الحلقــــــة السادســـة عشــــر
بعد ما كنزي تخلص كلامها تسكت ويفضل حمزة باصص عليها
وساكت..
كنزي باستغراب:ساكت ليه؟
حمزة:يا ترى فيه حاجة كمان مخبياها عليا؟
كنزي:لا السرين دول وخلاص كل حاجة بانت
حمزة يسكت شوية وبعدين يبص لكنزي فيلاقيها بتبص ليه بكل
قلق وتوتر..
حمزة:عطشان ‘ معندكيش مية انتي هنا ولا ايه؟!
كنزي:ها؟
حمزة:عطشااان
كنزي بإرتباك:اا طب انا انا هقوم اجيبلك مية
وتدخل كنزي المطبخ وتفضل واقفة في النص مرتبكة ومش عارفة
تعمل ايه وتقول لنفسها:
هو قال عايز ايه؟!
آآه آآه مية مية
وبعدين تروح ناحية البوتاجازوتفتح الفرن وتقول:
تؤ انا ايه اللي بعمله ده
وبعدين تروح للتلاجة وتجيب مية وتطلع تاني لحمزة..
حمزة بعد ما يشرب يغمض عينه ويقول:
مش عارف قلبي ماله؟
كنزي تتخض وتقول:
مالك يا حمزة؟ مالك؟ اطلبلك الدكتور
حمزة وهو مغمض عينه :قلبي
كنزي بتقول بخضة اكتر: ماله؟
حمزة وهو بيفتح عين واحدة: شكله بيدق
كنزي تقف وهي مصدومة وتقول:ها؟
حمزة يفتح عينه التانية ويغمز وبعدين يقلها:شكله بيدق
كنزي:تؤ استغفر الله العظييييم يعني دي مش اخلاق كده يا
كابتن
حمزة يضحك:هههههه من حقي يا ستي اخضك مقابل الكام مرة
اللي كدبتي فيهم عليا
كنزي:انا مكدبتش
حمزة:خبيبتي
كنزي:عشانك مش عشاني
حمزة:طيب وقلبي؟
كنزي بإحراج:ماله؟
حمزة:ايه هنعمل فيه ايه؟
كنزي بتاخد كوباية المية وتقول:
اا اانا هرجعها بقى وكده
حمزة:طب هو انا ينفع اتجوزك
كنزي من الصدمة تقع كوباية المية من ايدها وتكون مبرقة
من الاندهاش..
حمزة:كنزي؟
كنزي:...
حمزة:كنزي هو انا قلت حاجة غلط؟
كنزي:هو انت عيان؟؟
حمزة:لا
كنزي:انت متأكد
حمزة:لا مش عيان
كنزي:لا متأكد من طلبك
حمزة:ايووة ومقتنع بيه
كنزي بخوف:ي يعني انت فعلا قلبك حس بقلبي؟
حمزة:واتحرك من ساعة ما دخلتي البيت بدوشتك
كنزي تبتسم شوية وبعدين ابتسامتها تزيد وبعدين تزيد اكتر
وتقول:
انت مستعد تفتح صفحة جديدة في حياتك معايا؟
حمزة:واحدة زيك قدرت تجبني من جوة سجن انا نفسي مكنتش
عارف اخرج منه يبقى تستاهل
اني اقدملها روووحي كلها ليها واعوضها عن اي لحظة حرمان
عاشتها بسببي..
كنزي باندهاش:ههههههه اناااا مش مصددددقة ‘ حاسة اني
بحلم
حمزة يقرب منها ويمسك ايدها ويقول:لا انتي اللي حلم
وخايف اصحى منه
كنزي تبتسم بإحراج..
****************************************
فجأة يرن تلفون كنزي فحمزة يقلها :مين؟
كنزي بتلقائية:لا دي الدكتورة اللي بتابع معاها
حمزة باستغراب:تتابعي معاها على ايه؟
كنزي:بتابع باستمرار عشان موضوع السرطان يعني وكده
حمزة بتردد:كنت عايز اتكلم في الموضوع ده معاكي
كنزي:طب استنى ارد عليها ..
كنزي ترد:الو ‘ ايوة يا دكتورة ‘ ايوة عارفة انا انشغلت
المرة اللي فاتت ومحضرتش ‘ حاضر
لا حاضر خلاص مش هفوت مرة تانية ‘ عارفة والله يا
دكتورة..
تقفل كنزي التلفون فيقولها حمزة:ايه؟
كنزي بتلقائية:مفيش هزقتني شوية
حمزة:ليه؟
كنزي:يعني عشان المفروض مفوتش ولا مرة من مرات المتابعة
حمزة:ليه؟
كنزي بتلقائية اكتر:عشان ده فيه خطر على صحتي ‘ يعني لو
لقدر الله فيه بوادر تانية للمرض
نلحقها بسرعة..
حمزة:يعني عدم شيلانك للرحم عاملك ازمة؟
كنزي بتلقائية:اه
حمزة:هو ده بقى الموضوع اللي كنت حابب اتكلم فيه معاكي
كنزي بابتسامة:ايه بقى؟ عايز تقول ايه؟
حمزة:كنزي انتي لازم تشيلي الرحم عشان متفضليش معرضة
للخطر كده من اللحظة والتانية
كنزي بصدمة:يعني ايه؟
حمزة بيمسك ايدها ويقول برقة:حبيبتي انا مش مستعد اخسر
حد تاني في حياتي ‘ ووجودنا
مع بعض ده كفاية اوووي..
كنزي بابتسامة فيها الم وتقول:بس انا نفسي في بيبي
وخصوصا لو منك
حمزة:حبيبتي انا مش فارق معايا والله العظيم ‘ صحتك عندي
اهم ‘ مش عايز اخسرك عشان
حاجة مش مهمةاوووي..
كنزي بصدمة واستغراب:مش مهمة اوي؟! ازاي يعني؟؟
حمزة:يعني ياما ناس عايشة من غير اطفال وحياتهم حلوووة ‘
ارضي بنصيبك حبيبتي ‘ ربنا
مش كاتبلك انك تخلفي ..
كنزي:هه!! انت بتتكلم بجد؟!
حمزة:ايوة بتكلم بجد!! انا مش هسيبك تعرضي نفسك وتعرضيني
للخسارة تاني!!
كنزي بضيق:بمعنى؟؟؟
حمزة:بمعنى انك لازم تعملي العملية وتشيلي من دماغك فكرة
انك تخلفي
كنزي بعصبية:وحلميييي انااااااااا فين؟؟؟ هاااااااا
فييييييينه في حياتك؟؟؟؟ ولا هو المهم
رغبات حضرررررتك وبس؟!
حمزة بنرفزة:انااااا بعمل كده عشان مصحاش في يوم الاقيكي
وانتي حامل عيانة بالزفت
ويخطفك مني؟!!! تقدري تقوووليلي وقتها هيبقى الوضع عامل
ازاي؟! هتكون حققتي حلمك؟
او اصحى في يوم الاقي ان بسبب الطفل ده عمل مصيبة خدتك
انتي وهوووووو وسبتوووني
لوووووووووحدي؟!!!
كنزي بدموع:انااااااااااني ‘ وجباااااااااان!! انت لسه
زي ما انت يا حمززززززة متغيررررتش
لسه عاااايز كل حاجة ترضيك انت وبس!! احلامك وطموحاتك
ووووووبس!! لكن اي حد تاني
معاك مش مهممممم صح؟؟؟ مش مهمممممم..
حمزة بزعيق:انتي ازااااي تقووولي كده؟! انا خايف عليكي ‘
خايف اخسررررررك زي ما
خسرت.........
كنزي بدموع:كمل؟ زي ما خسرت مي ولي لي صح؟! فتدفن حلم
انا حاااااااااربت عشاااانه
تدفن قووووتي وصبرررري اني اعددددي مرررررض زي ده!!!
حمزة وهو بيجز على سنانه:مشش مستعدددددد اجااااااازف
بيكي تاني.. مش مستعدددد
اجيب اطفال تاخدك للموت برجليهم..
كنزي بانهيار:انااااااااا مش مي ‘ اناااااا محدددددددش
خدني للموووووووت ولا البيبي
اللي هيجي هيبقى سبب موووووووتي!! فووووووووووووووووق
بقى!!
حمزة يسكت ويمرر بايده على شعره بعصبية ويقول:
هسيك تفكري وتهدي مع نفسك ‘ ومتنسيش تروحي تتابعي مع
الدكتورة يا كنزي.. سلام
يمشي حمزة وهو مضايق جدا وتقعد كنزي بعد ما كانت وواقفة
وهي بتعيط جامد اوي
*********************************
بعد ساعات تلبس كنزي وتنزل تروح المجلة وتقدم
استقالتها..
المديرة:ليه كده يا كنزي؟ انتي هنا من اشطر الناس واللي
قدروا يثبتوا نفسهم في فترة قصيرة
جدااا؟؟
كنزي:معلش بس انا تعبانة دلوقتي ومشوشة اووي ومش قادرة
اركز في حاجة
المديرة:لو مشوشة فعلا يبقى اسهل حاجة تغطسي فيها هي
الشغل
كنزي:مش هقدر اديله اي حاجة ‘ انا عارفة نفسي كويس
المديرة:ممممم
كنزي:معلش لو سمحتي وافقي على طلب الاستقالة
المديرة:لا انا هوافق على اجازة من غير مرتب
كنزي:مصممة بردو؟
المديرة:استحالة افرط في صحافية شاطرة زيك كده ..
كنزي:بس انا معرفش غيبتي هتطول لامتى
المديرة:مش هتطولي كتير ان شاء الله ..
كنزي:تمام ‘ شكرا على ثقتك دي
المديرة بابتسامة:حلي مشاكلك بسرعة وارجعي لينا بقى يا
بطلة
كنزي ابتسمت بألم والكلمة الوحيدة اللي بترن في ودانها:
ارجعي لينا يا بطلة .. يا بطلة .. يا بطلة .. يا بطلة..
**************************************
بتروح كنزي المستشفى وهناك الدكتورة بتكشف عليها وبعد ما
تخلص كشف تقولها:
مناعتك ضعيييفة اوي يا كنزي! انت مش بتعملي الحجات اللي
بقلك عليها ولا ايه
كنزي بإرتباك:اا ككنت بنفذه بس بس يعني ...
الدكتورة مقاطعة:انتي مش عايزة تحافظي على نفسك ولا
ايه؟!
كنزي:لا عايزة
الدكتورة:او نشيل الرحم ونقطع علينا بقى الخوف من مرحلة
رجوع المرض ليكي
كنزي:لااااااا الا كده
الدكتورة:يبقى حاولي تخلي بالك من صحتك ولووو سمحتي
متتأخريش في المتابعة
كنزي:حاضر
************************************
بعد اسبوعين تكون كنزي قاعدة في البيت ومعاها شيماء..
شيماء:طيب متصلش بيكي؟
كنزي بحزن شديد:لا !!
شيماء:يمكن سايبك تفكري
كنزي:بيلوي دراعي
تكح كنزي
شيماء بتردد:مم ماهو بصراحة عنده حق !
كنزي:لا معندهوووش حق!! عشان عارف اني روحي وحلمي كله
متوقفة في بيبي واحد يجي
ترجع تكح تاني..
شيماء باستغراب:مالك يا كنزي؟
كنزي:عادي كحة مسكاني
شيماء:كنزززي انتي صحتك بتتدهور ومش عاجبني منظرك
كنزي:انا في ايه ولا في ايه دلوقتي يا شيماء
شيماء:بس سؤال يعني معلش بقى يعني انتي متأكدة منين انك
هتخلفي؟! مش يمكن انا اسفة يعني يا
كنزي في اللي هقوله ده بس مش يمكن تطلعي مبتخلفيش!!
كنزي بألم:ساعتها هبقى عارفة ان ده حكم ربنا وقدره وهرضى
بيييه
شيماء:طب ما ده كمان حكم ربنا
كنزي:والحمد الله ولا اعتراااض عليه ‘ بس لما يبقى عندي
فرررصة يبقى ليه اضيعها؟!
شيماء:طب اهدي كده وان شاء الله كل حاجة خير حبيبتي
كنزي بخوف:تفتكري ممكن ينسحب من حياتي؟
شيماء:اللي انا واخده بالي منه ان حمزة حبك بجد يا كنزي
‘ شاف فيكي طاقة أمل من تاني
هو بس خايف..
كنزي:مينفعش يخاف والا كده معناه انه متغيرش!!
شيماء:غصبن عنه بردو يا كنزي
كنزي بعصبية:وانااااااااا؟؟
شيماء:انتي كمان غصبن عنك ‘ بصراحة انتم الاتنين موقفكم
صعب اوووي
كنزي:المفروض بقى انه يبطل انانية بقى وميفكرش في نفسه
وبس
شيماء:هو خوف
كنزي:انانية اكتر من خوف!
شيماء:اكيد هو بيفكر زيك ويمكن اكتر منك كمان .. ان
الانسان يتبدل عشان انسان تاني مش
بتيجي بسهولة..
كنزي:وانا سيباه على راحته اهو
****************************************
بعد يومين بتصحى كنزي بتكح كتير بتحاول تقوم عشان تجيب
مية ليها بس بتكون مش قادرة
من كتر الكح ..
شباك اوضتها كان بيترزع من الهوا .. تحاول كنزي تقوم بعد
ما الكحة تهدى شوية وتقوم تجيب
المية ليها وتشرب دوا للكحة وتقفل الشباك وتنام ..
بعد دقايق ترجع الكحة تاني تصحيها بس المرادي بتكون اقوى
بتاخد الموبايل وتتصل بشيماء:
شيماء ترد وهي نايمة:ايوة يا مزعجة؟
كنزي بعد كح كتير:شش شيماء انا .....
.........................
استنوني الحلقة اللي جاية
