش الفرق ما بين الرز
والمكروووونة..
كنزي:على فكرة بقى انا قلتلك ‘ انا لما بتوتر كل حاجة
بتبوظ مني
حمزة:افهم لما انتييي ملكيش في الطبييييييخ بتفتي
ليييييييييه!! كنتي خلتيني اعملنا مكرووونة
ناكلها .. مش ساعتين مستني وفي الاخر الاقي جبنة بزتون!
كنزي:هي دي كلمة شكرا يا كابتن؟
حمزة:ياخد الاكل ويحطه على الطرابيزة ويجيب العيش ويبتدي
ياكل دون اي اهتمام ..
كنزي:ايه ده انت هتاكل الاكل كله لوحدك
حمزة بسخرية:معلش اصل صينية البطاطس اللي باكلها تحفة
لدرجة اني مش قادر اسيب ولا
فتفوووتة!!
كنزي:اتريق اتريق ‘ بكرة بقى ادخل انت واتفلسف يا عبقري
حمزة:انا مش فاهم شحطة زيك ومبتعرفش تطبخ ازاي
كنزي بتبرق وبتعجب:شحطة!!
حمزة:وجعتك اوووي؟ تخيلي انتي يعيني الراجل اللي هيتجوزك
راجع تعبان من شغله ويكون
مستني ساعتين ‘ تقومي
تطلعي بطلتك البهية دي تقوليلوا اسفة اصل الاكل شاط عشان اتوترت!!
ده مش بعيد هو يقوم متوتر على خلقتك دي..
كنزي بعصبية:انت مش بس معندكش زوق ولسانك طووويل كمان!!
***************************************
حمزة يكون لسه بيحط اللقمة في بقة ولما يسمع جملة كنزي
وهي بتقوله:
انت مش بس معندكش زوق ولسانك طوويل كمان!!
ترجع الايام بيه لورا لأول يوم شاف فيه مي لما كانوا هما
الاتنين في مكتبة الجامعة..
ويكونوا الاتنين بيدورا على كتاب وفجأة يخبطوا في بعض ‘
الكتب كلها اللي كانت في ايد مي
تقع على الارض ‘ حمزة يبص لمي بعدم اهتمام ويقلها:ابقي
فتحي يا انسة
ولسه هيمشي فمي ترد عليه وتقوله:يعني غلطان ومعنكش ذوق
وكمان لسانك طويل!!
**************************************
يرجع حمزة للواقع فيرجع اللقمة اللي كان هياكلها ويقول
بتكشيرة وحزن:
انا شبعت
كنزي باستغراب:مالك؟
حمزة باقتضاب:مفيش
كنزي:امال انت ليه اتغيرت كده زي ما تكون افتكرت حاجة؟
حمزة بتوتر:مم ممفيش حاجه
كنزي:انا عارفة ان انت حاطط ليا خط والمفروض متعدهوش بس
انا عايزة اعرف انت ليه
حاطط الخط ده اصلا؟
حمزة:كده احسنلك واحسنلي
كنزي بعدم فهم:لييييييه عاااايزة اعرف!!
حمزة:انا قررت من زمان اعتزل الناس كلها يا كنزي وانتي
اللي جيتي واصريتي تقتحمي حياتي
ومعرفش طلعتيلي منين ‘ فاحسنلك انه يكون بينا خطووط
متتعدهاش..
كنزي بترجي:افرض انا عايزة انط كل الحواجز اللي انت
حاططها دي؟
حمزة بخوف وتكشير اكتر: افضلك تكوني بعيد
كنزي بنرفزة:انا لييييه بحسك جبااااان؟!
حمزة بعصبية:يووووووووووه وانتي ليه زنانة وغبية!!
كنزي:انا مش غبية يا حمزة !! انا مش غبية!! انا بجازف
عشان افهم انت مالك وفيك ايه؟
حمزة:هيهمك في ايه!! انتي عربيتك عطلت ولما نشوف صرفة
ليها هتروحي وهتنسيني وانا
كمان هنساكِ..
كنزي:افرض انا مش عايزة اكون مجرد عابرة سبيل
حمزة بضيق ونرفزة:انتي مجنووونة!! انتي مين اصلاااا ولا
انا مين ليكي عشان نتخطى كل
الحواجز اللي بينا!!
كنزي بضيق:انت صح ‘ انا مييين!! انا مجرد بنت غبية مزعجة
‘ القدر وقعها في طريقك
وانت مجرد انسان جبان عايش جوة كهوف وحدتك اللي مش قادرة
افهم سببها لحد دلوقتي ايه!!
حمزة بعصبية اكتر:انتي متعررررفيش عني اي حاجة
كنزي تحاول تستفزه اكتر وتروح ناحية المكتبة:انااا فعلا
معرفش عنك حاجة !
تبص للمكتبة وتكمل وتقول:انا معرررفش كل الكتب دي هنا
ليه!
بعدين تشاور على الاسطوانة اللي كسرتها اول يوم:انا حتى
معرفش انت ليه اضايقت اوي
لما كسرت الاسطوانة دي ..
بعدين تقف قدام السلالم وتقول:انا حتى معرررفش الاوض
اللي فوق دي فيها ايه
ولسه هتبدأ تطلع حمزة يصرخ ويقول:اقفي مكانك
كنزي بتحدي واستفزاز لحمزة:لااا وهطلع واشوف الاوض دي
فيها ايه
حمزة بتبريقة مخيفة وصريخ:كنززززززززززززي
تطلع كنزي بسرعة تفتح اول اوضة في وشها وتتفاجأ لما
تلاقي قدامها
................
استنوني الحلقة اللي جاية
