الحلقــــــــة الثامنـــــــــة
حمزة:يووووه بقى انا داااخل انااام
مي بزعيق:كالعادة حتى بقى مش من حقي اشتكيييلك شووية!!
اناااااني زي ما انت انااااااني
ولسه حمزة هيزعق لمي لقاها بتدوخ وبتغمض عينها..
حمزة بقلق:مي مي مي مالك؟
مي:دايخة شووية
حمزة بقلق شديد:من ايه يا حبيبتي؟ مي انتي كلتي
النهاردة؟؟
مي:اه
حمزة:متأكده؟
مي:ايوة يا حمزة
حمزة:امال مالك بس؟ ليه دوختي كده
مي بضيق:عشان انا حامل
حمزة متفاجىء وبدهشة اوي:ايه؟ بتتكلمي بجد؟؟
مي:ايوة
حمزة:وكنتي عااارفة وساااكتة!!
مي:انا عارفة بقالي يومين يا حمزة
حمزة باستغراب:ومقلتليييش؟؟؟؟
مي بسخرية:هه واقلك فين ؟ في الحلم؟ ولا اقلك فين؟؟ هو
انا بتلم عليك عشان اقلك!! ده انا
حتى اليوم اللي عرفت فيه ووضبت لينا عشا رومانسي عشان
اقلك يا حمزة ‘ نمت على الكنبة
من كتر ما استنيتك وصحتني عشان انام ولقيتك نمت على طول
من غير ما تسألني عن اخباري!!
حمزة بأسف وحزن: والله غصبن عني وعارف اني محقوقلك
كتييير
مي:حمزة لو سمحت ‘ انا عايزة انزل اعيش في مصر
حمزة بصدمة:ايه؟
مي:زي ما سمعتني كده ‘ عايز تفضل في لندن وتنزلنا اجازات
معنديش مانع ! كده كده مبنتلمش
على بعض ..
حمزة متاخد من قرار مي:بس ....
مي:بس ايه؟! تقدر تقولي انا هنا بعمل ايه؟ مليش لازمة ..
على الاقل هناك في مصر هبقى جمب
ماما خصوصا في شهور حملي الاخيرة..
حمزة:بس يا مي احنا متفقناش على كده؟
مي:على ؟
حمزة:اني اعيش في حتة وانتي في حتة بعيدة عني؟!
مي:ايه ده هو انا عايشة معاك؟ مش لوحدي؟
حمزة بنرفزة:مممممي !!
مي:ايوة يا حمزة؟
حمزة وهو بيجز على سنانه:من فضلك من غير تررريقة! عشان
مش طاااالبة
مي:اوك من غير تريقة عايزة ارجع مصر
حمزة:وانا؟
مي:كمل هنا لو حابب وابقى انزلنا في الاجازات
حمزة:مقدرش على بعدك
مي:والحل؟
حمزة بعد صمت طويل:اديني مهلة افكر واشوف هنعمل ايه
مي:حاضر يا حمزة ‘ تصبح على خير
حمزة يمسك ايد مي ويقول:استني يا مي
مي:ايه؟
حمزة برقة يقعد مي جمبه ‘ مي تكون قاعدة مكشرة ومضايقة
.. حمزة يشيل شعر مي برقة من
على ودانها ويهمس ويقولها:فيه حامل تبقى امورة ومضايقة
كده؟
مي بدلع:ما انت برضو يا حمزة مضايقني
حمزة بهمس:منا قلتلك انا وحش والله ‘ عشان مش مقدر
الجوهرة اللي في ايدي دي
يتنهد حمزة ويقول:انا عارف يا مي اني ظالمك كتير اوووي ‘
بس غصبن عني .. انا بكبر يا مي
مي بتنهيدة:وانا مقدرة وبالعكس انا فرحانة اووووي بيك بس
اللي بيضايقني انك بقيت بتنساني
يا حمزة ..
حمزة بيبوس مي من خدها:مقدرش والله !! انتي هنا
وشاور على قلبه..
مي:بس اوعدني انك تفكر في امر نزولي.. ارجوووك يا حمزة
انا محتاجة ده
حمزة:ياه للدرجادي القعدة هنا مضايقاكي
مي:غصبن عني بس مش عارفة اتأقلم
حمزة:حاضر يا مي هفكر..
ويشيل حمزة مي برقة ويدخلوا الاوضة سوا..
*********************************************
بعد اسبوع مي كانت قاعدة على الكنبة بتقرأ في مجلة لما
دخل حمزة ينادي عليها بحماس:
مي يا مي ‘ مممي حبيبتي ..
مي:ايوة حبيبي انا هنا
حمزة:خلاص حبيبتي ‘ هنسافر ان شاء الله
مي:ايه؟ بجدد؟ بجد يا حمزة؟؟
حمزة:طبعا معقول محققلكيش اللي انتي محتاجاه ‘ عشان
تعرفي اني بحبك والله يا مي
مي:عارفة والله يا حمزة بس انت ساعات بتنسى نفسك ..المهم
احكيلي عملت ايه؟
حمزة:مفيش انا من فترة كان اتعرض عليا كذا عرض طبعا رجعت
اشوف العروض
دي واللي زادت بعد ما اتشهرت اكتر واخترت احسنها ..
مي بتحضن حمزة بحب وفرحة كبيرة:ربنا يخليك ليا يا احلى
حمزة..
حمزة بيحط ايده على بطن مي بحب ويقولها:
ويخليكي ليا انتي والنونو الصغنن ده.. قوليلي صحيح النون
وده عايزاه يبقى ايه؟
مي:انت عايزه ايه؟
حمزة:بنوووتة كميلة كده
مي:ياااارب تبقى بنووتة تتربى وتتدلع في عزك يارب
حمزة:نفسك تسميها ايه بقى؟
مي:اممم نفسي في اسم لي لي .. ايه رأيك؟
حمزة:حلوو واسم مختلف
مي:طب حبيبي هنسافر على امتى كده؟
حمزة:على الاسبوع اللي جاي ان شاء الله
مي:يعني ابتدي اوضب حاجتنا؟
حمزة:ايوة يا روحي..
***************************************
يفوق حمزة من ذكرياته على سؤال كنزي:ها وبعدين لما
رجعتوا مصر ايه اللي حصل؟
حمزة بحزن:رجعت انشغل تاني عن مي ‘ بس كنت مطمن شوية
عليها عشان مامتها معاها
كنزي:مامتها عاشت معاكم؟
حمزة:ايوة كنت جبت فيلا لينا وخلينا مامتها تعيش معانا
وده اللي خلاني ارجع اهملها
تاني وهي في أشد وقت محتاجاني فيه..
كنزي :ليه؟
حمزة:كنت رئيس تحرير وقتها لجريدة وكنت بصدر بالروايتين
في السنة وكنت ببقى مضغوط
في المؤتمرات الصحفية والمعارض والندوات الأدبية..
كنزي:وبعدين؟
حمزة:جت لي لي ونوّرت حياتنا
يسكت حمزة لما تيجي سيرة لي لي ويعض على شفايفه زي ما
يكون مانع نفسه من العياط..
كنزي تسكت خالص ومتتكملش وتسيب حمزة براحته..
حمزة يسرح من تاني جوة ذكرياته
*****************************************
حمزة قاعد جمب مي في المستشفى ولي لي في حضن مي..
حمزة بفرح:تشبهك اوي يا مي؟
مي بفرح: اخيرا حتة منك نوّرت دنيتي ‘ عشان اما تنشغل
عني كعادتك ‘ الاقيها هي بتونسني
وتعوضني غيابك..
حمزة يبوس ايد لي لي الصغيرة خالص ويقولها:
لي لي خلي بالك من مامي دايما ومتتشاقيش هاا
مامة مي:ربنا يخليهالكوا يا حبايبي
مي بفرح:يارب يا ماما
حمزة:هاتي اشيلها كده
مي:بس براحة والنبي يا حمزة
حمزة:ههههه حاضر يا مامي
حمزة يشيل لي لي برقة وبخووف ويبوسها من راسها وبعدين
يمسك كفها الصغير خالص ويقول
لمي:
بصي ايدها صغيرة خالص ازاي؟
مي:ايوة حبيبتي ماشاء الله صغنونة اوي
حمزة:هو انا ينفع اكل ايدها؟
مي:نعم؟!
حمزة:هههههههه بهزر بس اصل ايدها صغننة اوووي وتتاكل كده
مي:هااات يا حمزة شكلك جعان حبيبي
حمزة:اوووي
وبعدين يلعب حواجبه لمي عشان يغيظها..
مي:هات البنت يا حمزة والله ممكن تاكلها وانت جعان كده
حمزة بهزار:ادهالك وتبووسيني
مي:يا بايخ مش في المستشفى
حمزة:مليييش دعوووة
مي:حمزززة!!
وبعدين تهمس ليه:ماما قاعدة
حمزة:ملييش دعوة
وياخد ايد لي لي ويقربها على بقه ويقول:هااا هاكلها
اهووو
مي:لااا يا سخيف ‘ طيب قرب يلااا
حمزة يقرب من مي فتبوسه من خده ‘ في نفس الوقت تدخل
الممرضة وتشوف المنظر فتنحرج
وتقول:
احم انا اسفة ‘ بس كنا محتاجين ناخد لي لي عشان نوزنها..
مي بإحراج:اه اتفضلي
واول ما تخرج تبص لحمزة وهي مكشرة:شفتتتتتتتت
حمزة يضحك:هههههههههههه بمووت فيكي وانتي مكسوووفة كده
مي:اخص عليك يا حمزة..
حمزة:طيب حبيبتي هبقى اعدي عليكي بليل ‘ لازم امشي
مي بزعل:هو انت لحقت؟!
حمزة:غصبن عني يا مي
مي بزعل:ماشي يا حمزة
حمزة يبوس مي من راسها بسرعة وينزل جري
*************************************
يفوق حمزة ويبص لكنزي اللي كانت ساكتة ويقولها:
ساكتة ليه؟
كنزي بهدوء وبابتسامة هادية:مستنياك ترجعلي من الماضي
حمزة بحزن:معلش غصبن عني لما بحكي ‘ بسافر لبعيد اوووي
كنزي:وانا تعبت اجري وراك فقلت استناك لحد اما ترجع
حمزة يبص في عيون كنزي ويحس باحساس غريب فيقول:
مش فاهم؟
كنزي:متاخدش في بالك..
حمزة:مالك؟
كنزي:ايييه؟؟ مالك انت
حمزة باندهاش:ما انتي كنتي هادية ولذيذة ‘ العفريت اللي
جواكي صحي ولاايه؟
كنزي بتوتر:عفريت ايه !! ربنا يحرسني يا كابتن انت بس
اللي مريب
حمزة:انا بردو؟
كنزي:اه .. انت .. اهوو انت ! لو بصيت في المراية هتلاقي
طبعا انه انت
حمزة:طب بس بس بس مش لازم الراديو ده يشتغل
كنزي:طيب كمل..
حمزة:مرت الايام والشهور ولي لي بتكبر وانا ابعد اكتر
وانشغل اكتر واكتر
كنزي:ومي كانت بتعمل ايه؟
حمزة:لي لي شغلت الفراغ اللي انا بسيبه في حياتها ‘
واتوفت مامتها وطبعا الفترة دي
انا أجلت كل حاجة لحد ما مي ترجع تعيش حياتها عادي
تاني..
كنزي:وبعدين ؟؟
حمزة بيقف شوية عن الكلام ويكمل:
واشتريت البيت ده
كنزي:ده؟ والفيلا بتاعتكم؟
حمزة:لسه زي ما هي ‘ بس قررنا نعيش في ده في الاجازات
كنزي:اه بس اشمعنا اختارتوه بعيد اوي كده؟
حمزة:انا ومي اللي قررنا انه يكون بعيد ‘ بعيد عن اي
دوشة وبعيد ان عيون الكاميرا
والصحافة اللي بقت بتلاحقني في كل مكان ..
كنزي:وبعدين؟
حمزة:كنا ماشيين في مرة ومسافرين الساحل ولقينا البيت ده
هنا في الطريق لا هو في الساحل
ولا هو في منطقة معينة ‘ هو في النص كده.. عجبنا جدااا
واشتريناه فعلا .. وبقينا نيجي هنا
في الاجازات بس مكنتش بطول!!
كنزي:ليه؟
حمزة:عشان كنت دايما ببقى مشغول..
كنزي:وبعدين؟
حمزة:قدرت مي تحول البيت المهجور ده لــ جنة وزرعت
الجنينة اللي برة وعملته كأنه بيت
هنعيش فيه حياتنا واهتمت بأوضة لي لي.. كانت بتحب البيت
ده اكتر من الفيلا اللي هناك..
كنزي:عشان كده قررت انك تنسحب من الدنيا هنا؟
حمزة:ايوة؟
كنزي بخوف وتوتر:و وايه اللي حصل بعدين؟
حمزة يغمض عينه ويبتدي يسمع صوت صريخ جوة في ودانه وكأنه
بيشوف اللي حصل
قدام عينه ..
كنزي بخوف تلاقي حمزة بدأ يحط ايده على ودنه ويغمض عينه
كأنه رافض يسمع اي حاجه
كنزي:حمزة؟؟ مالك؟؟
حمزة جواه اخر مشهد لمي ولي لي ‘ صوت ضحكهم بيخترق
ودااانه ممزوج مع صوت صريخ
مي:
لاااااااااا لي لي لااااااااااااااا ‘ حااااااااسبي
كنزي:حمزة مالك يا حمزة؟
حمزة يحط ايده اكتر على ودانه والصوت يزداد اكتر في
ودانه .. صوت لي لي وهي
بتضحك وبتقول:
بب بب بب بب
مع صوت صريخ مي: لـــــــــــــــــــي
لـــــــــــــــــي
استنوني الحلقة اللي جاية
